متى يبدأ اطعام الرضيع ، When to start feeding the baby,اطعام الرضع ، متى ياكل الرضيع
نتمنى ان تسعدو معنا
اطعام الرضع ، متى ياكل الرضيع
إمتى أبدأ أأكل طفلي؟
_في مدرسة في الطب بتقول تبدأي بعد نهاية الشهر الرابع, وفي مدرسة بتقول بعد الشهر السادس, وبالمناسبة الأعشاب زيها زي الأكل بتتاخد بعد الشهر الرابع.
إزاي أأكل الطفل وابدأ بإيه؟
_لازم تبدأي معاه بالتدريج وبكميات بسيطة, ولازم تبدأي بنوع خضار واحد تستمري عليه 5 أيام بدون ماتغيريه علشان تشوفي النوع دة هيسبب حساسية للطفل ولا لأ, بعدها تبدأي بنوع تاني تستمري عليه بردو كام يوم بعدها نوع تالت وهكذا.
_تغسلي إيدك كويس جدا وتغسلي الخضار كويس جدا والأدوات اللي هتحتاجيها, وتسلقي الخضار كويس وتضربيه في الخلاط مع مية السلق بتاعته, ويكون في درجة حرارة الجسم يعني يادوب دافي بسيط, وبمعلقة الأطفال أو بمعلقة صغيرة تبدأي تأكليه بعد ماتسمي الله طبعا.
_إبدأي بمعلقتين مثلا بالنهار, وزيهم آخر النهار واستمري يومين على الكمية دي. تالت يوم ممكن تزودي شوية لو حسيتي أن الطفل متقبل الأكل وعاوز تاني.
_وياريت يكون الطفل جعان علشان يرضى ياكل, ويكون مغير الحفاضة ومفيش حاجة مدايقاه, وتلاعبيه وانتي بتأكليه.
أبدأ بإيه؟
_يفضل البدأ بالخضار وبعد فترة نعطي الطفل الفواكه.
_جميل إنك تبدأي بالكوسة لأنها خفيفة وطعمها حلو, بعدها الجزر(بس ممكن يعمل إمساك فلو عمل مش تديهوله لوحده لأ خليه مع الكوسة) بعدهم بطاطس مسلوقة, بطاطا, بعدين بسلة, فاصوليا خضرا وبعد فترة دخليله قرنبيط, بامية.
_الفواكه الآمنة اللي نبدأ بيها هي ( تفاح, كنتالوب, جوافة, كمثرى, برقوق, مشمش, خوخ, قرع عسلي, بلح, موز)
_وطبعا تكون عصاير طبيعية تعمليها في البيت مش معلبة, وبدون سكر ولا عسل قبل عمر سنة.
طيب إزاي هعرف إن نوع الأكل دة عمل حساسية؟
_ممكن تلاقي الطفل شفايفه إحمرت أو ورمت, ولسانه إحمر.
_ممكن تظهر بقع حمرا في جسمه.
_ممكن يحصل قئ أو إسهال أو إمساك.
وطبعا مش أول ماتحصل حاجة غريبة نقول إن دي حساسية من نوع الأكل دة. لأ إحتياطي توقفي النوع دة وتروحي للدكتور هو اللي يحدد سبب العرض دة.
طلبي منكم يا حبيباتي : أولا الدعاء لخديجة بالشفاء وبتيسير العملية لرجلها, ثانيا التقييم لأني حقيقي الموضوع دة أخد مني أسابيع.
إظهار التوقيع
توقيع : وغارت الحوراء
التوقيع لا يظهر للزوار ..
رد: متى يبدأ اطعام الرضيع ، When to start feeding the baby,اطعام الرضع ، متى ياكل الر
إظهار التوقيع
توقيع : هبه شلبي
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| ماهى الطريقه الصحيه والصحيحه للطفل الرضيع فى الايام الاولى | قصرالاحلام | العناية بالطفل | ||
| الشروط الصحيه لنوم الرضيع/ماهي الشروط لنوم الرضيع | أنٌثًى ٱسًتُثًنٌٱئيّة | العناية بالطفل | ||
| بداية حبو الطفل والمشي والكلام ، حبو الرضيع ، متى يبدأ المولود في الزحف ؟ | نَقاء الرُّوح | العناية بالطفل | ||
| المغص عند الاطفال الرضع مغص الرضيع | هبه شلبي | العناية بالطفل | ||
| متى يبدأ طفلي ؟؟؟ سؤال وجواب عن الطفل | سورية حبيبتي | العناية بالطفل | ||
الساعة الآن 10:12 PM
جميع المشاركات تمثل وجهة نظر كاتبها وليس بالضرورة وجهة نظر الموقع