البارت رقم 3 هيكون عن النظافة الشخصية والعناية بنفسك
قال تعالى: ﴿إن الله يحب التوابين ويحب المتطهرين﴾.سورة البقرة الآية:222.
قال رسول الله صلى الله عليه و سلم: 《إن الله طيب يحب الطيب نظيف يحب النظافة كريم يحب الكرم جواد يحب الجود فنظفوا -أراه قال- أفنيتكم ولا تشبهوا باليهود》 [1]
قال رسول الله صلى الله عليه و سلم: 《الطهور شطر الإيمان》. [2]
قال الامام الشافعي رحمه الله تعالى: من نظف ثوبه, قلّ همه, ومن طاب ريحه زاد عقله.
قال صلى الله عليه وسلم: (إنكم قادمون على إخوانكم فأصلحوا رحالكم وأصلحوا لباسكم حتى تكونوا شامة بين الناس)[3] ، و الشامه هي النقطة السوداء في الوجه، والمقصود منه أن يكون المسلم ظاهرا بنظافته وطيب ريحه بين الناس كما تكون الشامه ظاهرة في الوجه.
النظافة الشخصية لو فضلت اتكلم من النهاردة لبكرة مش هخلص بس هقولك علي كذا نقطة مهمة فالنظافة الشخصية
أول حاجة الاستحمام :20
ناخد شاور فالايام التلج دى ازاى بس
لو لاقيتي الجو حلو ادخلي وخدى الشاور بتاعك لو لاقيتي الجو سقعة هقولك غيرى ولو حتى هدومك بس عشان ريحتك دايما تبقي حلوة
كمان يا بنات لازم نغير البانتى او الأندر مش هقولك مرة فاليوم دا انتى تغيريه مرتين كمان عشان تبقي ريحتك حلوة
ويستحسن يكون قطن طيعا
طيب احنا فأيام تلج هقلع كل هدومى مرتين فاليوم.. هقولك لا انتى ممكن تجيبي الفوط اليومية وتغيريها مرتين فاليوم زي
مثلا carefree وكمان فيه نوع اسمه fresh days وكمان always عاملة نوع برضو
طيب انتى معكيش فلوس تجيبي او خلصت من عندك وطبعا مش هتبعتى اخوكى يجيبها
هقولك ممكن تقولي لمامتك تجيبلك قمااش كدة وتحطيه بس وهيبقي سهل عليكي انك تغيرها
طيب وأيام لامؤاخذة يعنى البيريود
لازم نهتم اكتر طبعا بنفسنا وننضف نفسنا كويس اوى ومتحطيش الفوطة الله يكرمك اكتر من 4 ساعات او كل ما تدخلي الحمام غيريها ومتحطيهاش علي جلدك وهى متوسخة ابدا
طب لو انتى فالمدرسة او ف اى مشوار هتغيريها ازاى كل 4 ساعات دايما تخلي معاكى واحدة او اتنين فالشنطة بتاعتك ودايما الفوطة تكون قطن % 100
وكمان فالايام دى منستخدمش غسول خالص على المنطقة دى يكتفي بماية بس وكمان البانتى مش لازم يكون قطن عشان لو لقدر الله نزل اى حاجة عليه تعرفي تطلعيه وكمان لازم يكون فيه اندرات خاصة للأيام دى
كمان ابعدى عن ازالة الشعر فالفترة دى لأن الجلد بيكون حساس جدا جدا جدا احسن وقت لإزالة الشعر بعد ما البيريود تخلص على طول عشان هرمون الاستروجين بيكون ضعيف فالجسم وهو دا اللى بيعزززززززززززز نمو الشعر
الشعر الزائد بقي
من وصايا النبي صلي الله عليه وسلم اننا نشيله لأن مينفعلكيش صلاة بيه لأنه بيكون عرق وريحة وحشة وفطريات وتزيليه بالطريقة اللى تريحك طبعا
كمان من النظافة الشخصية قص الأظافر ولو فاضية ابرديها واعمليلها باديكير حلو كدة وفى بارت العناية هقولك باديكيري بعمله ازاى كمان رجلكيي تغسليها كل يوم بالماية والصابون وتقصي الاظافر وتنظفي الاسنان بعد كل اكلة وشرب الماية عشان جلدك وشعرك وغسل الايدين وكمان لما تدخلي الحمام لازم تنشفي من قدام لورا مش العكس
وكمان فيه ناس بتعانى من رائحة مش حلوة فالمنطقة دى
هقولك على وصفة
هتروحي عند العطار تجيبي حاجة اسمها مر وتكون لونها احمر شوية عشان تكون كويسة مش بايظة وبعد كدة اجيبي حلة وتحطى المر وتنقعيه فى ماية فى حلة كدة لمدة يوم كامل وكل شوية تقلبوها وبعد كدة تاخدى الماية اللى طلعت دى وتحطيها فى بخاخ وترشي منها
ودا فيديو توضيحي اكتر
لو اى واحدة عندها تعليق نصيحة اى حاجة طبعا تكتبها فالتعليقات
وقيمي الموضوع بلييز تعبت فيه جدا والله
واشوفكم فى بارت جديد ومع السلامة