استعدي لرمضان :) رمضان مبارك
التجهيزات:
*اعملي ركن للصلاة في الأوضة بتاعتك
افرشي سجادتك وعطريها وحطي السبحة والمصحف وكتيبات الأذكار
وحطي وردة مثلا..وخلي لبس الصلاة جاهز
كده ان شاء الله مش هتكسلي عن الصلاة
*يا ريت تستحمي مثلا وتلبسي هدوم نضيفة علشان تبقى منتعشة كده وجاهزة لرمضان
*جهزي أي مبلغ انتي عايزاه عشان الصدقة في رمضان (متنسيش ان الحسنات مضعفة في رمضان)
*اعرفي مواعيد البرامج المفيدة اللي هتتفرجي عليها ويا ريت بلاش مسلسلات عشان مش مفيدة وبتضيع الوقت
وبعدين طول السنة بيعيدوا المسلسلات
أنا ان شاء الله هتفرج على خواطر 11 للداعية أحمد الشقيري..
على فكرة..السنة دي هيبقى آخر موسم لبرنامج خواطر
اعملي خطة لرمضان
خطتك هتتضمن ايه؟
أولا الصلاة.. لو مثلا مش منتظمة في صلاتك, اعملي جدول لصلاتك وحاولي تنتظمي في صلاتك في رمضان
وان شاء الله هتتعودي ومش هتفوتي ولا صلاة بعد رمضان
وكمان حاولي تصلي السنن لأنها بتزود الأجر جدا
ممكن تصلي الضحى وقيام الليل كمان
ثانيا.. اعملي جدول لقيام الليل وصلي قيام الليل في البيت أو في المسجد صلي التراويح جماعة
ثالثا.. هتختمي القران كام مرة؟ اعملي جدول لختم القران..
لو انتي هتختمي القران في رمضان مرة واحدة، لاحظي ان رمضان 29 يوم.. يعني كل يوم جزء وهتختاري يوم تقرأي فيه جزئين
رابعا.. متنسيش ان كل صائم ليه دعوة مستجابة عند الافطار... فحاولي تعملي قائمة فيها الحاجات اللي هتدعي بيها كل يوم
خامسا.. اعملي أهداف في رمضان.. يعني لو عندك سلوك عايزة تصلحيه.. لو عايزة تخسي، رمضان فرصة... مثلا لو كنتي عصبية،
هتحاولي تقومي سلوكك.. مثلا لو مش بتسمعي كلام ماما حاولي تبريها وتسمعي كلامها... ممكن مثلا هدفك يكون العتق من النار،
فاجتهدي في العبادة والدعاء
سادسا.. اعملي قائمة للاعمال الصالحة اللي ممكن تزود من حسناتك.. زي الصدقة أو افطار صائم.. أو مساعدة ماما في تحضير الأكل
سابعا... اعملي خطة روتينية لكل يوم في رمضان هتعملي فيه ايه.. لو مثلا بتروحي المدرسة أو عندك شغل ... هتكتبي يومك هيبقى ماشي ازاي
وحاولي تاخدي شاور كل يوم عشان ده هيخليكي منتعشة ومتحمسة لأداء العبادة
--
في رمضان.. حاولي تكتري من الذكر والدعاء
استغفري طول الوقت
وسبحي واذكري ربنا
قولي أذكار الصباح والمساء
وأذكار النوم
وأذكار بعد الصلاة
اشتري كتيب أذكار واقرأي منه
--
فكرة:
حاولي تحفظي 4 سور في رمضان
كل أسبوع احفظي سورة
----
بعد رمضان... متوقفيش العبادة أبدا..
احنا مش بنعبد ربنا في رمضان بس...
رمضان ده مش شهر عبادة
ده شهر تغيير
يعني حتى بعد رمضان
خليكي منتطمة في صلاتك
وخصصي ورد للقران يومي
نصيحة: متكتريش في الأكل وفت الافطار والسحور.. رمضان مش شهر الأكل
خلي أكلك كمياته معقولة عشان وزنك ميزيدش...
ومتاكليش لحد ما تملي بطنك وتبقي مش قادرة تتحركي..
يا دوب عند الفطار كوباية لبن وتمر.. وتروحي تصلي المغرب... ومتخلصيش عل اكل كله
وبعد الفطار حاولي تشربي ميه كتيييير جدا.. ليترين مثلا عشان متعطشيش وقت الصيام
ولو مشيتي شوية كل يوم وعملتي رياضة كل يوم وكلتي أكل صحي.. أوعدك انك هتخسري وزن
إظهار التوقيع
توقيع : ربي رضاك والجنة
التوقيع لا يظهر للزوار ..
رد: استعدي لرمضان :) رمضان مبارك
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| ملف شامل عن الاستعداد لرمضان اي ايمانيا و دعويا و منزليا | حفيدة عائشة | عدلات في رمضان | ||
| صور اللهم بلغنا رمضان صور إستقبال الشهر الكريم صور روعه مختلفه لرمضان | عمر ابانا وعائشه امنا | صور x صور | ||
| اكسوارات وساعات 2025,اجمل الاكسسورات لرمضان والساعات 2025 | مونه الامورة | اكسسوارات ومجوهرات وأحذية | ||
| توقيعات رمضانية صور للفيس بوك حكم وتذكير لرمضان المبارك | عمر ابانا وعائشه امنا | صور اسلامية | ||
| العد التنازلي السنوي لرمضان (القرآن) للدكتور/ حازم شومان | العزة فى طاعة الله | صوتيات ومرئيات اسلامية | ||
الساعة الآن 10:51 PM
جميع المشاركات تمثل وجهة نظر كاتبها وليس بالضرورة وجهة نظر الموقع