السلام عليكم
حلمت ان انا مسافره مع عمتى اسمها رجاء (معملتش عمره قبل كده ) و بنت عمتى شيرين وولادها صغيرين و جوزها واسمه احمد (شرين وجوزها واطفالها عملوا عمره قبل كده ) رايحين نعمل عمره وانا كنت بجهز نفسى وهدومى فلقيت عمتوا رجاء عندنا زى ما يكون هى سبقتهم لعندى عشان نمشى كلنا مع بعض فلقيت عمتوا معاها زى شوال كده فيه اكل عشان هتاخده معاها زى رز و مكرونه ولحوم و كده يعنى ف انا بقولها انا مجبتش حاجه انا المفروض انا كمان اجيب اكل معايا هناك وفعلا طلعت مكرونه من عندنا بس مكنتش ف كيس كانت مفرطه وبقولها هاخد كيس رز كمان من عندنا و فتحت الفريزر بتاعنا عشان اخد منها لحمه فلقيت زى لحمه جاهزه متقطعه ومحطوطه ف طبق وملفوفه بكيس زى اللحوم المجمده كده بس كانت اللحمه باين عليها حلوه اووووى و جميله عجبتنى قلت ف بالى دى من اللحمه النضيفه و فعلا خدت منها و لقيت عمتوا جايبه معاها بطاطس فقلت هجيب بطاطس انا كمان وخدت بطاطس كتير فلقيت ماما بتقولى سيبلنا بطاطسايه بس عشان ابقى اعملها لخواتك حاجه زى كده فطلعتلها واحده كبيره وسبتهالها
بعدها لقيت لنشون و جبنه رومى ف الاطباق بتاعتها فخدتهم برده معايا بس لقيت ماما بتقولى اللنشون ادفعى حقه قبل ما تخديه ف انا استغربت من انها بتقولى كده و سكت وخدته معايا و تقريبا خدت عيش معايا بس مش متزكره اوى
المهم ف احمد و شرين وعيالها جم عندنا ان خلاص هننزل عشان مسافرين ف انا اللى زى بقول لنفسى انا عايزه الحق اتوضا و اصلى الظهر و مشغوله بتجهيز حاجاتى ونفسى بعدها سئلت احمد هى العمره هتاخد وقت قد ايه قالى من اسبوع لاسبوعين فروحت عشان اتصل بصاحبتى ف الشغل اسمها دينا عشان اقولها انى هاخد اجازه لمده اسبوعين عشان مسافره اعمل عمره بس مش فاكره كلمتها ولا لاء بس فاكره انى مسكت الموبايل وكنت راحه البلكونه عشان اكلمها بعدها قلت لنفسى انا مش هحط ع الفيس انى مسافره اعمل عمره عشان محدش يحسدنى خلى ربنا يكملهالى على خير و لما ارجع ابقى اقولهم و صحيت على الفجر كان ازن و صليته و نمت حلمت انى زى ما يكون قاعدين ف الغرفه بتاعت الفندق حاجه زى كده زى ما يكون وصلنا يعنى السعوديه ف انا بقول لشرين انتى هتعملى عمره ازاى و انتى شايله عمر (دا ابنها الصغير ) كده هتتعبى قالتلى منا جبتله العجله بتاعته هحطه فيها وهمشى بيها و مش فاكره بقيت الحلم وصحيت
انا الحمد لله بصلى و مواظبه على القران
انسه
---
بسم الله الرحمن الرحيم :
وبه نستعين
الرؤيه فى المنام : العمرة هى فى المنام تدل على نهاية العمر وبلغ المرض نهايه عمر
وربما دلت العمرة لمن أعتمرها على ذيادة فى المال والعمر
الاجازة : تأجر الانسان فى المنام الشء من املاكه يدل على الامن من الخوف
والتخلص من الشدائد وربما دلت الاجازة على الزوج المستأجر فى المنام
رجل يخدع صاحب الاجازة ويتركة فى هلكة
احضر الاكل او أن غيره دعاه الى الغداء دلت الرؤية على السفر بعيد
دعاه الى الاكل فان يستريح من التعب :
اما الحج فى المنام : انا حج أو اعتمر فان يعيش عيشأ طويلا ويتقبل أموره
البنات فى المنام : يدل على عدو ضعيف
بمعنى :
انتى تعبان من شىء وربنا ان شاء الله يبعتلك فيه الراحه
وانتى بسم الله ماشاء الله عمرك طويل جداا ون شاء هتتخلصى من كل الشدائد
فى قدامك مشروع جواز بس فى شخص مواقفة من الناحيه التانيه
بس الشخص ده ضعيف , مش هقدر يكمل
وانتى ها ينصرك ربنا عليه
والله واعلم
والسلام عليكم ورحمة الله وبركاتة
الرؤية فى المنام : هسافر اعمل عمره مع قرايبى
قد تكوني مهتمة بالمواضيع التالية ايضاً