إتيكيت بالمقلوب
( إتيكيت بالمقلوب )
موضوعنا مختلف عن فن الإتيكيت
من أصول فن العزيمة لما تكوني بتعزمي أهلك او صديقاتك
بتكوني عارفه الأطباق الأساسية اللي تناسب الأفراد اللي في العزيمة
أولا: نوع الطعام:
يعني تقريبا في مناسبات بتجمع جميع افراد العائلة مع الأهل والجيران
كالأفراح والمناسبات الخاصة هنا بتكوني منسقة علي انواع معينة من الاطباق الرئيسية والمقبلات
ولكن لما بتكون عزيمة لأفراد معينة بيشترط أنك تعرفي هتقدمي أي نوع طعام
موضوعنا إتيكيت بالمقلوب هتتعلمي فيه جزء مهم جدا ولكن في حدود الإتيكيت
لو هتعزمي أهلك أو أهلك زوجك او أفراد معينة من الأهل ومن الريف مثلا
هل ينفع ان اقدم كل الأطباق علي الطريقة الإيطالية او الفرنسية أو المكسيكية
مش هتقدري تنوعي مابين الأطباق الشرقية والغربية وتحدديها علي كل أفراد العائلة
يعني لو جاي ضيوف وغالبا معظم الاطباق الرئيسية اللي بتعرفي تقدميها فيها مزيج بالغربي غيرها تماما
أولا علشان انتي متعرفيش هل هما هيتقبلوا النوع ده من الطعام أو لا منعا للاحراج ليكي وللموجودين
لكن ممكن أنك تضيفي طبق معين علي ذوقك وأختيارك ولكن يكون جانبي مش أساسي للعزومة
هنا هتكوني ضفتي لهم الأكل المميز اللي بيفضلوه وفي نفس الوقت ضفتي طبق ممكن يعجبهم فعلمتيهم شئ جديد وفي نفس الوقت محاولتيش تحرجيهم بعدم معرفتهم
حاليا الحمد لله الجميع أبتدي يتعلم انواع جميلة وطيبة من المأكولات بفضل برامج وسائل الإعلام المنتشرة
وكل الأهل والأصدقاء بيحبوا يتعلموا أطباق جديدة لكن بلاش نفرضها علي ضيوفنا
ثانيا : تقديم الطعام
علي سفرتي بقدم الطعام بشكل معين أو بقدم الطريقة المعتادة لتزيين السفرة
كمان هنا لازم نركز مين الضيوف اللي جايين عندي وهقدم لهم اي نوع من الطعام
يعني مينفعش ضيوفي معتادين ياكلوا كل طعامهم بالشوك والسكين وأقدم لهم فقط ملاعق
وكمان مش هينفع ضيوفي مش متعودين يأكلوا الا بالملاعق وأقدم شوك وسكين
أنتي حرة في تزيين سفرتك زي ماتعودتي ولكن علينا نهتم شويا بضيوفنا يعني ممكن تغيري طريقتك المعتادة
لو ضيوفنا بيحبوا الاكل العادي وبياكلوا بأسلوب بسيط غيري السفرة تماما وأعملي لهم جو في التراث
وجلسة هادية بسيطة وبلدي وبشكل حلو وفيها لمة بسيطة
والكلام ده خاصة للبنات اللي متزوجة من زوج من الأرياف أو الصعيد وبتحس انه يوم صعب زيارة الاهل ومش عارفه تعمل معاهم أيه ببساطه حلي أمورك وبشكل لطيف وإتيكيت
ثالثا: التعامل الجيد أثناء العزيمة
يعني ممكن يجيلك ضيوف طريقة أكلهم او معاهم أطفال بتأكل بطريقة ممكن فيها أنزعاج ليكي أو للآخرين
تعاملي عادي جدا وممكن تفصلي الأطفال لو أكثر من 4 بكورنر معين وأعملي لهم جو سفرة للأطفال
علشان تتفادي مشاكل أزعاج الضيوف
طيب لو الضيوف نفسهم بلاش تحسسي ضيوفك أنهم أقل منك فالتعامل او تقديم الطعام أو انك تتباهي بطبقك المميز او انهم مش فاهمين أيه نوع الطعام وطريقة طبخه لا تعاملي بلطف معاهم وكل واحده بتحب تتباهي بطعامها المييز حاولي تعلمي ضيوفك طريقة طبخ طبقك بطريقة حلوة وبدون مانحرج حد
رابعا: أختيار ملابس الأستقبال
نراعي من ضيوفنا وطريقة ملابس أستقبالنا للضيوف
موضوع إتيكيت بالمقلوب مهم لأنه فعلا بيخلينا ممكن نحول العزيمة اللي مش بنبقي عارفين نتعامل معهم بأي طريقة لأنك تفكري بأسلوب مميز أزاي تخلي ضيوفك ميحسوش بأنك مضايقة وتتلاشي مشكلة عدم الأطمئنان
إظهار التوقيع
توقيع : ام سيف 22
التوقيع لا يظهر للزوار ..
رد: إتيكيت بالمقلوب
إظهار التوقيع
توقيع : فتاة بالحياء تجملت
التوقيع لا يظهر للزوار ..
رد: إتيكيت بالمقلوب
إظهار التوقيع
توقيع : ام سيف 22
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| إتيكيت تناول الطعام فى المطعم ، إتيكيت تناول الطعام بالخارج ، اتيكيت الاكل بالخارج . | مريم ملوكة | فن الاتيكيت والتعامل مع الآخرين | ||
| إتيكيت اختيار العطر المناسب,تعرفى على إتيكيت اختيار العطر,ماهو إتيكيت اختيار العطر | فتاة بالحياء تجملت | فن الاتيكيت والتعامل مع الآخرين | ||
| منزل بالمقلوب يجذب السياح !منزل بالمقلوب يجذب السياح ! | اللهم ارزقنى التقى | عدلات للسياحة والسفر والرحلات | ||
| التفكير بالمقلوب | عبير مصطفى | منوعات x منوعات - مواضيع مختلفة | ||
| إتيكيت الزيارات والعزومات.. | رانيا الزناتى | فن الاتيكيت والتعامل مع الآخرين | ||
الساعة الآن 03:06 AM
جميع المشاركات تمثل وجهة نظر كاتبها وليس بالضرورة وجهة نظر الموقع