همسة فى اذن كل زوج
أيها الرجل انتبه أتمنى ان الرسالة دى توصل لكل رجل ويفهمها كويس
الاهماااااال
السوسة الي بتاكل اركان اي بيت بالبطئ هي اﻻهمال
اﻻهمال مش شرط يكون متعمد
اﻻهمال ملوش مواعيد و ﻻ مدة محددة
اﻻهمال لو رجليك غرزت فيه بييقي صعب انك تخرج منه اﻻ بارادة حديدية
تفشي اﻻهمال هو نوع من الموت البطئ المودة و المشاعر
الزوج لما بينشغل عن بيته و مراته بالشغل لدرجة انه يبقي أولوية اولي و مطلقة مصحوبا بردود ومبررات جاهزة زي .. ماهو كله ليكم. . هو انا يعني باشقي عشان مين.. انتي عايزاني اسيب مستقبلي و اقعد احب فيكي
او الزوج الي بيجي علي حق و وقت مراته مع اصحابه و خروجاته بحجة انه بيرفه عن نفسه او انه بيخرج في تجمعات ﻻ يصح ان تظهر فيها الزوجة
الزوجة الي بتتوه عن زوجها وسط مشاغل البيت و مشاكل الوﻻد و تقولك هو انا هقطع نفسي..ايه شغل المراهقة دا
بﻻش تستنفذ رصيدك في قلب شريكك بالاهمال و اﻻنشغال و الطناش و لما يفوت اﻻوان ترجع تقول ليه
الاهتمام مش مكلف و اﻻ محتاج تفرغ
اﻻهتمام ممكن يكون بكلمة حلوة او موقف تقدير لطيف
اﻻهتمام انك تحس بوجعه و فرحه و تبقي جنبه
اﻻهتمام انك تعمل حاجة بيحبها شريكك من غير ما يطلب
اﻻهتمام انك وسط مشاغلك الكتير تفتكر شريك حياتك و تسأل عليه و لو دقيقة أو بكلمة
اﻻهتمام رساله حلوة. . كلمة حب حلوة. . مكالمة قصيرة..هدية بسيطة معبرة
في وقت من اﻻوقات شريك حياتك هيبطل يطلب منك تاخد بالك منه او تهتم بيه
هيبطل يستتي منك الكلمة و التقدير
هيدور علي بديل ليك يشبع النقص الي انت مسببه
هتبقي مش فارق معاه و علي اقل تقدير هتبقي حياته معاك تحت عنوان .. ادينا عايشين.
حياة خالية من الدسم ﻻ مشاعر و ﻻ مودة و اهي ماشية
انك طول الوقت تعمل مش واخد بالك او تفتكر انك عامل الي عليك دا في حد ذاته اول درجات الهدم
احنا بتشتغل و بنشقي عشان نبقي مبسوطين مع بعض
الزواج شراكة و تنافس متبادل لذيذ في اسعاد اﻻخر
المشاعر الطيبة و كلمات الحب و التقدير مش مرقعة فارغة و ﻻ قلة ادب ﻻنها غريزة تستهدف اﻻشباع زي الأكل و الشرب
إظهار التوقيع
توقيع : حنين الروح123
التوقيع لا يظهر للزوار ..
رد: همسة فى اذن كل زوج
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| تحية لكل زوج | ام الين و الياس | الحياة الزوجية والاسرية | ||
| "لغة الحب بين الزوجين المؤمنين" ج1 | نسيم آڸدکَريآت | الحياة الزوجية والاسرية | ||
| لاحلى ريمووووو همسة في اذن كل زوجة | رائعة | الحياة الزوجية والاسرية | ||
| همسة فى اذن كل ام لسة اولادها ما دخلوش المدرسة | توتى 1 | العناية بالطفل | ||
| همسة في أذن كل زوج أعجبته [ فلانه ] !! | لؤلؤة الايمان | الثقافة والتوجيهات الزوجية | ||
الساعة الآن 05:35 PM
جميع المشاركات تمثل وجهة نظر كاتبها وليس بالضرورة وجهة نظر الموقع