محتاجه رايكم ضرورى بالله عليكم

من اولها كده بيقولك لو عايزه تشاركينى هى التوقيت غلط معاكى انها مش تتطلب خالص المفروض كان سابها للظروف وانتى اكيد بعد الجواز لو لقتيه محتاج حتشاركى مفيش مشكله
على فكره يا حبيبتى الستات اللى بتشتغل اجوازهم برده هم مسؤلين منهم وهى لو حبت براحتها تشارك اوك مش بطلب منه اصلا ولا مجبره لان شرعا ده لا يجوزهو شكله بيلح عليكى بالشغل عشان تساعديه مش لانك درسه وتعبتى والكلام ده
والله بقى دى حاجه ترجعلك انك لو اشتغلتى بتساعديه بالمصاريف مفيش مشكله بس اقصد محبه بينكم وليس انه فرض وامر عليكى

بصى انا اصلا كسوله فى موضوع الشغل ولو كنت هشتغل بعد الجواز بمزاجى لظروف شغله معظم الشهر مش موجود فلازم اسلى وقتى بحاجه وفى نيتى ان الفلوس دى ليا ولمستقبلى مش هطلعها لحد غير بعد مااعاشره فتره واعرف انه انسان كويس ومش طمعان فيا
واحس ان عيشتنا محتاجه اساعده
بس فكره انه يقولى لو عايزه تساعدينى ماديا ماشى دى قلقانى لان احنا مكملناش اسبوع خطوبه وفين رجولته لما يكون عايزنى اساعده خصوصا انه بيقبض مرتب كويس

بصى يا قمر كلام صح جدا بس انتى بقى اليومين الجايين شوفى تصرفاته معاكى ازاى بيلح قوى فى الموضوع ده ولا ايه
عشان برده مش تظلميه وطبعا زى ما قولتلك ده مش فرض عليكى ولا اجبار خالص لانك اصلا مش ملزمه باى حاجه في البيت ده بالتراضي مش اكتر
وربنا يهدى الحال
وخدى بالك عشان من تجارب اللى حواليا انتى اللى حتحددى شكل موضوع الفلوس ده ازاى من اولها عشان كل واحد يعرف من اولها ومش يحصل مشاكل لا قدر الله

معلش هتعبك معايا عشان الموضوع ده محيرنى جدا
كده انا ممكن اقولو انا مش هقدر انزل الشغل تانى من دلوقتى واشوف رد فعله ولا اعمل ايه لو عندك فكره وطريقه احسن؟