انا حزينه جدا ساعدوني بلله عليكم

لا والله يا اختي بحفظ٥ ايات بس مرتين في اليوم وساعات مره وحده

عليكي بكتابة الايات التي حفظتيها اول ما تحفظيها اكتبيها غيبا من حفظك برقم الاية

جربي

حبيبتي متحزنيش وإن شاء الله ربنا يقدرك علي الحفظ الجيد ..
.
بصي بقي لا يُكلف الله نفسًا إلا وُسعها إنتي من نفسك تشوفي البرنامج اللي انتي ماشية عليه في الحفظ ولو الكمية كبيرة قلليها شوية ،
وكمان في حاجه عايزة انبهك ليها :
اللي انتي حفظتيه فيما مضي هو رأس مالك والحفظ الجديد اعتبريه الربح ، بمعني انك لو ف مرة حسيتي إنك محتاجه تراجعي علي اللي فات ف ده أفضل ودايمًا حافظي علي اللي انتي حفظتيه اللي هو راس مالك يعني حافظي علي اللي معاكي أفضل ..
يا رب تكون الفكرة واضحة .
.
عايزة انبهك كمان إلي إن السن 29 سنة بيكون الدماغ فيه مليون شغلانه والمقدرة علي الحفظ بتقل بس البُشري إن كل المستويات العقلية السوية قادرة علي حفظ القرآن الكريم ..
.
داومي علي الأدعية إن ربنا يثبت حفظك ويذكرك ما تنسيه والنسيان طبيعة بشرية وهي دي فايدة المراجعة ، بين كل فترة وفترة وقفي حفظ عشان تراجعي ..
.
أخيرًا بقي عايزة أقولک روّحوا عن القلوب ساعة فإن النفس إذا تعبت عييت .. بمعني آنك لازم تدخلي أي نشاط ترفيهي مناسب معاكي وتمارسي حياة طبيعية وتحفظي في جو ملائم ...
.
.
وربنا معاكي ، شوفي بقي أنا اللي طولت عليكي ههههه

لا ياحبيبتي مطولتيش ولا حاجه بلعكس انتو بتدوني الشجاعه اني احاول من جديد