طريقة تحضير معمول الطحين بالفستق بطريقة مميزة

وصفة معمول الطحين بالفستق بطريقة مميزة؟ تعرفي عليها في هذه الطريقة بالمقادير الدقيقة، حضريها وأضيفي صورة وصفتك! مقادير معمول الطحين بالفستق بطريقة مميزة


كيلو طحين
نصف كيلو سمنه
علبة كريمه سائله قابله للخفق صغيرة
كوب سكر بودرة
كوب حليب بودرة
ربع كوب خليط ماء زهر وورد
الحشوة:
نصف كيلو فستق
اربع ملاعق معجون تمر
6ملاعق سكر
ملعقتين قطر سميك
نصف فنجان ماء ورد
نصف فنجان ماء زهر


طريقة تحضير معمول الطحين بالفستق بطريقة مميزة


١. بحضر الحشوة قبل بيوم لتتشرب النكهات، اول خطوة بغسل الفستق وبنشفه على منشفه بغسل الفستق ليضلو رطب داخل حبة المعمول بحطه بالخلاط مع المنكهات والتمر.
٢. بضيف التمر للفستق لاعطي حبة المعمول حلوة مميزة وطراوي ولمعه للحشوة.
٣. بضيف المنكهات وبجرش الفستق جرش مش طحن بوضع الحشوة بالبراد ليله كامله مغطايه لتشرب النكهات.
٤. عجينة المعمول: اول خطوة بوضع السمن بخلاط وهو شغال بنكه السمن ماء الورد والزهر هي الخطوة مهمه مابدي دخل سوائل على الطحين مابدي يتحول لعجين بدي احصل على معمول يفت بعد تدخيل ماء الزهر والماء الورد على السمن.
٥. بضيف السكر والحليب والكريمه وبخفق لاحصل على مزيج كريمي، بطفي الخلاط بضيف الطحين مع التقليب بالايد من تحت لفوق اذا احتجت طحين اكتر من كيلو بضيف لان بيختلف الطحين بأنواعه ممكن يشرب سمن وممكن لا.
٦. اريح العجينه ساعه وببدأ بالحشي كل صنيه بتخلص بوضعها بالبراد لعيد تماسك السمن (بفصل الصيف) بخبز بفرن متوسط الحرارة تحت فوق بس ضهر من الفرن برش سكر بودرة.