النهاردة يوم الوصفات يارب ماتزهقوش منى بس
وتكون وصفاتى أمتعتكم
موضوعى مش جديد وعملته في عيد الربيع العام الماضي لكن مرت عليا بصراحة مرحلة ملل وخصوصا ماكانش بيبقى فيه تفاعل هنا
لكن قلت أنا حنزل مواضيعي لوجه الله لعل واحدة عايزة تتعلم وتكون استفادت منى ومش حاقول عايزة تقييم ولا أى حاجة دعوة حلوة تكفي
الموضوع ده استوحيته من واحدة عالنت حسيتها بصراحة فنانة وبتقدم الحاجة بشكل مختلف فأخدت منها الفكرة ويعنى قدمتها بشكل مختلف عن طريقة تقديمها فأنا بحب أشكرها لانى اقتبست منها الفكرة
وصفتي هي البريوش للربيع مع البيض الملون
وياريت تنفذوها بالربيع وتفرحوا عيلتكم كلها
المقادير للبريوش
1/2 4 كوب دقيق
ملعقة ص ملح
كيس خميرة فورية
1/2 كوب حليب دافئ
1/4 كوب سكر كوب زبدة بدرجة حرارة الغرفة
6 بيض
فانيلا
بيضة بملعقة حليب لدهن الوجه ألوان غذائية صحية
بشر برتقالى اختياري
الطريقة
نفور الخميرة بتذويبها في الحليب الدافئ مع السكر
نضرب البيض مع الفانيلا
نخلط الدقيق مع الملح ونضيف الزبدة ونفركها بايدينا لحد ماتبقى زى حبات الرمل
نضيف الخميرة بالحليب الدافئ ونعجن ونضيف البيض على دفعات مع الاستمرار بالعجن لحد ماتلم معاكى
نغطيها لحد ماتخمر شوية ونغطيها بالبلاستيك استرتش ونشيلها بالتلاجة طول الليل
طلعي العجينة الصبح وقسميها أربع أجزاء وسيبيها ترجع بدرجة حرارة الغرفة
افرديها وضيفي عليها كام نقطة ملون
أنا استخدمت اللون الأصفر والموف والبينك وخليت جزء من العجين بلونها
وغطيهم وسيبهيهم يتخمروت تانى
بعد ماخمروا نبدأ في تشكيلهم
حنبدأ بالوردة الكبيرة نفرد طبقة من العجين باللون اللى تحبيه على شكل دايرة ونقطعها على أربع قطع متقابلة من غير مانفصلها
نفرد عجينة بلون تانى دايرة اصغر وتقطعي أطرافها برضه ونفرد آخر دايرة ونرفع أطرافها ونرفع أطراف الوردة لأعلى ونثبت البيضة الملونة في وسطهم أنا حطيتها في قالب المافين عشان لما تخمر تاخد شكل الوردة بصحيح
عملت فطيرة كبيرة محشوة كاسترد
حتجهزى الأول كريمة الكاسترد زى مامكتوب في الارشادات عالعبوة وكان فيه فواكه مجففة عندى
بنعمل الدايرة الكبيرة بتلات اسطوانات محشية ومتصلين ببعض
حنجيب العجين ونفردها على شكل مستطيل بالنشابة ونقطعها من جانب واحد زى الشرايط والجانب التانى اللى حاحط فيه الكريمة والفواكه المجففة ونبرم العجين لحد ناوصل للجانب المقطع شرائط ونقفل الشرايط تحت العجينة عشان لما تخمر ماتفكش مننا
نكرر العملية 3 مرات ونرصهم على شكل دائرة في الصينية وعملت توصيلة على شكل 3 وردات صغننين في وسطهم بيضة ملونة وعملت في وسط التلات اسطوانات وردة كبيرة وفي وسطها بيضة ملونة
طبعا كل اللى أنا شكلته بسيبه يخمر ودهننا البيض قبل الخبز ودخليه الفرن على درجة 160 لحد ماتلاقي لونه من تحت مستوى
تكونى مجهزة مربى مشمش متصفية وتدهنى بيها البريوش وهو لسه سخن
بالنسبة للبيض لونته بألوان اكريليك ورشيته جليتر وماتسربش للبيض خالص
نشوف مع بعض الصور طبعا فيه صور راحت من عندى أو مش عارفة أوصلها
تابعونى