رواية خطيرة اتحداك ما تقرأها
رواية خطيرة اتحداك ما تقرأها
بدفآ
لو البس لي من البرد ؟ جاكيت
لكن ...وش يدفي الجروح العرايا
بكتب روايتي الاولى و الي هي:
بدفآ
لو البس لي من البرد ؟ جاكيت
لكن ...وش يدفي الجروح العرايا
بعرفكم على الشخصيات هي. :
الأب : راشد طيب و مش مقصر في حد
الام : موزه طيبة و ماعيلها قصور
سالم : البجر طيب و ضعيف ٢٣
جاسم: يدرس برا الامارات في لندن و عنده توائم ثلاثة يتشابهون كوبي بست ٢٠
خالد: توام جاسم مثل الصفات بس يدرس داخل البلاد ٢٠
الريم : توائم خالد و جاسم مثل. الصفات خريش و خبلة و فيها جمال الله عطاها إياه تدرس خارج البلاد في لندن جراحة قلوب عمرهم كلهم ٢٠
حمدان : شيطان يدرس ثالث ثانوي ١٨
مها : ويا حمدان شيطانه تدرس صف اول ثانوي ١٥
و يسكنون في الامارات تحديدا في إمارة الشارقة
ببدأ الرواية بسم الله الرحمٰن الرحيم
كانت يالسة تشتغل في البحث مالها في الممر
مها تصارخ وصراخها يعور الإذن : حمدان حمدانوه حميدان
حمدان طالع من الغرفة ماله : خير شو تبين ازاقرين
مها : تعال أباك تكتب شي
حمدان : وشو هو أنشالله
مها : البحث
حمدان : تبطين
مها : ماعليه ما خبرت الريم
حمدان : ههههه الريم في لندن جان ماتيج مناك عشانج مالت
خطف خالد في الممر
خالد : يهبلا حد ييلس في الممر
مها : محد اهبل غيرك
خالد صكت يعرف لسانها : لسانج يباله قص
حمدان يالس يطالع بعدين بينسحب بهدوى هذا طبعه
مها : انزين تعال
خالد: اكتب البحث و الله ما اكتبلج
حمدان : ههههههه الله يغربل بليسك قفطبج في نص الجبهة
مهاع حساسة لدرجة عادي عندها ماترمس و لا شي بس يبين انها زعلت و زعلاتها شينه : اهى اهى ( تصيح ) و الله الريم ماتسواكم حتى ريل صبعي الصغير ما تسونها. افاا يا خواني أنا آخر العنقود ما هقيتكم جذيه و روحت الصالة و اتصلت حق الريم وعند الريم و جاسم عندهم الحين فليل الساعة ٣
اتصلت أختنا الهبلا حق الريم
مها هي تصيح : الريم
الريم : آلو
مها يوم تسمع صوت اختها ترتاح : هلا و الله بالمزاين
الريم : اهلين حبيبتي مها شحالج حد يتصل في هذا الوقت
مها : ليش ماعندكم الصبح الحين الساعة ٧ عندنا
الريم : احنا عندنا فليل بلاج اتصيحين منو مزعلنج
مها : و اله و عرفتيني
مها يالسة اطالع حمدان و خالد تقولهم : اخبرها و الا لا
و في نفس الوقت الي تكلم مها فيهم خوانها
جاسم قام من الرقاد لانه ما يعرف يرقد زين و هو اصلا تعبان فيه مرض القلب ترا بيني و بينكم هاا لا تخبرون حد انزين و نشوف شو يصير في الباراتات الياية
البارت الثاني
في نفس الوقت جاسم قام لانه يبقي يقوم يصلي الفجر
و بالمره يأخذ الدواء ماله فشاف الريم تكلم تليفون سار الحمام في نص الطريق تم يكح بشكل غير طبيعي و الريم لاحظت ذالك لانها تخصصها جراحة قلب و تعرف عن هاي الأشياء
خلونا نرد حق الريم و مها
مها : أقول الريم شو ها الصوت الي سمعته مساعة
الريم عرفت شو تقصد اختها كحة جاسم غير طبيعية فتوترت : هاا لا ماشي بس جاسم كح و توه قايم من الرقاد
مها ردت اتصيح : اخبرج منو هزبني اليوم
في نفس الوقت قالوا خالد و حمدان : مطفسج من بنت حشى هب لسان عليج
الريم : لا تقولين خالدو حمدان
مها : هيه هزبوني و ماطاعوا يكتبولي الريم متى بترجعين و الله اشتقتلج و الله البيت بدونج هب شي
الريم : ما عليه بهزبهم لج أنشالله برجع بعد سنة إنشاءالله.
مها و بحسره : و الخيبة سبع سنين ماجفناج و لا بعد سنه
الريم : تراج تعرفين اخر سنه عليها شهاده امتياز و لازم احصلها عشان ارفع راس امايه و أبوية
مها : مع السلامة و الله يوفقج حبيبتي
الريم : مع السلامة و سلمي عل الكل و خاصة سالم
مها : مايا البيت من ٣ ايام
الريم : يوم تشوفينه سلمي عليه
مها و بصراخ : و الخيبة الباص يا و أنا ما خلصت شغلي اهى اهى
الريم تضحك على مها : الله يغربل بليسج ربعي الباص تراه ما يتريا اربعي
مها : مع السلامة و ردي السلام على جاسم
الريم : مع السلامة
و صكرت عن الريم وتربع فوق عند الحجره مالها و تلم السمان داخل الشنطة
شافتها أمها يوم تركض
الام : شوشوي يا بنتي شو وراج تربعين بتتكسرين
مها : اماية الباص خاري مع السلامة و تسلم عليج الريم و جاسم بااي
اام سالم : متى بتعقلين
مها : يوم أعرس
كت حق البارت الثالث
إظهار التوقيع
توقيع : الزهر مكانش
التوقيع لا يظهر للزوار ..
رد: رواية خطيرة اتحداك ما تقرأها
إظهار التوقيع
توقيع : حياه الروح 5
التوقيع لا يظهر للزوار ..
رد: رواية خطيرة اتحداك ما تقرأها
إظهار التوقيع
توقيع : حنين الروح123
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| قرآن كريم كامل استماع وتحميل مباشر بصوت اكثر من قارئ جزء 6 | سلمى سالم4 | القرآن الكريم | ||
| رواية الحب المحرم / بقلم ريموووو بنت البحرين / رواية حب / راويه رومنسيه | ريموووو | أقلام عدلات الذهبية | ||
| رواية اللؤلؤة للكاتب جون شتاينبك | ريموووو | مكتبة عدلات | ||
| نجيب محفوظ | ريموووو | شخصيات وأحداث تاريخية | ||
| تحميل رواية الأرواح المتمردة للكاتب جبران خليل جبران | ريموووو | مكتبة عدلات | ||
الساعة الآن 10:51 AM
جميع المشاركات تمثل وجهة نظر كاتبها وليس بالضرورة وجهة نظر الموقع