أو

الدخول بواسطة حسابك بمواقع التواصل

#1

افتراضي بالله عليكم حد يشوفلى حل انا تعبت

السلام عليكم ازيكم يا بنات
انا بصرااحه مش عضوة فى المنتدى بس انا بدخل المنتدى كتييير وبتعمل حاجات كتير اوووى منكم ربنا يبارك فيكم بجد بنات محترمة




انا حبيت ادخل من عضوية واحدة صاحبتى بس هى من فترة كبيرة مادخلتش المنتدى علشان انا بجد عندى مصيبة وعايزة حل ليها لا مصيبة ايه دى بالنسبة لى اكتر من كارثة بصو يا بنات انا عندى 19 سنة وف اولى جامعه وانا اصلااا من قرية وعندنا عادات وتقاليد متخلفة اووى منها ان البنت ما تتعلمش وتتجوز صغيرة وانا بابا عصبى اوووى وعلى ما قدرت اقنعه انى اكمل تعليمى وادخل الجامعه تقريبا عملنا مصايب لحد ما اقتنع المهم قبل امتحاناتى بشهر كدة لقيت بابا بيقولى ان فى عريس متقدملى وانه وافق عليه وهييجى هو واهله بالليل يتفقو على كل حاجه طبعا انا اتصدمت جدااا ولما حاولت اقوله انى صغيرة ضربنى وبهدلنى وصمم ع رايه المهم العريس جه باليل هو واهله هو اصلاا مهندس ديكور وشاب جميل ومحترم وابن ناس بس انا كنت رفضاه لانه كان مفروض عليا ولانى مجبرة انى اوافق عليه وهو موجود بابا قال هى مش هتروح الجامعه تانى انا اصلاا كنت رافض تعليمها لقيته قاطع بابا وقاله لا طبعاا ياعمى لازم تكمل تعليمها انا فرحت وهو لاحظ كدة بس بردو انا مش طيقاه المهم خلصت امتحانات وتانى يوم بابا قالى احنا حددنا معاد الفرح الخميس الجاى وانا اتجننت ازاى هعيش مع حد مش بحبه ومش طيقاه فضلت اعيط وبابا واخويا ضربونى ضرب غبى اووووى وكنت هموووت وفعلااا كلامهم مشى وجه يوم الفرح وانا كنت حاسة انى همووت من الرعب وخايفة من الللى هيحصل ومش عارفة هعمل ايه المهم الفرح كان ف البلد وبعدماخلص نزلنا المدينة لانه عايش ف المحافظة نفسها علشان شغله واول ما وصلنا البيت فرجنى ع الشقة وكانت جميلة جدااا وبدا يتكلم معايا ولقانى متوترة جداا وشوية وبدات اعيط بانهيار فضل يزعق ويعلى صوته ويشتمنى واتعصب اووى وانا كل اللى قدرت اعمله انى جريت ع اوضة وقفلت الباب تانى يوم مامته جات واهلى بردو بس اتفاجئت انه فضل يشكر فيا قدامهم وبيقولهم دى طيبة ومطيعه وبتسمع كلامى وبعد ما مشو حاول يتكلم معايا وبعدين لما بدا يزعقلى قولته انا صعب انى اعيش معاك انا اصلااا متجوزاك غصب عنى حرام عليك انا مش قادرة استحمل اللى بيحصل فيا دة انا اتضربت علشان قولت مش عيزاك وانت كمان بتتعصب عليا وبتشتمنى وفضلت ازعق . انا لقيته اتصدم من كلامى وسابنى وخرج وبعد ساعه رجع ومعاه صاحبه انا بصراحه خرجت اسمعه هو بيقول ايه من غير ما يحس انى سمعاهم وفضل صاحبه يهديه وساله مالك وبعدين حكاله اللى حصل بصراحه صاحبه قاله بلااش تيجى عليها اصلا ابوها عصبى ومش بيتفاهم انت سيبها فترة لحد ماتتعود عليك وتحبك وتاخدو على بعض والكلام دة وانا فرحت بكلام صاحبه اووى ولقيته هو فعلا بدا ينفذ كلام صاحبه يعنى بقاا يتكلم معايا بذوق ويتعامل معايا بطريقة كويسة وبعدين جاله شغل فى الاسكندرية وقالى لازم اخدك افسحك معايا هناك بعد ماخلص شغلى وخلانى كنت طايرة من السعادة الكام يوم دول بجد اكتشفت انه حنين اوى وطيب وحبيته بجد حبيته اوووى كمان .. النهاردة مرات اخوه ولدت واحنا كنا هناك ف المستشفى ولما شال البيبى فضل باصص عليه اوى ومامته بتقوله عقبال ما تشيل ابنك وتفرح بيه لقيته عينه دمعت وباصلى وقالى يااااااارب ادعيلى يا امى .. ساعه حسيت انى غلطانه ف حقه اووى وصعب عليا بجد ولما رجعنا فضل ساكت ومش بيتكلم ودخل اوضته وقفل الباب
انا بجد حبيته اوووى وعاوزة اعرفه فعلا انى بحبه المشكلة انه رافض يتعامل معايا بشكل طبيعى كزوج وزوجه احنا نعتبر مخطوبين بس احنا متجوزين ع الورق وبس لانه عارف انى واخده مووقف منه ومن الجوارزة دى بس فعلاااا انا حبيته ومش عارفة اعمل ايه


#2

افتراضي رد: بالله عليكم حد يشوفلى حل انا تعبت

حبيبتى الموضوع بسيط اقعدى معاه وفهميه براحه انتى كنتى رفضاه شم لشخصه يعنى انتى بس مكنتيش عايزه تتجوزى كفكره غصب عك وان باباك مش اخدررايك من الاول والكلام ده
بس لما عاشرتيه اتضح انه كويس وغيرتى فكرتك عنه يعنى بكلامك حيفك برده مش سهل انه يتقبل واحده قالتله فى وشه مش عايزاك بس انتى قربى منه وفهميه وبكلامك وتصرفاتك معاه حيقدر وحيفهم قصدك وانك تمنيه زوج صاح ليكى وانه فيه المزايا اللى تتمنيها يعنى والكلام ده
والراجل حبيبتى زى الطفل الكلمه الحلوه بتجيبه
وان شاء الله الموضوع يعدى ونفرح بيكم وبخلفكم كمان ان شاء الله
إظهار التوقيع
توقيع : هبه شلبي
#3

افتراضي رد: بالله عليكم حد يشوفلى حل انا تعبت

حبيبتي انتي اعملي سهره حلوه البسي فستان سواريه جميل وشموع وورد في اوضه النوم واستنيه لما ييجي وقوليله بحبك
واضنيه جامد وقوليله كل حاجه حصلت وهو في حضنك وقوليلو يسامحك لو زعلان منك وانك مش عاوزه حاجه من الدنيا غيره بس هتلاقيه رجع لطبيعته معاكي والموضوع انتي يارب يسعدكم
#4

افتراضي رد: بالله عليكم حد يشوفلى حل انا تعبت

حبيبتي مشكلتك بسيطة حاولي تتكلمي معاه
ابدأي بجذب انتباهه يعني البسي حاجة حلوة
اعملي أكله بيحبها وربنا يسعدكم ويهنيكم بالذرية الصالحة
إظهار التوقيع
توقيع : τнє τɪмє σf sυиsєτ
#5

افتراضي رد: بالله عليكم حد يشوفلى حل انا تعبت

حبيبتي بصراحة البنات كفت ووفت
ومتنسيش تقوليلنا النتيجة الحلوة
إظهار التوقيع
توقيع : بنوتة عسولة 654
#6

افتراضي رد: بالله عليكم حد يشوفلى حل انا تعبت

الله يباركلك ويوفقك ويجعله زوجا صالحا وسندا لكى واخواتى دلوكى عالصح
إظهار التوقيع
توقيع : روميساءالاسلام
#7

افتراضي رد: بالله عليكم حد يشوفلى حل انا تعبت

البنات كفو ووفو ربنا يوفقكم حبيبتي ويرزقكم بالذرية الصالحة وعامليه كويس هو انسان محترم بجد وخسارة تزعليه ربنا يهديكم لبعض يارب
إظهار التوقيع
توقيع : لولو حبيب روحي
#8

افتراضي رد: بالله عليكم حد يشوفلى حل انا تعبت

يا رب حد يساعدك يا حبيبتى .......ما ادرى ماعندى اجابة قد تساعدك
#9

افتراضي رد: بالله عليكم حد يشوفلى حل انا تعبت

البنات قالو كل الى انا عايزة اقولة ربنا يسعدكوا ويرزقكم بالذرية الصالحة
إظهار التوقيع
توقيع : العدولة هدير
#10

افتراضي رد: بالله عليكم حد يشوفلى حل انا تعبت

ربنا يهديكم لبعض هو واضح انه محترم
#11

افتراضي رد: بالله عليكم حد يشوفلى حل انا تعبت

ياعزيزتى انا مش لا قية كلام اقوله اكتر من اللى اتقال
#12

افتراضي رد: بالله عليكم حد يشوفلى حل انا تعبت

المشكلة مش كبيرة كثير بكل بساطة اشرحيله الموضوع و ايضا برهنيلو انك تحبيه و الحب الصادق اكيد راح يحس بيه و الطرق عديدة
ربنا يوفقك معه
#13

افتراضي رد: بالله عليكم حد يشوفلى حل انا تعبت

كلامكم رائع يا عدولات ارجو من الاخت ان تتبع النصائح وانا متاكدة انها ستلقى نتيجة حلوة وسريعة
إظهار التوقيع
توقيع : ام خالد الجزائرية
#14

افتراضي رد: بالله عليكم حد يشوفلى حل انا تعبت

بصى انتى ممكن تجهزى عشا حلو وتلبسى لبس حلو وتفرشى مفرش سرير حلو وشوية ورد وتفتحى معاه حوار يعنى مثلا شفت كانو فرحنين بالمولود ازاى انا بحب الاطفال نفسى لما نخلف نسمى ولادنا وتقولى اىاسم بنت وانت نفسك نسمى ايه بص الصراحه كنت رافضه الزواج غير لما اكمل تعليمى ومكنتش اعرفك بس الصراحه انت خليتنى احبك وبعد الساعات لما تطلع من البيت وكدا يعنى وابقى ادعيلى
#15

افتراضي رد: بالله عليكم حد يشوفلى حل انا تعبت

الصراحة هذا الصنف من الرجال نادر
حاولي ترجعيه اليك لانه كما تفضلت بكلامك باين عليه انسان رااااااائع
انا لومنك ما اأزعله ابدا
رجعيه لك بنفس اسلوبه الي خلاك تحبيه
بـــ الحب والحنان والتسامح
اكيد مع الايام راح ينسى كلامك القاسي
انا متزوجة وعندي اولاد شباب ولو قلت لزوجي نفس الكلام الي قلتيه لزوجك اقل شيئ يضربني ويخاصمني لمدة
احمدي الله انتي في نعمة ومش حاسة بيها
حافظي عليه، حافظي عليه،حافظي عليه

إظهار التوقيع
توقيع : طُمُوحي الجنّة


قد تكوني مهتمة بالمواضيع التالية ايضاً
الموضوع كاتب الموضوع المنتدى
أخطاء يقع فيها المسلمون دون قصد تصحيح أخطاء المسلمين قبل أن ياتي يوم الحساب سحر الأمل احاديث ضعيفة او خاطئة
(( لـآ حؤل و لـآ قؤة إلـآ بالله ----~)) وغارت الحوراء الاعجاز العلمي
تعبت أكتب على اوراقك غرام وحضرتك تمحيه طُمُوحي الجنّة المنتدي الادبي
ما أروع الثــــــــــقة بالله عز وجل نجمةk المنتدي الاسلامي العام
الثقة بالله أم مصطفى المنتدي الاسلامي العام


الساعة الآن 11:00 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل