رسائل فراق حزينة جدا , اجمل مسجات عن الفراق
عرفت أبكي من الفرحه
عرفت أضحك من الأحزان
عرفت ان الدموع أرحم وأصدق من يواسيني
عرفت ان الوهم دربي ولا به من يقدرني
عرفت ان العيون اللي بكت لي أمس
جت اليوم تبكيني!!
عفيه على قلبك وعفيه عليك انت
تبي الصراحه زين سويت فيني
مشكلتي اني على حبك أدمنت
وبك بساطه قلتها ماتبيني
عفيه على قلبك وشكرا ولا هنت
تبي الحقيقه بيدي أعميت عيني!!
البارحه في لذيذ النوم لاقيته
حلوم جابت حبيب الروح خداعه
فزّيت ارحب ودمع العين هلّيته
رميت نفسي وجا راسي على ذراعه
وقعدت أضمه وفوق الصدر لميته
وأثرني أضم الوساده صارلي ساعه!!
دنيا غريبه والبشر مثلها أغراب
لو هي صفت لك ما صفوا لك بشرها
تعطيك من لذتها كل ما طاب
تغريك ثم تغرقك في بحرها
وانا عطتني دنيتي الزين والشعر منها شاب
واللي بنا دنيتي هو نفسه اللي دمرها
من عادتي مادس درب الصداقه دس
ألعب على المكشوف وأكشف سواده
من مدلي يمناه مديت له خمس
ومن صد عني عفت شوفت بلاده
لأني عزيز وعزتي تحكم النفس
والنفس ماترضى بهون المكاده
مثل النسيم العذب تجرح سكوتي
تسرق بقايا ضحكتي وسط الأصحاب
أحاكي أصحابي وهم يسمعوني
وقلبي معك وكنهم عندي أغراب
وعنك يحاول بعضهم يسألوني
متى؟ وكيف؟ ووين؟ أصبحتوا أحباب؟؟
أبشتكيلك دامك أعز الأصحاب
شكوى جريح يبتسم في ونينه
جرح أحسبه طاب وأثريه ماطاب
خلا دموع العين تنزف حزينه
جرح مع القلب حاضر ولا غاب
خلا همومي فقلبي سجينه
ماهي جروح الحب ألام الأحباب
جرح الصديق اللي غلاته ثمينه
الضحك ماهو علامه مستريح
والبكي أحيان مايوحي بحزن
خذ مثل مني: أنا قلبي جريح
وأبتسم لك من غرابيل وشجن
وان بكيت يجوز أبكي من صحيح
من جرح، من ظلم، من صدمة زمن
أو يجوز أبكي علشان أستريح
أو نتيجه شوق أو خلٍ طعن
مات الحكي وأحرجني الموقف احراج
وعجزت أعبرعن هواي اعذريني
ما غير جمله حطها الخوف بسياج
(قلبي يحبك حيـــل لا تتركيني)
نطقتها أخشى أسبب لك ازعاج
ولولا الغلا ماقلتها صدقيني
عفوا كاني بحقق أخطيت
ارجو السموحه لا تخيب ظنوني
عفوا كاني نسيت أو تناسيت
الوقت والايام عنك خذوني
توك قبل لحظه على البال مريت
توني أسولف عن غلاك لعيوني
مثلك أنا لا حشا ماتناسيت
وان كان وقتي والمشاغل حدوني
ماتفرق معي لو خذاك الوقت أو جابك
فالحالتين الموت أقرب لي من ظلالي
اما بموت من الوله لا طول غيابك
أو بموت من الفرح لا شفتك قبالي
آسف على الغيبه ما كنت فاضي
آسف على التقصير لا كنت قصرت
رجعت لك حاضر ماني بماضي
أبعتذر يمكن عليكم تأخرت
حطيت في غيبتك الحب قاضي
وحكم علي أرجع لو ما تبصرت
رجعت لك قانع بحبك وراضي
محدٍ جبرني يوم جيتك وقررت
لو طحت من عيني
أنا أقول ( لو ) طحت !!
تنزل بقلبي والخساره لعيني
و ان رحت مني
أنا أقول ( ان ) رحت !!
ماهي خساره لو بكت لك عيوني
و ان ضعت في بعدك
أنا أقول ( ان ) ضعت !!
هي ضايعه من دون وصلك سنيني…
كلمة أحبك من شفاتك .. تكفيني .
إظهار التوقيع
توقيع : زاهرة الياياسمين
التوقيع لا يظهر للزوار ..
رد: رسائل فراق حزينة جدا , اجمل مسجات عن الفراق
إظهار التوقيع
توقيع : حياه الروح 5
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| خلفيات جالكسي كتابية حزينة 2025 ، خلفيات جالكسي كتابية 2025 ، خلفيات جالكسي كتاب | ريموووو | موبايلات - جوالات | ||
| عبارات حزينه عن الحب 2025 - خواطر وشعر عن نهاية الحب - اشعار عن الفراق - شعر حزين عن فراق الحبيب | وله | المنتدي الادبي | ||
| خواطر قصيرة عن الفراق | عشق2001 | المنتدي الادبي | ||
| رسائل فراق , رسائل حزينة جدا جدا عن الفراق , مسجات فراق الحبيب حزينه مصرية | Marwa El-shazly | رسائل وتوبيكات | ||
| توبيكات فراق للواتس اب 2025 , توبيكات واتس اب عن الفراق 2025 , توبيكات فراق حزين | ريموووو | رسائل وتوبيكات | ||
الساعة الآن 12:26 PM
جميع المشاركات تمثل وجهة نظر كاتبها وليس بالضرورة وجهة نظر الموقع