مين قال ان الفلوس مش كل حاجه بالعكس

غلطان اووووووووووي اللي يقول ان ‫#‏الفلوس‬ مش كل حاجة
لا بقي علي فكرة #الفلوس كل حاجة وبتعمل كل حاجة
#الفلوس دي هي اللي بتخلي واحد يسيب بلده وهو لسة في بداية حياته ويروح بلد غريبة عشان يجيب شوية فلوس يخطب بيهم ويتجوز ويقولك طبعا هرجع اقعد في بلدي واما يرجع وميلاقيش فلوس في بلده يرجع تاني وياخد مراته معاه ويكمل حياته كلها في بلد غريبة يبقي هو مشتاق لبلده واولاده لما ييجو بلدهم الاصلي يحسو هم بغربة عشان خلاص اتولدو واتربو واتعلمو في بلد غريبة وتفضل الغربة محوطاهم طول العمر او يسبها هي واولاده ويمشي ويجيلهم كل سنة ولا سنتين شهر او اقل ويبقي الاب بالنسبة لاولاده كفيل مسؤول عن الفلوس ميعرفوهوش ولا رباهم ولا اتعلمو منه حاجة وتفضل الغربة في العلاقة اللي بينهم ‏‎
#الفلوس دي هي اللي بتخلي واحد يفضل لحد سن ال30 مأتجوزش عشان معهوش فلوس يجيب شقة و عفش وشبكة وفساتين شبكة وكتب كتاب وحنة وفرح وميكب وفوتوجرافر وفرح كبير ‏‎
#الفلوس دي هي اللي بتخلي واحد يتغرب وهو في بلده ويسافر محافظة غير محافظته ويشتغل شغل قتل ويشوف اهله يوم ولا اتنين في الشهر بس عشان يجيب فلوس يعيش بيها ويعيش بيها مراته واولاده اللي هو اصلا سايبهم مع امه ولا امها عشان مصاريفهم معاه اكتر ومش امان يسيبهم في شقة 12ساعة اللي هم وقت شغله يعني
#الفلوس دي هي اللي بتخلي العيان يروح مستشفي نظيفة ويتعالج علاج غالي ويعمل العمليات اللي المفروض يعملها صحيح الشفاء من عند ربنا وانا مش معترضة علي كده بس من غير فلوس هيترمي في مستشفي حكومي معفنة ومش محتاجة اكمل بقي ايه اللي هيحصل بعد كده ‏‎
#الفلوس دي هي اللي بتخليك تسافر وانت مخنوق مكان ما انت عايز وقت ما انت عايز وتفك عن نفسك وتفرح ‏‎




#الفلوس دي هي اللي بتخلي اب يمد ايده عشان يجهز بنت من بناته عشان الناس متكولش وشه ‏‎
الفلوس دي هي اللي بتخلي اب يسيب البيت كل يوم ويهرب وميرجعش غير لما ولاده ينامو عشان الطلبات الكتيرة اللي بتتطلب منه ومش قادر عليها ‏‎
هه بقي تبقي الفلوس كل حاجة ولا لا ‏‎