أو

الدخول بواسطة حسابك بمواقع التواصل

#1

افتراضي ʚϊɞ روايه •.¸ربـآط الحب¸.• رومانسيه . منقولة ʚϊɞ

السلام عليكم ورحمة الله وبركاته
ازيكم ياعدولاتي
انهارده جيبالكم رواية انما ايه
هتعجبكم اوووووووي

قصـــــة ربــــاط الحـــب
بقلم ندا سليمان

إنهارده عقبال عندكم فرح جيهان باضحك
جايه زى القمر فى إيد عريسها والكل حوليهم فرحان لهم
أخيراً وبعد معاناة هيتجمع الحبيبين جيهان وطارق على كتاب الله وسنة نبيه محمد ماتصلوا عليهانا الحب ؟

بس إستنوا جيهان مش البطله !! بطلة الأساسيه هتعرفوها بعد شويه
تم الفرح زى ما خططوا له وأفضل ودلوقتى جت اللحظة الحاسمه العروسه هترمى الورد وكل بنات الفرح متجمعين عشان يعرفوا العروسه إللى عليها الدور ، وكالعاده البنات بيتسابقوا وكل واحده حددت هدفها بوكيه الورد ثم بوكيه الورد

وبدأ العد التنازلى 5 ، 4 ، 3 ، 2 ، واااااحد ورمت جيهان بوكيه الورد
وتحول المنظر من وراها لحلبة مصارعه بحثاً عن البوكيه

أهه البوكيه هناك أهه ورد جميلام العريف •✿•✿•✿•✿
إستقر فى إيد البنت الوحيده إللى كانت واقفه وراها ومش فى دماغها موضوع البوكيه أساساً بس واقفه بناءً على طلب مامتها عشان مايقولوش عليها كئيبة فى الفرح ، وأهه البوكيه جه لغاية عندها

^^ بنت خالة العروسه بنوته طويله خمرية البشره وملامحها رقيقة ،لابسه فستان وردى وحاطه ميك آب خفيف أوى بس عشان برستيج الفستان ،لسه واخده إفراج من سجن الثانويه العامه ومنتظره نتيجة التنسيق ، عقليتها وتفكيرها أكبر من سنها ، رزينة وملهاش فى دلع البنات وبتحب الجد فى كل تصرفاتها مع الناس ومابتهزرش غير مع المقربين ليها ومنهم إللى واقفه جمبها دى >>> #ياسمين (صحبتها الأنتيم وهى بنت عمها وتعتبر بنت خالتها فى نفس الوقت ) ابتسمي للدنيا

بتحب القرايه جداا وبتألف كمان وبتحلم أوووى إن يتطبع لها كتاب وتبقى أديبه مشهوره والناس تحب تقرالها مش عشان عاوزه شهره بس عشان تبقى زى كل الأدباء إللى بتقرالهم وكتبهم موجوده رغم إنهم فارقوا الحياه من سنين بس لسه إسمهم عايش وسطنا ، نفسها تبقى زيهم وتفارق الحياه وإسمها لسه موجود وكتاباتها بتحكى عنها لكل الأجيال إللى بعدها

أيوه هــى بطلة قصتنا •✿•✿ (ملك)•✿•✿
كانت واقفه جمب ياسمين إللى هتموت على بوكيه الورد بس البوكيه إتحدف على ملك ولما البنات إكتشفوا كانت البسمات المصطنعه والتهنئات مع إن من جواهم عاوزين ينقضوا عليها

ياسمين: أيوه يا سيدى يعنى يا سبحان الله بنات الفرح كلهم هيموتوا على البوكيه وفى الآخر يترمى على الوحيده الفقريه إللى مش عوزاه؟؟!!! عموماً مبروك يا لوكا ويابختك يا عم

ملك: إنتى عاوزه تجنينيني؟!!بوكيه إيه يا بنتى إللى هتقطعوا بعض عليه ده؟! ومعرفش إيه المُعتقد الأهبل ده؟! والدليل على هبله إنى أنا إللى أخدته وأنا أساساً مستحيييل هتجوز دلوقتى لما نشوف بقى أنا إللى عليا الدور إزاى ؟؟؟!!!!

ياسمين: إنتى فقريه دايماً كده ، طاب قولى يا رب ولا ناويه تتجوزى الكتب إللى خنقتينا بيها دى ؟؟!

ملك: ياريت أهه الكتب أفيدلى من الجواز والكلام الفاضى ده

ياسمين: الجواز والكلام الفاضى ده؟؟!! طاب خلى أمك تسمعك كده عشان تنقض عليكى وتهجم هجمة رجل واحد لتفتك بكي ياملك

ملك: ههههههههه باضحكومين قالك إن ماما زهقت منى وعاوزه تخلص بقى؟؟! لسه يا حبيبتى عندى أحلام كتييير وأهداف عاوزه أحققها بعدين أبقى أفكر فى الموضوع ده وبعدين أنا لسه خارجه من سجن الثانويه العامه هقبل أتحط فى سجن تانى لا لا لا يا ماما إنسى

ياسمين: وربنا ده أحلى سجن ، طاب هو يجى وانا موافقه أتسجن العمر كله باضحك





ملك:ههههههه ، طاب يا ستى إتفضلى البوكيه هديه منى ليكى عشان النحس يجى عندك وتتسجنى على طول حزينة

ياسمين: نحس فى عينك ، طاب يارب أشوف فيكى يوم يا لوكا ،تتشنكلى فيه وتقعى فى الحب وأما أشوفك وقتها هتبقى عامله إزاى ؟!،تصدقى عندى فضول أشوف إللى هياخدك
الله يكون فى عونه وربنا مامته داعيه عليه

ملك: ههههههههه الله يسامحك يا رخمه عموماً الفضول ده هيفضل عندك كتييير لأنى مش ناويه دلوقتى

ياسمين: وقت ما تقعى فى بحر الحب هتغرقى من غير ما تقولى دلوقتى ولا بعدين عثل عثل

ملك:يا شيخه إتنيلى حب إيه دلوقتى هو انا فيقاله

ياسمين: بس أنا بجد مبسوطه جداً عشان جيهان وأخيراً إتجوزت إللى كانت هتموت نفسها عشانه ، مش عارفه يا أختى حباه على إيه ده واد رخم وإتم أوى أعوذ بالله

ملك:يا سلام إللى يسمعك وإنتى بتتكلمى عن الحب من شويه يقول إنك فاهمه يعنى إيه حب !! بس دلوقتى إنتى بتقولى عكس كلامك إللى كان من شويه ،يعنى إنتى عماله تقولى وقت ما تقعى وقت ما تقعى ودلوقتى بتسألى مش عارفه حبته على إيه ؟؟!! ياماما الحب وقت ما بيدخل قلب إنسان بيعمى العين على طول عن أى حاجه وحشه فى الطرف التانى ، رغم إنها بتكون باينه قصادك بس عينك مش قادره تشوفها لأن قلبك عمال يجمل فى الشخص ده لدرجة إن ممكن تتحول الأخطاء دى لحاجات إنتى حباها فى الشخصيه دى، وده إللى حصل مع جيهان
العيله كلها وأصحابها طلعوا عيوب فى طارق بس هى إتمسكت بيه وعملت المستحيل عشانه ،لأنها مش شايفه العيوب دى عيوب !!
ورغم إنها إتخطبت قبله مرتين وسابتهم برده عشانه ، وبعدين كمان قصة حبهم كانت 6 سنين ياماما مش شويه ، إذا كان لو البنت بطبيعة مشاعرها الجياشه حبت واحد بجد شهر هتتمسك بيه مابالك دول 6 سنين ؟!!!

ياسمين: يا سلام يا سلام مين إللى عماله تتكلم عن الحب ببراعه دى ؟؟إللى يسمعك يقول خبره فيه وإنتى أصلاً عمرك ما جربتيه!!! كوول

ملك: العبره مش فى إنى أجربه ، المهم أفهم معناه صح والحمد الله بخيالى وقلمى بقدر أعيش أى إحساس أحسن من إللى عايشينه على أرض الواقع

ياسمين: يا واش يا واش أفهم من كده إنك بتحلمى بالحب بقى والكلام الحلو ده انا الحب

ملك: يا شيخه إتنيلى شوف أنا بقولك إيه وإنتى تقولى إيه ،مش عارفه يا ياسمين دخلتى هندسه على إيه ؟؟!! لا وعديتى من سنه أولى كمان ؟؟!! وبعدين لما متسربعه على الجواز كده دخلتى الكليه دى ليه ؟؟!!
ياسمين: وده إيه علاقته بده بقى الله ؟؟!!!، يا ماما مفيش بنت على وجه الأرض ما بتحلمش بالفستان الأبيض ونصها التانى إللى هتكمل عمرها معاه لا تقوليلى فى طب ولا هندسه بقى ولا حتى إيه ، طاب إحلفى كده إن إنتى نفسك مش بتحلمى زى أى بنت بالفستان الأبيض ونفسك تعرفى مين إللى هيكمل نصك التانى ؟؟!!

ملك: طاب قفلى على السيره دى بقى يا بت إنتى

وقطع الحوار إللى دار بينهم صوت مامة ملك
_عقبال ما أفرح بيكم يا بنات يااا رب

ياسميين :آميييييييين إدعى من قبلك يا خالتو الله يخليكى وإدعى أوى للمنحوسه بنتك إللى مش عاوزه تتجوز دى

_ بدعيلكم والله يا حبيبة خالتك ، تعالوا يلا عشان نسلم على بنت خالتكم قبل ما تمشى

ياسمين: أيوه يلا عشان ألحق أقرصها فى ركبتها



ملك: ههه هو إنتى فى كل فرح كده يا بنتى إرحمى العرايس و إعملى المستحيل يا ياسمين وبرده مش هتتجوزى دلوقتى

ياسمين : أعوذ بالله عليكى طاب أخرسى بقى ويلا نلحقها عشان هتركب العربيه أهه

روحت ملك من الفرح تعبانه ودخلت نامت على طول، صحيت الصبح على دوشة ياسمين وهى بتصحيها
ملك: يووووووووووه إيه يا زفته مش لسه سايباكى إمبارح ،عاوزه إيه ع الصبح؟؟!!

ياسمين:عاوزه أقول لحضرتك قومى يا هانم نتيجة التنسيق جت

إنتفضت ملك :والله العظيم ؟؟طيب إيه جاتلى كلية إيه ؟ إنطقى يا ياسمين بطلى هزار بقى

ياسمين : أممممممممم جاتلك جاتلك بصى هو إنتى هتبقى معايا يعنى فى نفس الجامعه يعنى، وكليه مش بطاله يعنى

بصت لملك لقت نظراتها تنم على إنها هتقتلها لو مانطقتش دلوقتى حالاً ياسمين:طيب خلاص خلاص هقول وألحق نفسى قبل ما أتهزق ولا أروح فيها ،حضرتك دخلتى كليـــــــــــــــــة إقتصاد وعلوم سياسيه يا سيادة السفيره

ملك: الله أكبر ولله الحمد ،وفضلت تتنطت وتبوس فى ياسمين وجريت باست ماماتها وباباها والكل كان فرحان ليها عشان دخلت الكلية إللى كان نفسها فيها

دخلت إتوضت وصلت ركعتين شكر للهيارب

وقعدت تحكى هى وياسمين شويه وروحت ياسمين وسابتها فاتحه الفيس بوك وهى قاعده بتتصفح لقت آدد إتبعتلها من
(Arch Waleed Wahdan) ،وطبعاً كالعاده كنسلت الطلب لأنها مابتضيفش ولاد ، وفجأه لقت رساله جيالها فتحت الــ (Inbox) وإذا به نفس الشخص ولما شافت الرساله إستغربت جداً !!!!!

وإنتهت حلقة إنهارده هنا ، إنتظرونا فى الحلقه الجايه عشان نعرف الرساله كان فيها إيه وملك إستغربت ليه ؟؟!!

عآآآآيزه اسمع ارائكم وتشجيييييع علشان اكمل يلا ياعدولات


إظهار التوقيع
توقيع : ♥H a b i b a♥
#2

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

قصه روعه ومشوقه جداً
بس ممكن المرة الجايه تكتبى بخط اوضح من دة
وكمان تنسقى لون الخط وكدة
لو سمحتى حبيبتى عشان تشجع على القرايه
وشكراً ليكى
إظهار التوقيع
توقيع : عمر ابانا وعائشه امنا
#3

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ياريت لما تنزلى الجزء التانى
تبعتيلى
وابقى ابعتى الرابط للعضوات
عشان يشوفوها
وييجو يقروها
......
وخمس نجوووم
للقصه الروعه
إظهار التوقيع
توقيع : عمر ابانا وعائشه امنا
#4

افتراضي تنبيه اداري

تم نقل الموضوع من قسم أقلام عدلات الذهبية.
بواسطة : حنين الروح123
#5

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة عمر ابانا وعائشه امنا
قصه روعه ومشوقه جداً
بس ممكن المرة الجايه تكتبى بخط اوضح من دة
وكمان تنسقى لون الخط وكدة
لو سمحتى حبيبتى عشان تشجع على القرايه
وشكراً ليكى

المشاركة الأصلية كتبت بواسطة عمر ابانا وعائشه امنا
ياريت لما تنزلى الجزء التانى
تبعتيلى
وابقى ابعتى الرابط للعضوات
عشان يشوفوها
وييجو يقروها
......
وخمس نجوووم
للقصه الروعه
حاااضر عيوني ياحبيبتي
وميرسي ليكي
نورتيني
إظهار التوقيع
توقيع : ♥H a b i b a♥
#6

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ما اجمل الحب
#7

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

جميله اوووووووووووى
مستنيه الباقى
وكبرى الخط كدا
مممممممممتازه
إظهار التوقيع
توقيع : ام مودي ورودي
#8

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة madam.ramy
ما اجمل الحب
يارب تكون عجبتك
ياقمر
وتابعيني
إظهار التوقيع
توقيع : ♥H a b i b a♥
#9

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة ام مودي ورودي
جميله اوووووووووووى
مستنيه الباقى
وكبرى الخط كدا
مممممممممتازه
مييرسي ياقلبي وعشان عيونك الحلوة هنزل بارت دلوقتي
بس قوليلى اكبر الخط ازاى والون انا من اول ماجيت فى المنتدي معرفش اى حاجه
إظهار التوقيع
توقيع : ♥H a b i b a♥
#10

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

.....
إظهار التوقيع
توقيع : ♥H a b i b a♥
#11

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


وقفنا الحلقة إللى فاتت عند ملك لما كانت بتتصفح الفيس بوك لقت آدد إتبعتلها من (Arch Waleed Wahdan) ،وطبعاً كالعاده كنسلت الطلب لأنها مابتضيفش ولاد ، وفجأه لقت رساله جيالها فتحت الــ (إن بوكس ) وإذا به نفس الشخص وإستغربت لأنه شخص غريب و عرف إسمها الحقيقى ومحدش يعرفه على الفيس بوك غير صحباتها إللى عندها وكان مضمون المحادثه:
Arch Waleed Wahdan:أمممم بيتهيألى كده الطلب إتكنسل والله أعلم !!
Arch Waleed Wahdan:هو بالفعل إتكنسل بس ليكى حق صراحه ماتقبليش حد ماتعرفيهوش وماترديش على حد غريب برده بس انا مش غريب يعنى
Arch Waleed Wahdan: صراحه إخترتى إسم رائع على الفيس بوك بس أنا شايف إن إسمك الحقيقى أجمل بكتير هو مش إنتى ملك بنت عمو مجدى ولا أنا غلطان فى العنوان ؟؟!!!
إستغربت جداً وردت

Innocent flower: مين حضرتك ؟؟!!!!!!!!!!!!!!

Arch Waleed Wahdan:ههههههههه أخيراً رديتى وإيه كل علامات التعجب دى وإيه الإيموشن إللى بينم على إنك هتضربينى ده !

Innocent flower: لو سمحت حضرتك تعرفنى منين عشان تتكلم معايا بالأسلوب ده وأساساً عرفت إسمى منين وحضرتك عاوز إيه بالضبط ؟

Arch Waleed Wahdan:كل دى أسئله بالراحه ، أنا بس حبيت أباركلك على نتيجة التنسيق يا سيادة السفيره

إستغربت أكتر إنه كمان عارف بدخولها إقتصاد وعلوم سياسيه ولسه الخبر ما إنتشرش

Innocent flower: لو حضرتك ما قولتش إنت مين دلوقتى حالاً هعمل بلوك !!!!!

Arch Waleed Wahdan: إيه الوش ده لأ خلاص أنا المهندس وليد على الشهير بوليد وهدان مهندس تحت الإنشاء يعنى لسه فى 4 هندسه

Innocent flower: والله أنا ماسألتش حضرتك إنت مين ولا قولت تعرفّنى بكل ده!!! ، هو سؤال واحد حضرتك تعرفنى منين ؟؟!!!!

Arch Waleed Wahdan: أنا إبن عمك ^___^

Innocent flower: نعمممم ، حضرتك هتهزر ؟؟!!!

Arch Waleed Wahdan:والله ما بهزر ، أنا إبن عمك على ، إللى هو يبقى إبن عم باباكى يعنى

Innocent flower: آآآآآآه ، إبن طنط منى وأخو ولاء ؟

Arch Waleed Wahdan:هههههه ،أيوه بالضبط كده يا فندم

Innocent flower: أهلاً بحضرتك ، بعتذر بس أنا مابقبلش ولاد على الفيس وإستغربت لما لقيت حضرتك عارف إسمى ، بس حضرتك عرفت منين إنى دخلت إقتصاد وعلوم سياسيه ؟؟أصل لسه الخبر ملحقش ينتشر فى العيله يعنى ؟؟ وكمان حضرتك عرفت منين أصلاً إن Innocent flower دى تبقى أنا؟؟!!

Arch Waleed Wahdan: تانى أسئله كتير احلى ابتسامة !، عموماً يا ستى أولاً عرفت إنك دخلتى إقتصاد وعلوم سياسيه لأن والدى كان بيكلم والدك من شويه عشان شغل بينهم ولقاه فرحان جداً وعرفنا إن نتيجة التنسيق ظهرت ودخلتى الكليه دى ، أما بقى عرفت الأكونت بتاعك منين ،فده من ولاء ، بس ولاء ملهاش دعوه هى ما تعرفش أساساً إنى أخدته من عندها

(ولاء أخت وليد دى أكبر من ملك بسنه أد ياسمين يعنى وفى كلية تجاره إنجلش هى صاحبة ياسمين بس ملهاش علاقه أوى بملك )

Innocent flower: أه طيب وحضرتك أخدته ليه أساساً ؟؟!!!

Arch Waleed Wahdan: ما قولتلك عشان أباركلك على الكليه ؟

Innocent flower:لا والله ؟؟؟!!!!!! عموماً أنا متشكره جداً لحضرتك وبستأذن ، سلام عليكم

Arch Waleed Wahdan:إستنى ، ألووو ، شكلك كده قفلتى ، طيب يا ستى عموماً أنا آسف جداً ، وعليكم السلام ورحمة الله وبركاته

قفلت الفيس بوك وهى متعصبه من الموقف ده انا باغلي، وخرجت من أوضتها لقت باباها بيقرا شوية أوراق تبع الشغل وماماتها بتتكلم فى التليفون راحت لباباها ، ونتشت الورق إللى فى إيده

ملك: يعنى على كده بقى ينفع نيجى الشركه أنا وماما وأخويا ونطبخ بقى ونقعد براحتنا فى المكتب ؟؟ جرى إيه يا باشمهندس إحنا مش إتفقنا مفيش شغل فى البيت ؟؟!!!

_بطلى يا غلباويه وهاتى الورق ده ،ما أنتى عارفه إنى مابشتغلش فى البيت بس إنتهزت فرصة إنك مشغوله فى أوضتك وماماتك بتتكلم فى التليفون مش فاكر من الساعه كام أصلاً؟؟!!!،مش عارف الستات ليه بتحب الرغى الكتييير ده الله يكون فى عون ودانهم وبوقهم

ملك: نعم نعم يا باشمهندس ما تنساش إنى أنثى زيهم يعنى ما تحلمش إنى أقف فى صفك وبعدين مش على لوكه إنت بتوه فى الموضوع يا باشا ويلا حالاً الورق ده يدخل فى الشنطه ويتقفل عليه المكتب كده وتيجى تقعد معايا عشان تقولى بقى هعمل إيه ، إنت ناسى إن بنتك خلاص بقت طالبه جامعيه ولا إيه ^____^

طبع قبله على خدها
_وأحلى طالبة جامعيه كمان ، ماشى يا روح قلبى ممكن تديلى بس نص ساعه بالضبط وبعدها إعملى إللى إنت عوزاه؟

ملك: لا لا لا لا هى ربع ساعه وبعدها خلاص إنسى الورق ده ، إتفقنا ؟

_إتفقنا يا زوجتى التانيه احلى ابتسامة

ملك: يا ربى يا ناس وأنا أطول زوجى يبقى عثل كده ، أمال صحيح مروان فين مش شيفاه يعنى بيرخم على ماما عشان يقعد عند التليفزيون ولا بيرخم عليّا عشان الكمبيوتر ملهوش صوت يعنى فينه ؟؟!!

_كان لسه هنا من شويه وأمك قعدت تقوله وطى التليفزيون مش عارفه أتكلم لحد ما سابلها الصاله ودخل أوضته D:

ملك:هههههه طاب أما أروح أغلس عليه شويه لحد ما تخلص شغلك ، ربع ساعه وجيالك أمجدى مفيش غيرهم هه

_ماااااااشى ،إرحمينى وروحى بقى

خبطت على باب أوضة مروان لقيته نايم ،فضلت بصاله وهى مبتسمه
بتحب أخوها مروان أوى ملهاش غيره ،أصغر منها بسنتين وعاملين زى التوأم هو ما شاء الله طولها وبيعتبرها صاحبه الأنتيم كمان باضحك وكل أسراره معاها
دخلت غطته كويس وباسته من راسه ولسه هتخرج وتقفل الباب وراها وسمعته بيتمتم بإسم ، إفتكرت بيتهيألها فى الأول بس لقيته كرره تانى ،أوباااااااااا ده بيقول سلمى !!!!

تمتمت ملك: سلمى؟!! وربنا لأوريك بس لما تصحالى الصبح يا مروان سلمى مين يا أبو سلمى ماااشى مااااشى ، لولا صعبان عليا دلوقتى كنت فزعتك من عز نومك

وقفلت النور وخرجت
_إيه ده إنتى لحقتى ؟؟!! الربع ساعه ماخلصتش والله

ملك: ما أنا عارفه يا باشا ما تخفش أنا بس لقيت الواد مروان نعس قفلت عليه النور وجيت ، بص هو دور ماما عشان أغلس عليها مفيش كلام ، تحب تشترك معايا فى تلك الجريمه الشنعاء ؟؟!!

_لا لا الله الغنى يا بنتى لا وأى شنعاء ، دى جريمه عواقبها وخيمه جداً هو حد يقدر يقاطع أمك وهى بتكلم أختها فى التليفون

ملك: طبعاً فى حد يقدر ، ألا وهى أنا ودلوقتى تشوف

_طاب أنا بستأذنك هدخل أخلص فى المكتب أحسن لو قعدت هنا وإنتوا بتتخانقوا مش هخلص من هنا لبكره الصبح

ملك: إستنى إستنى خليك يا باشمهندس أنا هلجأ للحل السلمى أفضل ، مش خالتى واكله دماغ ماما من الصبح رغى رغى أنا هروح أنتقم فى بنتها ياسمين

_ههههههههه طاب حاسبى لحسن هى إللى تنتقم منك ويبقى البت وأمها خلصوا على بنتى ومراتى


ملك: لا بنتك ما يتخافش عليها ، يلا هعفيك إنهارده من الرغى ، هنأجل حديثنا لبكره بس بنصحك ما تشتغلش فى البيت تانى لحسن هقوّم عليك ماما ونقوم إحنا الإتنين بقى وشوف إنت !!!

_لا لا آخر مره يا باشا

ملك: طاب جيب بوثه وإنت زى العثل كدهه

باست باباها ودخلت أوضتها تكلم ياسمين

ملك:أعوذ بالله إيه يا بنتى قاعده على الزرار احلى ابتسامة

ياسمين: يا سلام مش إنتى بتتصلى عشان تكلمينى يعنى عجباكى أوى تيت تيت إللى بتسمعيها دى ،المهم يعنى عاوزه إيه ؟

ملك: عاوزه إيه ؟ وانا هعوز من واحده زيك إيه يعنى ،عاوزه أرغى شويه ،وبعدين يعنى حصل موقف رخم كده معصبنىياسمين : خير يا بنتى فى إيه ؟؟!

حكيتلها ملك عن إللى حصل وكانت ردة فعلهاياسمين: مممممش ممكن إنتى متأكده إن وليد وهدان إللى هو إبن عمو على وطنط منى إللى فى 4 هندسه ده هو إللى كلمك وقفلتى فى وشه؟؟

ملك: آه والله يا بنتى وهكدب ليه،بس إشمعنا يعنى إنتى تعرفيه؟

ياسمين: إنتى إللى هبله وماتعرفيش حد فى عيلتك أهه حضرتك ده يعتبر واحد من العيله إللى ملكيش علاقه بيها يعنى ، كتير من الناس بتحسبه متكبر بس هو فى الأساس رزين كده ما بيتكلمش مع أى حد حتى فى الجامعه ، هو فتى أحلام كل البنات عندنا فى هندسه، زيدى يا زيدى ؟؟

ملك: إيه ده كله إنتى كمان وبعدين على إيه يعنى انا حسيته أقل من العادى كمان وإستغلسته أصلاً !!!

ياسمين: إنتى إللى عبيطه عشان تقولى كده طاب بصى أنا هبقى أبعتلك صفحته على الفيس وإنتى إقرى كلامه وإحكمى بنفسك ، شكل الشعرا بيقعوا فى بعض بقى ولا إيه ؟؟!!

ملك: شعرا؟! هو بيكتب شعر كمان ؟؟!!
ياسمين: آه يا ماما طبعاً ،ده عليه كتابات هو مدوب البنات من شويه ؟ بكلامه ولا بشعره وعنيه الخضر دول ولا بعضلاته ،يا سلااااام ، بقولك إيه أنا هبعتلك لينك الصفحه ناو أصلاً عشان فاتحه لما تفتحى أبقى شوفيها

ملك: شعره وعنيه الخضر وعضلاته!!!!!! هو ده إللى بقى بيعجب البنات فى الراجل دلوقتى ؟؟!!!!! وبعدين تبعتى الصفحه ليه وهستفاد إيه يعنى ؟؟! حاجه مش مهمه بالنسبه ليا ، المهم أنا هقفل دلوقتى عشان نعسانه خالص ، وأبقى قولى لأمك كفايه رغى كلت ودن أمى إيييه كفففااايه

ياسمين: نعم يا أختى طاب ده أمى كل ما تقفل موضوع إمك تروح فاتحه غيره عموماً غورى يا محترمه إتخمدى وانا هكمل شات مع صحابى بقى ،سلااااام

ملك: سلااامقفلت ملك مع ياسمين ودخلت على طول نامت عشان تقدر تصحى الصبح لتقديمات الجامعهوالصبح صحيت ملك وراحت هى وباباها وياسمين على الجامعه عشان يقدموا ورقها فى كلية الإقتصاد والعلوم السياسيه وفجأه وهم هناك ياسمين غمزت ملك: إلحقى يا ملك !!! مستغربة
وإنتهت حلقتنا إنهارده ، إنتظرونا إن شاء الله عشان نعرف فى الحلقه الجايه ياسمين شافت إيه ! ابتسامة
==========

عايزه اسمع ارائككككــم فى الحلقه
إظهار التوقيع
توقيع : ♥H a b i b a♥
#12

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

[SIZE="6"][COLOR="black"][COLOR="black"]بصى فى المكان[
اللى بتكتبى فيه الموضوع هتلاقى من فوق
الاحجام تفتحيها اختاري من 1 الى 6 دا الححجم
واللون مكتوب عليه حرف[اختارىhttps://adlat.net/3dlat/editor/color.gif
إظهار التوقيع
توقيع : ام مودي ورودي
#13

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة ام مودي ورودي
[size="6"][color="black"][color="black"]بصى فى المكان[
اللى بتكتبى فيه الموضوع هتلاقى من فوق
الاحجام تفتحيها اختاري من 1 الى 6 دا الححجم
واللون مكتوب عليه حرف[اختارىhttps://adlat.net/3dlat/editor/color.gif
ماشي ياقمر
قوليلى ايه رايك فى الجزء الجديد
إظهار التوقيع
توقيع : ♥H a b i b a♥
#14

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

جمبل جدااااااا ياقمر
إظهار التوقيع
توقيع : حياه الروح 5
#15

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

قصة اكثر من روعة و مشوقة كمان يسلموا حبيبتي♥♥
إظهار التوقيع
توقيع : احبك رغما عنك
#16

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

الحب و الرمنسيه هم الشعور الذي يخرج من القلب ويبعث السعادة في الحياة
إظهار التوقيع
توقيع : Riham intissar
#17

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ما اجمل الرومانسية
تسلمي حبيبتي
رد: ʚϊɞ روايه •.¸ربـآط الحب¸.• رومانسيه . منقولة ʚϊɞ
#18

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

جميل حبيبتي تسلم ايدك
إظهار التوقيع
توقيع : هبه شلبي
#19

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

قصة جميلة كتير
#20

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

يسلموووو
إظهار التوقيع
توقيع : imane mimi
#21

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

حبيبتي حلوة بزااااف واصلي على هدا المنواال ههه
عجبتني الرواية بزااف صديقتك وئام من الجزائر
#22

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

البارت نزل ياقمرات
إظهار التوقيع
توقيع : ♥H a b i b a♥
#23

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

صحيت ملك وراحت هى وباباها وياسمين على الجامعه عشان يقدموا ورقها فى كلية الإقتصاد والعلوم السياسيه
وفجأه وهم هناك ياسمين غمزت ملك: إلحقى يا ملك ! أهه جاى هناك يا سبحان الله بقى
ملك: هو مين ده؟؟!!
ياسمين: ومين غير وليد وهدان يا مزه يا سلام

ملك: يا شيخه إتنيلى إنتى وهو وانا أعمل بيه إيه يعنى صرعتينى

قرب عليهم وسلم على باباها ، بصلهم هى وياسمين وسلم على ياسمين ،وبص لملك وهو مبتسم : إزيك يا سيادة السفيره ؟

ملك ردت بدون إهتمام: أه الحمد لله بخير يا باشمهندس

ساعدهم فى تقديم ورق ملك فى كليتها ولما خلصوا باباها عزمهم على الغدا ،بعد ما إتغدوا إستأذنت ملك من باباها تاخد ياسمين ويروحوا يجيبوا آيس كريم ويتمشوا شويه
وهم بيتمشوا
ياسمين: قولى بقى مش واخده بالك من نظراته ليكى ؟؟!، يا بنتى وربنا شكله واقع واقع يعنى ،والله وشوفت البنت إللى وقعتك يا وليد يا وهدان !!!باضحك

ملك: بطلى هبل يا ياسمين الله يخليكى ، كل دى تهيؤات وبعدين إنتى مركزه أووى معاه كده ليه ؟؟!! كبرى دماغك بقى وياريت ما تفتحيش الموضوع ده تانى

ياسمين: طيب يا أختى بالراحه على نفسك شويه ،بس شوفتى طلع ذوق إزاى إنهارده وخلص كل الورق بتاعك من غير ما يتعب عمو مجدى ولا..

قاطعتها ملك بعصبيه : يووووووووووه إنتى برده بتتكلمى عنه تانى يا ياسمين ،دى حاجه تفلق مش معقول كده بقى انا متنرفزة

وسابت ياسمين وراحت لباباها
ملك: بابا أنا عاوزه أمشى لو سمحت
_خير يا حبيبتى إنتى كويسه ؟؟
ملك: أيوه تمام ما تقلقش بس مرهقه شويه وعاوزه أروح أرتاح ممكن نقوم يلا ؟
_خلاص ماشى يا حبيبتى يلا

ومشيوا على البيت وأول ما دخلت أوضتها ، رمت الشنطه ،قلعت حجابها ورمت نفسها على السرير فضلت باصه فى السقف و كلام ياسمين عمال يدور فى راسها ، هزت راسها وكأنها بتطرد الأفكار منها مخاصماكي
و بدأت فى قراية روايه جديده القراءة للجميع، قرأت كتير لحد ما عنيها وجعتها قامت تريح شويه وراحت عند مروان ، خبطت على الباب ماردش فتحت الباب بالراحه لقيته فى البلكونه وواضح إنه بيتكلم فى الموبايل ، دخلت وأول ما فتحت باب البلكونه إنتفض وشال الموبايل من على ودنه ورد فى إرتباك: مـ مـلك إنتى هنا من إمته ؟ وإيه عاوزه حاجه ؟

ملك بإبتسامة خبث: أمممممم هنا من إمته تحياتي؟! ، عموماً ما تقلقش لسه جايه دلوقتى اهه مالحقتش أسمع حاجه يعنى بس ، كلم البت إللى قفلت فى وشها دى وخلص معاها وتعلالى مستنياك جوه عشان نتكلم شويه

مرواان: لـ لا بنت إيه بس أنا جاى معاكى دلوقتى يلا
قعدوا سوا وبدأ الحوار بينهم بملك: أخبار التدريب معاك إيه ؟

مروان: الحمد لله تمام ، وإنتوا عملتوا إيه إنهارده فى التقديمات
ملك: الحمد لله كله تمام ، ها أنا سامعه أهه قول

مروان: سامعة إيه ؟؟ مش فاهم

ملك: أممممم أفهمك أنا يعنى إحكيلى إللى شاغلك اليومين دول

مروان بإرتباك: أنا ؟؟ وهيكون إيه شاغلنى يعنى ولا حاجه يا حبيبتى

ملك: طاب كنت بتكلم مين؟
مروان: ده واحد صاحبى

ملك: صاحبك مين يعنى ما انا اعرف كل المقاطيع صحابك

مروان: ده صاحب جديد ما تعرفيهوش لسه متعرف عليه

ملك : أمممممم ،حيث كده بقى أخش دوغرى ومن غير لف ولا دوران ، مين سلمى دى يا مروان؟؟!!!

إنتفض مروان وكأن لسعته عقربه ورد: سـ سـ سلمى مين ؟؟ إنتى تعرفيها منين وفى إيه بالضبط؟؟

ضحكت ملك ضحكة إنتصار : هههههههه باضحك طاب إقعد وإهدى كده بس ، أجيبلك لمون تروق دمك ؟ فى إيه يلا مالك نشفت كده ليه لما سمعت إسمها ؟؟!! قولتلك من الأول أنا ما بتستخباش عليا حاجه فريح دماغك وإعترف يلا

رد بتنهيدة المهزوم من إلحاح ملك : بنت شوفتها فى النادى قبل كده كتير ، كانت بتيجى تحضر التمرين بتاعى وتتفرج علينا يعنى بصمت كده ،لحد ما التيرم ده لقيتها داخله علينا المدرسه ، يعنى إتنقلت جديد فى مدرستنا فى التيرم الأخير ده ، وأبدتلى إعجابها بيا فى التدريب وإعجابها بذوقى وأخلاقى يعنى ومش لازم أقول الباقى بقى ، بس والله أول مره أكلمها فون وكلمتها عشان أطمن عليها لأنها مابتجيش النادى وعرفت إنها تعبانه يعنى فقلت ذوقياً أتطمن عليها ، بس يا ستى إرتحتى ؟

ملك: أمممممم ذوقياً تتطمن عليها؟!! ، وقالتلك معجبه ؟! يا ما شاء الله راائع يا مستر مونى ، والموضوع ده بقى على كده من أول السنه وانا لسه عارفه دلوقتى صح؟

مروان: ما إنتى كنتى مشغوله فى الثانويه العامه يا ملك وماكوناش بنقعد مع بعض أعمل إيه يعنى ؟

ملك: ماشى ، سماح المره دى ، بس بقولك إيه أنا جايه معاك النادى بكره إن شاء الله
رد بإستغراب : ليه ؟ ده إنتى عمرك ما عملتيها

ملك: عادى عاوزه أتفرج على أخويا إللى عاجب البنات ده باضحك

مروان: ههههههههه ماشى يا ستى وكويس عشان أعرفك على سلمى أصلها قالت هتحضر بكره

ملك: أممممم طيب أفكر
مروان:هههههه ماشى يا رخمه احلى ابتسامة

ملك: هروح بقى أكمل قرايه وخف كلام فى التليفون يا خفيف

مروان: ماشى يا عم المحقق ،بس صحيح قوليلى يا ملك إنتى عرفتى إسمها منين ولا بتيجى النادى ولا المدرسه يبقى عرفتى منين؟؟
!!!
ملك: ههه العثفوره قالتلى ، وماتحاولش معايا عشان مش هقولك على السر يلا بقى ماتعطلنيش ،سلام يا عم الحبّيب
مروان: سلااااااام يا سيادة المحقق كونان تحياتي

راحت ملك على أوضتها وعماله تفكر فى مروان وتقول لنفسها: يا ربى حتى العيال المفاعيص إللى ماتطلعوش من البيضه دول بيحبوا ؟! طاب أنا هتصرف مع مروان إزاى بس؟؟ أنا ما حبتش إنهارده أضغط عليه وخليت الموضوع إعتراف بس،عموماً بكره لما أشوف البت دى وأعرف سلوكها ونظامها إيه هبقى أقرر إللى هعمله إن شاء الله

و فتحت الفيس بوك شويه ولقت عندها رساله من ياسمين ،فتحتها ولقت لينك صفحة إفتكرت إن دى صفحة وليد وهدان إللى ياسمين قالتلها عليها ، فكرت شويه وبعدين فتحت اللينك لقت صفحه إسمها (إعترافات قلم للـ م/وليد وهدان)،فقرأت أول منشور ليه وعجبها جداً وده إللى جذبها تقرا إللى بعده وإللى بعده جذبها للى بعده لحد ما لقت نفسها لا إرادياً سهرت من غير ما تحس بالوقت وهى بتقرا كل المنشورات الموجوده فى صفحته من أول منشور لآخر منشور، حست إنها غيرت فكرتها عنه من إنه إنسان تافه وغلس إلى إنه شخص مرح ومُثقف وكلماته تنم على إنه بيحب القرايه زيها ، وجت تقفل لقت نفسها نسيت تعمل لايك للصفحة عملت لايك (وملك من عادتها
مابتعملش لايك غير للصفحه إللى تستحق مش أى صفحه والسلام )

ولسه هتقفل لقت رساله ،توقعت تكون ياسمين فطنشت الرساله وقامت تغسل وشها عشان عنيها وجعتها من الكمبيوتر
غسلت وشها ورجعت فتحت الرساله وإنتفضت من مكانها لما لقتها من وليد وهدان

Arch Waleed Wahdan:أفهم من كده بقى إن كتاباتى حلوه عشان ملك مجدى بجلالة قدرها تعمل لايك لصفحتى
؟؟!
إبتسمت وقررت ترد عليه ابتسامةInnocent flower: أكيد حضرتك كلماتك عجبتنى ما شاء الله عشان كده عملت لايك للصفحه ابتسامة

Arch Waleed Wahdan: كويس جداًُ ، فرحتينى والله ، مع إنى عارف ومتأكد إن كلماتى تعجب أى حد بس ربنا يخليكى انا؟

Innocent flower:أممممم ، أسميه غرور يعنى؟!! عموماً غرور أو مش غرور ، بس إللى حضرتك ما تعرفهوش إن أنا فيه كتّاب كبار وكتاباتهم ما بتعجبنيش ومش أى حد إللى أقراله وكتاباته تعجبنى ،بس صراحه محتاج تقرا شويه كمان عشان تحسن كتاباتك وأسلوبك طيبة

Arch Waleed Wahdan:ههههههههههههه ، غيرتى رأيك على طول ،قال وتقوليلى انا اللى مغرور!!! ، ده إنتى مش سهله صحيح ، عموماً يا ستى أنا كنت بهزر بس مش أكتر

Innocent flower: ، صحيح كنت عاوزه أشكر حضرتك عشان إللى عملته معانا إنهارده ، وكمان حابه أعتذر عشان إللى حصل أول مره بس أنا فعلاً ما بتكلمش مع حد غريب لذلك كانت ردة فعلى بالشكل ده

Arch Waleed Wahdan: أولاً ده واجبى وأى حد غيرى كان هيعمله خصوصاً لو هيخدم حبيب قلبى وقدوتى عمو مجدى ، وثانياً إعتذارك مقبول وانا مش زعلان أصلاً وليكى حق فى إللى عملتيه

Innocent flower: متشكره لتفهم حضرتك ، وأقدر أبعت لينك صفحتى لحضرتك تشوف كتاباتى ؟؟!

Arch Waleed Wahdan: لأ

Innocent flower: نعم؟؟

Arch Waleed Wahdan:هههههههباضحك ما تتخضيش أوى كده ، بقول لأ لأنى عامل لايك من زمان لصفحتك(همسات قلم ملك مجدى) وأساساً متابعها من زمااااااااااااان وقريت كل المنشورات إللى فيها من أولها لآخرها وعجبتنى جداً على فكره ، وده السبب إللى خلانى أعرفك أصلاً وإستغربت إن فيه فى العيله موهبه جميله كده ومحدش يعرف

Innocent flower: مبسوطة متشكره جداً جداً لحضرتك ، ده بس من ذوقك

Arch Waleed Wahdan: بس ممكن بقى بلاش حضرتك دى الله يكرمك أصلى مابحبهاش وبعدين أنا مش عجوز للدرجه دى يعنى Icon Cheese

Innocent flower: حضرتك ملهاش دعوه بالسن ، أنا أوقات بقولها لناس أصغر منى ، بس هى بتكون تعبيراً عن الإحترام مش أكتر

Arch Waleed Wahdan: ما انا فاهم بس الإحترام موجود برده من غيرها ، بس الله يكرمك ريحينى وبلاش تقوليها وبعدين إحنا كمان قرايب يعنى

Innocent flower: خلاص إن شاء الله

ولمحت الساعه لقتها (2:30 am) إندهشت إن الوقت مر كده من غير ما تحس فإستأذنت منه وقفلت عشان تنام ، قفلت معاه وفضلت تأنب فى نفسها إنها ردت عليه وإتكلمت معاه كل ده ، وفضلت تأنب فى نفسها وتبرر لحد ما راحت فى النوم

وصحيت الصبح بدرى على صوت مروان بيصحيها عشان تروح معاه النادى زى ما إتفقوا ، فقامت من النوم وراحت معاه وهناك عرّفها على سلمى ، بنوته متوسطه فى الطول وجميله شكلاً ما شاء الله بيضا وعيونها زُرق وشعرها بنى فاتح وللأسف مش محجبه ! عجبت ملك شكلاً بس إتضايقت منها لأنها مش محجبه لكن ماحبتش تحكم عليها دلوقتى غير لما تشوف تصرفاتها وقعدوا سوا يتفرجوا على التمرين بتاع مروان ، وملك عنيها على سلمى وبتلاحظ كل تصرفاتها وردود أفعالها ،لحد ما جت إستراحه وبعدين بتبص على مروان والمدرب ولقت شخص واقف مع المدرب وبيسلم عليه بحميميه وبعدين سلم على مروان وهزر معاه ركزت فى شكله وإتفاجأت لما شافته
!!!

وإنتهت الحلقه هنا وإنتظرونا الحلقة الجايه عشان نعرف ملك شافت مين وإتفاجأت ليه ؟؟!!! مخضوضة

عآآآآيزه اسمع ارائكككم
إظهار التوقيع
توقيع : ♥H a b i b a♥
#24

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

جميـله ♥
إظهار التوقيع
توقيع : NoUr♥
#25

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

هايلة عجبتني مي طويلة مزال ما كملتهاش مي عجبتني
إظهار التوقيع
توقيع : I dO nOt CaRe
#26

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة nour♥
جميـله ♥

المشاركة الأصلية كتبت بواسطة khadidja dz
هايلة عجبتني مي طويلة مزال ما كملتهاش مي عجبتني
ميرسي ياقمرات
هنزل بارت كمان ساعه ياريت تتابعوني
إظهار التوقيع
توقيع : ♥H a b i b a♥
#27

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

الله يخليك لينا
#28

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة سارة البرشلونية
الله يخليك لينا
تسلميلي ياقلبي ♥♥♥
إظهار التوقيع
توقيع : ♥H a b i b a♥
#29

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

كتير حلوين
إظهار التوقيع
توقيع : نايلية وفخر ليا
#30

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ما اجمل شخص عندما يحب شخص ولا يتكلم معه ؟؟؟؟؟؟؟؟!!!!!!!!!!
#31

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

الجزء الجديد نزل
إظهار التوقيع
توقيع : ♥H a b i b a♥
#32

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

....
إظهار التوقيع
توقيع : ♥H a b i b a♥
#33

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


وقفنا الحلقة إللى فاتت لحد ما جت إستراحه وبعدين بتبص على مروان والمدرب ولقت شخص وقف مع المدرب وبيسلم عليه بحميميه وبعدين سلم على مروان وهزر معاه ركزت فى شكله وإتفاجأت لما شافته !!!

معقوله هو ؟؟!! أيوه هو وليد وهدان هو الواد ده ورايا ورايا (ملك قالت لنفسها)

وقطع شرودها صوت سلمى : أنا حقيقى سعيده جداً إنى إتعرفت عليكى إنهارده ابتسامة

ملك: هه ، وأنا كمان أسعد أكيد يا سلمى شعرك جميل أوى ما شاء الله بس من رأيى يعنى أنا شايفه إنه هيكون أحلى لو دارتيه عن عيون كل الناس عشان إللى يستحق يشوف جماله شخص واحد بس هو إللى هترتبطى بيه وبعدين يا سلومه الحجاب فرض للبنت المسلمه ولا إيه ؟

سلمى: مرسي لذوقك يا حبيبتى ، أنا عارفه والله وعلى فكره مروان كلمنى فى الموضوع ده قبل كده كتير وأنا شايفه إنه عنده حق وإنتى كمان عندك حق وإن شاء الله قريب هبقى أحاول أتعود عليه وألبسه،صحيح مبروك إنك إتقبلتى فى الكليه إللى نفسك فيها

ملك: الله يبارك فيكى يا حبيبة قلبى ،إنتى بقى نفسك تدخلى كلية إيه؟ ابتسامة

سلما: محتاره مابين صيدله وهندسه صراحه انا؟

ملك: بس لازم تحددى هدف منهم يا قمره وإن شاء الله تدخلى إللى عوزاه بس إنتى إجتهدى فى دراستك كويس يا سلومه

سلمى: إن شاء الله يا ملوكه ^__^ ، إيه ده دول خلصوا التمرين ما تيجى نروح لمروان
ملك: أه أوك يلا ، ولا أقولك روحى وأنا هستناكى هنا

ملك لنفسها: بلاش يا بت يا ملك أحسن إنك قولتلها هقعد هنا أنا مش ناقصه إللى إسمه وليد ده يتكلم معايا هو هيفتكر عشان كلمته إمبارح خلاص هياخد عليا بقى
لا لا أحسنلى أساساً أقوم أمشى وأبقى أكلم مروان وأقوله إنى مشيت فجأه عشان أى سبب أنا أصلاً إيه إللى جابنى مليش فى النوادى والكلام الفاضى ده

سحبت شنطتها ومشيت بسرعه وأول ماخرجت من مكان التدريب لقت حد بينده عليها _أنسه ملك إستنى ــــــــ إلتفتت وإذا به وليد

وليد: إيه ما شاء الله على رجلك ده أنا نَفسى إتقطع وأنا بحاول ألحقك إزيك؟ باضحك

ملك: الحمد لله بخير وإزى حضرتك ؟ ابتسامة

وليد: تانى حضرتك ، عموماً أنا بخير الحمد لله ، بس غريبه إنى أشوفك إنهارده فى النادى ،أنا عمرى ما شوفتك هنا!!!

ملك: أه ما أنا مليش فى النادى بقى والجو ده وكنت فى ثانويه عامه ومش فاضيه ،إنهارده بس جيت عشان مروان إتحايل عليا أتفرج عليه فى التدريب

وليد: أه ، وأنا أقول النادى نور إنهارده ليه أتاريكى شرفتينااحلى ابتسامة

ملك: مرسي لذوق حضرتك ،هستأذن أنا بقى ابتسامة

وليد: إستنى ،طيب ليه ما تجربيش تشتركى فى النادى الثقافى إللى هنا أنا مشترك فيه وتقدرى تقولى كمان انا إللى مأسسه وفيه شعرا كتير بنات وولاد هتحبى صُحبتهم جداً تقدرى تشتركى معانا

ملك: لا لا لا شكرااا ، أنا مليش فى الجو ده ومابحبش أقول شعر قصاد حد، آخرى كتابه وبس

وليد: مش لازم تقولى ممكن تسمعيهم وتشاركى برأيك وأنا واثق إنك هتتشجعى لما تشوفيهم وهتقومى تقولى

ملك: لا مرسي إعفيني من الموضوع ده

وليد: عموماً ، إحنا إجتماعتنا بتبقى كل يوم إتنين وخميس من الساعه 4 العصر لحد8 بالليل وأوقات بنطول لـ 10 يعنى لما تكون فيه فقرات متنوعه ، وكمان مش شرط اتنين وخميس أحياناً بنغير المواعيد على حسب رغبة الأعضاء ،حبيت أقولك عشان لو غيرتى رأيك فى أى وقت

ملك: مرسي جداً لحضرتك ، بستأذنك سلام عليكم ابتسامة

وليد: وعليكم السلام ورحمة الله وبركاته

مشيت ملك وهى متضايقه إنه وقف معاها وكلمها فى النادى كده بس حاولت تشغل نفسها بالتفكير فى أى حاجه تانى عشان ما تديش للموضوع أكبر من حجمه ،إتصلت بياسمين وطلبت منها تقابلها وكمان إتصلت بباباها وإستأذنت منه إنها هتتمشى شويه هى وياسمين

وجتلها ياسمين على الكافيه إللى قالتلها عليه
ياسمين: إيه يا نيله جيبانى على ملا وشى ليه ؟؟!!

ملك: عشان نشم شوية هوا يعنى عجباكى قاعدة البيت ؟؟!!!

ياسمين: طووووويب طلبتى حاجه ؟؟

ملك: لا لسه مستنياكى مش في المود خالص

ياسمين: مالك فى إيه شكلك مش عاجبنى؟

ملك: لا مفيش أنا كويسه
كانت لسه هتقول لياسمين بس حاجه منعتها من إنها تتكلم أو تفتح الموضوع ، طلبوا عصير وبعدها آيس كريم وقعدوا يرغوا شويه فى مواضيع مختلفه وقاموا روحوا

وأول ما ملك روحت لقت باباها مستنيها إتكلم معاها شويه عن الجامعه ، وقالها إنه إتفق هو ومامتها يروحوا يومين إسكندريه قبل ما تبدأ الدراسه وملك فرحت جداً وإستأذنت من باباها تعزم ياسمين بس مامتها إقترحت يعزموا أهل خالتها كلهم مش ياسمين بس وقد كان
جهزوا نفسهم وركبوا عربياتهم ،ملك وياسمين ويارا أخت ياسمين الصغيره ومروان فى عربية المهندس مجدى أبو ملك وفى العربيه التانيه عمّها محمد أبو ياسمين ومامتها ومامة ياسمين وياسر أخو ياسمين الكبير

نروح بقى للعربيه إللى فيها البنات

ياسمين قالت لملك: هى الناس دى خطفانا ولا إيه ؟؟!!، أنا حافظه طريق إسكندريه إحنا مش رايحين على إسكندريه كده ،هو فى إيه ؟!

ملك: مش عارفه ،إستنى كده ، باباتى هو إحنا رايحين فين كده إنتوا خاطفينا ولا إيه ؟؟!!

_لسه ما بدأناش الرحله يا ملك إحنا بنجيب باقى الناس عشان نمشى بعرباتنا مع بعض

ياسمين: إحنا رايحين نجيب مين يعنى يا عمو فى حد نعرفه من الناس دى؟

_هنعدى على بيت عمكم على عشان نمشى سوا بعربياتنا

ياسمين: إييييه عمو على وهدان ؟؟
_أيوه

ملك: نعممستغربة؟ طيب ودول بقى جايين معانا ليه إن شاء الله ؟؟

_قولى إحنا إللى رايحين معاهم يا حبيببتى ، الرحله دى تبع الشغل ،إنتى ناسيه إن عمك على معايا فى نفس الشركه وانا أساساً ماكنتش أعرف موضوع الرحله ده وهو إللى إقترح عليا نروح معاهم

ملك بإمتعاض: طيب حضرتك ماقولتليش كده ليه من الأول يعنى ؟ مش في المود خالص

_ولو قولتلك من الأول إيه المشكله بالنسبه ليكى ، ده أنا حتى قولت هتستمتعوا مع ولاء هى مش صاحبتكم برده ولا فى مشاكل ؟؟؟!!

ياسمين غمزت ملك : أه أيوه يا عمو طبعاً ،بس يلا بسرعه بقى عشان نلحق نروح بدرى كل ما نروح أبدر كل ما نستمتع أكتر

_ عندك حق يا ياسمينا ، وأدينا قربنا نوصل البيت أهه

ياسمين بصوت خافت لملك: إيه يا نيله إنتى ده ؟؟!! بطلى حركاتك دى أبوكى يقول إيه دلوقتى ؟ ولا مش عاوزاهم يجوا ليه؟

ملك: خلاص يا ياسمين قفلى بقى على السيره عشان ما تعصبنيش أكتر حزينة

سرحت ملك وكلمت نفسها: الله بقى هى إيه الحكايه ؟؟!! أنا مش فاهمه فى إيه بالضبط الواد ده ناططلى فى كل حته وفى كل وقت كده ليييه ؟؟!! ياربى أنا مش عاوزه أفكر فى أى حاجه ومش هسمح لنفسى أساساً أوووووف بقى فرحتى بالرحله ضاعت خلاص دى حاجه تفلق انا باغلي



وأول ما وصلوا وليد وكأن عنيه كانت بتدور عليها هى تحديداً وهى عملت نفسها مش شيفاه أساساً ، مروان بدّل الأماكن هو ولاء عشان تيجى تقعد مع البنات فى عربيه واحده ، وطول الطريق وولاء وياسمين بيرغوا أما عن ملك فحطت السماعات فى ودنها وقررت طول سكة السفر تعيش لحظات من الزمن الجميل مع صوت فيروز وأم كلثوم وفضلت على الحال ده لحد ما وصلوا إسكندريه
وللأسف إتعطلوا كتير واليوم ده ضاع وأخيراً وصلوا بس بالليل وكل عيله راحت على الشليه بتاعها عشان يرتاحوا
ملك أول ما وصلت رتبت هدومها ودخلت نامت على طول
وهى أول واحده صحيت فى كل إللى فى الرحله ،الصبح بدرى جداً وقبل ما الشمس تشرق قامت لبست فستانها و حجابها وخدت شنطتها وفيها الحاجات إللى مابتفارقهاش دفترها وقلمها ، الموبايل ،الـIpod والكاميرا بتاعتها وخرجت من الشاليه

(ملك بتحب البحر جداً بس ما بتحبش تنزله ! تفتكر آخر مره نزلت كانت لسه فى الإبتدائى وكانت هتغرق وإترعبت أووى يومها ،يمكن يكون الموضوع ده سببلها عُقده من نزول الميه ويمكن لإنها حابه أكتر تتفرج على البحر من بعيد ، إتعودت كل ما تروح البحر تاخد دفترها وقلمها وتقعد تكتب قدام البحر أو تتمشى على الشط وتبنى بيوت فى الرمل بس مافكرتش قبل كده تجرب تنزل الميه تانى )

الجو كان حلو أوووى والسما صافيه ونسمة هوا ساقعه كانت بتصافح وشها وتنعشها ،مشيت للبحر وهى بتستنشق الهوا النقى ده إللى مُفتقدينه فى زحمة كايرو ،خلعت (جزمتها) ووقفت على الشط وأول ما الميه لمست رجلها حست بإنتعاش فإبتسمت باحبك باحبك

غمضت عيونها ورفعت راسها لفوق وفردت دراعها وفضلت تجرى على الشط زى المجنونه أو بمعنى أصح زى عصفوره رقيقه نالت حريتها واو
فضلت تجرى وتضحك لحد ما تعبت ، وبصت لقت الشمس بتشرق ،طلعت الكاميرا وفضلت تصور الشمس وهى بتشرق كام صوره ،أصلها بتحب التصوير جداً ودايماً بتصور لقطات نادره لأى حاجه موجوده فى عشقها الحقيقى>>> (الطبيعه) بتعشق الطبيعه وكل لون فيها ،خلصت تصوير وجابت كرسى حطيته على الشط وقعدت تكتب وترسم شويه وهى بتكتب فضلت تغرد قصدى تغنى بصوتها
شط إسكندرية يا شط الهوى
رحنا إسكندرية رمانا الهوى
يا دنيا هنية و ليالي رضية
أحملها بعينيه شط إسكندرية
البحر و رياحو و الفلك الغريب
يحملها جراحو و يرحل في المغيب
يتمهل شوية و يتودع شوية
و تعانق المية شط إسكندرية
ليالي مشيتك يا شط الغرام
و إن أنا نسيتك ينساني المنام
و الشاهد عليه غنوة أمارية
و النسمة البحرية و شط إسكندرية

وفجأه أول ما خلصت لقت حد واقف وراها وبيسقف ،إتخضت وبصت وراها ولقيته واقف قصادها ،إتكسفت أوى عنيها برقت ووشها إتلون بكل ألوان الطيف وسألت بعصبيه : إيه ده إنت هنا من إمته ؟

وليد رد مبتسم :أمممم والله لو على فى المكان ده من إمته يبقى من أول ما سمعت صوت الكروان إللى كان بيغنى من شويه أما بقى عن أنا شايفك من إمته فأنا شايفك من ساعة ما نزلتى أنا من الفجر وأنا صاحى وقاعد فى البلكونه ولمحت ملاك كده لابس فستان أبيض وعليه ورود حمرا ماشى قدام البحر وبعدين إتحول لعصفوره عماله تجرى بحُريه وبعدين قعدت تكتب فقررت أنزل بقى لأنى حابس نفسى بقالى كتير عشان عارف لو نزلت هقطع عليها اللحظات الحلوه دى ،،،،بس احلى ابتسامة

إتصدمت ملك لما عرفت إنه كان ملاحظها من أول ما خرجت من الشاليه مستفاجأة
وكان هاين عليها تعيط من الكسوف ماردتش عليه وفضلت تلم فى كل حاجاتها والحاجه من الكسوف عماله تقع منها وهى تلم فيها أخدت شنطتها ولسه هتمشى بسرعه على الشاليه

وليد: إستنى يا ملك لو سمحتى !!

وإنتهت حلقتنا هنا إنهارده ، يا ترى قال لملك إيه ؟؟وحصل إيه بعد كده فى الرحله ؟؟!! ده إللى هنعرفه فى الحلقه الجايه إن شاء الله فإنتظرونا باي باي

يــآ ريت أعرف رأيكمـ في الحلقة و أشوف التفآعل
إظهار التوقيع
توقيع : ♥H a b i b a♥
#34

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

يسلموو يا حبى حلوة خالص
إظهار التوقيع
توقيع : Nada Ndod
#35

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة nada ndod
يسلموو يا حبى حلوة خالص
ميرسي حبيبتي
تابعيني بئا
إظهار التوقيع
توقيع : ♥H a b i b a♥
#36

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

عنجد حبيبتى الئصة روووعة وانت اروع والحب روووووووعة وانا منتظرة الجزء الثانى من الئصة وابعتيلى رسالة متل الى ئبل والرابط وشكرا الك حبيبتى دمتى فى رعاية الله
*^^
#37

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

الحلقة 5
وقفنا الحلقه إللى فاتت عند أما
إتصدمت ملك لما عرفت إنه كان ملاحظها من أول ما خرجت من الشاليه وكان هاين عليها تعيط من الكسوف بريئة يا بيهماردتش عليه وفضلت تلم فى كل حاجاتها والحاجه من الكسوف عماله تقع منها ،أخدت شنطتها ولسه هتمشى بسرعه على الشاليه

وليد: إستنى يا ملك لو سمحتى ، هو أنا مضايقك فى حاجه؟

ملك بتوتر ومن غير ما تبصله: لأ ليه حضرتك بتقول كده يعنى ؟

وليد: أصل مش معقول كده أول ماتشوفينى زى مايكون بتشوفى عفريت قصادك وتهربى على طول وأول ما أجى فى مكان تمشى منه ، أنا عملتلك إيه ؟!

ملك: لأ عادى والله ، بيتهيألك حضرتك أنا عادى جداً

رد وليد بإنفعال وعصبيه : والعادى إنك تتكلمى بتكبر مع أى حد وتحسسيه بأنه متطفل ومايسواش حاجه ؟؟ ده أسلوبك مع كل الناس ولا معايا أنا بس؟لو ده أسلوبك مع كل الناس أنصحك تغيريه أما لو معايا بس فياريت أعرف السبب ؟؟!!!!

ردت ملك بعصبيه ناقر ونقير: على فكره أنا مش متكبره !كل الحكايه إن العادى بتاعى ما بحبش أتكلم مع حد،ومتشكره جداً على نصيحة حضرتك بس أنا مرتاحه كده

وليد: طيب ما انا كمان مابحبش أتكلم مع حد بس على الأقل بحترم إللى قصادى!!!، عموماً شكراً لذوقك ،تقدرى تمشى دلوقتى وآسف إنى عطلتك الشويه دولمتضايقة

وسابها وراح يتمشى ع البحر

ملك كإن إترش فى وشها مايه ساقعه مكسوف،حست بالإحراج من كلامه وإتعصبت لأنه وصفها بالتكبر وكلمها بالشكل ده ،بس مسكت أعصابها عشان ماتكبرش الموضوع وراحت على الشاليه
دخلت الأوضه ،خلعت حجابها بعصبيه وهى عماله تفكر فى إللى حصل
غسلت وشها ومددت على السرير ،هديت شويه بس كان فيه صراع بينها وبين نفسها ،صوت بيقولها إللى عملتيه ده صح عشان ما ياخدش عليكى ، وصوت تانى يقول لأ إنتى غلطتى ماكنش المفروض تتكلمى معاه وتتعاملى بقلة الذوق دى !!!
صوت يقولها ماتفكريش فى الموضوع وخلاص كبرى دماغك ولا كأن حاجه حصلت ده هو كمان إللى المفروض يعتذر لأنه غلط فيكى ،وصوت تانى بيقولها لأ إنتى لازم تعتذرى عن إسلوبك ده!!!!
حطت المخده على دماغها وكأنها بتكتم الأصوات إللى جواها دى وفى النهاية قررت إنها تطنش الموضوع على الأقل دلوقتى عشان تعرف تريح شويه

وصحيت على صوت يارا(يارا دى أخت ياسمين الصغيره عندها 3 سنين ، ملك بتحبها أوووى وهى كمان بتحب ملك أكتر من ياسمين كمان ، بس عفواً قبل ما تقروا الحوار إللى جاى رجعوا الحروف لمكانها باضحك، معلش هتعبكم بس أصل يارا معظم حروفها ضايعه )

يارا: ملت يا ملت ،ملت إسحى بقى تفايه تده أنا حاوزه ألوح البحل ومحدس لاضى يدى محايا
ملك قامت وهى بتضحك: احلى ابتسامةحبيييب قلبى يا (لالا) الناس الرخمه دى مش عاوزين يروحوا معاكى ليه بس ، وقعدت تبوس فيها وتزعزغها

يارا من بين ضحكاتها : تفايه يا ملت بقى هتدى محايا ولا لأ ؟

ملك: هادى محاكى يا قلبى بس أقوم أغسل وشى كده وألبس هدومى وآجى

يارا: وماتنسيس المايوه عسان ننزل المايه

ملك: هههه لأ يا حبيبتى أنا مش هنزل أنا هقعد معاكى بس إنتى إلبسى المايوه مكانى بقى

يارا: ماسى هستناتى بله أوحى تتأخلى

ملك: ماسى يا لوح ملت إنتى

لبست ملك نفس الفستان إللى كانت لابساه الصبح بدرى ،وخرجت لقت يارا لابسه المايوه ومعاها عدة البحر ومستنياها ،أخدتها وعدت الأول على شاليه عمها وخالتها قالتلها إن ياسمين راحت تنزل الميه هى وولاء ،فراحت ملك على الشط وبصت حوليها وحمدت ربنا إنها ملقتش وليد واقف مع البنات ،راحت عليهم هى ويارا

ملك: صباح الخير يا بنات
ولاء وياسمين: صباح النور يا ملك

ملك: كويس أوى يا ياسمين على الأقل كنتى قوليلى عشان آجى معاكم بس عادى محصلش حاجه

ياسمين: والله العظيم عديت عليكى وكنتى نايمه أعمل إيه يعنى؟

ملك:والله على الأساس إنتى مابتعرفيش تصحينى ولا ماحولتيش أصلاً

ياسمين: يا سلام ما خالتى قالتلى أسيبك شويه عشان تعبتى من الرحله وبعدين أنا عارفه إنك ما بتنزليش المايه

ولاء: خلاص يا جماعه حصل خير هتتخانقوا ولا إيه ، أنا أسفه يا ملك أنا إللى عديت عليها وإستعجلتها

ملك: لا خناق ليه؟؟!! ربنا ما يجيب خناق ولا يهمك يا ولاء بتعتذرى على إيه يا بنتى محصلش حاجه
أنا أصلاً مش هقعد معاكم هقعد ألعب مع حبيبة قلبى لالا ، يلا بينا يا لالا

قعدت على الشط هى ويارا وبنوا بيوت ولعبوا كتير ، وملك بتلعب معاها لمحت وليد واقف مع البنات وبيهزروا معاه وفجأه بص عليها فإلتفتت بسرعه ناحية يارا وبعدين قالتلها : لالا أنا تعبت بقى تيجى نروح نرتاح شويه وناكل ونبقى نيجى نلعب تانى ؟

يارا: تب سوويه تمان يا ملت عسان خاطلى

ملك: عشااان خااطر عيونى و قلبى أنا ،نقعد شويه كمان مايضرش
وفضلت تلعب معاها على الشط ويرشوا مايه على بعض وجه مروان ومعاه ياسر وإشتركوا فى اللعب ،أه نسيت أعرفكم بياسر (ياسر ده أخو ياسمين الكبير بيشتغل محاسب فى شركة وخاطب بقاله سنه زميلته فى الشغل وقريب جداً من ملك وأخوها وبيعتبروه أخوهم الكبير )

وعدّى أول يوم ليهم فى المصيف كويس جداً ، وتانى يوم ملك صحيت بدرى برده وجهزت عشان تروح البحر بس خرجت فى البلكونه الأول وبتبص ناحية البحر لقت وليد واقف دخلت على طول وهى دمها محروق ومش طيقاه أكتر عشان كان نفسها تنتهز فرصه روقان الجو وتقعد تكتب على البحر شويه ، قلعت حجابها وطلعت الروايه إللى كانت بتقرا فيها لحد ما صحيوا كلهم
ولقت ياسمين داخله الأوضه : أهلاً بالست ملك المقموصهعثل عثل

بصتلها ملك بطرف عنيها وكملت قراية الروايه من غير رد ،فنتشت ياسمين الكتاب من إيديها وفضلت تصالح فيها

ملك: بصى يا ياسمين إنتى حره بس أنا ماكنتش أعرف إنك بتحبى ولاء أوى كده عشان تسيبينى لوحدى إمبارح طول اليوم وتفضلى قاعده معاها

ياسمين: والله يا ملك غصب عنى هى إللى فضلت قاعده معايا وأكتر من مره أقولها تعالى نقعد مع ملك تقولى بلاش أصل صراحه بحس ملك مابتطقنيش وفضلت أصلحلها الفكره دى وأقولها لأ يا بنتى بيتهيقلك وكده

ملك: لا والله ما بطيقهاش ؟؟! هى العيله دى بتحب تحط إفتراضات وتحكم على مزاجها ولا إيه ؟؟؟!!

ياسمين: العيله دى؟؟!! بصى هى العيله دى عباره عن عمو على وطنط منى وولاء ووليد ، ياترى مين فيهم بقى فرض إفتراضات يا ملوكه هانم ؟؟

ملك: إنتى كمان مابتصدقى تمسكى فى الكلام ،أعوذ بالله عليكى

ياسمين: مش عارفه ليه حاسس إنك مخبى عليا حاجه يا جميل ،صح؟؟!

ملك: لأ مش صح يا ياسمين هانم وفين بقى حبيبة قلبى لالا عشان نروح نلعب على الشط أنا وهى

ياسمين: حلوه التتويهه دى منك عموماً ماشى هعديها ووقت ماتحبى تتكلمى أنا موجوده طبعاً

فدخلت يارا عليهم ،،، ياسمين: يا سبحان الله ياريتك كنتى إفتكرتى ربع جنيه مخروم باضحك

وخروجوا هم التلاته عشان يروحوا للبحر ،جت ولاء معاهم
(ملك حبت تخليها تغير فكرتها عنها )
ملك: إزيك يا ولاء؟ابتسامة
ولاء: الحمد لله بخير يا ملك

ملك: يا رب دايماً يا حبيبة قلبى بعتذر عشان ما قعدتش معاكم إمبارح كان نفسى والله بس الآنسه لالا زى ماشوفتيها ما سابتنيش ولا لحظة

ولاء: ولايهمك يا حبيبتى إنهارده نقعد مع بعض براحتنا

ولاء وياسمين نزلوا الميه وملك فضلت تتفرج عليهم من على الشط ، وإستغربت إن وليد ماحولش يكلمها تانى كعادته لأ ده كمان عامل ولا كأنه شايفها جه عليهم سلم على كل الموجودين وبعدين سابهم وراح يتمشى من غير ما يلتفت لها حتى ،المهم طنشته هى كمان وبعد ما البنات خرجوا من الميه لقوا الولاد بيلعبوا كوره

ولاء: إيه ده إلحقوا ده بابا وعمو محمد وعمو مجدى كمان بيلعبوا معاهم
ياسمين: الله بقى يلا نروح نشجعهم

وإستمتعوا جداً بالتشجيع وكل بنت قعدت تتخانق مع التانيه عشان باباها أو أخوها ،لحد ما مامة ياسمين ندهت عليهم عشان الغدا ،إتغدوا كلهم ومعظمهم قرر يدخل ينام وناس تانيه هتسمع فيلم بس كلهم دخلوا الشاليهات وسابوا ملك ويارا بعد ما يارا ألحت عليها عشان يفضلوا قاعدين يكملوا لعب

خدت ملك يارا وإتمشوا شويه لحد ما بعدوا عن الشاليهات فضلت ملك تصور فى يارا على البحر وبعدين قعدوا يبنوا على الشط وملك بنيتلها قصر جميل أوى وقعدت تضبطه وتحط لمساتها ويارا بتروح تجيبلها ميه ورمله وأى حاجه من على الشط تحطها إكسسوارات للقصر وإندمجت ملك فى البنا لحد ما فجأه سمعت يارا بتصرخ

بصت بهلع مستغربةناحية الصوت لقت يارا دخلت الميه بالعوامه من غير ما ملك تشوفها والميه سحبتها لجوه
وقفت ملك مش عارفه تعملها إيه؟؟!!
هم بعدوا عن الشاليهات ومفيش حد حوليهم عشان يساعدها وعقبال ما تروح تندهم تكون يارا لقدر الله حصلها حاجه كل دى أفكار مرت بسرعه فى راس ملك وملقتش حل غير إنها تنزل الميه ، وبسرعه نزلت الميه من غير ما تفكر فى أى حاجه ولا إفتكرت إنها أساساً ما بتعرفش تعوم !!!
فضلت تتحرك فى الميه بإيديها ورجلها لحد ما أخييراً وصلت ليارا ،مسكتها ،طمنتها وسحبتها بالعوامه بتاعتها ،وفجأه جت موجه عاليه وملك غصب عنها سابت العوامه ولقت نفسها بتنزل تحت الميه ،حاولت تخرج بس مش عارفه ،كل ماتحاول تخرج الميه تسحبها لتحتحزينة
للأسف ملك بتغرقبريئة يا بيه آخر حاجه سمعتها هى صوت يارا بتندها وهى بتعيط زعلانة و باعيطوبعدين ماحستش بحاجه تانى

وإنتهت حلقتنا هنا
ياترى ملك جرالها إيه ؟إنتظرونا الحلقه الجايه عشان نعرفحزينة
إظهار التوقيع
توقيع : ♥H a b i b a♥
#38

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة habiba bibo
يارب تكون عجبتك
ياقمر
وتابعيني
متابعاكي ان شاء الله يا قمر
#39

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

حبيبتي موضوع روعة لكن اريد ان اقول شيء عن الحب
الحب هو : شعور تشعر به حينما احد يشعرك شعور لا يشعره احد سواك فهو شعور يشعرك بنفس الشعور الذي يشعرك الشخص اياه
♥♥♥
إظهار التوقيع
توقيع : فتاة أنيقة
#40

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

قصة روعة
عن جدا الحب جميل
ارجوكي ابعتيلي الربط الجزاء 2
اوكي
#41

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ʚϊɞ ʚϊɞ •.¸(6)¸.• ʚϊɞ ʚϊɞ





وقفنا الحلقه إللى فاتت عند أما ملك كانت للأسف بتغرق
آخر حاجه سمعتها هى صوت يارا بتندها وهى بتعيط وشافت قدامها مشهد واحد بس شافت نفسها وهى طفله عندها 10 سنين ،سمعت صوت باباها وهو بيقولها إلعبى ع الشط وماتنزليش الميه غير لما نيجى يا ملك ومع ذلك نزلت ولقت نفسها بتغرق وخلاص بتصارع الموت حست بنفس إحساسها وهى طفله وشافت الموت بعنيها للمره التانيه وبعدين ماحستش بحاجه تانى ملك خلاص إستسلمت حزينة
وكل الأصوات سكتت من حوليها وفجأه
.
:
إيد سحبتها لفوق ، الحمد لله وصل فى الوقت المناسب أنقذها وخرجها هى ويارا ع الشط موافقة
هدّى يارا من الرعب إللى هى فيه وفضل يفوق فى ملك ،لحد ما الحمد لله فاقت أخيراً فضلت تكح وتتقئ الميه إللى بلعتها وعينيها إحمرت أوى

وليد بهلع : إنتى كويسه يا ملك ؟
بصتله بوهن وصوت يكاد يُسمع :الحمدلله ،الحمدلله ، يارا فين يارا؟

يارا وهى بتبكى :ملت حبيبتييييييي أنا تنت خايفه حليتى أوووووى يا ملت زعلانة و باعيط

حضنتها ملك: ماتخفيش يا روحى أنا بخييير والله
وليد: الحمدلله إنك بخير ،خدى إشربى

إتناولت منه الميه وشربت وشرّبت يارا وفجأه ياسمين جت عليهم بهلع : ملك فيكى إيه ؟؟
إترمت ملك فى حضنها وبكت
خدتها ياسمين هى ويارا وراحوا على الشاليه لقوا الكل كان بيدور عليهم وكلهم إتخضوا لما شافوا ملك بالمنظر ده ،وباباها أصر ياخدها المستشفى لكن ملك أكدتله إنها بقت كويسه بس محتاجه ترتاح شويه لخابيط

وبالفعل دخلت غيرت هدومها وياسمين عملتلها عصير ليمون عشان تهدى وسابوها تنام ،ملك أول ما حطت راسها على المخده نااامت نوم عميق أوى وقامت من كابوس مرعب لقت ياسمين ويارا وولاء حوليها
ناولتها ياسمين الميه ،شربت وإبتسمتلهم ونامت يارا فى حضنها

ياسمين: إيه لوكا أحسن دلوقتى يا قلبى ؟

ملك بإبتسامه : الحمد لله يا ياسمينه أنا بخير يا روحى

ولاء: حمداً لله على سلامتك يا لوكا خضتينا عليكى يا قمر

ملك: الله يسلمك يا لولو أنا أسفه إنى خضيتكم بس بقيت بخير والله

ولاء: الحمد لله ، أما أكلم وليد بقى لحسن محلفنى أول ما تفوقى وأتأكد إنك كويسه أطمنه

إبتسمت ملك : وياريت تشكريهولى ، لولا إنه جه فى الوقت المناسب كان زمانى فى خبر كان

ياسمين وولاء: بعد الشر عليكى

كل العيله دخلت الأوضه تطمن على ملك
كانت حاسه بإرهاق شديد وألم فى جسمها بس مابينتش وقامت عشان ما تضيعش عليهم الرحله ، قعدت قدام الشاليه مع مامتها وخالتها وأم ولاء والباقيين راحوا على البحر ،وملك كانت عنيها عماله تدور على وليد فى كل مكان ، كانت عاوزه تشكره
كبر أوى فى نظرها لما أنقذ حياتها وإتضايقت من نفسها عشان الأسلوب إللى بتكلمه بيه وقررت أول ما تشوفه هتعتذرله وتشكره
فضلت متحامله على نفسها وقاعده معاهم عشان ما يحسوش بتعبها وبعدين ماقدرتش تستحمل فإستأذنت وقامت تنام ،إتسطحت على السرير وإحساسها وهى بتغرق لسه جواها مش عاوز يروح من ذاكرتها
جابت دفترها وقعدت تكتب شويه يمكن كالعاده لما تعبر عن إحساسها ترتاح وبالفعل إرتاحت ونامت

صحيت بدرى كعادتها ،وتوقعت إنها هتلاقى وليد على البحر وبالفعل لقيته هناك ،إبتسمت ،لبست هدومها ونزلت للشط وقفت وراه

ملك: صباح الخير يا وليد

إلتفت وليد وإبتسملها

وليد: يا صباح الفل والورد والياسمين ،عامله إيه دلوقتى يا ملك؟؟

ملك: الحمد لله بخير دلوقتى ، أنا كنت عاوزه أشكرك وأعتذرلك
أولاً هشكرك عشان لولا إن ربنا بعتك ليا فى الوقت المناسب ماكنتش هبقى واقفه دلوقتى وموجوده فى الدنيا أساساً

وليد: بعد الشر عليكى يا ملك ،وبتشكرينى على إيه يا بنتى ده واجبى وأى حد مكانى هيعمل كده والحمد لله إنى جيت فى الوقت المناسب والله أنا إتخضيت عليكى أووى والحمد لله إن إتطمنا عليكى وبقيتى بخير

ملك: الحمد لله ، أما بقى عن الإعتذار فأنا كنت عاوزه أعتذر عن قلة ذوقى فى التعامل معاك يعنى ومش عارفه أقول إيه بس أنا بجد أسفه جداً والله أنا مش متعوده أتكلم مع ولاد خالص وأنا أسفه بقى معلش

وليد: عادى والله ماحصلش حاجه ومش زعلان ولا متضايق منك ، مع إن آخر حوار صراحه ضايقنى جداً يمكن عشان مش متعود حد يكلمنى بالشكل ده بس خلاص أنا دلوقتى مش زعلان منك ومتفهم وجهة نظرك
ملك : متشكره جداً لتفهمك ، إلا صحيح إنت شوفتنا إزاى ؟؟!! أنا بصيت حوليا كويس قبل ما أنزل ألحق يارا وملقتش حد؟؟!!

وليد: أنا كنت رايح أشترى حاجه ولقيتك فى الميه ومعاكى يارا إستغربت لأنى لما كنت واقف مع البنات سمعت ياسمين بتقول إنك ما بتعرفيش تعومى وبتخافى من الميه ،فجيت أشوف يمكن فى حاجه والحمد لله إنى جيت فى الوقت المناسب

ملك: الحمد لله ، حقيقى أنا مش عارفه أشكرك إزاى ،لولا رحمة ربنا
بإنه يبعتك ليا أنا كنت....

قاطعها وليد: بس يا ملك خلاص الحمد لله إنك بخير دلوقتى ، بس أخيراً سمعت منك وليد باضحك بس إثبتى بقى وإرحمينى من حضرتك دى

إبتسمت بخجل وردت : إن شاء الله

وليد: إنما أنا يعنى ملاحظ إنك على طول بتصحى بدرى إنتى دايماً كده؟

ملك: أه وخاصه لما بنكون فى مصيف كل سنه بحب أشوف شروق الشمس وأصوره وأقعد أكتب على البحر انا الحب

وليد: أممممم وأنا كمان بالضبط ،مابحبش نزول الميه بس بعرف أعوم كويس ومفيش مشاكل بس بفضّل القُعاد على الشط أكتر ، على كده بقى أنا ضيعت عليكى الإستمتاع بالمصيف بسبب نزولى اليومين إللى فاتوا صح؟

ملك: لأ أبداً ولايهمك ، أنا مستمتعه بالمصيف برده ابتسامة

فضل باصصلها ومبتسم إتكسفت وبصت ناحية البحر وقالت: الله الشمس شكلها حلو أوى مع البحر بحب المنظر ده أوى أوى انا؟

وليد بصلها وإبتسم : الله المنظر ده تحفه ممكن الكاميرا بتاعتك وخليكى زى ما إنتى

بصتله بإستغراب وإدتله الكاميرا ،أخدها وطلب منها تبص للبحر زى ما كانت وصورها وبعدين إتكلموا عن الشعر وعرفت هو بيكتب من إمته وهو كمان عرف إنها بتكتب من صغرها وإن حلمها تكون أديبه ،وبعدين إستأذنت منه وقامت ، دخلت أوضتها وحست بمشاعر غريبة ناحية وليد أو حست إنها مستلطفاه وكالعاده طردت الأفكار من دماغها
وفى اليوم ده كلهم خرجوا يتفسحوا شويه فى إسكندريه ،ورجعوا بالليل تعبانين والكل دخل ينام

صحيت ملك فى اليوم إللى بعده متأخر ولقيتهم كلهم على البحر ، غيرت هدومها ونزلت ، قعدت تهزر مع البنات ويلعبوا سوا وفجأه لمحت وليد واقف مع بنت ، إستغربت وركزت فى شكلها لقت نفسها أول مره تشوفها بس ماتعرفش ليه وقتها حست بضيق !

إيه ده انا باغلي ؟؟؟!! مين البنت إللى واقفه معاه دى؟؟! وإزاى يهزروا كده قصاد الناس ؟؟! أنا أول مره أشوفها ،بس يا بت يا ملك ما يقف ويهزر ولا يعمل إللى يعمله وإنتى مالك ومتضايقه ليه يعنى هو كان يهمك فى إيه ؟؟!!(ملك لنفسها)

طنشت أو عملت نفسها مطنشه وكملت لعب مع البنات بس لا إرادياً عنيها كانت بتروح ناحيتهم ،فجأه لقت ياسمين جت جمب ودنها وقالت: ماتركزيش أوى وبعدين ما تخافيش دى زميلته فى الجامعه قابلها هنا صدفه يا سلام

إلتفتت لها ملك وإرتبكت : هو هو مين ده يا ياسمين إللى بتتكلمى عنه ؟؟!!! وبعدين ما أركزش فى إيه مش فاهمه يعنى !!!!

ياسمين غمزتلهايا سلام: مش على ياسو يا حلوه ده أنا ماما يا بتباضحك ، أنا ملاحظه من زمان ومرضتش أقولك قولت يمكن إنتى إللى تحكى

ملك لسه مصره تدارى : ياسمين مش فاهمه إنت بتتكلمى عن إيه ؟!!

ياسمين: أمممم طيب ولو قولتلك إنى قلقت إمبارح ولأول مره بصحى بدرى وقت شروق الشمس كده وقدراً فتحت البلكونه ولقيت وليد بيصورك على البحر،وبعدين قعدتوا تتكلموا سوا ، لسه برده هتدارى وتقولى بتتكلمى عن إيه ؟؟!!

ملك إتصدمت وماعرفتش تقول حاجه لياسمين بصت فى الأرض والكسوف بان على وشها

إبتسمتلها ياسمين ابتسامةوقالتلها قومى نتغدى دلوقتى وهنبقى نكمل كلامنا بعدين عشان ولاء جايه علينا

إتغدوا وولاء إستأذنت إن هى وياسمين وملك يروحوا يتسوقوا ويتفرجوا على الهدوم والإكسسوارات شويه بما إن بكره آخر يوم ليهم فى الرحله وعاوزين يقضوا آخر يوم كله فى البحر ،وافقوا بس لازم حد يروح معاهم ، ياسر إتحجججججججججججج بأى حاجه ومروان زيه لأنهم بيملوا من موضوع التسوق ده وما بيحبوش يمشوا مع بنات ،كمان وليد ما بيحبش التسوق بس وافق عشان ما يكسرش بخاطر أخته ،وملك إنبسطت من تصرفه ده وحست لا إرادياً بفرحه إنه رايح معاهم انا مييييين

إتسوقوا ولفوا المول حته حته وإشتروا حاجات كتير بس وليد لاحظ إن ملك ما إشترتش غير حاجات قليله وعباره عن كتابين ودفتر ،ماديليا وسلسله على شكل فراشه رقيقة وصغيره وكوفر عجبها للموبايل ،وإنتهز فرصة إن البنات مشغولين بشرا الإكسسوارات وهى واقفه بتصور فى المول وسألها: إنتى ما بتتفرجيش معاهم على الإكسسوارات ليه وملاحظ كمان إنك ما إشترتيش حاجات كتير زيهم !!!!

ملك: يعنى تقدر تقول مليش فى الإكسسوارات والحاجات دى ما بحبش التسوق أوى ولا بحب الحاجات الأوفر ، بحب البساطه فى كل حاجه وعشان كده ما إشترتش غير إللى محتاجاه ابتسامة

وليد: جميل جداً ، أنا برده ما بحبش الجو ده ، وفعلاً البساطه حلوه فى كل حاجه وده واضح من ستايل لبسك ،صراحه إستايلك حلو أوى محترم وفى نفس الوقت شيك جداااا

ملك بخجل : مرسي جداً جداً كلك ذوق

البنات جم فى اللحظه دى ،ياسمين بصت لملك وغمزتلها يا سلام ،فملك إبتسمت من غير ما حد ياخد باله ،وليد عزمهم على آيس كريم ورجعوا على الشاليه

وأول ما رجعوا ياسمين راحت هى وملك على أوضتها وماسابتش ملك فى حالها غير لما حكيتلها عن كل حاجه وبالتفصيل الممل وكانت ردة فعل ياسمين......!

نعرفها الحلقه الجايه بقى باضحكاحلى ابتسامة
،ياترى هيحصل أى موقف تانى بين ملك ووليد؟؟هيعملوا إيه فى آخر يوم ليهم فى الرحله ؟؟
إظهار التوقيع
توقيع : ♥H a b i b a♥
#42

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ʚϊɞ ʚϊɞ •.¸(7)¸.• ʚϊɞ ʚϊɞ



وقفنا الحلقه إللى فاتت عند
أول ما رجعوا ياسمين راحت هى وملك على أوضتها وماسابتش ملك فى حالها غير لما حكيتلها عن كل حاجه وبالتفصيل الممل وكانت ردة فعل

ياسمين:الله الله عليييييكي يا لوكه ما تتخيليش أنا مبسوطه عشانك أد إيهنفسي فيهاباحبك باحبك

ملك: يا بنتى محسسانى إن فى حاجه حصلت يعنى دى مجرد مواقف عاديه مابتقولش يعنى إن أكيد فى حاجه عشان خاطرى بلاش مخك يروح لبعيد أنا بس قولتلك كل إللى حصل عشان إنتى أصريتى

ياسمين: لا وماكونتيش ناويه تحكيلى يا روح طنط !!!! والله يا ستى من إللى حكيتيه أنا شايفه ومن الواضح جداً جداً إن وليد ميال ليكى وإنتى فى الطريق إلى الميلان ليهيا سلام وحاسه كده يا أختى يا حبيبتى إن البوكيه صدق لما وقع عليكى عشان يتنبأ بإنك العروسه إللى عليها باضحكالدور

ملك: بطلى هبل يا ياسمين الله يكرمك انا مش ناقصه ، ماتخلنيش أندم إنى حكيتلك بقى ولو سمحتى قفلى على الموضوع خااالص وبكره أثبتلك إن كل كلامك ده تهيؤات وغلط جداً جداً كمان!

ياسمين: طاب لما نشوف ايوه طبعايا قطقوطه مش بعيد أنا إللى أثبتلك بكره إن كلامى هو إللى صح وهنشوف هقوم عشان ولاء قرفانى رن وللحديث بقيه يا مزه يا سلام


خرجت ياسمين من هنا وملك فضلت تكلم نفسها:
معقوله يكون كلام ياسمين صحيح؟؟!! معقوله يكون وليد ...!!!ومعقوله إنتى يا ملك تفكرى فى الحاجات دى ؟؟!!!! لا لا يا ملك شيلى الهبل ده من دماغك عشان ما ترجعيش تتصدمى لأ بطلى يا ملك إنتى مش بتاعة الحب والكلام ده إنتى كده كويسه

وكالعاده فضلت تطرد كل الأفكار دى من دماغها
وبالليل كلهم قرروا يسهروا للصبح عشان دى آخر ليله ليهم فى الرحلة

الأمهات قعدوا يرغوا مع بعض ،،وجمبهم بشويه الأباء بيلعبوا طاوله وشطرنج

أما عن الشباب فـ ولاء إقترحت عليهم يلعبوا لعبة الصراحه وقد كان
بدأوا لعبة الصراحه وأول سؤال كان من
مروان لياسر : خطيبتك أول حب ليك ولا لأ؟ وعرفت خطيبتك إزاى أصلاً؟؟

ياسر : أممممم مابحبش أسئلتك الرخمه دى يا عم مروان >_<وبعدين ده كده سؤالين مش سؤال هنهزر بقى !!

مروان: لو سمحت لا مجال إنك تهرب دى إسمها لعبة الصراحهيا سلام يعنى تحكى كل حاجه وبالتفصيل ومش هتنازل عن سؤالى المركب ده

ياسر: ماشى يا زفت ، أيوه حبيت قبل هدى ،بنت أيام الجامعه وروحت إتقدمتلها وإحنا فى 3 كليه كده وأهلها رفضوا عشان وقتها كنا لسه بندرس وباخد مصروف من أبويا ، بعدين بقى حسيت بجرح فى كبريائى وإن أبويا كان عنده حق لما رفض الموضوع ده وصرفت نظر عنها خالص وركزت فى دراستى وخلصت وإشتغلت على طول لأن تقدريى كان كويس ، وبعد سنه شغل ليا فى الشركه إللى أنا فيها دى بنت لسه بتدرس جت تدريب وكنت أنا إللى بدربها ولما إتخرجت إشتغلت عندنا فى الشركه أُعجبت بيها وتحول الإعجاب لحب فروحت إتقدمتلها وبقالنا سنه كده مخطوبين وقريباً جداً هنتجوز♥ انا؟ بس، إتبطيت يا عم مروان ؟؟؟!!!


مروان: هههههههههه ، تمام يا ياسر باشا ربنا يوفقكم ويتمملكم بخير
كلهم: آميييين

مسك ياسر الإزازه ولفها وجه الدور على ياسمين هتسأل وليد : أممم مش عارفه أسألك بإيه يا وليد باضحك ، بص جاوب على نفس سؤال مروان لياسر يعنى إنت فى حد فى حياتك ؟؟
ملك كانت بتبصله وكأنها مستنيه تسمع الإجابه ونفسها تشكر ياسمين عشان سألته السؤال ده،ضحك وليد وبص على ملك وأول ما عينها جت فى عينه بصت فى الأرض ،

فإبتسم ورد : بصى يا ياسمين بإختصار أنا مفيش بنت لفتت إنتباهى قبل كده ، بس حالياً أنا معجب بواحده لافته إنتباهى ونص كمان يعنى تصرفاتها شبه تصرفاتى فى حاجات كتير وأهم حاجه إنها بتحب القرايه جداً زيي وبتكتب شعر زيى اه وكمان لسه مكتشف إن صوتها حلو أووى وشكل قلبى كده على أعتاب حب !!!

قال كلامه ده وبص على ملك زى ما ياسمين فى نفس اللحظة بصت عليها وغمزتلها سعيدة قويكأنها بتقول جالك كلامى وش ملك إتلون بـ ألوان الطيفباضحكوكان واضح عليها الخجل جداً ، ولسه هتقوم فياسمين ضغطت على رجلها وقعدتها مكانها ،بصتلها بصه خلتها تفهم إن لو قامت دلوقتى هيبقى شكلها وحش والكل هيفهم ، فسمعت كلام ياسمين وقعدت وهى مش قادره ترفع عينها عن الأرض من الخجل والكسوف

لف وليد الإزازه وجه الدور على ولاء هتسأل مروان : أمممممم نفسك تدخل كلية إيه ؟


مروان: هندسه طبعااااا سعيدة قوي
ولاء: ربنا يوفقك وتحقق كل إللى بتتمناه ابتسامة

مروان : آمييين ، ولف الإزازه وجه الدور على ولاء هتسأل ملك :
أممم ، ملك أنا هسألك السؤال ده بس أتمنى ما تفهمنيش غلط أنا إنتهزت فرصة إن دى لعبة الصراحه وفى سؤال محيرنى

ملك بإستغراب وتخوف من سؤالها : إسألى يا ولاء وربنا يستر ؟؟!!

ولاء: هههههههه ، ما تخافيش أوى كده ، بصى هو أنا فى الأول وبالرغم من إننا قرايب بس صراحه كنت بحسك متكبره ، لأنك ما بتتكلميش مع حد ولا بتدى فرصه لحد يتكلم معاكى ، ليه بتعملى كده وتدى الإنطباع ده عنك للناس؟؟ بس أوعى تزعلى بالله عليكى

إبتسمت ملك ابتسامة: ولايهمك مش زعلانه وكويس إنك فتحتى الموضوع ده بكل صراحه وبشكرك إنك فتحتيلى المجال أدافع عن نفسى ووضح وجهة نظرى ، بصى يا ستى والله العظيم أنا مش متكبره تماماً بس كل الحكايه إنى مابحبش الكلام الكتير ، بفضل الصمت فى معظم حالاتى ومش من النوع إللى بيحب الرغى الكتير ، بحب وقت ما يخرج منى كلام يكون له لازمه غير كده بفضل إنى أبقى ساكته عشان كده لما بنقعد ما بتكلمش كتير وده إللى بيحسسك إنى متكبره!! بس والله أنا مش كده حتى إسألى ياسمين هى أدرى واحده بيا احلى ابتسامة

ولاء: لأ مش هسألها لأنى تأكدت من ده وبسألك السؤال لأن لما إتقربنا من بعض فى الرحله دى لقيتك متواضعه جداا ،مرحه بتعرفى تهزرى وتضحكى يعنى وحبوبه فإستغربت ليه واحده عسل زيك كده تدى إنطباع زى ده عنها للناس

ملك : ربنا يخليكى يا حبيبة قلبى كلك ذوق ، مش أنا إللى بدى الناس إنطباع ،،،الناس هى إللى بتحكم من المره الأولى وده خطأ كتير مننا بيقع فيه

قاطعها مروان : ملك أبووووووووس رجلك بلاش تتفتحى فى الفلسفه دلوقتى إحنا بنللللعب الله يسامحك يا ولاء إنتى السبب

ضحكوا كلهم وملك: ماااشى يا رخم والله لأوريك ، أهه ومش هجاوب على حد تانى بقى ،هه ولسه هتلف الإزازاه فوقفتها

ياسمين : إستنى يا ملك جماعه أنا مليت من اللعبه دى وكل ما بلعبها مع حد بتنتهى بخناق وأنا مش عوزاها تنتهى كده ،تعالوا نغيرها إيه رأيكم ؟؟
مروان : وأنا رأيي من رأيك بس هنلعب إيه ؟

وليد : لعبة الأغانى ،وقبل ما حد يسأل يعنى إيه!! اللعبه عباره عن حد يغنى أغنيه ويقف عند مقطع معين ويشاور على شخص بمزاجه والشخص إللى هيشاور عليه لازم يغنى أغنيه بتدأ بآخر حرف إنتهى بيه

مروان : آه أنا عارفها طبعاً وبحبها جداً يلا نلعبها حلوه أوى ،وهبدأ أنا بقى ماشى ؟
وافقوا وبدأ مروان : أممممم ،بصوا بس أنا يعنى صوتى مش حلو فما تتريقوش هه ، هغنى لأكتر واحد بيسلطنى سلطان الطرب وسوف

الله كريم يا هوى و بيرضى على العاشقين
و عيون حبيبي يا هوى عليّ مش راضين
و احلف بروح روحي هو وعيني روحي
يا دمعتي و جروحي قوليلو قلبك فين

(ن) يلا ياااا ياسر

وشاور على ياسر : الله عليك يا إبنى سلطنتنى ، نون نون ماااشى إدينى فرصه ، وأنا برده زيه صوتى إستغفر الله العظيم فأوعوااا تتريقوا ، نخش على السمسميه يا باشا
نوح الحمام والأمري على الغصون
غصون يالالالي
أه يا عين أه يا ليل
مسكين قليب العاشق أه ياما يقاسي
العشق دا ماهوش هين كله فنون
أه يا عينى يا ليل
فنون يا لالالي
أه يا عين آه يا ليل

(ل) وليد : الله عليك يا ياسر عيشتنا شويه على شط القنال باضحك
ماشى يا عم هغنى

لو تعرفوا بنحبكم ونعزكم كدة اد اية
لــ تقدروا حتى التراب اللى بنمشيلكم عليه
الحب له احوال كتير وحبكم اغلى بكتير
لان دا الحب الكبير اللى مافيهش ازاى وليه
لو تعرفوا يا زينة الدنيا لنا يا اغلى مـ الروح والعيون
بنقولكم من قلبنا لو كنا ورد انتو الغصون
لو كنا ليل انتو الصباح لوكنا طير انتو الجناح
وانتم عوضنا عن اللى راح واللى مش ممكن يكون
(ن) ملك

ياسمين غمزتها فى رجلها وهى إلتفتت وكأن الكلام هرب منها

مروان: خلصى يا ملك ،ده إنتى الوحيده فى القعده دى إللى هتطربينا بصوتك ، كلنا كنا بنعك يلا بقى وريهم الصوت الجميل على حق

ياسر: إسكت يا فلحوس القرعه بتتباها بشعر أختها !!!

ضحكوا كلهم باضحكباضحكووليد قالها يلا يا ملك دورك

ملك بإرتباك : أه حاضر لحظة هفكر فى حاجه بس يمكن ذوقى ما يعجبكمش لأنى ما أعرفش الأغانى بتاعتكم دى أنا مليش غير فى الزمن الجميل بس

وليد: غنى إللى تحبيه ، وبعدين هو فيه أحلى من الزمن الجميل

إبتسمت ملك : طيب لحظة هفكر فى أغنيه
أممممم هختار لفيروز
وبدأت تغنى بصوتها الرائع :

نسم علينا الهوى من مفرق الوادي
يا هوى دخل الهوى خدني على بلادي
يا هوى يا هوى يللي طاير بالهوى
في منتورة طاقة و صورة خدني لعندن يا هوى
فزعانة يا قلبي أكبر بهالغربة ما تعرفني بلادي
خدني خدني خدني على بلادي
شو بنا شو بنا يا حبيبي شو بنا؟
كنت و كنا تضلو عنا و افترقنا شو بنا
و بعدا الشمس بتبكي عالباب و ما تحكي يحكي هوا بلادي
خدني خدني خدني على بلادي

ياسمين: الله الله عليكى يا لوكا والله مش عارفه أقول إيه بس فنانه وربنا
ملك بإبتسامه : ربنا يخليكى ليا يا ياسو يا رافعه من معنوياتى دايماً
ولاء : واااااو يا ملك ماكنتش أعرف إن صوتك حلو أووى كده ما شاء الله ربنا يحميكى
ملك: مرسي يا حبيبتى

وليد إكتفى بإنه يفضل باصص لها وهو مبتسم من غير ما يعلق رغم إنه كان منتظر أى أغنيه غير دى!
كان منتظر ملك تغنى حاجه ترد بيها عليه زى ما هو إختار الأغنيه إللى غناها مخصوص عشانها، بس هى غنت حاجه تانيه تماماً!!

وملك سرحت مع نفسها ، كانت عارفه إن أغنيته رساله ليها وعشان كده تعمدت تغنى أى أغنية بعيده تماماً عن إنها تكون رد له ، لسه برده خايفه تعمل أى حاجه وترجع تندم عليها !

مروان: إيييه خلاص كفايه يلا نكمل بقى

وليد: هو بعد الصوت ده فى حد هيقدر ينطق تانى

إبتسمت ملك بخجلمحرجة ، وكملوا لعب شويه وبعدين كل واحد قام

إللى دخل ينام وإللى راح يتفرج على الآباء وهم بيلعبوا وكانت ملك داخله الشاليه عشان تنام وهى فى الطريق وليد نده عليها إلتفتت له دخل إيده فى جيبه وإدهالها ..!!!
إظهار التوقيع
توقيع : ♥H a b i b a♥
#43

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

♥♥♥روووووووووووعة مرسي♥♥♥
#44

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة amina zina
♥♥♥روووووووووووعة مرسي♥♥♥
الاروع مرورك ياحبي
تابعيني
إظهار التوقيع
توقيع : ♥H a b i b a♥
#45

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

مرسيييييييي شكرااااااااااااا
إظهار التوقيع
توقيع : narou bomi
#46

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة HOUDA NOURE
مرسيييييييي شكرااااااااااااا
العفو حبيبة قلبي
إظهار التوقيع
توقيع : ♥H a b i b a♥
#47

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

قصة روعة وياريت تكملى اموت واعرف ايه هيحصل بعد كدة
#48

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

جميله اوى اوى
كملى يالا ياقلبى ♥
إظهار التوقيع
توقيع : فتاة بالحياء تجملت
#49

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة anamony
قصة روعة وياريت تكملى اموت واعرف ايه هيحصل بعد كدة

المشاركة الأصلية كتبت بواسطة فرفوشة منكوشة
جميله اوى اوى
كملى يالا ياقلبى ♥
حاضر هنزل بارتين دلوقتي
إظهار التوقيع
توقيع : ♥H a b i b a♥
#50

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ʚϊɞ ʚϊɞ •.¸(8)¸.• ʚϊɞ ʚϊɞ

Image

وقفنا الحلقة إللى فاتت عند أما
كانت ملك داخله الشاليه عشان تنام وهى فى الطريق وليد نده عليها إلتفتت له دخل إيده فى جيبه وطلع علبه متغلفه وإدهلها!!!


ملك مسكت العلبه منه وبصتله بتعجب وسألت: إيه دى يا وليد؟؟ !!


إبتسم وليد :-) : بيتهيألى كده شكلها يعنى هديه


عملت 111 فى وشها <:-) : هديه!!!! والهديه دى بقى ليه إن شاء الله إيه المناسبه ؟؟!!


وليد: أعوذ بالله إيه الــ 111 دى ؟؟!! إهدى ربنا يكرمك ، دى هديه بمناسبة إنك بقيتى كويسه وأتمنى تعجبك :-)


فَرَدِت الـ 111 : أيوه بس لو للسبب ده يبقى أنا إللى لازم أجبلك هديه بقى ، بس أنا أسفه يا وليد مش هقدر أقبلها ،إتفضل

وناولتهاله :-)


وليد: أممممم ، إنتى دايماً كده كسفانى يعنى ومخليه شكلى فانله قدام نفسى :-) ؟؟!!


ملك: لا والله ما أقصد بس أنا أسفه ما إتعودتش أقبل هدايا من حد وخاصه لو من غير مناسبه كده!!!!


وليد: ما انا قولتلك المناسبه ، أتمنى ما تكسفنيش بقى ،ده النبى قبل الهديه


ملك: عليه أفضل الصلوات والتسليم ، أنا أسفه يا وليد صدقنى مش هقدر أقبلها بعد إذنك


ناولتهاله
ودخلت على الشاليه بسرعه وسابته واقف فى إيديه الهديه وعلى وشه مرسومه خيبة أمل :-)!!!


دخلت أوضتها وبتحاول تستوعب إللى حصل :

معقوله وليد كان جايبلى هديه؟؟!! طيب ليييييه ؟؟!!! بس كويس إنى رفضتها

هقبل إزاى يعنى الله بقى ؟؟ هو أنا كبرت الموضوع وكان عادى يعنى لو أخدتها منه ولا إيه ؟؟!!

لا لا يا ملك بطلى هبل كويس إنك عملتى كده بس صراحه عندى فضول أعرف الهديه كانت إيه ؟؟!! مش مشكله بقى

، طيب ما يمكن كان قصده فعلاً عشان أنا بقيت كويسه الحمد لله ، ييييووووووه .....إلخ


كل ده كانت بتأنب فى نفسها وتعاتبها ووتتناقش معاها كعادتها وفضلت كده لحد ما النوم غلبها ونامت حتى من غير ما تغير هدومها


الصبح حكت لياسمين إللى حصل وفضلوا يتناقشوا وياسمين أكدتلها إحساسها بإن وليد معجب بيها وملك كالعاده فضلت تجادل معاها وقفلت الموضوع ،وقضوا آخر يوم ده على البحر وكان باين على وليد الزعل وملك خمنت إنه إتضايق من موقف إمبارح ، فكرت تروح تعتذر بس صرفت نظر عن الفكره دى وعملت نفسها مش واخده بالها

وقضوا اليوم الأخير ده عادى وبالليل لموا شنطهم وإتحركوا بعربياتهم فى طريق العوده من الرحله


إنشغلت ملك بالترتيبات للجامعه نزلت مع مامتها إشترت هدوم جديده وكل لوازمها ، ومر أسبوع بعد رجوعهم من الرحله وملك ما تعرفش حاجه عن وليد وقافله حساب الفيس بوك عشان إنشغلت بالتجهيز للجامعه

حاسه بالملل فإتصلت بياسمين يخرجوا شويه ولقت ياسمين مشغوله ومش هتقدر تروح معاها ،فكرت تاخد مروان ويتمشوا فى أى مكان وراحت تقوله لقيته بيلبس


ملك: على وين العزم يا مونى؟ :-)


مروان: على النادى يا قطه :-) ، خير عاوزه حاجه؟


ملك: لأ خلاص بقى ، كنت عاوزه أخدك ونخرج شويه حاسه بالملل أووووى :-)


مروان: طاب خلاص تعالى معايا النادى زى المره إللى فاتت ،وبعد ما أخلص تمرين أخدك ونخرج فى أى حته


فكرت ملك شويه ولقت الفكره عجبتها وإفتكرت إن اليوم ده الخميس يعنى وليد هيكون موجود فى النادى الثقافى زى ماقالها ، فكرت ليه ما تشتركش ، منها تجرب حاجه جديده ومنها ترضى فضولها وتطمن على وليد


ملك: تمام يا مروان فكره حلوه هروح ألبس بسرعه وآجى ما تقلقش مش هتأخر :-)


غيرت هدومها وراحت مع مروان على النادى وهناك شافت سلمى وقعدوا يحكوا مع بعض وملك مش على بعضها بتتلفت حوليها وآخر ما زهقت سألت سلمى : بقولك إيه يا سلومى بما إنك على طول فى النادى فعارفه كل الاماكن فيه يعنى قوليلى ألاقى فين النادى الثقافى؟؟!


وصفتلها سلمى مكانه وكانت هتروح معاها لكن ملك طلبت منها تقعد تتفرج على تمرين مروان وهى هتروح بسرعه تسأل على حاجه وتيجى

وبالفعل راحت على وصف سلمى ولقت المكان عباره عن قاعه مساحتها متوسطه مش كبيره أوى ولا صغيره كلها إزاز ملون وعليه رسومات بشكل مبهر ، ورفوف فى كل جانب عليها كتب ومجلات، دخلت ولقت ناس كتير قاعدين وكل واحد فيهم ماسك دفتر وقلم ومندمجين أووى مع الشخص إللى بيلقى شعر قصادهم بصت عليها لقتها بنت حست إن شكلها مش غريب عليها ، ركزت وإفتكرت إنها نفس البنت إللى شافتها فى إسكندريه واقفه مع وليد لما ياسمين قالتلها إن دى زميلته فى الجامعه وشافها فى المصيف صدفه !

بعدين فضلت تدور بعنيها على وليد وسط الموجودين ملقتهوش !!! إستغربت لأنه قالها قبل كده إنه ما بيفوتش ولا مره من الإجتماعات دى !!

قعدت وسط الموجودين وتابعت معاهم البنت إللى كانت بتلقى لحد ما خلصت ، وكل إللى موجودين فضلوا يعلقوا ويدولها ملاحظات

ملك حست بإستمتاع أووى وإستفادت جداً من ملاحظاتهم

وفجأه حد قرب منها وقالها : وأنا أقول القاعه نورت ليه :-) ؟؟!


بصت وإذا به وليد ، إبتسمت وقامت من مكانها : إزيك يا وليد؟


وليد: الحمد لله تمام ، إنتى إللى أخبارك إيه مختفيه ليه كده ؟؟


ملك: معلش كنت مشغوله بالترتيبات للجامعه بقى وكده


وليد: أه ربنا يعينك ، والله منورانا إنهارده


ملك: مرسي وعندك حق والله الموضوع ده ممتع أوى ، عجبتنى فكرته جداً


وليد: طيب الحمد لله إنها عجبتك أتمنى بقى تداومى عليها وتحضرى معانا هنا على طول حتى لو فى صمت صدقينى هتستفيدى جداً وهتنمى موهبتك


ملك: أكيد إن شاء الله


وهم واقفين بيتكلموا جت عليهم ، البنت إللى كانت بتلقى شعر دلوقتى


بنوته قمحاويه ملامحها جميله ،ومش محجبه


وليد: أه إستنى أما أعرفك، الباشمهندسه والشاعره المتألقه سهيله

ضحكت سهيله : هههههه مش أوى كده يا وليد الله يخليك ، وبعدين مش هتعرفنى


وليد: ما أنا لسه كنت هكمل التعارف أهه وإنتى قاطعتينى ، أعرفك يا ستى بسيادة السفيره المستقبليه والأديبه المتألقه برده ملك مجدى :-)



ملك مدت إيديها لسهيله بإبتسامه : أهلاً وسهلاً تشرفت بيكى


سهيله :أنا إللى تشرفت بيكى يا ملك


وقعدوا لما وقف الشخص إللى عليه الدور عشان يقول قصيدته ،وملك كل ما حد فيهم يقول قصيده وتسمع تعليقاتهم وآرائهم وطريقة تعاملهم مع بعض تحب المكان أوى ، وقررت إنها هتحضر كل مره لأنها إستفادت جداً المره دى وكمان قضت وقت ممتع من غير ما تمل


حتى إنها لما مروان جالها عشان يخرجوا طلبت منه يروح وهى هتفضل موجوده عشان تحضر باقى الإجتماع

ولما جه الدور على وليد قام قال قصيدته وملك مركزه معاه أوى


أول مره تسمعه وهو بيلقى شعر ، عجبتها طريقة إلقاءه أوى ، أول مره تركز فى ملامحه بالشكل ده وأول مره تفضل بصاله من غير ما تهرب بعنيها فى أى مكان تانى !!

وهو كان طول الوقت باصصلها وهو بيلقى القصيده وفى اللحظه دى حست بإنجذاب ناحيته بس كالعاده وقفت نفسها وكأنها إدتلها ألم تفوقها وردة فعلها كالعاده الهروب!!!



خدت شنطتها وقبل ما يخلص كانت سايبه القاعه بل والنادى كله وفى طريقها للبيت ،أخدت دوش وعملت كوباية نسكافيه ، فتحت الفيس بوك جمبها وبدأت تكتب قصيده جديده سابت القلم وسرحت فى إللى حصل إنهارده ^^ :


إنهارده كان يوم ممتع أوووى كان نفسى أكمل معاهم بس مش هقدر إزاى بس هروح تانى بعد الإحساس إللى حسيته ناحية وليد ده !! أنا أول مره أحس ناحية حد بكده ؟ وأول مره أبص فى ملامح حد بتركيز وما أقدرش أمنع نفسى إنى أبص تانى وتالت ! إيه إللى جرالك يا ملك :-) ؟! معقوله يكون ده الحــ . !!!

لأ لأ مش ممكن أوعى يا ملك ، أوعى تتجننى وتفكرى فى كده ؟! إنتى عاوزه تآمنى لواحد وفى النهايه يبقى مصيرك زى مصير كل بنت متعذبه بسبب الحب :-) :-)؟!! بس أنا برده مسيرى هحب وأتحب أنا هفضل طول عمرى عايشه كده ؟؟!

طيب ولنفرض إن فعلاً فى مشاعر أو إنجذاب ناحيته ؟! هو مشاعره ناحيتى إيه ؟!! ياسمين بتقول إنه واضح من تصرفاته إنه ميال ليا وأنا حاسه بكده بس لأ إنهارده كان تعامله مع سهيله مش طبيعى ؟! ده بيهزروا مع بعض بالإيد !!

وزى ما يكون فى حاجه بينهم أو واخدين على بعض أوى ، لا لا شيلى الموضوع ده من دماغك أحسن لك يا ملك

إنتى مش ناقصه جرح ، قلبك غالى عليكى أوعى تفرطى فيه أو تسمحى لحد يجرحه يا ملك لأ أرجوووكى بطلى تفكير فى الموضوع ده :-)


وخرجها من حديثها مع نفسها صوت رساله على الفيس بوك فتحتها لقتها من وليد

Arch Waleed Wahdan: إزيك يا ملك؟


ضربات قلبها تصارعت وإحتارت ترد ولا لأ ؟؟ ،لقت رساله كمان


Arch Waleed Wahdan: ملك إنتى هنا ؟


كل ما صوابعها تلمس الكيبورد عشان ترد ترجع تانى ، حاسه بصراع رهيب بينها وبين نفسها ،،،، !!!


يا ترى ملك هترد عليه ولا لأ ؟؟!! ده
إظهار التوقيع
توقيع : ♥H a b i b a♥
#51

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ʚϊɞ ʚϊɞ •.¸(9)¸.• ʚϊɞ ʚϊɞ
Image

وقفنا الحلقه إللى فاتت لما
ملك كانت فيه صراع بينها وبين نفسها مش عارفه ترد على رسالة وليد ولا لأ ؟!
Arch Waleed Wahdan: إزيك يا ملك؟ :-)
Arch Waleed Wahdan: ملك إنتى هنا ؟
وإتحسم الصراع إللى بينها وبين نفسها وقررت ما تردش عليه ،قفلت الفيس بوك خالص بل وقفلت جهاز الكمبيوتر وقامت لأوضة مامتها وبابها خبطت على الباب ودخلت لقت باباها ساند راسه على رجل مامتها وبيقرا كتاب ومامتها كانت بتتكلم معاه وكانوا بيضحكوا ومبسوطين ولما دخلت ملك إبتسمولها ورحبوا بيها، بس قبل ما تدخل وقفت على الباب لثوانى وهى بصالهم ومبتسمه :-)

عاجبها أوى منظرهم أصلها إتعلمت يعنى إيه حب حقيقى منهم
من وهى صغيره وهى شايفاهم قصادها بيتعاملوا مع بعض بحب وإحترام وباباها دايماً يدلع ماماتها زى بنته ويحترمها قصادهم ومن وراهم، ومامتها دايماً تعين باباها فى كل أزماته إللى فاتت ، أى مشكله بتحصل ما بيحسّوش بيها لا ملك ولا مروان وقدراً بعد ما تخلص يعرفوا وأوقات ما بيعرفوش إن كان فى مشكله أصلاً !!
فى عنيها بجد هم دول الزوجين المثاليين وكانت دايماً بتحلم تتجوز واحد زى باباها وتعيش جوه بيتها بالحب والأُلفه إللى موجوده فى بيتهم وإللى السبب فيها حب مامتها وباباها لبعض :-):-)

خرجها من شرودها ده باباها : تعالى يا ملك واقفه ليه عندك يا حبيبتى؟؟! إدخلى

إبتسمت وراحتلهم طبعت قبله على خد باباها وراسه وحضنت ماماتها
وقبلتها ولسه هتخرج من الأوضه باباها وماماتها إستغربوا
باباها : إلحقى يا مايسه ملك بنتنا إتهبلت :-)

ضحكت أمها : حرام عليك يا مجدى الجميل ده يبقى أهبل :-)

ضحكت ملك: مااااشى أمجدى هوريك الصبح مين الهبله بس هسيبك دلوقتى عشان حبيبة قلبى وروحى وعمرى ماماتى القمر دى

باباها: هو أنا مليش فى الحب جانب من الكلام الحلو ده ولا إيه ؟!

ملك: لأ بقى زحلانه منك عشان بتقول عليا هبله

باباها بص لمامتها : مش بقولك هبله فى واحده بعد كام يوم هتم 19 سنه وتقول زحلانه لا حول ولا قوة إلا بالله العلى العظيم

ضحكوا وقبلتهم ملك ومشيت على أوضتها

إستنوا ما تمشوش مع ملك خليكم فى أوضة مامتها وباباها

مايسه(الأم) : مجدى أنا حاسه إن ملك فيها حاجه ولا إنت مش معايا فى الإحساس ده ؟!

مجدى (الأب) : أنا فعلاً حاسس بكده يا مايسه ،بس إيه هى الحاجه دى معرفش

إبتسمت أمها : بس أنا بخمن فى إحساس معين وخايفه يكون صح ومش خايفه فى نفس الوقت !

مجدى بإستغراب : إحساس إيه ده ؟!

مايسه: معقوله مش واخد بالك؟! لأ وليه هو إنتوا يا رجاله عندكم نفس مشاعر الأنثى عشان تحسوا بيها

مجدى قام من مكانه وحط الكتاب على جمب وبص لمايسه بإستغراب : مايسه إنتى قصدك إن ملك ...!!!!

مايسه: مش عارفه أنا حاسه بكده لما بصيت فى عنيها وحسيت بقلبها وهى بتحضنى أنا وإنت وعماله تبوس فينا ويمكن يكون إحساسى غلط !

يُستحسن أقوم أتكلم معاها وأشوف مالها
مجدى : أه يا ريت وأبقى طمنيني

يلا بقى نروح لأوضة ملك مع مامتها ،خبطت ودخلت الأوضه كانت ملك بتكتب

الأم: الله الله حبيبة قلبى بتكتب حاجه جديده طاب ما تورينى يا شاعره
مامتها قرت الخاطره إللى هى كتبتها وحست إن شكوكها عماله تزيد
إبتسمت لملك : راائعه كالعاده يا حبيبتى بس إشمعنه كتبتى عن الموضوع ده يعنى ؟!

إرتبكت ملك : عادى يعنى يا مامتى ما إنتى عرفانى بسيب العنان لقلمى يكتب إللى هو عاوزه وما بحددش أى موضوع يعنى

الأم إبتسمتلها : تصدقى يا ملك إنك عمرك ما سألتينى أنا عرفت باباكى إزاى ؟!

ملك بتشوق : أه صحيح يا ماما ، ممكن تحكيلى

الأم: طبعاا ممكن أنا أصلاً بايته معاكى إنهارده

ملك ضحكت : ليه إتخاصمتوا ولا إيه ؟! أوعى يكون مجدى مزعلك :-)

الأم: لا يا ستى حبيبى عمره ما يفكر يزعلنى ،إنتى بس وحشتينى وبقالنا كتير ما رغيرناش مع بعض ولا نمنا سوا فقلت أسيبه إنهارده بقى واجى أنام مع حبيبة قلبى

ملك: ربنا ما يحرمنى منك أبداً يا ماما إنتى وبابا يا أغلى ما عندى فى الدنيا ، يلا بقى مش هتحكيلى عرفتى بابا إزاى ؟ أكيد عن قصة حب ؟!

الأم: أمممم مش بالضبط أو أقولك سيبينى أحكى أحسن يا بنت وما تقطعينيش

ملك: ماشى يا قلبى يلا إحكى وكلى آذآن صاااااغيه

الأم: بصى يا ستى تيته مامة باباكى الله يرحمها تبقى صاحبة تيته مامتى كانوا جيران وإتربوا مع بعض لحد ما كل واحده فيهم إتجوزت وإنقطعت أخبارهم عن بعض فتره كبيره ،لكن لما جه خالك أحمد يتجوز
أمى عزمتها على الفرح بس هى ما قدرتش تيجى وعشان كده بعد الفرح بيومين جت عشان تزورنا فى البيت وتبارك لأمى وفى الوقت ده جدتك كانت بتدور لعمك محمد على عروسه ، وطلبت من أمى إيد أختى ليه ، وبعد ما إتجوزت كان باقى عندها أبوكى البشمهندس العزبنجى ده ولقت إن الأحسن يبقى زيتهم فى دقيقهم زى ما بيقولوا وأهه جربت أختى قبل كده فقالت تناسبنا تانى ،فضلت تسألنى إنتى أد إيه دلوقتى ووقتها كنت لسه بدرس وفى سنه أولى كلية تجاره ،إنتى إتخطبتى ولا لسه ؟،يعنى أسئله من النوع ده
وبعدها بأسبوع على طول لقيناها جايلنا وبتطلب إيدى من أمى

ملك : إيه ده يا ماما يعنى انتى وبابا ما إتجوزتوش عن قصة حب ؟!

الأم: مش مهم إننا نتجوز عن قصة حب المهم إن الحب جه بعد الزواج على طول ، الحب الحقيقى هو إللى بيتولد مع العشرة ، لما تعرفيه بمواقفه وعشرته ، فى الجواز يا حبيبتى كل واحد بيبقى على طبيعته مش كل واحد لابس أحسن قناع عنده عشان يعجب التانى وبعد ما يتجوزوا تظهر الأقنعه الحقيقه ؟؟!! وأنا إتجوزت باباكى على طول وكملت دراستى وأنا متجوزه ، عمرى ما هنسى الأيام دى ، بجد كان حنين أووى عليا
وحسيت إن أبويا لسه معايا ، كان بيخصصلى وقت أذاكر فيه لا وكمان كان أوقات بيذاكر لى ويساعدنى لحد ما إتخرجت ،ولما كنت حامل فيكى كان بيساعدنى فى البيت وشايلنى على كفوف الراحه ، أنا إن كنت دلوقتى بعمل المستحيل عشان أسعد أبوكى فده جزء صغيير من إللى عمله عشانى ، صانى وعمره ماخلانى محتاجه حاجه وعمره ما زعلنى، وكان بيتقى الله فيا ، وانا كنت بسمع كل نصايح أمى وأطيعه وأرضيه ، وجبناكى وإرتباطنا ببعض أكتر وحبنا زاد أكتر وأكتر وبعدك جه مروان وحطينا إيدينا فى إيد بعض وربناكم وعملنا إللى نقدر عليه عشان نشوفكم أحسن مننا والحمد لله دلوقتى أنا وأبوكى بنفتخر إن عندنا بنت زيك وولد زى أخوكى مروان ، وواثقين إن عمركم ما هتخذلونا وواثقين إنكم دايماً هترفعوا راسنا يا حبيبتى

إبتسمت ملك : بجد يا ماما إنتوا أعظم زوجين شفتهم فى حياتى ، أنا نفسى أتجوز واحد زى بابا وأعيش معاه بالحب إللى شيفاه بينكم ده ما شاء الله ربنا يزيدكم حب ومايحرمناش منكم أبداً

الأم : ولا يحرمنا منك إنتى وأخوكى يا حبيبتى ،مش هتقوليلى بقى كاتبه الخاطره دى ليه :-):-)

ضحكت ملك :-): إنتى بتغمزى كده ليه يا ست الكل !، مافيش أى حاجه خالص قولتلك أنا بكتب من غير أى سبب يعنى


وقدرت تهرب من أسئلة مامتها ونامت فى حضنها الليله دى وهى مطمنه ومبسوطه

وبعدها بيومين ملك فتحت الفيس بوك ولقت رسالتين واحده من صديقه ليها بتطمن عليها والتانيه من وليد ،ردت على رسالة صحبتها وطنشت رسالة وليد ،بعدين الفضول ماخلهاش تصمد كتير وفتحتها

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
Arch Waleed Wahdan: أنا كنت عارف إنك فاتحه وطنشتى بس مش مشكله عادى كالعاده ! صراحه يا ملك إنتى غريبه أوى!!!!
نفسى أفهم سر تناقضك فى المعامله ده وإللى نفسى أفهمه أكتر إنتى ليه مشيتى المره إللى فاتت من غير حتى ما تنتظرى أكمل قصيدتى ؟!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
معرفتش ترد عليه وكالعاده طنشت الرساله ونزلت قصيده فى صفحتها
وجتلها رساله

Arch Waleed Wahdan: يعنى برده موجوده وطنشتى للمره التانيه يا ملك ؟؟!!

لقت إنها هتكون قليلة ذوق أوى لو ماردتش المره دى ،وردت عليه

Innocent flower: إزيك يا وليد؟

Arch Waleed Wahdan:أخييييراً إفتكرتى تردى ؟!! أنا الحمد لله بخير وإنتى ؟
Innocent flower: بخير الحمد لله

Arch Waleed Wahdan: السؤال المعهود أنا مضايقك فى حاجه يا ملك؟

Innocent flower: لا يا وليد ليه كل مره تسألنى نفس السؤال صدقنى مفيش حاجه

Arch Waleed Wahdan:طيب ليه مشيتى من القاعه المره إللى فاتت وبعدها ماردتيش على رسالتى وماتقوليش ما شوفتهاش وبعد يومين أهه مش عاوزه تردى على رسالتى التانيه رغم إنك موجوده وشيفاها فتصرفاتك معايا بتدل على إنى مضايقك فى حاجه ؟؟!!

Innocent flower: لأ أبداً بيتهيألك ،أنا أسفه بس كنت مشغوله الفتره إللى فاتت ومابفتحش كتير ولا بلحق أرد على الرسايل يعنى ، فأنا بعتذر

Arch Waleed Wahdan:خلاص عادى ولايهمك المهم إنتى بخير؟؟

Innocent flower: أه الحمد لله

Arch Waleed Wahdan:إيه رأيك فى الإجتماع إللى حضرتيه فى النادى الثقافى؟

Innocent flower: أه رااائع جدااا وماتتصورش إستمتعت أد إيه :-)

Arch Waleed Wahdan: ماقولتليش رأيك فى إلقائى بما إنك أول مره تسمعينى ؟!

Innocent flower: ما شاء الله كنت رائع جداا ، ربنا يوفقك

Arch Waleed Wahdan: رغم إنك ماكملتيش القصيده إلا صحيح إنتى مشيتى فجأه ليه ؟!

Innocent flower: أسفه جالى تليفون مهم من واحده صحبتى وإضطريت أمشى بسرعه

Arch Waleed Wahdan: ماشى يا عم المهم بس أنا قلقت والله قلت لقدر الله فى حاجه بس كويس إنك طمنتينى هتيجى النادى الثقافى تانى إن شاء الله ؟

Innocent flower: أمممم والله يا وليد مش عارفه ، لأنى إحتمال أنشغل بشويه أمور كده وما أقدرش أوعدك يعنى إنى أستمر فى الإجتماعات دى ، كان نفسى والله بس مش هقدر

Arch Waleed Wahdan: طيب ممكن أطلب منك طلب ؟

Innocent flower: إتفضل لو أقدر أكيد هنفذه

Arch Waleed Wahdan: ممكن تيجى إجتماع الإتنين إللى بعد بكره ضرورى ؟

Innocent flower: إشمعنه آجى ضرورى يعنى ليه فى حاجه ؟!!!!

Arch Waleed Wahdan: لأ أبدااا بس أرجووكى تلبى الدعوه دى ولو مش عاوزه تيجى تانى أوك بس تعالى المره دى فيه ضيف وفقرات هتعجبك جداا جدااا

Innocent flower: طيب ولنفرض كنت مشغوله وماقدرتش أجى ،معلش يا وليد أعذرنى المره دى

Arch Waleed Wahdan: بصى يا ملك إنتى كل مره بتكسفينى وبقول عادى بس المره دى بجد أرجو ما تكسفينيش لو سمحتى

Innocent flower: خلاص أوك إن شاء الله هاجى

Arch Waleed Wahdan: متشكر جدااا إنك وافقتى وهنتظرك على فكره ياريت ما تحاوليش تهربى بأى حجه ده أنا حتى أسمع إن ملك كلمتها زى السيف ومابترجعش فيها أبداا ولا بترجع فى وعودها

Innocent flower: وإللى وصلك الكلام ده وصله صح أنا فعلاً بحترم وعودى جداً وماتقلقش جايه إن شاء الله

قفلت ملك معاه وهى عماله تفكر هو ليه مصر إنها تحضر الإجتماع الجاى ؟ وفقرات إيه ولا شخصية مين إللى جايه دى ؟!
إظهار التوقيع
توقيع : ♥H a b i b a♥
#52

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

كتير روعة
إظهار التوقيع
توقيع : نايلية وفخر ليا
#53

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة لحن حياة
كتير روعة
ميرسي يائلبي نورتي
إظهار التوقيع
توقيع : ♥H a b i b a♥
#54

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

جامده اوى
كملى ياقمرى

إظهار التوقيع
توقيع : فتاة بالحياء تجملت
#55

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة فرفوشة منكوشة
جامده اوى
كملى ياقمرى
هكمل بس بليل يامزة
إظهار التوقيع
توقيع : ♥H a b i b a♥
#56

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة Habiba bibo
ميرسي يائلبي نورتي


نور بوجدك حبيبتي
إظهار التوقيع
توقيع : نايلية وفخر ليا
#57

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


وقفنا الحلقه إللى فاتت عند ملك لما
كانت محتاره وليد طلب منها تحضر الإجتماع الجاى وبإصرار كده ليه ؟!

وجه يوم الإثنين ،ملك كانت نايمه وفجأه صوت مزعج جداً إتعمل جمب ودنها صحيت مفزوعه لقت مروان وياسمين ،ولسه هتهزقهم لقتهم قالوا فى نَفس واحد : كان يوم إسود يوم ما جيت ، بابا وماما سابوا البيت رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

إفتكرت إن إنهارده عيد ميلادها ،ضحكت وضربتهم بالمخده باسوها وهنوها بعيد ميلادها وبعدين طردتهم عشان تغير

قفلت الباب ورمت نفسها على السرير وقالت لنفسها:

يااااااااااه أنا إنهارده تميت 19 عام ؟! والله وكبرتى يا بت يا ملك ،ورفعت إيديها للسما ودعت : ياااااا رب إجعله عام سعاده وراحة بال ليا وعينّى أحقق فيه كل إللى بتمناه يااااا رب رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

غيرت هدومها وطلعتلهم لقت مروان وياسمين لسه بيغنولها كان يوم إسود يوم ما جيت رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ملك: أنا كان يوم إسود يوم ماجيت يا وحشين ، عاجبك كده يا ماماتى سامعه بيقولوا ايه ؟ !

أمها : بس يا بت يا ياسمين إنتى والواد إللى جمبك ده ، ماتضيقوش حبيبتى ملوكه وإنهارده عيد ميلادها بقى ، كل سنه وإنتى طيبة ياا روح قلبى ويا نور عينى

حضنت مامتها وباستها

ملك: أمال فين بابا يا ماما ، مش عوايده يعنى ده كل سنه هو إللى بيصحينى إنهارده سابنى للقرود دول ليه ??!!

أمها: راح شغل ضرورى كده يا حبيبتى وما تقلقيش هيرجع بدرى

ملك: كده ينزل شغل يوم عيد ميلادى من غير ما يقولى كل سنه وإنتى طيبه رد: ʚϊɞ روايه •.¸ربـآط الحب¸.• رومانسيه . منقولة ʚϊɞ ماااااشى هوريه لما يرجعلى بقى وانا مخصماه بس هه

ياسمين: يا أختى إتنيلى إنتى كمان وخشى إلبسى عشان ننزل نلف شويه فى البلد

ملك: إيه الخروجات إللى بتيجى فجأه دى ؟!

ياسمين: هو أنا مزاجى كده يلا بجد يا ملك قبل ما الجو يبقى حر بقى وكده رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

دخلت ملك غيرت هدومها وحاولت تتصل بباها بس ماردش ومامتها قالتلها تروح ولما يرجع هى هتقوله

خرجت هى وياسمين وملك حكيتلها عن إللى دار بينها وبين وليد وإصراره إنها تحضر الإجتماع إنهارده وطلبت من ياسمين تحضر معاها

ياسمين: لا لا يا ماما إنتى عرفانى ما بطيقش قعدات الشعر والكلام ده

ملك: ياسمين عشان خاطرى تعالى معايا بقى وماتبقيش غلسه ، بجد هتستمعتى والله ولو حسيتى بزهق ولا خنقه أوعدك نمشى على طول ها قولى موافقه بقى بالله عليكى

ياسمين: أممممم ماشى لما نشوف رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

وروحوا إتغدوا وقعدوا يرغوا سوا وبعدين لبسوا والغريب إن ملك كانت لأول مره محتاره تلبس إيه وعماله تلبس فى دى وتقلع تانى تجرب طقم لأ غيره ...إلخ

ياسمين: أول مره يا ملك تحتارى فى لبسك وتتأخرى كده ، ده إنتى اللبس ده آخر إهتمامك وكمان كل هدومك شيك فما بتحتاريش يعنى إيه إللى جد يا بت ؟

ملك: ولا حاجه يعنى إنهارده عيد ميلادى يا ياسمين عاوزه أبقى مميزه يعنى الله ! بصى انا خلاص إخترت هلبس حاجه من الهدوم الجديده ، إيه رأيك فى الطقم التركواز ده ؟!!

ياسمين: تحفه إلبسيه وخلصى بقى يلا رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ولبست ملك وكانت فى كامل أناقتها كالعاده ،راحت على النادى هى وياسمين ، وأول ما دخلوا كانت القاعه فاضيه ومضلمه

ياسمين: إنتى متأكده يا بت إن ده الميعاد؟ !!

ملك: أيوه يا ياسمين متأكده وكمان وليد فضل يأكد عليا آجى فى الميعاد بس مش عارفه فى إيه ولا راحوا فين ؟! تعالى نسألـ .... وقبل ما تكمل كلامها كانت المفاجأه ......

كل الأعضاء داخلين من باب جوه القاعه ووليد فى المقدمه فى إيديه تورته وكلهم فى صوت واحد : سنه حلوه يا جميل ـــــ سنه حلوه يا جميل رد: ʚϊɞ روايه •.¸ربـآط الحب¸.• رومانسيه . منقولة ʚϊɞرد: ʚϊɞ روايه •.¸ربـآط الحب¸.• رومانسيه . منقولة ʚϊɞرد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ملك وقفت هى وياسمين فى زهول بيحاولوا يستوعبوا الموقف ، إبتسمت ياسمين وسحبت ملك من إيديها وراحت ناحية وليد

وليد بإبتسامه عريضه رد: ʚϊɞ روايه •.¸ربـآط الحب¸.• رومانسيه . منقولة ʚϊɞ : كل سنه وإنتى طيبة يا ملك وعقبال مليون سنه وياا رب تحققى كل أحلامك وتكون دى سنه كلها سعاده وحب يلا إطفى الشمع بس إتمنى أمنيه الأول رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ملك لسه بتحاول تفوق من هول الموقف بس إبتسمت وغمضت عنيها وطفت الشمع والكل هنوها ،جابولها بإسم المجموعه كلها كتاب هديه (الأعمال الكامله لجبران خليل جبران) فرحت جداا بالكتاب وشكرتهم ، وياسمين إندمجت مع سهيله لأنها تعرفها ، أما ملك كانت واقفه وماسكه الكتاب بتتفرج عليه وهى مبسوطه قرب منها وليد ومد

إيديه بهديه، بصتله ملك ولقت نفس العلبه إللى كان مديهالها فى إسكندريه ورفضتها

وليد: أظن دلوقتى فى سبب للهديه ؟! أنا سايبها من يومها بنفس الغلاف لأنى كنت واثق إن هتيجى مناسبه وتقبليها

ملك قبلتها منه المره دى : متشكره جداً يا وليد وبجد مش عارفه أشكرك إزاى على المفاجأه دى ،،مفاجأه غير متوقعه صراحه وفرحتنى جداا ربنا يفرح قلبك ويفرح قلب كل الناس الرائعه إللى إشتركت معاك دى

وليد: إنتى تستاهلى أكتر من كده يا ملك ، صراحه كنت خايف لحسن ما تجيش بس الحمد لله أهه جيتى

إبتسمتله ملك وسألت بإستغراب : بس إنت عرفت إن إنهارده عيد ميلادى منين ؟

وليد: من الفيس بوك ربنا يكرمه رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ملك: بس أنا عامله إخفاء لتاريخ ميلادى ؟!

وليد: بس فى صفحتك إنتى عامله خاطره السنه إللى فاتت وبتقولى فيها إن إنهارده عيد ميلادك الـ 18 فعرفت التاريخ يعنى رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ملك: آآآآآآآآآه وفتحت هديته وإذا بها سلسله رقيقه أووى على شكل قلب صغير وفى وسطه ورده ، ملك أول ما شافتها فرحت جداا بيها وإندهشت ، السلسله دى بالذات لفتت إنتباه ملك فى المول لما كانوا فى إسكندريه ،وماكنش باقى من الشكل ده غير واحده وللأسف فى بنت سبقتها وإشترت السلسله دى ، بس ملك إستغربت إنه أخد باله وإستغربت إنه قدر يجبلها نفس الشكل ؟!

ملك: جمييله ورقيقه أوووى متشكره جدااا يا وليد

وليد: العفو يا ملك على إيه يعنى ، أهم حاجه إنها عجبتك

ملك: أمممم ممكن سؤال ؟ وليد: أمممم إتفضلى

ملك: هو إنت جبتلى السلسله دى صدفه كده يعنى ولا إنت فعلاً شفتنى لما كنت هشتريها فى المول وإحنا فى إسكندريه وطلعت محجوزه ؟!

وليد: أمممم صراحه مش صدفه ،أنا شفتك لما كنتى واقفه ولفتت إنتباهك وحاولتى تشتريها بس لقيتى واحده تانيه إشتريتها وبعد ما خرجتى جبتها

ملك: إزاااى ، رغم إنها كانت محجوزه ؟؟!!

وليد: إزاى دى بقى ملكيش دعوه بيها يا ستى ، المهم إن السلسله معاكى دلوقتى

ملك: عندك حق ، متشكره جداً جداً يا وليد

(وليد ماقلهاش إنه بعد ما خرجت رجع للمحل وفضل يقنع البنت إللى إشترت السلسله إنها تسيبها ، وفى الآخر كدب عليها وقالها إن خطيبته زعلانه منه والسلسله دى عجباها ونفسه يصالحها بيها والبنت قلبها الصغير ما إتحملش فسابتهاله )

ملك لسه عندها زهول ونفسها تعرف وليد عمل كده ليه ؟! وماقدرتش تمنع نفسها من إنها تسأله : وليد ممكن سؤال كمان ؟

وليد: إنتى تنفعى محققه على فكره يا ملك بتحبى الأسئله أوووى

اسالى يا ستى

ملك: إنت ليه عملت عشانى كل ده ، يعنى تاخد بالك بدقه من تاريخ ميلادى لأ وتعملى حفله مفاجأه وكمان السلسله إللى مش متوقع تماماً إنك تجيبهالى ،وليد إنت بتعمل كل ده ليييه، رغم إنى فى أغلب الأحيان قليلة ذوق معاك ؟!

وليد:أممممم ممكن ما أجاوبش دلوقتى ؟!

ملك: مابحبش إللى يرد على أسئلتى بسؤال !

وليد: معلش خلى الأجابه وقت تانى وأوعدك هجاوبك والله بس خليها وقت تانى

ملك : بسـ..

قاطعتهم ياسمين لما جت هى وسهيله ووليد إستأذن عشان جاله تليفون

سهيله: كل سنه وإنتى طيبة يا ملوكه وعقبال مليون سنه رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ملك: مرسي جداً يا سهيله ، كلك ذوق

سهيله: وااااضح جداا إنك حد special عند وليد عشان يخلينا نجهز لحفلتك دى من أسبوع ، أول مره المجموعه تحتفل بعيد ميلاد عضو فيها

ملك وشها إحمررد: ʚϊɞ روايه •.¸ربـآط الحب¸.• رومانسيه . منقولة ʚϊɞ وإرتبكت ومش عارفه ترد بإيه ، أنقذتها ياسمين وردت : ملك دى يا سهيله حبيبة الكل لما تتقربى منها هتعرفى ده بنفسك

وفى اللحظه دى ندههم وليد عشان تبدأ الحفله ،قعدوا وكانت البدايه بوليد و المفاجأه إنه كتب قصيده إهداء لملك ، زادت من حيرة ملك وإرتباكها ،لدرجة إنها فكرت تهرب زى كل مره لكن ياسمين منعتها وبعد قصيدة وليد إللى كانت مشاعره فيها واااضحه جدااا الأعضاء فى المجموعه أهدوها قصيده لحنوها وغنوها لها وطلبوا منها تغنى أو تقول قصيده تختار حاجه منهم وقامت قالت قصيده من تأليفها ودى أول مره تلقى شعر قصاد حد وعجبهم إلقاءها جداً وحيوها

إستمرت الحفله بشكل ممتع جداً حتى إن ياسمين إللى مابتحبش قعدات الشعر والأدب كانت مستمتعه جداً ومش عاوزه تمشى ، بس أبو ملك إتصل بيها وطلب منهم يجوا هى وياسمين على البيت وبالتالى أخدت ياسمين وروحوا وليد عرض عليهم يوصلهم بعربيته لكن ملك رفضت تماماً

ووصلوا البيت لقوا الباب مفتوح والجو ضلمه وفجأه لما ملك فتحت النور لقت الكل بيقولها surprise رد: ʚϊɞ روايه •.¸ربـآط الحب¸.• رومانسيه . منقولة ʚϊɞ ، العيله كلها عملالها مفاجأه

فرحت أوووى وكانت مبسوطه من يوم المفاجأت العظيم ده

إحتفلوا بيوم ميلادها وكانت هداياهم جميله ومميزه وخاصه هدية باباها ، باباها فاجأها وجابلها لآب توبرد: ʚϊɞ روايه •.¸ربـآط الحب¸.• رومانسيه . منقولة ʚϊɞ ، كانت فرحتها لا تُقاوم فضلت تتنطتت وحضنت باباها وشكرته بأمطاار من القبل لحد ما خدوده إحمرت

ومر اليوم ده وملك الفرحه مش سيعاها ، ياسمين باتت عندها فتحوا اللآب توب وفضلوا يتفرجوا عليه ويفتحوا الهدايا وسهروا للصبح

ياسمين قعدت تقنع ملك بإن شكوكها خلاص دلوقتى إتأكدت إن وليد مش معجب بس لأ ده بيحب ملك، وده واضح من إللى عمله إنهارده

والغريب إن ملك المره دى إبتسمت وما إتهربتش وغيرت الموضوع كالعاده ، فضلت مبتسمه بس وطلبت من ياسمين تلبسها السلسله ،مسكتها بإيديها وفضلت باصلها ومبتسمه ، ياسمين نامت وملك خرجت للبلكونه تستنشق الهوا وحاطه إيديها على السلسله وقلبها بيدق بسرعه ، بتسترجع كل إللى حصل إنهارده وقربت تصدق ياسمين وتخوض المغامره دى وصلت النت باللآب توب وفتحت الفيس بوك وبعتت رسالة شكر لوليد على الحفله وعلى الهديه وكتبت خاطره تعبر عن فرحتها باليوم ده
ووقفت حلقتنا هنا المره دى إنتظرونا المره الجايه عشان نعرف باقى الأحداث





إظهار التوقيع
توقيع : ♥H a b i b a♥
#58

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


مر أسبوع وملك خلال الأسبوع ده كانت كل يوم بتتكلم مع وليد شات على الفيس بوك ، إتعرفوا على بعض أكتر وإتقربوا من بعض جداً

وليد لسه ما صرحلهاش بأى مشاعر ولا هى ، كل كلامهم فى إطار صداقه وبس لكن هى حاسه فى بعض كلامه وتصرفاته بمشاعره ، وكمان ملك إستمرت فى حضور إجتماعات النادى الثقافى ،إتشجعت وبقت بتلقى شعر وأوقات بتغنى معاهم ، وهى ووليد بقوا بيعملوا سوا قصايد مشتركه وياخدوا رأى بعض فى أى حاجه يكتبوها ، بإختصار العلاقه تطورت بينهم جداً وبشكل مفاجئ ، حتى ياسمين كانت مستغربه إنهم هياخدوا على بعض بالسرعه دى بس كانت فرحانه لفرح ملك وسعادتها رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

وبدأت الدراسه وده أول يوم لملك كطالبة جامعيه رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

تأنقت وكانت شيك جداً كعادتها وباباها وصلها بعربيته للجامعه ، عالم غريب بالنسبه ليها رغم إنها زارت الجامعه قبل كده مع ياسمين بس شعورها المره دى مختلف ، إنهارده هى مش جايه زياره هى بقت جزء من المجتمع ده ، خايفه من المرحله دى بس خوفها ما خلهاش تمحى الإبتسامه إللى على وشها ، أخدت الجدول وعرفت أماكن المحاضرات ، حضرت محاضره واحده وبعدين عرفت إن الباقيين إتلغوا فإتصلت بياسمين وراحتلها على الكليه بتاعتها

ياسمين: أهلاً أهلاً هندسه نورت يا سيادة السفيره رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ملك: أهلاً يا حبى ، إيه الأخبار ؟ هتخلصى إمته عشان نمشى ؟

ياسمين : لحقتى تزهقى من الجامعه يا حليتها رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ملك: يا بنتى مش زهقت بس خلاص محاضراتى خلصت ، حضرت واحده وكانت مجرد تعارف والدكتور إتكلم بوجه عام عن الماده

ياسمين: تمام تمام بالتوفيق فى العام الجديد ده ،عموماً أنا هخلص بعد ساعه هتستنى معايا ولا تروحى ؟؟

ملك: مش ورايا حاجه ، هستنى معاكى أوك

ياسمين: مالك مش على بعضك ليه وعنيكى عماله تروح يميم وشمال وتتلفت زى ما يكون بتدورى على حد بحرف الواو كده رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ضحكت ملك : إنتى مش هتبطلى حركاتك دى إرحمى نفسك شويه رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ياسمين : عموماً تعالى أما أريحك من البحث ده لحسن عنيكى تتعبك ولا حاجه

وأخدت ملك وراحت على المكان إللى موجود فيه وليد ،ملك إتضايقت لما لقت سهيله قاعده معاه بس مابينتش ضيقها وكانت عادى سلمت على سهيله ووليد ،وياسمين سلمت عليهم ووقفت تتكلم مع سهيله

وليد: ملووووكه نورتى الجامعه

ملك: شكراً

وليد: شيك جداً إنهارده كعادتك

ملك: شكراً

وليد: هو إيه شكراً شكراً دى مش حافظه غيرها ؟!

ملك: هقول إيه يعنى ؟!

وليد: ولا حاجه يا ستى عملتى إيه إنهارده وإيه شعورك فى أول يوم ليكى كطالبه جامعيه

ملك: الحمد لله شعور جميل جداً وكمان اليوم عدى على خير

وليد: طيب الحمد لله ياا رب باقى السنه تكون كده

ملك: يااا رب ، وإنت كويس ؟

وليد: الحمد لله تمام وزى الفل

وجت عليهم سهيله ودخلت فى الحوار شويه وإتكلموا عن الجامعه وبعدين وليد قال حاجه ضحكتهم فسهيله هزرت معاه بالإيد وقرصته من خده رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ملك ما إستحملتش المنظر ده وحست بالإهانه من غير ما تعرف السبب لإحساسها ده !!!

حست كأن دمها بيغلى إتعصبت وقالت لياسمين : أنا ماشيه يا ياسمين رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ياسمين: مالك يا بنتى قلبتى فجأه كده ليه ؟ مش قولتى هتقعدى معايا ونروح سوا ؟!

ملك بضيق : لأ خلاص غيرت رأيى ، سلام

قالت كده من غير حتى ما تلتفت لهم ،فوليد طلع وراها بسرعه ونده عليها

وليد: ملك مالك فى إيه ؟ حصل حاجه ؟!

ملك بعصبيه : حصل حاجه ؟؟؟!!! لا والله أبداً يا فندم بس حسيت بخنقه شويه

وليد: سلامتك من الخنقه بس من إيه ؟؟ إيه إللى ضايقك؟؟!!

عملت 111 وسكتت شويه وبعدين ردت : عارف يا وليد مش المشكله فى إنك تتعصب من حاجه حد عملها المشكله الأكبر إنه ما يكونش حاسس إنها غلط أصلاً رد: ʚϊɞ روايه •.¸ربـآط الحب¸.• رومانسيه . منقولة ʚϊɞ !!!!

وليد: بمعنى ؟!

ملك: بمعنى إنى عاوزه أمشى حالاً بعد إذنك

ومشيت وسابته ، حست إنها لو روحت دلوقتى هتقلق أمها على شكلها وعصبيتها دى ففضلت تتمشى شويه لحد ما هديت وبعدين روحت البيت وحكيتلهم عن يومها الأول فى الجامعه، ودخلت عشان تنام فضلت تتقلب على السرير والنوم طاير من عنيها ، قامت بزهق دخلت البلكونه وفجأه لقت نفسها بتعيط ، إستغربت لأنها مش عارفه السبب ولا عارفه ليه بتضايق لما تشوف سهيله مع وليد وليه إتضايقت إنهارده لما سهيله تعاملت معاه بالشكل ده ، ملك أول مره تعيط رد: ʚϊɞ روايه •.¸ربـآط الحب¸.• رومانسيه . منقولة ʚϊɞمن غير سبب واضح كده

معقوله أكون غيرانه رد: ʚϊɞ روايه •.¸ربـآط الحب¸.• رومانسيه . منقولة ʚϊɞ ؟!! لأ محدش بيغير على حد إلا إذا كان بيحبه ؟!! إيييييه ؟؟!! معقوله أنا بحب وليد ؟!! لأ لأ مستحيل أوعى يا ملك

إنتى ليه أساساً إتكلمتى معاه وليه سمحتيله يقرب منك كده ؟؟!! وهو مش بيحبك لإمته هتكدبى على نفسك ؟!هو قالك ؟!وبعدين إللى بيحب حد بيحترمه ويحترم وجوده وهو مابيحترمش وجودى ويهزر عادى مع إللى إسمها سهيله دى لا والمصيبه مش شايف إن إللى بيعملوه ده غلط ؟! وأنا هفلق دماغى ليه أصلاً أنا مش هفكر فى حد تانى ولا هتكلم معاه تانى أصلاً بس هه رد: ʚϊɞ روايه •.¸ربـآط الحب¸.• رومانسيه . منقولة ʚϊɞ(ملك لنفسها)

وخرجها من شرودها ده صوت تليفونها ،دخلت وقفلت البلكونه لقتها ياسمين

ملك بصوت مخنوق : ألو

ياسمين: كنت متوقعه إنى هلاقى صوتك كده ؟ وكنت متوقعه إنك هتضايقى من إللى حصل إنهارده

ملك : وهو إيه إللى حصل يعنى ومين قالك إنى متضايقه أصلاً ؟!

ياسمين: لا يا شيييخه على أساس مش باين فى صوتك ولا كان باين ضيقك إنهارده من أول ما شفتى سهيله أصلاً

ملك بعصبيه: ياسمين إللى بيعملوه ده إسمه إستهبال، بعيداً عن أى حاجه إزاى يسمحلها تهزر معاه بالشكل ده ، وهى إزاى سمحت لنفسها تهزر كده وتقرص ولد غريب من خدوده ؟ دى إسمها قلة إحترام وقلة أدب رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ياسمين: إهدى إهدى يا حاجه خلاص يا ملك روقى بقى ، على فكره وليد سألنى مالك ؟ وأنا قولتله أكيد إنتى مصدعه ولا حاجه بس قالى ياريت تقوللها تفتح الفيس إنهارده عشان أطمن عليها

ملك بعصبيه: مش هفتح فيس ولا زفت ولا مكلمه حد ، ويلا بقى إقفلى عشان أدخل أتخمد

قفلت مع ياسمين و قامت غسلت وشها ودخلت تنام ، صحيت الصبح وراحت على الجامعه حضرت محاضره والتانيه بعد ساعه لقت مكان مناسب قعدت فيه ،فتحت اللآب توب فضلت تتسلى شويه ، وفتحت الفيس بوك لقت رساله من وليد بتاريخ إمبارح وبعد إللى حصل بساعه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ

Arch Waleed Wahdan:

ملك أنا عارف كويس جداً إنك إتضايقتى إنهارده بسبب هزار سهيله معايا ، هى فعلاً حاجه تحرق الدم والله أنا نبهت عليها أكتر من مره ما تهزرش معايا بالشكل ده بس يمكن لأنها منفتحه زياده عن اللزوم بتنسى أنا بجد أسف جداً إنى تسببت فى ضيقك رد: ʚϊɞ روايه •.¸ربـآط الحب¸.• رومانسيه . منقولة ʚϊɞ
كانت متضايقه منه وفكرت تطنش رسالته بس قررت تخرج كل عصبيتها فى الرساله دى بس قررت تخرج كل عصبيتها فى الرساله دى

Innocent flower: وليد أنا مش فاهمه بتتكلم عن إيه ؟! أنا ما إتضايقتش منكمرد: ʚϊɞ روايه •.¸ربـآط الحب¸.• رومانسيه . منقولة ʚϊɞ بالعكس أنا شايفه إنكم لايقين على بعض أوى ربنا يخليكم لبعض !!!!

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ

بعتت الرساله وقفلت اللآب عشان المحاضره ، خلصت محاضرتها وروحت وكل ما تيجى تفتح اللآب تمنع نفسها عشان ما تفتحش الفيس بوك ، وتانى يوم راحت الجامعه كانت قاعده منتظره المحاضره فى نفس المكان إللى قعدت فيه إمبارح وفاتحه روايه بتقرا فيها وفجأه وليد جه هى مش حاسه بيه لأنه جاى من وراها وكمان عشان مندمجه فى الروايه

وليد: جميله أوى الروايه دى إختيارك رائع أنا قريتها بس نهايتها حزينه أوى تحبى أحكيهالك؟!

ملك حست إن قلبها هيقف أول ما سمعت صوته بس ما إدتلهوش إهتمام ردت وهى بتقرا فى الروايه ومن غير ما تبصله : مرسي أنا بقراها وأكيد هعرف النهايه لوحدى

وليد: أمممممم تبقى لسه زعلانه رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

بصتله: أظن رسالتى وصلتلك ع الفيس إمبارح ولو ماقريتهاش كويس كنت بقولك فيها يعنى إنى ما إتضايقتش ؟!

وليد: لأ بالعكس أنا قريتها كويس جداً وأكتر من مره كمان وكل مره وصلنى نفس الإحساس

ملك: إحساس إيه ؟

وليد: إنك زعلانه وجداً كمان

ملك: هه وأنا هزعل من إيه إن شاء الله ؟!

وليد: طيب صحيح إنتى شايفه إننا لايقين على بعض أوى ؟؟!!!

ملك: والله ده الواضح ، على طول مع بعض وتهزروا بقى شكلكم كيوت أوى مع بعض !!

وليد: ملك ممكن بلاش تريقه أنا بتكلم بجد دلوقتى ، معقوله مش حاسه بيا كل ده ؟

ملك: مش فاهمه قصدك؟

وليد: ملك أنا بـ ... والموبايل رن فجأه

ملك كان قلبها خلااص هيقف ومتوتره ورغم كل ده كانت منتظراه يقولها لكن التليفون إللى جه وقف اللحظه دى رد: ʚϊɞ روايه •.¸ربـآط الحب¸.• رومانسيه . منقولة ʚϊɞ، أول ما وليد شاف موبايله إتضايق وماردش

ملك: ماردتش ليه ؟!

وليد: عادى موبايل مش مهم ، صاحبى بيرنلى عشان المحاضره هتبدأ

رن موبايله تانى ،

ملك: طيب روح عشان ما تتأخرش على محاضرتك

وليد: لا مش مهم ، ولسه هيكمل كلامه موبايل ملك هو إللى رن لقت واحده صحبتها بترنلها عشان المحاضره هتبدأ فإستأذنت من وليد ومشيوا لمكان المحاضره وهم ماشيين جت سهيله عليهم

سهيله : أخيررراً لقيتك يا بنتى ، أنا بدور عليكى من بدرى إيه ده ووليد كمان معاكى ؟!أمال ما بتردش عليا ليه يا أستاذ ؟؟!!

ملك عرفت إن إللى كان بيتصل مش واحد صاحبه، كانت سهيله فبصتله بنظرة لوم وقالت : كنتى بتدورى عليا ليه يا سهيله فى حاجه؟!

سهيله: لا أبداً بس كنت جايه لقريبى هنا فى رابعه وقلت أما أسلم عليكى بما إنى جيت كليتك بقى

ملك: آآآه تسلمي يا حبيبتى

بصت سهيله لوليد: وإنت يا أستاذ ما بتردش عليا ليه ؟!

ملك بصتله بنظرة ضيق وإستأذنت منهم عشان محاضرتها

ومرت أيام وأسابيع ورجعت ملك تانى تعمل حدود بينها وبين وليد ، وكل ما يحاول يكلمها تتهرب من الرد أو ترد عليه ببرود زى الأول لحد ما فى يوم حست بفضول إنها تعرف أخباره وحست بإشتياق ليه فدخلت ع الفيس بوك وفتحت البروفايل بتاعهه وصفحته ،وإتصدمت لما شافت الحائط بتاعه وصفحته رد: ʚϊɞ روايه •.¸ربـآط الحب¸.• رومانسيه . منقولة ʚϊɞ
إظهار التوقيع
توقيع : ♥H a b i b a♥
#59

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

12
وقفنا الحلقة إللى فاتت لما
فى يوم ملك حست بفضول إنها تعرف أخبار وليد وحست بإشتياق ليه فدخلت ع الفيس بوك وفتحت البروفايل بتاعه وصفحته ،وإتصدمت لما لقت ناس كتير بتبعت على الحائط تقوله ألف سلامه وتطمن عليه وناس باعته أدعيه للمريض !!

دقات قلبها تصارعت وخافت على وليد مش عارفه ماله ولا عارفه تعمل إيه ؟!!

فكرت تتصل بياسمين لكن لقت إنها تتصل بولاء أفضل ، إتصلت مرتين وولاء ما ردتش مايأستش وجربت مره كمان وجالها الرد كان صوت ولاء مخنوق وواضح إنها معيطه

ولاء: ألو

ملك : ولاء هو وليد كويس ؟

ولاء: الحمد لله يا ملك فاق إدعيله بالله عليكى

ملك: فاق رد: ʚϊɞ روايه •.¸ربـآط الحب¸.• رومانسيه . منقولة ʚϊɞ ؟! هو إيه إللى حصله بالضبط ؟!

ولاء: عمل حادثه أول إمبارح ، والحمد لله لسه فايق من ساعه بالضبط والدكتور طمنا

ملك بصدمه : إييييييييييه ، إنتوا فين دلوقتى يا ولاء؟!

ولاء: إحنا فى المستشفى ، ده حتى باباكى وعمو محمد موجودين هنا كمان

ملك أخدت منها إسم المستشفى ، قفلت معاها ولقت نفسها بتعيط بحرقه وخوف عليه رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

فضلت تدعيله ربنا يقومه بالسلامه ،وكلمت ياسمين لقتها عرفت وكانوا هيروحوا يزوروه بس مامة ملك رفضت إنهم يروحوا المستشفى ، مر اليوم ده وملك مش قادره تمنع نفسها من البكا ما كنتش تعرف إن وليد غالى عندها أوى كده ، نفسها تطمن عليه ومش عارفه تعمل حاجه فإتصلت فى اليوم إللى بعده بولاء وإتطمنت منها عليه وطلبت منها لما أصحابه يمشوا ترنلها عشان تكلمه

وبعد ساعه رنتلها ولاء ولما إتصلت عليها كنسلت وبعدها لقت رقم غريب بيتصل بيها ردت ولقت صوته

وليد: ألوو ، إزيك يا ملك ؟

ملك مش مصدقه من الفرحه أول ما سمعت صوته قلبها إرتاحرد: ʚϊɞ روايه •.¸ربـآط الحب¸.• رومانسيه . منقولة ʚϊɞ وإتطمن ولقت دموعها بتنزل لوحدها رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

وليد: هو فى إيه إنتى هتفضلى ساكته كده كتير حتى وأنا عيان يا ربى رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ضحكت ملك من بين دموعها ملك رد: ʚϊɞ روايه •.¸ربـآط الحب¸.• رومانسيه . منقولة ʚϊɞ : أنا أسفه ، إنت كويس يا وليد؟

وليد: هبقى كويس وزى الفل كمان لما تمسحى دموعك

إستغربت ملك: ومين قالك إنى بعيط ؟!

وليد: حسيت يا ستى المهم إنتى عامله ايه ؟!

ملك: إنت إللى عامل إيه دلوقتى مش أنا ؟!

وليد بإسلوب بيقلد فيه صوت ملك : مابحبش حد يرد على سؤالى بسؤال تانى ؟ رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ضحكت ملك : طيب يا سيدى أنا زى الفل إنت بقى عامل إيه ؟!

وليد: والله يا ملك الواحد شاف الموت بعنيه رد: ʚϊɞ روايه •.¸ربـآط الحب¸.• رومانسيه . منقولة ʚϊɞ بس الحمد لله إن ربنا سترها ونجانى

ملك: الحمد لله وربنا يتم شفائك على خير

وليد: آمييييين

ملك: ـــــــــــــــــــــــــــــــــــ

وليد: إيييييه هتفضلي ساكته كده كتييير

ملك: لأ هقفل عشان أسيبك ترتاح بقى وربنا يطمنا عليك

وليد: هو أنا بقولك كده عشان تقوليلي هقفل !!!!

عموماً ماشى بس خدى بالك من نفسك ،مع السلامه

ملك: مع السلامه

قفلت معاه بعد ما قلبها إتطمن إنه بقى كويس ودعتله ربنا يتم شفاءه على خير

خرج وليد من المستشفى وملك رجعت قريبه منه تانى وتصرفاتها هى ووليد كل مدى بتأكد إن الإتنين فيه بينهم إعجاب متبادل ، أو نقدر نقول ــــــــــــــ حب !!

وجت اللحظه الحاسمه إللى ملك كانت منتظراها ، أخيييراً عرفت حقيقة مشاعر وليد نحيتها ، وده حصل يوم فرح ياسر

ملك وياسمين إختاروا نفس شكل الفستان ونفس اللون كمان ، كانوا قمرات أوى فى يوم الفرح ومن أول ما وليد وصل ماشلش عينه من على ملك ملاحظها وملاحظ كل تحركاتها وهى عامله نفسها مش واخده بالها

لحد ما شافها واقفه مع واحد غريب فكر يروحلها ويسألها مين ده بس لقى من الأفضل إنه يكلمها فون ، إتصل وهى شافت الرقم وماردتش فلقى يارا معديه ندهلها وطلب منها تقول لملك ترد على الموبايل ، يارا قالتلها فخرجت بره القاعه راحت للبحر بعيد عن دوشة الفرح وردت عليه

ملك: ألو

وليد: إزيك يا ملك ؟

ملك: بخير يا وليد الحمد لله وإنت ؟

وليد: مش بخير الحمد لله ، ملك لو سمحتى مين الشخص إللى كنتى واقفه معاه من 5 دقايق ده ؟؟!!!

ملك حست بفرحه من غيرته دى بس عملت فيها عبيطه : ولدرد: ʚϊɞ روايه •.¸ربـآط الحب¸.• رومانسيه . منقولة ʚϊɞ ؟؟!! ولد مين ده

وليد: ملك لو سمحتى ما بهزرش مين إللى كنتى واقفه معاه ده رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

ملك: آآآآآآه قصدك مصطفى ؟!

وليد بعصبيه رد: ʚϊɞ روايه •.¸ربـآط الحب¸.• رومانسيه . منقولة ʚϊɞ: مصطفى ،إبراهيم ،عبدربه !!ما سألتش عن إسمه أنا بسأل مين ده ؟؟!!!!

ملك: بالراحه طيب ، ده يبقى إبن صاحبة ماما ويقرب للعروسه

وليد: (بتريقه)إيه ده معقوله ؟؟!! لأ أنا مندهش ، وده يديكى الحق تقفى تهزرى معاه بالشكل ده ؟!!

ملك: ده أصغر منى بسنتين أصلاً

وليد: أصغر منك إن شا الله ب3 سنين مش إتنين بس ، واحد زى الشحط ده إللى هيشوف سيادتك واقفه معاه مش هيقول ده أصغر منك فياريت تاخدى بالك من تصرفاتك

ملك: على فكره أنا واخده بالى من تصرفاتى كويس أووى ومش منتظره من حد ينبهنى لأى غلط ، وبعدين إنت متضايق أوى كده ليه ؟!!

وليد: يعنى إنتى لحد دلوقتى مش عارفه ليه يا ملك؟!

ملك: ـــــــــــــــــــــــــــــــــــــــــــــــ

(وليد بما إنه ملاحظ كل تحركاتها فشافها وهى رايحه ع البحر خرج من القاعه عشان يعرف هو كمان يكلمها ووقف وراها )

ورد
وليد: بكل بساطه عشان ....... رد: ʚϊɞ روايه •.¸ربـآط الحب¸.• رومانسيه . منقولة ʚϊɞ بحــبك رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


ملك ماكنتش مصدقه ولا متوقعه إن هيقولها خصوصاً إنه نطقها على أرض الواقع سمعت صوته وراها إلتفتت ولقته واقف وفى إيديه ورده حمرا وبيقولها: والله العظيم بحبك يعنى أغنيها عشان تحسى بيا بقى

وشها إحمر وفضلت بصاله بزهول رد: ʚϊɞ روايه •.¸ربـآط الحب¸.• رومانسيه . منقولة ʚϊɞ ومش عارفه تنطق ولسه هتمشى وقف قصادها

وليد: ملك ممكن تقفى ، وتبطلى عادة الهروب إللى عندك دى ؟؟!!!

ده على أساس إنك مش ملاحظه من كل تصرفاتى من زمان ، ملك إللى إنتى ما تعرفيهوش إنى معجب بيكى من زمان والإعجاب ده تحول لحب من سنه بحالها وحاولت ألمحلك على أد ما أقدر وتعبت جدااا عشان أقدر أوصلك ومتأكد إنك حسيتى بيا وبتبادلينى نفس الشعور ولا أنا بيتهيألى ؟!

ملك بإرتباك وهى باصه فى الأرض : أأأ أنا ؟!! إتكلم عن نفسك لو سمحت يا وليد أنا لازم أمشى إبعد من طريقى لو سمحت

وليد: إتكلم عن نفسك؟!!!! قصدك إيه بيتهيألى كل ده يعنى ؟!

ملك: أنا ماقولتش كده بس ..... ــــــــ

وليد: بس إيه ؟؟!

ملك: بس أنا عاوزه أمشى حالاً لو سمحت إبعد من طريقى

وليد بعد من قصادها ورد بضيق: قصدك عاوزه تهربى حالاً ،،بس كده ، حاضر إتفضلى

مشيت وبعدين إلتفتت وراها لقت وليد باصص فى الأرض ومتضايق حست إنها جرحته

من غير ما تقصد (هى مش قصدها تعمل كده هى كانت منتظره اللحظة دى من زمان بس بسبب إرتباكها ولأنها أول مره تتعرض للموقف ده ما عرفتش تتصرف )

رجعتله تانى وأخدت الورده إللى فى إيده : هى دى مش كانت ليا ولا بيتهيألى

بصلها وضحك : أيوه يا ستى ليكى إتفضلى

إبتسمت ،خدتها ومشيت ،فضلت قاعده فى الفرح وسط الناس لكنها فى عالم تانى باصه للورده إللى فى إيديها وركبت على بساط الأحلام ..

خلاص ملك قررت تجرب المغامره وتغوص فى بحر العشق !!

ياسمين جت عليها وهى قاعده ، بتنده عليها وملك سرحانه ولا هى هنا !

فنتشت الورده إللى فى إيديها إلتفتت لها ملك

ياسمين : حلوه الورده دى ، مين إللى جبهالك بقى ؟ ولا تحبى أخمن لوحدى رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

إبتسمت ملك وسكتت

ياسمين: زيدى يا زيدى ، أنا قلبى دليلى قالى هتحبى ، قومى دلوقتى وسيبك من السرحان ده عشان شكلك مفضوحه أوى وللحديث بقيه فى البيت هه أنا بايته عندكم إنهارده رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

خلص الفرح وبالفعل روحت ياسمين مع ملك وبالرغم من تعبهم وإنهم مانموش بقالهم كام يوم بسبب الفرح والتجهيزات ليه بس سهروا وملك حكت لياسمين كل حاجه حصلت وياسمين كانت فرحانه عشانها أوى

ومرت الأيام وملك عايشه فى العسل ، وفى قصة حب مع وليد

لكن ملك بدأت تحس بتغير وليد ، بمعنى إن إهتمامه بيها قل وكمان غيرته عليها وملك كانت مهمومه من النقطه دى أوى بس ماكنتش بتصرح بيها أبداً ، ولما قربت منه أكتر بدأت تكتشف عيوب كتير فيه بس كانت بتتقبلها وماتشتكيش!

كانت قاعده عند كليتها منتظره المحاضره وسرحانه فى كل الأفكار دى لحد ما جت ياسمين قطعت حبل أفكارها

ياسمين: يا بخته إللى واخد عقلك

إبتسمت ملك إبتسامه خفيفه حست منها ياسمين إن فيه حاجه

ياسمين: مالك يا لوكتى ؟ فى إيه الواد وليد مزعلك ولا إيه ؟

ملك من وقت ما بدأت العلاقه بينها وبين وليد بطلت تحكى لياسمين أى حاجه لأنها مقتنعه تماماً إن العلاقات أسرار وإنها لازم تكون مخلصه ليه وقررت ما تحكيش لياسمين ، هى فى نفس الوقت مش قادره تشيل الهموم دى لوحدها ،بس فضّلت تسكت

بصت لياسمين وإبتسمت: مفيش حاجه يا ياسو أنا زى الفل

ياسمين: بت إنتى على فكره كدابه ، إيه إللى حصلك يا ملك ما إنتى كنتى طول عمرك بتشاركينى همومك ليه ما بقتيش تحكيلى أى حاجه ولما أسألك تتهربى فى إيه يا بنتى ؟؟!

ملك: ليه بتقولى كده يا عبيطه إنتى ، بصى يا ياسمين إنتى عارفه كويس أوى إن وقت ما أحب أتكلم إنتى الوحيده إللى هحكيلها بس أرجوكى أنا مش عاوزه أتكلم دلوقتى عشان خاطرى بعدين

ياسمين: طيب طمنينى بس وليد كويس وكله تمام ولا حصلت حاجه وحشه يعنى ؟؟

ملك: لا لا ما تقلقيش ماحصلش حاجه يا حبيبتى ، أنا هقوم عشان محاضرتى ميعادها جه بقى

وكالعاده هربت ملك من ياسمين وأسألتها ولأنها ماكنش عندها إجابه على سؤال وليد كويس؟!!!!

لأن كل ما تكلمه إما يكنسل أو ما يردش ولو ملك ألحت عليه يقولها مع صحابى وهكلمك كمان شويه ، طردت كل الأفكار من راسها عشان تقدر تركز فى المحاضره

وتانى يوم راحت ملك النادى الثقافى وقلّبت فى الكشف القديم يعنى على سبيل الفضول فلاحظت حاجه غريبه !! هى مش أول مره تلاحظها وهى وجود إسم بنت فى الكشوف القديمه بتاعة توقيع الحضور وفى نفس الوقت كانت لاقيه متعلقات بإسمها فى القاعه وماحولتش تسأل حد قبل كده عن سر الإسم ده وهى واقفه سرحانه وبتبص لأشعار البنت دى وإسمها إللى فى الكشف جت سهيله من وراها

وهمستلها : ما تركزيش فى الإسم ده أوى عشان ما تتعبيش !

إلتفتت لها ملك وبصتلها بتعجب : تقصدى إيه ؟؟!! وإيه علاقتى بالإسم ده عشان يتعبنى ؟؟!!

سهيله ردت بلا مبالاه : ولا حاجه ولاحاجه ، يلا عشان هيبدأو

وسابت ملك ومشيت ،ملك فضلت واقفه مكانها بتفكر سهيله تقصد إيه بكلامها ده !!

لحد ما خرجها صوته من أفكارها

وليد: الجميل سرحان فى إيه ؟!! يا بخته إللى سرحان فيه ، بس على فكره إنتي وحشتيه أووى ، آه وربنا رد: ʚϊɞ روايه •.¸ربـآط الحب¸.• رومانسيه . منقولة ʚϊɞرد: ʚϊɞ روايه •.¸ربـآط الحب¸.• رومانسيه . منقولة ʚϊɞ

إبتسمت إبتسامه خفيفه وقفلت الكشف وقعدوا فى مكانهم كلهم ألقوا شعر وتناقشوا كالعاده وهى مش معاهم خالص !

خلص الإجتماع والكل مشى وقبل ما ملك تمشى هى ووليد سحبت الكشف وجابت الإسم وسألت وليد

ملك: وليد أنا ملاحظه إن إسم البنوته دى موجود هنا فى القاعه كتير وقصايدها عجبانى أووى أمال هى فين ما بتجيش ليه ؟!!

أول ما وليد شاف الإسم إرتبك وإتعصب على الشخص إللى ماسك الكشوف: أنا مش قولتلك تشيل الكشوف القديمه فى الدولاب ومتعلقات الناس إللى مشيت هو أنا هغنيهالك ولا هتحايل على سيادتك !!

ملك إستغربت من أسلوب وليد وإرتباكه وقدرت تفهم إن سهيله كان قصد كلامها إن الإسم له علاقه بوليد رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

أخدها وليد ومشيوا بصلتله لقت وشه إتغير وكان مخطوف فسألته

ملك: وليد فى إيه ؟؟هو مش ذنبه أنا إللى فتحت الدفتر القديم وشفت الحاجات الموجوده وبعدين إنت إتعصبت كده ليه وكمان ماجاوبتش على سؤالى ؟!

وليد: عادى يا ملك دى بنت كانت موجوده معانا هنا بس ماتت وأنا نبهت عليه أكتر من مره يشيل متعلقاتها عشان كل ما بشوف حاجاتها بتضايق

ملك بصدمه : إنا لله وإنا إليه راجعون

وسكتت شويه وسألت تانى : هى كانت بتمثلك إيه عشان تتعصب أوى كده لما تشوف إسمها ؟؟!!

وليد بنفاد صبر : كانت إنسانه عزيزه علينا كلنا يا ملك ولو سمحتي بقى كفايه تحقيق وإقفلى ع السيره دى أحسن

ملك: طيب إنت كويس؟

وليد: أه كويس

روحى إنتى يلا عشان أنا لسه هقابل صحابى هنا وعندى مشوار كمان وهروح

ملك: طيب خد بالك من نفسك

مشيت ملك ولسه الحيره جواها بل زادت وزاد ضيقها حست إن فيه سر ورا البنت إللى ماتت دى أو كان فيه حاجه بينها وبين وليد !!

وإذا كان يعنى هو حر فى ماضيه ومش من حقى أحاسبه عليه (ملك لنفسها)

بس قررت مش هتسأله ولا تفتح الموضوع تانى عشان ما تضايقهوش


 وإنتهت حلقتنا إنهارده هنا إنتظرونا الحلقات الجايه لربما تكون فيه مفاجآت فى حياة ملك أو قد تكون صدمات!!!!
إظهار التوقيع
توقيع : ♥H a b i b a♥
#60

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

قصه كتير حلوة يالله بسرعه كمليها
إظهار التوقيع
توقيع : ااحلام فرح
#61

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


المشاركة الأصلية كتبت بواسطة ااحلام فرح
قصه كتير حلوة يالله بسرعه كمليها
حاضر ياقمر هنزل دلوقتي
إظهار التوقيع
توقيع : ♥H a b i b a♥
#62

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

وقفنا الحلقه إللى فاتت عند أما

ملك مشيت ولسه الحيره جواها بل زادت وزاد ضيقها حست إن فيه سر ورا البنت إللى ماتت دى أو كان فيه حاجه بينها وبين وليد !

وإذا كان يعنى هو حر فى ماضيه ومش من حقى أحاسبه عليه (ملك لنفسها)

بس قررت مش هتسأله ولا تفتح الموضوع تانى عشان ما تضايقهوش

وفضلت مستحمله تصرفاته لحد ما جت القشه التى قسمت ظهر البعير والموقف إللى إضطرها تحكى لياسمين وتشركها همها

فى اليوم ده كان فيه مسابقة شعر فى جامعتها ،مشارك فيه طلاب من كل الجامعات وملك كانت مشتركه فيها ودى أول مره تشترك فى مسابقه كبيره كده وطلبت من وليد يحضر عشان يطمنها لأنها كانت قلقانه جدا وفضلت تأكد عليه الميعاد وهو وعدها يحضر ، ملك إستعدت كويس جداً

جتلها ياسمين ومعاها ولاء، إنبسطت إنهم حضروا وفضلوا يطمنوها عشان القلق يزول وسمعتلهم القصيده وبدأت الفقرات الأولى قبل بداية المسابقه ووليد لسه ما وصلش ،فضلت مركزه مع الباب منتظره دخوله عشان القلق يهدى جواها بمجرد ما تشوفه وبدأت المسابقه ولسه ماوصلش خرجت بره وإتصلت بيه ماردش إتصلت مرتين كمان وبرده ماردش وفى المره الرابعه لقت موبايله مقفول !!! إتعصبت جدااا من الحركه دى انا باغلي

ولقت ياسمين جايه عليها : إيه يا ملك يلا بسرعه يا بنتى دورك قرب هيندهوا إسمك بعد الشخص إللى بيلقى ده

ملك بضيق : طيب يا ياسمين جايه بس وليد موبايله مقفول مش عارفه ماجاش لدلوقتى ليه أصلاً ده وعدنى هيجى أول واحد!!!!

ياسمين: معلش يا حبيبتى أكيد عنده محاضره مثلاً

ملك بضيق : لأ هو قايلى معندوش محاضرات خالص وقالى حتى لو عنده هيلغيها عشانى

ياسمين : خلاص يا ملك طيب هدى نفسك هتلاقيه هيوصل دلوقتى إنتى بس إدخلى عشان هينادوا إسمك وحاولى تتمالكى أعصابك عشان تقدرى تلقى القصيده كويس ، وهتلاقى وليد جه وأنا هبقى أجرب الإتصال بيه من عند ولاء لحد ما موبايله يتفتح

ملك بخيبة أمل : لأ خلاص يا ياسمين ما تجربيش تانى ملهاش لازمه بقى

بصت لياسمين وإبتسمت : وبعدين يا ياسمينه كفايه عليا إنتى جمبى إبتسمتلها ياسمين وسمعوا إسم ملك بيتنده جوه ، ملك أخدت نفس عمييييق ودخلت ، وقفت على المسرح وبدأت تلقى القصيده

قصيدة ملك كانت حزينه حزينةبعنوان (صرخات قلب يحترق) وحالة ملك النفسيه ساعدتها تأدى القصيده بشكل مثالى ، فضلت تفتكر كل حاجه إستحملتها فى وليد وتصرفاته وإفتكرت هى كانت إزاى قبل ما تعرفه وبقت إزاى ولقت نفسها بتبكى مش قدارة امسك دموعي وهى بتلقى القصيده وخلصتها وكان التصفيق بحراره ، كل الموجودين إتأثروا بإلقائها وكلماتها

وهى نازله من على المسرح لمحت وليد داخل من الباب وقف جمب ياسمين وولاء وصقفلها وباصلها مبتسم : كنتى أكتر من راااائعه

ضحكت ملك ضحكة سخريه وردت : ده على أساس إنك حضرت القصيده أصلاً ولا شوفت حاجه فيها

ردت ياسمين عشان تخفف من ضيق ملك: كنتى رااائعه يا قلبى ما شاء الله عليكى والكل إتأثر أنا واثقه إن إنتى إللى هتفوزى إن شاء الله

ملك بصتلها مبتسمه : ربنا ما يحرمنى منك أبداً يا حبيبتى

ولاء: كنتى رائعه أوى ما شاء الله عليكى يا ملوكه أول مره أشوفك بتلقى شعر بجد إنتى فناااااانه

ملك: متشكره جداا يا حبيبتى ، تسلميلي يااا رب

رمقت وليد بنظرة غضب اتحداكيوقعدوا عشان يسمعوا النتيجة

وزى ما الكل توقع ملك هى إللى فازت فى المسابقه ياسمين وولاء فرحولها جداا ووليد كان بيبصلها نظرات ندم وخوف منها

إتكرمت وإستلمت الجايزه وبعدين قعدوا شويه يتفرجوا على الفقره النهائيه وكانت إنشوده

ملك بالرغم من الضيق والهم إللى كان جواها بس إرتاحت جداا لما سمعت الإنشوده دى مع صوت المنشد إللى كان بيلقيها وعجبتها جدا ، يمكن لأنها أول مره تسمع إناشيد أو يمكن فعلاً صوت المنشد والكلمات كانوا كويسين وممكن الإتنين سوااحلى ابتسامة ،

ماعلينا المهم لما خلصت الأنشوده مشيوا من غير ما يحصل أى نقاش بين ملك ووليد ، فياسمين وشوشت ولاء بحاجه وبعدين ولاء طلبت من وليد بمناسبة فوز ملك يعزمهم على الغدا وبالفعل وليد وافق لكن ملك رفضت وبعد محايلات من ياسمين وولاء وافقت تروح معاهم ، وليد إختار مطعم بيتزا ملك بتحبه جداً ،عشان عارف أد إيه ملك بتحب البيتزا ومن المكان ده مخصوص إتغدوا لكن ملك ماكنش ليها نفس كانت قاعده كده وخلاص أكلت حته صغيره وبعدين قامت غسلت إيديها وأثناء ما كانت بتغسل إيديها دار الحوار ده بين ياسمين وولاء ووليد

ياسمين: على فكره يا وليد أنا زعلانه منك أووى غضبانة جدا ، إللى إنت عملته ده جرح ملك وأنا ملك عندى أحمر بالخط العريض إنت مش وعدتها هتحضر لما إنت مش أد وعودك بتوعدها ليه ؟؟؟!!!!

ولاء: أيوه يا ياسمين عندك حق والله إنت بتستهبل يا وليد ماشفتش حرقة الدم وخيبة الأمل إللى كانت فيها إنهارده ، ده أنا حتى حاسه إنها عيطت فى القصيده من حرقة دمها وغيظها منك

وليد: والله آسف يا جماعه ، جتلى محاضره فجأه ومحاضره مهمه جدا كمان ما أقدرتش أسيبها أعمل إيه يعنى ؟!

ياسمين : والله؟؟!! بدل ما تقفل تليفونك كنت إتصلت بيها وعرفتها عشان ما تفضلش منتظراك ومعشمه إنك تيجى وهى أكيد كانت هتعذرك لأن مصلحتك تهمها بس إنت ولا على بالك ولا مشاعرها تهمك أصلاً حزينة

وليد لسه هيتكلم وبعدين ولاء غمزلته يسكت عشان ملك جت ، خرجوا من المطعم ووليد عرض عليهم يتمشوا شويه لأنه عاوز أى حجه يقدر يكلم ملك بيها ويشرحلها موقفه ، لكن ملك رفضت تماماً وطلبت من ياسمين تروح معاها عشان تعبانه وروحوا وأول ما ملك دخلت البيت سلمت على مامتها وباباها ،شافوا الجايزه وملك كانت مبتسمه إبتسامه مصطنعه ، دخلت أوضتها وإتفتحت فى العياط بعد ما كانت ماسكه نفسها كل ده ، ياسمين فتحت جزء من الباب لقتها بتبكى سابتها شويه وراحت عملتلها كوباية لمون و دخلت من غير ما تقولها ولا كلمه حطت الكوبايه و حضنتها ،إترمت ملك فى حضنها وفضلت تبكى

ياسمين: كفاااااايه يا ملك عشان خاطرى معلش عارفه الموقف رخم بس هو قالى إن كان فيه محاضره مهمه جداا وماقدرش يعرفك

ملك من بين دموعهازعلانة و باعيط : أه عشان كده لما إتصلت 3 مرات قفل موبايله عشان يرتاح بقى ، أصلاً أنا إستحملت منه كتير وزهقت بجد وإتخنقت بقى

ياسمين: طيب إهدى كده عشان خاطرى وإشربى كوباية اللمون دى عشان تروقى وتحكيلى بهداوه

إتناولت ملك الكوبايه منها وشربتها

ملك بعد ما هديت ومسحت دموعها : إنتى عارفه يا ياسمين أنا غلطانه إنى فكرت أجرب الحب بجد أنا إستحملت كتيير فوق طاقتى وماكنتش بتكلم عشان ما أزعلهوش ولا أخسره بجد الحب ده متعب أووى أوووى مش قدارة امسك دموعي

ياسمين: ليه بتقولى كده يا ملك؟! ما إنتى دايماً تشكرى فى وليد ،ماتخليش موقف واحد يأثر عليكى بالشكل ده يا حبيبتى ولازم تعذريه ، الحب تسامح مش عشان مره واحده هتقسى عليه كده !

ضحكت ملك بسخريه : هههههههههه مره واحده؟؟؟!!!!! ولا موقف واحد ؟؟!!! ياسمين أنا بحوشله من زمان ومش عشان ماكنتش بحكيلك نبقى زى السمنه على العسل أنا ما كنتش بحكى ولا أشتكى منه إحتراماً ليه محرجة، فاكره إهتمام وليد بيا وأسلوبه معايا كان عامل إزاى ؟؟!! أنا حاسه إنه كان مجرد طُعم عشان أنجذبله وبعدها خلاص إمتلكنى بقى مش محتاج أى صعوبه تانى ولا محتاج إنه يهتم بيا أو يحسسنى بحبه تانى كل المشاعر خلاص باي باي!!!!

ياسمين: إيه الهبل إللى بتقوليه ده طُعم إيه وزفت إيه يا أم دماغ مفوته إنتى ؟!! ملك مالك فى إيه يا حبيبتى إيه إللى حصل لكل ده وخلاكى تقولى كده ؟؟!!!

ردت ملك بعصبيه وإنفعال انا باغلي : بصى ياسمين ،أنا وليد بقالنا أد إيه مع بعض ؟؟

ياسمين: أممممم تقريباً كده 6 شهور !

ملك بعصبيه انا متنرفزة : لأ 7 وأسبوع بالضبط وليد من بعد ما إعترفلى فى يوم فرح ياسر وإحنا عايشين أحلى حياه وقصة حب فى منتهى الروعه بس ده كله لمدة شهرين

بس بعد كده حاسه وليد زهق أو مش عارفه ماله مابقاش يهتم بيا وتخيلى أكتر من مره يشوف زميل ليا فى الجامعه واقف يسألنى عن حاجه وأعتذرله يقولى ليه؟؟! عادى ماحصلش حاجه فين غيرته إللى لما كان يشوفنى أقف مع حد أصغر منى يبهدل الدنيا ؟؟!! ولا فى الأُمسيات بتاعة الشعر بيهزر مع البنات عادى وخاصه سهيله ولما ألفت إنتباهه يقولى المفروض إنك واثقه فيا والمفروض إنك متحضره ومثقفه وإيه علاقة الغيره بالتحضر مش فاهمه أناانا باغلي !!!!!

تخيلى حصلت فى مره وشاعر زميل لينا جابلى ورده تعبيراً عن إعجابه بقصيدتى وإلقائى يعنى قصاده وهو عادى كده ولا إتحرك ولا عمل أى حاجه وأنا رفضت آخد الورده عشان ما زعلهوش وإكتشفت إنه عادى ولا كأنه شاف حاجه !!!

حتى الهدايا أنا مش بقول كده عشان أنا عاوزه هدايا ولا ناقصنى حاجه بس هديته هو غير، تخيلى بقيت أنا إللى دايماً أجيبله هدايا وورد وهو ولا بيعبرنى مبقاش يهتم زى الأول وأحياناً نقعد أسبوع من غير ما نتكلم ويبقى عادى عنده لما يكلمنى كأنه لسه شايفنى إمبارح مش في المود خالص !!

أوقات كتير أكلمه يكنسل عليا أو يقول مشغول أو مع صحابى هكلمك أما أخلص وأقعد أستنى طول الليل أقول هيتصل يقعد باليومين ولما أعاتبه يقول آسف نسيت !!

حججججججججججججه وأعذاره كترت حتى كلمة بحبك مابقتش أحسها منه زعلانة و باعيط

بقت كلمه خلاص ملهاش لازمه مادامت كلام من غير أفعال !

أنا بجد تعبت يا ياسمين وزهقت وهو ولا حاسس بيا وكل المواقف دى كنت مستحملاها لحد موقف إنهارده بقى خلاص مابقتش قادره أستحمل أسلوبه ده

ياسمين : يا قلبى كل ده شيلاه جواكى ومستحمله وساكته حزينة

طيب ليه مافكرتيش تعاتبيه وتشكيله منه ؟ّ!

ملك: ياااااه ده أنا زهقت من كتر ما عاتبت وبعدين يهتم شويه وترجع ريما لعادتها القديمه ، ثم إنى بطلت أعاتب لأن ملهاش لازمه لما أطلب منه الإهتمام خلاص بيفقد معناه ومايبقلوش طعم

ياسمين: طيب ما تبعتيله فى شكل أغنية مثلاً !

ملك: إزاى يعنى ؟؟!!!

ياسمين: يعنى مثلاً أغنية نانسى بتاعة ما أقدرش أقولك غير كل طريقة حبك ليا عرفاها ؟

ملك: لأ إنتى عرفانى مليش فى الأغانى الحديثه دى ومعرفش حاجه منها

ياسمين: إستنى هى معايا على الفون هسمعهالك

ملك: لأ لأ ملهاش لازمه يا ياسمين مش هبعتله حاجه لأنى زهقت ومفيش حاجه ليها لازمه بقى أنا أصلاً ناويه مكلمهوش وأنهى كل حاجه

ياسمين: بطلى عبط تنهى إيه مش يمكن فى حاجه مضيقاه ولا تعباه خليه يفتحلك قلبه ويشكيلك أنا واثقه إن وليد ما بيحبش غيرك أصلاً حتى ولاء بتقول إن وليد بيحبك أوى

ملك: حب بدون إهتمام وبدون إللى يثبته =صفـــــر ! حزينة

ياسمين: طيب عشان خاطرى روقى شويه كده وهدى نفسك وبطلى عياط بقى يا قلبى وإن شاء الله خير وهتلاقيه بيكلمك ويعتذرلك أصلاً هو عزمنا عشان يعتذر وإنتى إللى رخمتى

ردت ملك وهى بتعيط زعلانة و باعيط: ماكنش له لازمه ياياسمين كان هيقول آسف ويلاقى حجه وخلاص

حضنتها ياسمين وكانت مهمومه عشانها أوى وفضلت جمبها لحد مالقتها راحت فى النوم فغطتها وخرجت بره الأوضه

سلمت على خالتها وروحت

وملك راحت فى نوم عمييق لحد ما صحاها الموبايل بتبص فيه ولقت وليد
إظهار التوقيع
توقيع : ♥H a b i b a♥
#63

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

وقفنا الحلقه إللى فاتت عند أما
ملك راحت فى نوم عمييق لحد ما صحاها الموبايل بتبص فيه ولقت وليد ،كنسلت عليه وكان هاين عليها تكسر الموبايل من العصبيه إتصل تانى وبرده كنسلت وحاولت تكمل نوم لكن مامتها دخلت عليها ، ناولتها موبايلها وقالتلها إن ولاء عاوزه تكلمها بس لقت موبايلها مقفول فإضطرت تتصل على موبايل ماماتها، أخدت ملك الموبايل من مامتها وأول ما قالت ألوو


لقت صوت وليد: ألو ، أيوه يا ملك أرجوووكى ما تقفليش وإسمعينى للآخر


ملك: مش عاوزه أسمع أى حاجه ولو سمحت إدينى ولاء هى إزاى تعمل حاجه زى دى ؟!


وليد: ولاء ملهاش ذنب أنا إللى إترجيتها تعمل كده لأنى لازم أكلمك بأى طريقه أرجوكى يا ملك إدينى فرصه أشرحلك إللى حصل


ملك:ــــــــــــــــــــــــــــــــ


وليد: طيب مش مشكله تفضلى ساكته براحتك بس المهم تسمعينى


ملك: أنا تعبانه وعاوزه أنام ومش قادره أسمع أى حد ، سلام


وليد: ملك ألو ألووو مللللك


بس للأسف كانت ملك قفلت الخط ، قامت أخدت شاور عشان تفوق وبدأت تخرج كل ضيقها فى الرسم والكتابه على أنغام صوت فيروز


ملك حاولت على أد ما تقدر ما تروحش أى مكان هيجمعها بوليد ،ماراحتش النادى الثقافى عشان ما تشفهوش هناك رغم إنها إرتبطتت بالمكان ده وقررت مش هتفوت ولا يوم بس ماكنتش حابه تشوف وليد لحد ما تهدى ، كانت عاوزه تعاقبه على كل حاجه عملها معاها ، وعاوزه تحسسه بقيمتها ،كمان فى الجامعه كانت تخلص محاضراتها وتروّح على طول ومابتروحش لياسمين فى هندسه خالص عشان ما تقابلش وليد ، ومر أسبوع على الحال ده ووليد بيحاول يوصلّها وهى تصده


لحد ما صديقه ليها من النادى الثقافى إتصلت بيها تسأل عن سبب غيابها وطلبت منها تيجى الأُمسية المره دى عشان عاوزه تسلم عليها قبل ما تسافر لذلك ملك حضرت الأُمسيه


وهى بتمضى حضور لاحظت إن الدفتر القديم مش موجود وكمان الحاجات إللى على الرف بتاع البنت إللى وليد قالها ماتت مش موجوده وفجأه جه صوت سهيله بإبتسامة سخريهح اضحك غصب عني


: ما تتعبيش نفسك فى التدوير خلاص إتمحت كل الآثار ليها عشان فى ناس قليلة أصل ما بتحبش غير مصلحتها وبس


ملك إلتفتت لها وردت بعصبيه متنرفزة و على اخري : إنتى تقصدى إيه بناس قليلة أصل ؟؟! وبعدين مين قالك إنى بدور على حاجه إنتى عاوزه توصلى لإيه بالضبط ؟؟!


سهيله : عاوزه أقولك إنك فى المكان الغلط ، بس ابتسامة


ملك بتعجب : المكان الغلط؟؟! برده تقصدى إيه مش فاهمه ؟ياريت توضحى أكتر !!!


سهيله: ما أقدرش أقول أكتر من كده وأظن إنتى عاقله بما يكفى عشان تكتشفى لوحدك أقصد إيه ، بعد إذنك ابتسامة


ومشيت وسابت ملك واقفه محتاره وبتفكر فى قصدها ! بس مش قادره توصل لحاجه ؟! وقالت يمكن سهيله عاوزه تقولها إن كان فى حاجه بين وليد والبنت إللى ماتت ؟؟!


وخرجها من شرودها وقطع حبل أفكارها صوت وليد : وأنا أقول القاعه نورت من تانى ليه أتارى روح قلبى نورتها بوجودها انا الحب


بصتله ملك بطرف عنيها ومشيت وسابته ، قعدت مكانها وهو قعد جمبها ولما خلصت الأُمسيه وليد أخد المايك وإعتذر لملك قدام كل الموجودين،كمان ألقى قصيدة إعتذار ألفها عشانها


ملك ما توقعتش وإنبهرت بكلمات القصيده وده إللى خلّى قلبها يلين ويسامح وليد ، خلص القصيده وخرج ورده من جيبه ووقف عند ملك بصلها وقدملها الورده وقال :لو قبلتيها يبقى سامحتينى هاااا قولتى إيه يا ملك قلبى


إبتسمت وأخدت منه الورده وردة من قلبيمكسوفة


وخرجوا من القاعه يتمشوا شويه فى النادى


قعدوا سوا عشان يتعاتبوا ويتصافوا ، ملك قالت لوليد كل إللى جواها وهو إعتذرلها ووعدها هيتغير بس كان مشغول الفتره إللى فاتت عشان هو فى آخر سنه ووعدها مش هيكرر الأخطاء دى تانى ولا هيسمح للحزن يدخل قلبها تانى ولا يسمح لدموعها تزور عنيها طول ما هو جمبها !!!!!!


الحمد لله خلاص إتصافوا بس ملك إفتكرت كلام سهيله وإنتهزتها فرصه عشان تسأل وليد يمكن يريحها من حيرتها، حكيلته تصرفات سهيله وكلامها ولاحظت ملك إنه إضطرب من أول ما جت السيره وإنفعل جداً وقال لملك:


بصى يا حبيبتى وياروح قلبى إنتى ، إسمعى منى أنا وبس وسيبك من سهيله أو غيرها وأنا هقولك بتعمل كل ده ليه بس أرجووكى توعدينى ما تفتحيش السيره دى تانى بقى


ملك: حاضر أوعدك بس ريحنى بقى أرجوك ما تتخيلش الحيره إللى أنا فيها ، وبص يا وليد إحكيلى كل حاجه بصراحه ودى فرصتك والله ما هزعل منك لأنى مش من حقى أحاسبك على ماضيك بس من حقى على الأقل أعرفه


وليد: حااضر يا حبيبتى ، بصى يا ستى #ضحى دى كانت إنسانه محترمه جدا ورقيقه وفيها كتير أوى منك ومن صفاتك بس إنتى أفضل بكتيير طبعاً ، المهم إشتركت معانا فى النادى الثقافى من أول ما عملناه وكل إللى كان بينى وبينها زى إللى بينى وبين سهيله مجرد أخوه وصداقه عااااديه جدا بس هى كانت أقربلى من سهيله لأنها مش أنانيه ولا حقوده زى سهيله ، والأستاذه المحترمه سهيله كانت فاكره فى بينا حاجه وفضلت توقع بينا وتجرح ضحى بكلام ملهوش لازمه ظناً منها إنى بحبها ، لحد ما ضحى عملت حادثه وربنا توفاها كلنا زعلنا أووى عليها وإتأثرنا بموتها وأنا أولهم لأنها زى ما قولتلك كانت قريبه منى أووى ، لذلك أنا إتعصبت لما لقيت حاجاتها لسه موجوده لأنى مش عاوز أى حاجه تفكرنى بيها فى القاعه عشان الموضوع ده بيضايقنى وسهيله كل إللى بتعمله ده نفس إللى كانت بتعمله مع ضحى بس الفرق إنها دلوقتى متأكده إنى بحبك وماأقدرش أعيش من غيرك وبالتالى بتحاول توقع بينا على أد ما تقدر ، هتقوليلى ليه كل ده هقولك لأنها جت قالتلى إنها معجبه بيا وتحول إعجابها بيا لحب وأنا صديتها وقولتلها إنى عمرى ما هفكر فيها أكتر من كونها أخت أو صديقه أما البنت إللى ما أقدرش أعيش من غيرها هى إنتى بس ، دى يا ستى كل الحكايه ، أرجووووووووكى بقى ما تفتحيش السيره تانى ولا تسمحى للـ إللى إسمها سهيله دى تأثر عليكى أو توقع بيننا


إبتسمت ملك ابتسامة : ماتقلقش هى مش هتقدر لأن إللى بينا أقوى من إن واحده زى سهيله تهدمه فماتقلقش من الناحيه دى ، وربنا يرحم ضحى ويدخلها فسيح جناته يارب


وليد: آمييييييين ، إلا صحيح يا ملك شوفى بقالنا أد إيه سوا وعمال أقولك فى كلام حلو وأشعار وإنتى عمرك ما نطقتيها ولا قولتيلى بحبك أبداااا ماتقوليها وريحينى بقى يا سلام


ملك: الكلمه دى مش مجرد حاجه بنقولها وخلاص دى أفعال والفعل أهم من القول وأنا قولتها أكتر من مره بأفعالى يا سيدى مش بالضروره أقولها بقى


وليد: لأ ضرورى بالنسبه ليا وهتقوليها نااااو بقى يلا بطلى رخاامه


ملك: مش دلوقتى عشان خاطرى خليها وقت تانى بقى


وليد: إمته يعنى ؟؟!!


ملك: حضرتك هى ما بيتحددلهاش وقت معين فجأه كده بتخرج مبسوطة


بس خلينا نقوم دلوقتى عشان إتأخرت جداا وماما عماله تتصل عليا


روحت ملك والفرحه مش سيعاها عشان وليد صالحها وكمان عشان فتحلها قلبه وحكالها عن ضحى وريح حيرتها من ناحية الإسم ده وتوعدت لسهيله عشان محاولاتها إنها تفرق بينهم، على طول مسكت الموبايل وجابت رقم ياسمين وفضلوا يرغوا وحكيتلها كل إللى حصل

ورجعوا ملك ووليد زى الأول وأحسن ووليد إتغير معاها وبقى بيهتم بيها وخلصت ملك السنه الأولى من الجامعه بتفوق مبهر كعادتها باحبه يا ماماانتصرنا


وفى يوم ملك كانت بتكلم وليد وفجأه مامتها دخلت عليها فإرتبكت وقفلت الخط بسرعه ومامتها لاحظت إرتباكها ده ودار الحوار بينهم ......
إظهار التوقيع
توقيع : ♥H a b i b a♥
#64

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ


وقفنا الحلقه إللى فاتت عند أما
فى يوم ملك كانت بتكلم وليد ومامتها دخلت عليها فإرتبكت وقفلت الخط بسرعه ومامتها لاحظت إرتباكها ده ودار الحوار بينهم

# الأم: أممممممم قفلتى الخط ليه كملى وأنا منتظراكى

ملك: لأ خلاص يا ماما أنا خلصت يا حبيبتى خير فى حاجه ؟

# لا والله ؟؟ هو عشان جايه أقعد مع بنتى بقت حاجه غريبه ؟! أه لازم تكون غريبه مع الأنسه ملك إللى إتغيرت وبقوا أهلها آخر أولوياتها !!

ملك : إيه إللى بتقوليه ده يا ماما؟؟! مش ممكن يا حبيبتى إنتوا حياتى وعشانكم أبيع الدنيا كلها ليه بتقولى كده يا حبيبتى ؟

# لا أبداً بس قوليلى كنتى بتكملى مين فى الوقت ده كده ؟

ملك بإرتباك: هيـ هيـكون مين غير قرينتى بنت أختك الأنسه ياسمين

# أممممممم عارفه يا ملك ، البنت ممكن تمثل وتكدب على الدنيا كلها إلا واحده بس هى ماماتها عارفه ليه؟؟!

لأن مامتها تعرفها أكتر من نفسها تعرفها من قبل حتى ما هى تعرف إسمها إيه؟؟! وتفهم هى إيه إللى جابها فى الدنيا !!، بتفهم كل حركاتها ،إللى يزعلها وإللى يفرحها وأهم حاجه إنها بتقدر تكتشف الكدب فى عين بنتها زى ما أنا شايفه الكدب واضح فى عنيكى دلوقتى

إتصدمت ملك من كلام مامتها وحست بإرتباك وإنها مش قادره تبلع ريقها وماقدرتش ترد

واصلت مامتها كلامها # أوعى تكونى فاكره إنى الفتره دى كلها مش فاهمه بنتى فيها إيه ولا بتعمل إيه من ورايا ؟! أنا عارفه كل حاجه ومن غير ما حد يحكيلى لأن عين بنتى وحركاتها حكيتلى كل حاجه وإزاى معرفش هى فيها إيه وهى حته منى ؟!

إنتى فاكره إنى إتولدت كبيره؟؟؟ ما أنا كنت بنوته زيك وبمر بنفس مشاعرك وعندى مشاعر جياشه جوايا زى أى بنت بس أهلى ربونى صح وقدرت أتحكم فى نفسى وما أوديش مشاعرى للمسار الغلط

لو مش أنا وأبوكى إللى ربناكى كنت شكيت فى التربيه ؟؟!! ساكته ليه ؟! معندكيش حاجه تقوليها صح ؟! هو أنا وأبوكى قصرنا معاكى فى حاجه يا ملك فى تربيتك ولا فى أى حاجه ؟ حرمناكى من أى حب أو حنان عشان تروحى تدورى عليه بره حدود بيتك وأهلك ؟!

بدأت الدموع تنزل من عيون ملك ولسه ساكته زعلانة و باعيط

# ما تردى !!

مين فى الدنيا يستاهل تخونى ثقة أهلك عشانه ؟؟!!باباكى إللى شقيان عشاننا طول الليل والنهار وربنا وحده يعلم إحنا تعبنا أد إيه أنا وهو عشان نربيكم صح إنتى وأخوكى وعشان نهيألكم أحسن عيشه وده إللى كل أم وأب بيعملوه ، بس ليه يا ملك ؟! ليه تعملى كده

ملك بين دموعها ردت بإستحياء مش قدارة امسك دموعي: وهو الحب عيب ولا غلط يا ماما ؟!

# لأ أنا ماقولتش كده !

الحب عمره ما كان عيب ولا غلط حبيبتي

الحب ده أسمى شعور فى الكون ومن غيره ما نقدرش نعيش

بس فى وقت مناسب وطريقه مناسبه وشخص مناسب للحب ده !

ملك: إزاى ومفيش على قلوبنا سلطان عشان نختار الوقت المناسب ده ولا الشخص المناسب حتى ولا الطريقه ؟! الحب وقت ما بيجى بيدخل القلب من غير ما يستأذن

# عندك حق بس الحب لما بيجى قبل أوانه ما بيختارش غير القلوب المحرومه إللى مستعده لدخوله وبتهيأله كل شئ وإنتى لا أهل ولا صحاب حرمينك من مشاعر الحب ولا عايشه فى وحده عشان تختارى شخص زى وليد !

إتصدمت ملك : مين إللى قال لحضرتك ؟

# قولتلك الأم بتفهم بنتها من غير ما حد يقولها

ملك زاد بكاها : طيب وهو حضرتك شايفه وليد شخص مش مناسب ؟

# مش مناسب لبنتى بالمره ، وبعدين تقدرى تقوليلى كلمك عن جواز قبل كده ولا خطوبه ؟؟! ولا حتى سألك أهلك عارفين ولا لأ؟؟!!

ملك: لأ بس هو كان لسه طالب يا ماما وخلاص إتخرج السنه دى وهتلاقيه إتقدملى على طول

# الراجل الصح يا حبيبة أمك هو إللى أول ما قلبه يدق ما يسمحش للبنت تخون ثقة أهلها بسببه بيجرى يخبط على باب بيتها ويحط إيديه فى إيد باباها عشان يحبها فى النور قصاد كل الناس حب حلال ربنا يبارك فيه

ولو كلامى غلط ولا الحب إللى إنتى عايشه فيه ده الصح ما كنتيش إرتبكتى وقفلتى الخط أول ما دخلت عليكى ولا إيه ؟!!!

وطت ملك راسها ومازالت بتبكى فى صمت مش قدارة امسك دموعي

رفعتلها أمها راسها وبصتلها فى حنان ملك يا روح قلبى أنا عمرى ما أكره إن بنتى تحب وتعيش المشاعر الجميله دى بس بنتى أغلى عندى من نفسى مستحيل أسمح لحد يجرح قلبها ولا يقتل كل حاجه حلوه فيها وأنا شيفاكى بترمى نفسك فى النار وواقفه بتفرج

ملك بإنفعال: ماما وليد إنسان محترم وكويس جداً حضرتك ما تعرفيهوش عشان كده بتقولى عنه الكلام ده وإنه مش مناسب بس صدقينى هو أول ما يلاقى الفرصه مناسبه هيجى يتقدملى وعمره ما هيتخلى عنى أنا واثقه

# وإيه إللى خلاكى واثقه أوى كده ؟! وبعدين أنا شايفه إن وليد ماينفعش لملك خالص إنتى تستاهلى الأحسن منه بكتييير بعيداً عن إنك بنتى بس إنتى جوهره ما تستاهليش واحد مستهتر زى ده هو بيبينلك الجانب الحلو فيه لكن أنا بسمع مامته بتتكلم عنه إزاى وتقول أد إيه مهمل وأد إيه مش بيسمع كلامها وأوقات بيتعصب عليها ويكلمها هى وباباه بقلة ذوق تفتكرى ده ممكن يحترمك وهو أصلاً مابيحترمش أهله إللى ربوه ، وبعدين الولد مش عاجبنى بجد مش متخيله بنتى أديها لواحد زيه

بصتلها ملك بإندهاش : نعممستغربة ؟؟!! إللى حضرتك بتتكلمى عنه ده وليد ؟؟!! لأ طبعاً وليد مش كده أبداا ، وبعدين يا ماما أنا خلاص حبيت وليد وإللى كان كان ومعنديش إستعداد أحب حد غيره ولا متخيله نفسى لحد غيره هو فأرجوكى ما تحوليش تشوهى صورته قصادى أو تحاولى تأثرى عليا أسيبه حزينة

# لا والله ؟؟!!!

أنا مش بشوه صورته أنا بقولك الواقع وبفوقك وأفتح عنيكى من العما إللى مسببهولك إللى بتسميه حب ده !

إنتى السكينه سرقاكى يا حبيبة أمك لأنك نضيفه من جوه وقلبك أخضر وأول مره تجربى مشاعر زى دى

ملك: ماما أنا بحب وليد ومش هحب أى راجل غيره حزينة

# راجل ؟! مش لما يبقى راجل الأول تبقى تقولى عليه كلمة راجل ؟؟؟هو لسه ما وصلش للمرحله دى عموماً ده آخر كلام عندك؟؟!!

ملك بصوت خافت: أيوه حزينة

# عموماً أنا قولتلك كل إللى عندى يا ملك وبكره أفكرك إنك هتندمى على كل لحظه عشتيها معاه وعلى كل كلمه قولتيها فى دفاعك عنه دلوقتى ونظرة الأم عمرها ما تخيب ، حبى براحتك بس أنا بعتذرلك مش هقدر أسكت أكتر من كده وهوصل الأمر لباباكى هو بقى يقدر يتصرف معاكى

وقامت وسابتها ، ملك حست إن جسمها كله متخدر مش حاسه بأطرافها ولا بنفسها ، دموعها بتسيل بشكل غير طبيعى باعيط

وحست بخوف شديد جواها ، ندم وحب .......إلخ

مشاعر كتير مختلطه وفضلت تفكر فى كلام مامتها ووقع الموضوع ده على باباها لما تحكيله ويا ترى هتكون ردة فعله إيه ؟!

ومرت الليله المريره دى على ملك ، صحيت الصبح على تخبيط مروان على باب أوضتها

مروان: ملوووووكه وحشانى يا دزمه ؟!

إبتسمت إبتسامه خفيفه ابتسامة: وإنت كمان يا حبيبى أخبارك إيه ؟

مروان: تماموز يا مزه ؟!

بصلها ولقى عنيها حمرا فسأل :إنتى فيكى حاجه ؟

ملك إبتسمت : لأ أنا تمام الحمد لله

مروان: طيب يا قلبى يلا عشان نفطر بابا قالى أدخل أصحيكى

أول ملك سمعت كلمة (بابا) دى حست برعشه خفيفهحزينة وقالت أكيد ماما حكت كل حاجه وخلاص دق ناقوس الخطر ربنا يستر

ملك: طيب يا حبيبى روح إنت وأنا هغير هدومى وأحصلك

ولسه هيخرج وقفته : بقولك يا مروان هو بابا متعصب ولا عادى ولا موده إيه بالضبط ؟؟!

مروان: والله يا بنتى إنتى عارفه أنا ما بفهمش أبوكى أصله بحالات

ضحكت هههههههههههه: طاب يلا يا جزمه من هنا

إتنهدت وقامت غسلت وشها ،غيرت هدومها وطلعت عشان تفطر ، حاولت تستنبط حالة باباها ولقته بيتكلم فى الموبايل مع حد تبع الشغل متعصب وعمال يزعق معاه قالت بينها وبين نفسها خلاص الخطر حضر، بابا هيطين عيشتى إنهارده

قعدت على السفره من غير ما تنطق وأول ما باباها خلص التليفون ،

بصلها بضيق وقالها : إنتى إيه إللى عملتيه ده يا هانم؟!

بصتله بهلع : بابا أ أنـ .. حزينةمستفاجأة

_إنتى إيه ؟؟؟ هو فيه مبرر للى حصل ده

ملك: بـ بابا أنا كنتـ

_إزاى يا هانم تقعدى على الفطار من غير ما تدينى القبله الصباحيه

تنفست الصعدآآآآآآآآآآآء وإبتسمت إبتسامه عريضه وجريت على حضن باباها وفضلت بتوس فيه وحمدت ربنا إنها نجت من الموقف ده

فطروا وكان باباها عادى جداً وفهمت ملك إن مامتها ما حكتش حاجه لباباها فإرتاح قلبها

قامت غيرت هدومها عشان تروح النادى الثقافى ،وهى خارجه بصت لمامتها ولما عينها جت فى عين مامتها درات بوشها عنها بصت ملك للأرض ومشيت

وفى النادى حكت لوليد عن إللى حصل معاها إمبارح (فيماعدا طبعاً الكلام إللى مامتها قالته عن وليد !)

ووليد حاول يهديها ويفهمها إنه هيتقدملها قريب وإنها ماتخفش ولما يتقدملها مامتها مش هتفضل متضايقه من وجودهم سوا .. إلخ

وإعتذر وليد ومشى بدرى عشان عنده ميعاد مهم ،وملك فضلت تتمشى شويه فى النادى وتفكر فى كلام مامتها ولقت سهيله فى وشها زفرت ملك ولفت بوشها الناحيه التانيه ولسه

هتمشى قالتلها سهيله : مبروك

ملك بتعجب: مبروك على إيه إن شاء الله ؟

سهيله : أولاً عشان نجاحك وثانياً متأخره شويه بس عشان ماشوفتكيش مبروك على إنك إتصالحتى إنتى ووليد

ملك: آآآه مرسي ، عقبالك لما تلاقى إنسان زى وليد كده وبيحبك زى ما هو بيحبنى ومايقدرش يعيش من غيرى(ملك تعمدت تقول كده عشان تغيظها )

ضحكت سهيله : ههههههه ، أتمنى ربنا يرزقنى بإنسان يحبنى بس زى وليد وبنفس حبه لأ الله الغنى

ملك إستغربت من ردها وسألتها: وماله وليد إن شاء الله ؟

سهيله بسخريه : لا أبدااا إنسان مفيش منه !وماحصلش فى التاريخ كمان ! ربنا يهنيكم ببعض بس خليكى فاكره إنى حذرتك!!

إضطربت ملك: حذرتينى من إيه ؟؟!!!إنتى عاوزه تقولى إيه ولا توصلى لإيه ؟؟! إنتى غيرانه عشان وليد بيحبنى أنا ورفضك إنتى ؟! وجايه توقعى بيننا!!!

سهيله بصدمه : إإإإإإيه إنتى بتقولى إيه يا ماما إنتى صاحيه يا حبيبتى؟؟؟!!! إيه الكلام العبيط إللى بتقوليه ده ؟؟!!!مؤكد الباشمهندس ضحك على عقلك وقدر يرميلك الطُعم كويس أوى ، مين الندل إللى هفكر فيه ده بلا قرف !

ملك: إحفظى أدبك لو سمحتى وماتتكلميش عن وليد بالشكل ده وما تكلمنيش بالطريقه دى انا متنرفزة

سهيله: والله عذراكى يا ملك ، حاسه إن قصة #ضحى بتتكرر قصادى أظن عارفه الإسم ده !

ملك: طبعاً عرفاها وعارفه قصتها وليد ما بيخبيش عنى أى حاجه وحكالى كل إللى حصل وإزاى كنتى فاكره إن فيه حاجه بينهم فكنتى بتوقعى بينهم ولسه بتجيبى فى سيرة واحده ميته إرحمى نفسك شويه بقى يا ساااتر

ضحكت سهيله بصدمه : إإإإإإإإإإإإإإإإإيه ، ههه واحده ماتت ؟؟؟!!!!!!لا ده إنتى مش ضحك عليكى بس إنتى عملك غسيل مخ وربناكوول

ملك بعصبيهانا باغلي: قولتلك إحفظى أدبك معايا لو سمحتى إيه غسيل مخ دى ؟؟؟!!!

سهيله : ماهو إللى شيفاه قصادى بيقول كده ، إن وليد عملك غسيل مخ وقدر يخدعك بالشكل ده ، طاب ده أنا قولت عليكى أعقل من ضحى وهتكتشفى بسرعه بس طلعتى عكس توقعاتى تمااااماً

ملك: والله؟ طيب مرسي أنا مبسوطه بنفسى كده وعاجبنى عقلى كده إنتى بس إطلعى منها وسبينا فى حالنا ، لأنى مش هسمحلك تكررى إللى حاولتى تعمليه مع ضحى الله يرحمها

سهيله : الرحمه تجوز ع الحى والميت الحمد لله بس فى حالة ضحى تجوز على الحى بقى ؟؟!!

ملك بعصبيه ناقر ونقير: بقولك وليد حكالى كل حاجه وعرفت إنها ماتت فى حادثه كمان

سهيله : ياااااااه تصدقى أنا ما شوفتش أحقر من البنى آدم ده ؟؟ دفنها بالحيا وخلاها عايشه ومش عايشه وبرده بيقولك إنها ماتت حسبى الله ونعم الوكيل فى واحد حقيير وندل زى دهفي نص هدومي

إنفعلت ملك وصرخت فى وشهانقاش حاد : قولتلك إحترمى نفسك بقى وماتقليش أدبك إنتى إنسانه مش محترمه عشان تتكلمى عنه كده وليد مش ندل ولا حقير أمثالك هم إللى كده

سهيله : يااااه يا ملك ما كنتش أتخيل إنك تشتمى لأنى أعرفك إنسانه محترمه ومتربيه بس فعلاً قدر يغير من صفاتك كتير بس للأسف للأسوأ عموماً أنا أسفه إنى ضيعت وقتك سلام

بصتلها ملك بإستحقار وروحت على البيت قفلت على نفسها أوضتها وفضلت تسترجع الحوار إللى دار بينهم ، كلام سهيله بيأكد إن وليد كدب على ملك وإن ضحى عايشه !

مش هتقدر تسأله لأنها وعدته مش هتفتح الموضوع تانى ولا قادره تسأل سهيله !

قامت غسلت وشها وحاولت تشغل نفسها بأى حاجه عشان توقف التفكير فى الموضوع ده تماماً ,,,,,,!

يا ترى سهيله تقصد إيه بكلامها ؟؟؟!!!


ضحى عايشه ولا لأ ؟؟؟!!!


مين الصادق فيهم سهيله ولا وليد ؟؟!!!
إظهار التوقيع
توقيع : ♥H a b i b a♥
#65

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

وقفنا الحلقه إللى فاتت عند أما
روحت ملك وأول ما وصلت البيت قفلت على نفسها أوضتها وفضلت تسترجع الحوار إللى دار بينها وبين سهيله ، كلام سهيله بيأكد إن وليد كدب على ملك وإن ضحى عايشه !
مش هتقدر تسأله لأنها وعدته مش هتفتح الموضوع تانى ولا قادره تسأل سهيله ! ومش عارفه تصدق مين ؟؟!
بس إفتكرت وليد لما قالها ما تصدقش غيره ولأنها بتثق فيه فقلبها صدقه هو
قامت غسلت وشها وحاولت تشغل نفسها بأى حاجه عشان توقف التفكير فى الموضوع ده تماماً
وفى اليوم ده ملك ولأول مره تعلى صوتها على مامتها وتتخانق معاها والسبب إن شركة باباها كانت عامله رحله لإسكندريه زى السنه إللى فاتت وكانوا هيروحوا ال3 عائلات مع بعض من تانى لكن مامتها لقت إنهم بالشكل ده هيحطوا البنزين جمب النار فطلبت من باباها يلغى الرحله ويروحوا أسرتهم مع بعض فى أى مكان أو بلاش مصيف السنه دى ، وطبعاً ملك إنفعلت جداا وإتعصبت بسبب إلغاء الرحله وكانت حاطه عليها آمال كتير وحابه تروح!
وده إللى دفع ملك تكلم مامتها بأسلوب غير لائق وتعلى صوتها عليها وردة فعل مامتها كانت صفعه على وش ملك ولأول مره مامتها بتمد إيديها عليها حزينة !
ومن وقتها وملك بقت بتعاند ، ملك عمرها ما كانت كده ولا تخيلت فى يوم إنها تعلى صوتها على أمها أو تكون بالأسلوب ده ، صفات كتيير زى ما سهيله قالت إتغيرت فى ملك للأسوأ!!!
وفى يوم ملك كانت قاعده فى النادى الثقافى ووليد جاله تليفون مهم وقال هيخرج ساعه ويرجع للنادى تانى
وطلب من ملك تخلى اللآب توب بتاعه معاها عشان مش هينفع يروح المكان ده بيه
فضلت منتظراه فى النادى وهو إتأخر أووى و للأسف ماجاش وإتصلت كتير بس موبايله مقفول فإضطرت تروح البيت باللآب بتاعهه وبعتتله رساله عشان لما يفتح الموبايل يشوفها بتقوله فيها إنها هتروّح باللآب لحد ما يتقابلوا تانى وتبقى
ترجعهوله ، شالت اللآب بتاعهه وإنشغلت بشوية حاجات فى البيت وبعدين فكرت تفتح اللآب وتتفرج على صور وليد يعنى من باب الفضول وطبعاً إدت لنفسها الحق وبررت بإنها حبيبته يعنى هى وهو واحد وعادى لو فتحت اللآب بتاعهه
المهم فتحته ، فتحت صوره وفضلت تتفرج عليها ومستمتعه ،خلصت الصور وشافت فولدر كل قصايده وكتاباته ، قلّبت فى كل اللآب بتاعهه لحد ما لقت فولدر وليد عامله مخفى ، إستغربت إنه يعمل فولدر شكله باهت ومخفى كده والفضول إشتغل عندها تعرف وليد شايل إيه فى الفولدر ده فتحته لقت جواه فولدر تانى مكتوب عليه private ، وفكرت لثوانى قبل ما تفتحه محتاره بين إن من حقها وعادى وإن عيب تفتح حاجه خاصه بيه لكن فضولها كان أكبر من إنه يخليها تتجاهل الفولدر ده !!
فتحته ولقت فيه ملف ببرنامج الـ word ولقت 2 فولدر تانى الأول فتحت الملف ولقت فيه قصايد وكتابات كتير جداا ، قريتها وحست إنها شافت الكلمات دى قبل كده أو مش غريبه عليها حست إنها تعرفها بس قالت يمكن قريتها لوليد قبل كده ، بس لو قريتها له قبل كده حاطتها فى برايفت ليه؟؟؟!! (ملك لنفسها)
فتحت الفولدر الموجود ولقت كام صوره للبحر ومناظر طبيعيه واضح إن وليد هو إللى مصورها وفولدر تانى فتحته لقت فيه بنات بمايوهات وصوره خليعه وشوية فيديوهات واضح من بره إنها غير لائقه بالمره فقفلت الفولدر بسرعه وإتضايقت إنه يخلى عنده صور زى دى بس كان زعلها الأكبر بل وصدمتها لما شافت الفولدر التانى ، إتصدمت أول ما شافت الإسم إللى عليه ضحى
أول ما عنيها لمحت حروف الإسم ده رجعت لورا وحست إنها على أبواب صدمه لا مش معقول ، فتحت الفولدر ولقت صور كتييير لبنت إستنتجت إنها ضحى بنوته فى منتهى الجمال ملامحها رقيقه بيضا وعيونها خضرا بس إستغربت لأن إللى تعرفه إن ضحى محجبه لكن الموجود كام صوره ليها محجبه والباقى بشعرها وكمان فيه صور ليها بههدوم غير لائقه إنها تكون موجوده مستفاجأةعنده حست إن الموضوع فيه حاجه غلط !!

لأ وكمان إتصدمت لما لقت صور للبنت دى ولابسه مايوه ولأن ملك محترفه فى الفوتوشوب قدرت تلاحظ بصعوبه إنها صور متركبه وبسرعه فتحت الفولدر إللى فيه صور البنات إللى شافته الأول عشان تأكد شكها ولما قارنت لقت إن فعلاً راس ضحى متركبه على أجسام البنات دى جحظت عنيها من الصدمه ومن إللى شيفاه قصادها مستغربة !

معقوله ؟؟! طيب ووليد مخلى الصور دى عنده ليه وهيستفيد منها إيه أصلاً ؟؟!!معقوله يكون هو إللى عمل فيها كده ؟؟! معقوله تكون سهيله هى الصادقه وفيه قصه ورا الموضوع ده ؟؟!! لأ لأ مش ممكن وليد يخدعنى مستحييييييييييل لا مش معقول!!!(ملك لنفسها)
لما شافت الصور إفتكرت إنها شافت كلمات القصايد إللى كانت فى الملف دى فى القاعه فى الحاجات بتاعة ضحى إللى محوا أثرها لما وليد قالهم ، نزلت ملك اللآب من على رجلها ووقفت تتمشى فى الأوضه بعصبيه ،حيره ،خوف وقلق بتفكر فى إللى شافته ده !!
أنفاسها بتتلاحق وحست بصداع إحتل دماغها بالكامل انا باغلي
وعلى الفور مسكت الموبايل وإتصلت بسهيله وجالها الرد من أول رنه سهيله : ألو ، ملك؟
ملك بصوت ندمان: حقيقه أنا مش عارفه أقولك إيه يعنى بسبب آخر مره إتقابلنا فيها وإللى حصل بينا بس أنا
سهيله: ما تقوليش حاجه يا ملك ولا يهمك أنا عذرتك وقتها ماحصلش حاجه ابتسامة ، خير؟
ملك: سهيله هو أنا ينفع أقابلك دلوقتى حالاً والأمر ضروورى جداا
سهيله: أممم أوك أنا معنديش مشكله بس خير فى حاجه؟
ملك: ما تقلقيش إن شاء الله خير ،أنا هقوم ألبس فى ثوانى وأجيب أخويا وأجيلك بس هنتقابل فين ؟
قالتلها على المكان وإتفقوا ومامة ملك فى الأول عارضتها بس لما لقت حالة ملك مش عجباها وافقت وطلبت من مروان ياخد باله منها ، خرجوا ملك ومروان من البيت متجهين للمكان إللى إتفقت عليه هى وسهيله ، وصلوا للمكان وطلبت من مروان يستناها على تربيزه تانيه بس هو قالها إنه هيروح لواحد صاحبه ساكن فى المنطقه دى ولما تخلص ترنله بحيث تاخد راحتها مع صحبتها
وسهيله أول ما شافت ملك إستغربت لإن وشها كان أصفر وزى ما تكون مخضوضه من حاجه ، سلمت عليها
وسألتها : خير يا ملك إنتى قلقتينى من صوتك ولما شوفتك دلوقتى قلقت أكتر إنتى وشك أصفر كده ليه ؟؟
ملك إتنهدت ، بلعت ريقها وقالتلها : سهيله كنت عوزاكى تحكيلى كل حاجه تعرفيها عن وليد وضحى
أنا بس عوزاكى قبل ما تقولى أى حاجه تحلفى على المصحف ده إنك بتقولى الحقيقه (وخرجت مصحف من شنطتها )
سهيله ما عارضتش وعلى طول حطت إيديها على المصحف وحلفت إن كل إللى هتقوله حالاً هى دى الحقيقه وإنها ماكدبتش على ملك فى حاجه قبل كده
إظهار التوقيع
توقيع : ♥H a b i b a♥
#66

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

الحلقة 17
وقفنا الحلقه إللى فاتت عند اللحظه الحاسمه لما
سهيله كانت هتحكى لملك الحقيقه، يلا بينا نعرف الحقيقه مع ملك ابتسامة
وبعد ما سهيله حلفت على المصحف بدأت تحكى :
بصى يا ملك الأول أنا أعرف وليد من أولى كليه من أول يوم بدأنا فيه دراسه هو أول حد إتعرفت عليه ومع الوقت بقينا صحاب قريبين من بعض أوووى ووقتها أنا كنت مرتبطه بإبن عمى وأنا وهو بنحب بعض بشكل مش طبيعى لأننا متربيين سوا وبنحب بعض من صغرنا وفضلنا محافظين ع الحب ده لحد ما كبرنا
وفى يوم حصلت بينا مشكله كبيره ومالقتش حد أحكيله وأشاركه همى غير وليد وبدل ما يهدى بيننا فضل يشعللها وقومنى على إبن عمى لحد ما خلانى سيبته حزينة
المهم بعدها بفتره وليد فضل يتقرب منى أكتر وأكتر وحسيت مع الوقت بيتحول إطار الصداقه والأخوه عنده لحاجه تانيه وشكى طلع فى محله يوم ما جه إعترفلى بحبه وأنا وقتها كنت لسه مصدومه من إللى حصل بينى وبين إبن عمى وأنا كنت لسه بحبه لذلك إعتذرت لوليد وفهمته بذوق إن هو مش أكتر من أخ ليا فحس بكده إنى جرحته وقاطعنى أسبوعين وبعدين رجع تانى يعتذرلى ويقولى موافق نبقى صحاب وبس وهكذا يعنى ، المهم إنى إللى عاوزه أقولهولك من كلامى ده إنى مازلت بحب إبن عمى رغم إنه خلاص إتجوز دلوقتى وده حصل بسبب وليد مش قدارة امسك دموعي
وإللى يخلينى متمسكه بحبه لدلوقتى هو إللى يأكدلك إنى لاهفكر فى وليد ولا غيره أبداً
نبدأ بقى بدخول ضحى فى حياة وليد ، ضحى إتعرفت عليها لما جيت زياره لمصر لأول مره فى حياتى وأنا فى الإعدادى وكانت هى أول صاحبه مصريه ليا لأن كل أصحابى ماكنوش مصريين المهم بقينا صحاب أوى مدة وجودى فى مصر وكانت سنتين وبعدين لما سافرت فضل الإتصال بينا عن طريق الفون وإنقطع فتره ولما جيت أدرس هنا فى الجامعه إتصلت بيها وعرفتها إنى فى مصر وإتقابلنا وعرفت إنها دخلت كلية الصيدله
وفى يوم جتلى عند هندسه وكان وليد وقتها واقف معايا ولما شافها إنبهر بجمالها لأن ضحى ما شاء الله عليها كانت ملامحها رقيقه وزى القمر
(إفتكرت ملك الصور إللى شافتها وإتنهدت)
سهيله: بعد ما مشيت سألنى عنها وبعدها بكام يوم كده لقيته بيقولى إنه معجب بيها وبشخصيتها وطريقة تفكيرها وثقافتها وجمالها... إلخ
بإختصار معجب بكل حاجه فيها وخاصه بعد ما تابعها على الفيس بوك
بينى وبينك أنا فرحت وحسيت إن ضحى ممكن تنسيه الموقف السخيف إللى حصل بيننا وإنى رفضته يعنى ، وقلت ليه لأ ؟؟!!
أنا بحب ضحى جداا وبنوته مفيش زيها ووليد كمان فشوفت إنهم لايقين على بعض لذلك لما وليد طلب منى أقربهم من بعض ، فضلت أحكيلها عنه وأثر عليها وخلتها تحضر معانا الصالون الأدبى من أول ما وليد أسسه وهو كان عليه الباقى عيشها فى أوهامه حزينة
وهنا وقفت سهيله عن الكلام وبكت مش قدارة امسك دموعي
هديتها ملك وناولتها كوباية ميه شربت وقالت بصوت متهدج زعلانة و باعيط : أنا السبب يا ملك فى كل إللى حصلها كنت بحسب الحقير ده راجل أنا إللى قضيت على أعز صديقه ليا عشان كده كنت بحاول أفتح عنيكي وأنقذك يمكن أقدر أصلح حاجه ماعملتهاش زمان
ومسحت سهيله دموعها لما جه الجارسون وطلبوا هم الإتنين عصير ليمون
سهيله أخدت رشفه من العصير وكملت :
فضل يوقعها فى شباكه وكتب فيها قصايد تدوب الحجر وبالمناسبه القصيده إللى كتبهالك يوم ما كان بيصالحك قصادنا دى ماكنش كاتبها ليكى !!
كانت ليها يوم ما إتخانقوا وكانوا هيسيبوا بعض كتبهالها، وده نفس إللى حصل معاكى خدعك وفرحتي بيها وسامحتيه أنا متأكده من إللى بقوله أنا حافظه كلماتها وفاكره اليوم ده كأنه كان إمبارح وإتكرر المشهد معاكى بالملى
(حست ملك بزغلله فى عنيها وحست إنها هتفقد الوعى ، كإن ريقها بقى حجر من كتر ما هو ناشف فإتناولت كوباية العصير وشربتها كاملة فى مره واحده )
سهيله: فضلوا على قصة حب مستحيله لمدة سنتين وإللى يشوفهم يقول دول مستحيل هيفترقوا دول لبعض وبس
وكانوا لايقين على بعض أوى لحد ما فى يوم وكنا وقتها فى 3 جامعه كان مسافر وطلب منها يشوفها عشان يسلم عليها وفضل يلح عليها وأصر لحد ما كدبت على أهلها بأى حجه وراحت قابلته ومن سوء حظها واحد صاحب باباها وهو جارهم كمان شافها وهى معاه فى الكافيه فراح بلغ باباها ولأن باباها إنسان عصبى ومابيبحبش الحال المايل وبيخاف عليها من الهوا الطاير لما حكيتله إن بقالها سنتين على علاقه بيه وهم ما يعرفوش ضربها ضرب ورملها جسمها يا حبيبة قلبى حزينةمش قدارة امسك دموعي
وأخد موبايلها وإتصل بوليد هزقه وقاله عاوز يقابله وطبعاً الجبان خاف وكسر الخط بتاعه ولا سأل
وضحى معرفتش عنه أى حاجه لأن باباها كان حابسها فى البيت ومابيخليهاش تروح الجامعه وهى صمدت وفضلت تدافع عن حبها وعن وليد ووقفت قصاد باباها لأول مره فى حياتها وإتأذت كتير بسببه وإستحملت عشان بتحبه لدرجة الجنون وهو ولا على باله عايش حياته وبيهزر ويسافر ويلعب ولا كأنه دمر حياة واحده
المهم مع الوقت باباها سمحلها ترجع الجامعه وأول يوم رجعت فيه جتلى هندسه وطلبت منى أكلم وليد وما أقلهوش إن هى إللى عوزاه وبالفعل كلمته وأول ما جه إتصدم لما شافها ولما عاتبته قالها إن كل شئ بينهم إنتهى قعدت معاه وإتكلموا وقالتله أد إيه دافعت عنه وأقنعت باباها بيه ولو جه إتقدملها باباها هيوافق عشانها ،طلبت منه يتقدملها وقصة حبهم تستمر لكن الحقير رد عليها بكل وقاحه وبرود أعصاب بجمله عمرى ما هنساها مش قدارة امسك دموعي
( أتقدملك؟؟؟!!! إنتى عايشه فى الدور أووى ومحسسانى إنى إتجوزتك عرفى ولازم أصلح غلطتى، عادى إحنا زى أى إتنين خاضوا تجربه وفشلوا فيها ومعرفوش يكملوا وأنا مش هقدر أكمل معاكى تانى بس )
قال الجمله دى وسابها ومشى ، مش هقدر أوصفلك حالة ضحى وقتها غير إنى هقول الإسعاف جت خدتها من الجامعه ، وطبعاً إتصلت بباباها وجالنا ع المستشفى وأول ماجه وشاف منظرها دموعه نزلت بشكل يقطع القلب والله في نص هدوميزعلانة و باعيط
أبو ضحى يا ملك بيحبها أووى ويخاف عليها أووووى هى بنته الوحيده وخلفها بعد 8 سنين حرمان من الخلفه ولما جت كانت هى كل حاجه فى حياته رباها أحسن تربيه ولو طلبت عنيه هيديهالها وأول مره تعمل فيه حاجه زى دى وحسيت إن قلبه إتكسر لكسرة قلبها مش قدارة امسك دموعيياه!
وكانت ردة فعله إن خد بعضه وجه على الجامعه وتحديداً هندسه وسألنى فين وليد شاورتله عليه ولقاه واقف بيهزر ويضحك مع صحابه ولا كأن فى أى حاجه جرى عليه وشده من دراعه ولما وليد إلتفت صفعه صفعه قويه أوووى ،وإداله لكمه من قوتها وليد وقع ع الأرض وفضل ينزف من بوقه ومنخيره، وفضل أبو ضحى يضرب فيه بشكل لا إرادى لحد ما وشه إتلون أحمر من كتر الدم إللى بينزف منه ،يومها إتخانق وليد مع أبو ضحى خناقه كبيره أوى ،وكل إللى كان عمال يقوله أنا هفضحلك بنتك وهخلى سيرتها على كل لسان والله ما هسيبها وهدمرلها حياتها وفى الآخر جه الأمن فض الخناقه
وضحى بقى حاولت تتناسى لأنها ماقدرتش تنسى تماماً وأهلها ساعدوها كتير ، ووليد عاش حياته عادى بس كل كلامه فيه غل وحقد وكل شويه يقول هينتقم وأنا قاطعته بسبب إللى عمله فى ضحى
جه عريس لضحى إنسان محترم أوى ومناسب جداً وباباها فضل يتحايل عليها توافق لأنه شايفه مناسب ليها وكمان شايف إنه هيقدر ينسيها إللى عمله فيها وليد ويداوى جرح قلبها، فضحى وافقت لأنها مش عاوزه تخذل باباها تانى وبعد 3 أسابيع من الخطوبه كانت ضحى الحمد لله إلى حد ما حالتها النفسيه إتحسنت وخاصه إن خطيبها كان بيحبها انا الحب

لكن جه فى يوم وليد طلب منى أقول لضحى تحضر الأمسيه الجايه وأنا قولتله إنها مستحيل هتوافق خصوصاً إنها بطلت تيجى تماماً بعد إللى حصل وكمان طلبت منه يسيبها فى حالها بقى ويبعد عنها وكفايه إللى حصلها بسببه قالى ما إتدخلش بينهم وأبلغها إن معاه حاجه تخصها وإنها لو ماحضرتش هيفضحها قدام خطيبها ومش بعيد قدام الناس كلها ولما سألته إيه هى الحاجه دى ؟؟!!وهيفضحها إزاى؟؟!!
مرضيش يقولى وطلب منى أوصلها الكلام ده وبس ، وبالفعل وصلتهولها وقالت إنها مستحيل هتروح وهى حكت لخطيبها عن كل حاجه ومش متضايق منها وأصلاً مش خايفه منه لأن ماعمتلش حاجه غلط تخاف منها !!
ولما ماجتش وليد إدانى ظرف وقالى أوصلهولها وأقولها وليد بيسلم عليكى وبيقولك مش وليد وهدان إللى يتعلم عليه قصاد الكليه كلها ولما سألته مرضيش يقولى الظرف فى إيه، بس أكد عليا إن ضحى هى إللى تستلمه شخصياً ، بس أنا لما مسكت الظرف حسيت إن فيه صور بس لأنى مافتحتهوش طبعاً فمش متأكده، المهم روحت لضحى ووصلتلها الكلام وإدتها الظرف وروحت
بتصل بيها تانى يوم لقيت باباها هو إللى رد وبيقولى إنهم نقلوها المستشفى وبسرعه روحت ع المستشفى إللى باباها قالى على إسمها لقيتها فى حاله لاتتخيليها يا ملك تتصورى إن ضحى أقوى شخصيه وأقوى بنت قابلتها فى حياتى حاولت تنتحر ؟؟!!
ملك إتصدمت وبصتلها بدهشه مستفاجأةوسألتها عن السبب
كملت سهيله : بصى يا ملك أنا شاكه إن السبب هو ظرف وليد إللى قالى أسلمهولها لأن والدها بيقولى إنها أخدت أقراص بشكل كبير جداً محاولة منها للإنتحار يعنى ولما سألت حصل إمته قالى بعد ما أنا سبتها بالضبط عملت كده ونقولها المستشفى بس لحد دلوقتى ما أعرفش الظرف فيه إيه ولا حد يعرف غير ضحى ووليد طبعاً
إتناولت سهيله كوباية الميه وشربت
(وأصبح دلوقتى كمان فى حد تالت يعرف سبب محاولة إنتحارها والظرف كان فيه إيه هو أنا !!
أنا كده قدرت أفهم الصور دى موجوده ليه!!!! أه يا حقير كنت بتنتقم بالشكل البشع ده ،،ده مريض نفسى حسبى الله ونعم الوكيل )ملك لنفسهامش قدارة امسك دموعي
كملت سهيله: المهم ضحى طبعاً الحمد لله لحقوها وفضلت فى المستشفى فتره كبيره تحت الملاحظه وأول ما خرجت فسخت خطوبتها من غير ما تقول الأسباب ومابقتش بتكلم حد ولا بتشوف حد
من الجامعه للبيت ومن البيت للجامعه ، وللأسف شالت كل المواد فى السنه دى حزينة
وهى دلوقتى فى آخر سنه رغم إنها كان المفروض تكون متخرجه زينا بس منه لله إللى كان السبب فى إللى حصلها ، ضحى بقيت بحسها فقدت الروح الحلوه إللى كانت بتميزها ،فقدت طعم الحياه وفقدت الثقه بكل الناس وخااصه الرجاله كرهتهم بشكل فظيييع خلاها قررت لا هتحب ولا تتجوز ولا طايقه أى راجل !!
بقيت بحس ضحى زى ما تكون خايفه أو مرعووبه من حاجه إيه هى ما أعرفش ؟؟
ودى مأساة ضحى وإللى عمله فيها وليد وأنا بعد ما قاطعته قررت أرجع حياته تانى بس عشان أنتقم لضحى لكن إنتى جيتى وظهرتى فى حياته وقلت لازم أنبهك وألحقك عشان ما تقعيش ضحيه لأنانيته وحقده زى ضحى
ضحكة ملك ضحكة سخريه إتنهدت وردت بصوت هامس : قبل ما تقعى ؟؟هو أنا لسه ماوقعتش ضحيه ؟؟ما خلاص
وفى الوقت ده جه مروان وطلب منها تقوم عشان الوقت إتأخر فقاموا عشان يمشوا وفجأه ملك إختل توازنها وفقدت الوعى بريئة يا بيهزعلانة و باعيط

وإنتهت حلقتنا هنا إنهارده إنتظرونا الحلقة الجاية إن شاء الله عشان نكمل الأحداث سوا
إظهار التوقيع
توقيع : ♥H a b i b a♥
#67

افتراضي رد: ʚϊɞ روايه •.¸ربـآط الحب¸.• رومانسيه . منقولة ʚϊɞ

..........
إظهار التوقيع
توقيع : ♥H a b i b a♥


قد تكوني مهتمة بالمواضيع التالية ايضاً
الموضوع كاتب الموضوع المنتدى
صور رومانسيه صور حب رومانسيه صور اخر رومانسيه جويريه صور حب
صور انمي رومانسيه صور رومانسيه تحفه صور انمي اخر رومانسيه جويريه صور انمي
صور انمي رومانسيه صور انمي رومانسيه تحفه صور انمي رومانسيه روعه جويريه صور انمي
صور حب , خلفيات رومانسيه , صور محبين mana fp صور حب
صور روماتيك هبه شلبي صور x صور


الساعة الآن 08:53 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل