تعاى احكيلنا على المواقف المضحكه الى حصلت ليله الدخله؟؟

موضوعك رائع هفتكر وبعدين اقولك وتستحقي التقييم

يسعدنى ان اكون اول حديرد عليكى بجد دمك زى العسل ربنا يصلح حالك ويهدى سرك يارب بس بجد مفيش اى موقف حصل اقوله

انا كمان كنت لابسة الصندل بكعب عالى ومش اسحمتلتة لان رجلى بتتعبنى من اى شوز جديد قلعت فى نص الفرح ووقفت حافية ههه
لحد ما طلعت الشقة وغسلت رجلى وكأن شيئا لم يكن هههههههههه
nice topic

انا مش فاكرة

مش فاكره حاجه غير ان الجو كان برد اوى والناس كلها لابسه جواكت وانا الوحيده اللى لابسه حمالات وسقعاااانه وباصه فى الارض وكل شويه حد يقولى اضحكى اضحك ازاى بس انا سقعانه والنصيبه بقى الديل بتاع الفستان كان طويييييييييييل مكنتش عارفه اتحرك من مكانى كنت لخمه وقفل بس يلا اهى عدت

انا بقى حالتى حال روحنا البيت وكانت معايا اخت جوزى وكنت طبعا جديده فى العماره ودخلت اوضه النوم وطلبت من اخت جوزى تساعدنى فى خلع الفستان لان الضوافر كانت مضايقانى دخل جوزى شخط فيها وقالها لاروحى انتى ومشيت البنت وقفلت الباب وراها بس الباب مش قفل والهوا فتحه وانا طبعا جوه اوده النوم وعينكم ما تشوف الا النور بعد كام اسبوع صاحبت جارتى وهى ست لطيفه اوى وقالتلى انا هى وجوزها شغلوا الكاسيت علشان ما يسمعوش صوتى طبعا الباب كان مفتووووح واتفضحت فى العماره هههههههههه
موقف محرج جدا صح ههههههههههه

بجد موضوع جميل ودى أول مشاركة ليا فى المنتدى الجميل وهكيلكم حصل معايا أيه؟
كان الكوافير عاملى الحجاب والطرحة اللى من تحت ربطها جامد علشان متفكش لدرجة إنى حسيت بصداع فظيع ومصدقت أول ما دخلنا الشقة كنت عاوزة أرمى الناس بره ودوست على أسنانى لغاية ما مشيوا وأول ما جوزى قفل الباب قعدت أبكى وأقوله فكلى الطرحة دى هموت من الصداع والله والحلق بتاع الفستان كمان عورلى ودنى لأنه ضاغط عليها قوى وأول ما فك الطرحة وشال الخمسميت دبوس منها وشال الحلق حسيت إنى أتولدت من جديد وجوزى قعد ساعة يضحك على منظرى
حاجة تكسف

انا بقى كان جوزي متلهوج اوى لدرجة خلهم في القاعه يخلصوا الفرح الساعه 12 ونص ومرضيش يوديني اتصور على النيل ونلف بالعربيه زي ما كنت متفقه معاه لقيته سحبني زي الخروف على العربيه وغمزلهم نطلع على البيت وفي البيت بقى انا كنت لبسه 3 طرح وكان في راسي يجي 300 دبوس كنت عماله اشيلهم على مهلي راح هو جه وقالي اسعدك ياحبيتي بمنتهى الرقه وابتدى يشيل معايا في الدبابيس وبعد كده قالي دول كتير اوى انا لسه هستنى نشيل كل ده راح شاد الطرح مره واحه بالدبابيس بشعري وانا اصرخ واقوله اه الدبابيس شابكه في شعري هههههه وخلصنا من الدبابيس جاي يشيل الفستان للغرفه التانيه وكل الحجات اللى لخمت الاوضه راح مقع الستاره بتاعت غرفة النوم دخل الفستان وجه ياخد المسوره بتاعت الستاره يدخلها برضوا الغرفه التانيه برضوا لغاية ما نشوف حد يعلقها تاني راح خابط المسوره في النجفه جابها مليون حته ههههههه

انا الموقف اللى حصل ان اصحاب جوزى سرقو العشا بتاعنا واحنا فى الزفه والعربيات كلها فرقوا عليهم تبصى يمين تلاقى اللى فى ايديه خياريا واللى معاه موزايا واللى معاه تفاحه واللى اخدالطماطم بس ملاحقوش يسرقو التقيل ماما لاحقت منهم الحمام والبط والذى منه بس كتير ضحكنا وماحدش افتكرنى بموزايا حته وقعد ياكلو فى الفاكهه ويغظونا