أو

الدخول بواسطة حسابك بمواقع التواصل

#1

افتراضي رواية فجأة ينتشر الحب البارت السابع

هاي يا عدولات انشاء الله تكونو بالف خير اليوم جبت لكم البارت السابع من الرواية بس قبل ما ابدى بدي قول شي وهو انو انا كتير بتشكر صديقاتي الغاليات وفاء وهنادي لانهم ساعدوني وشجعوني وبشكركم يلا بلا ما أطول عليكم اخليكم تقروه
بشركة راجنات وبالمكتب تبعو فات لعنده السكرتير
السكرتير : سيدي السيد لؤي هو وابنه مهند برا وبدهم يقابلو حضرتك
راجنات وهو يحط الملفات بدرج المكتب : ليش مخليه يستنى فوتو بسرعة
السكرتير : مثل ما بدك وطلع.. فات للمكتب لؤي وابنه مهند
راجنات وهو يسلم على لؤي : أهلا صديقي لؤي صار لنا زمن عنك كيفك
لؤي : معك حق بس الاشغال كتيرة
راجنات : وانت كيفك يا مهند
مهند : بخير يا عمي .. بعد ما جلسوا
راجنات : شو بدكم تشربو
لؤي : شكرا ما بدنا شي نحنا بس جينا نحكي معك بموضوع يا رفيقي
راجنات : تفضلو عم اسمعكم
لؤي وهو يلفت لابنو ويبتسم : الصراحة يا راجنات ابني مهند معجب ببنتك سيما من فترة وانا اليوم جيت اطلب منك ايد بنتك سيما لابني مهند
راجنات : انت صديقي وأنا بتشرف انو ابنك مهند يكون زوج بنتي بس انا ما اقدر اقرر يعني مثل ما تعرف القرار الأول والأخير لسيما
لؤي : اي شي اكيد نحنا بنستاذن
راجنات وهو يصافحه : اذنك معك .. بس الي ما كان عارفه راجنات انو لؤي ما كان صادق وكانت نواياه شريرة
برا وبعد ما طلع لؤي وابنه مهند
لؤي : هلاء بدينا واستنى بعد ما تتزوج انت وسيما رح يصيرو شركتنا وشركتهم مع بعض ووهيك بتصير قوتنا ونفوذنا اكبر
مهند : بس ازا سيما ما وافقت
لؤي : انت ليش هيك دائما سلبي وافكارك سلبية وبعدين ليش ما توافق
مهند : سؤال اخير وهو الأهم
لؤي : تفضل
مهند : كيف رح نقدرو نسيطرو على الشركة تبعهم
لؤي : رح نلاقي طريقة بس بالاول خلي الزواج يصير
بعد يوم رجعو كاران وميرا من شهر العسل كاران اخد ميرا لعند اهلها بالأول وسلم عليهم وبعدين راح لبيت اهله والمساء رح تكون الحفلة الي عاملينها عيلة راجنات بمناسبة رجوعهم من شهر العسل اما بالنسبة للمكان الي رح يسكنو فيه راجنات اشترى فيلا مو بعيدة وعطاها لهم كهدية بمناسبة زواجهم
ببيت اديتيا
ميرا وهي تحضن صديقتها ابتسام
ميرا : اشتقت لك يا قطة
ابتسام : وانا كمان اشتقت لك كتير يا بطة
ناظرو فبعضهم : هههههههه
اديتيا : دوم الضحكة
ميرا : تدوم أيامك بابا
دورغا : اي بنتي كيف كان شهر العسل انشاء الله انبسطتو وكنتي فرحانة. .. ميرا لما رجعت لبيت اهلها حست كانو الروح والفرحة رجعت لها بس امها بدا السؤال وبدون ما تدري انها عم تذكرها بالعذاب والإهانة الي عاشتهم هنيك اصطنعت إبتسامة بالغصب وقالت
ميرا : اي ماما انبسطنا
نطت لين بحضن ميرا
ميرا بألم وهي تصرخ بلين : اي انتبهي
دورغا واديتيا : شو بك بنتي شو صاير
ميرا بكذب : لا ما في شي
اديتيا ولسة فيه الخوف : انتي متاكدة يا بنتي انو ما فيك شي
ميرا : لا بابا ما فيني الا الخير . . ابتسام حاسة انو شي مو طبيعي صاير لميرا بس كانت تستنى لحتى يكونوا لحالهم عشان تسالها وتتاكد
لين وهي بدها تروح لكن مسكتها ميرا وجلستها جنبها
ميرا : ليونتي حبيبتي لا تزعلي مني لاني قلت هيك ما كان قصدي بس تألمت شوي ولهيك صرخت عليك
لين : انا مو زعلانة منك انا زعلانة لأني ساويت شي يالمك
ميرا تحضنها : يا بعد عمري انتي
لين : اوكي اختي شو جبتي لي هدايا
اديتيا : على الاقل اتركي اختك ترتاح شوي وبعدين فكري بالهدايا
ميرا بابتسامة : مو مشكلة بابا تعب لين راحة.. . وهي تقوم وتقول
: يلا تعي معي لنشوف الهدايا
لين : يلا ...... بعد ما طلعو يشوفوا الهدايا قالت ابتسام
ابتسام : لين حبيبتي ممكن تاخدي الهدايا تبعك وتشوفيهم بغرفتك
لين : ليش
ابتسام : لانو بدي احكي مع ميرا بموضوع كتير مهم
لين : اوكي. .. اخدت الهدايا وراحت لغرفتها
ميرا وهي تجلس عالسرير بتعب : طيب حبيبتي ابتسام شو هو الموضوع
ابتسام اقتربت منها وقالت





ابتسام : مفكرة انو الكذبة مشت علي
ميرا ومو فاهمة : شو قصدك
ابتسام : بدك تقنعيني انو ما فيك شي تراني حاسة انو صاير معك شي وشي كبير كمان
وجلست جنبها ومسحت على راسها بحنان
: احكيلي شو صاير
ميرا وهي تحضن ابتسام : اه لو تعرفي شو صاير لصديقتك ما رح تصدقي
ابتسام حست بالخوف على صديقة عمرها : شو قصدك يا ميرا شو صار
ميرا بألم وبكى قالت لها كلشي صار معها وبعد ما خلصت
: الي ابي افهمه شو الذنب الي عملته لحتى يصير فيني هيك
ابتسام بكره وحقد على كاران : لا حبيبتي انتي ما ساويتي شي هاد الواطي ما لازم ينسكت له لازم نقول لعمي كلشي صار
ميرا وهي تمسك ايدها : الله يخليك لا تقولي شي
ابتسام باستغراب : وليش مع كل هاد تبيني اسكت
ميرا : انتي بتعرفي انو بابا وعمي راجنات أصدقاء من زمان يعني ازا قلتي شي يمكن يصير مشاكل بينهم وهالشي حرام
ابتسام بسخرية : الي ساواه فيك كاران مو حرام وانو عمي يعرف الحقيقة عشان يتصرف هالشي حرام طيب رح تساوي رح تضلي هيك
ميرا : لحد ما يجي الحل ولحد ما الله يفرجها
ابتسام حضنتها مرة ثانية : يا عمري يا صديقتي كل هاد صاير فيك وصابرة يا طيبة قلبك الله يعذب كاران وينتقم لك منو
قبل المساء بشوي ببيت ديف كانو مجتمعين
كاران وديف وسام
ديف : اي كاران شو صار معك بايطاليا انشاء الله انبسطت
كاران : كتير انبسطت يا ديف كتير
سام : وشو صار بخصوص ميرا
كاران : ههههه ميرا خليتها تشوف ايام سودة لدرجة انو اكيد تندمت مليار مرة على اليوم الي وافقت فيه تتزوجني
سام بينه وبين نفسه مو مبين عليه انو تغير اطلاقا معناها الي ببالي ما ضبط
: طيب
كاران وهو يحط الكاس ويقوم : يلا شباب نروح تاخرنا عالحفلة مع ان ما بدي روح بس لازم الحفلة حفلتي هههه
ديف وسام : يلا
بقصر راجنات
بعد ما جهز كل شي بالقاعة الخاصة بالحفلات جوا القصر وبعد ما بلشو الضيوف المدعوين يجو
بغرفة ليندا كانو البنات يتجهزو وكانو موجودين
ميرا ولابسة فستان أحمر بذهبي وعملت تسريحة وميك اب طالعين عليها روعة
سيما ولابسة فستان قصير باللون الذهبي وسشورت شعرها ستريت ومكياج ناعم
ليندا وكانت لابسة فستان أخضر من تصميم ايلي صعب مع مكياج ناعم
ابتسام ولابسة فستان فوشي ومكياج ناعم
أما لين كانت لابسة فستان منفوش ابيض وبوسطه حزام باللون الاسود وبما أنها شافت البنات حاطين مكياج أصرت انهم يحطو لها كمان فحطو لها كحل وقلوس
بالحفلة كان كلشي روعة
فجاة سمعو صوت شخص يحكي والتفتو له وكان هالشخص هو السيد راجنات
قال : اول شي بشكركم على حضوركم لهالحفة الي بمناسبة رجوع ابني كاران ومرته ميرا بنت صصديقي اديتيا من شهر العسل صفقو له الكل ( قال فنفسه انا اوريك يا كاران ) وبعدين كمل ثاني شي دي الأغنية خاصة واهداء لهم وبتمنى أنهم يجو هلاء ويرقصو على على هالاغنية .. اتسلط الضوء على كاران وميرا وقاموا الحضور يصفقو لهم فقام كاران ورسم على وجهه إبتسامة ومد ايده لميرا وراحو على المكان المخصص للرقص
كان الكل يراقبهم كان رقصهم ولا اروع الي يشوفهم يقول هذول اتخلقو لبعض واسعد اثنين بالدنيا بس ما كانو عارفين الحقيقة
كاران ما يعرف ليش لما بلشو رقص حس بشعور كتير غريب ما حسه من قبل بحياته كان قلبه يدق بسرعة بس سرعان ما طرد عنو هالاحساس
المهم خلصت الحفلة والكل راح لبيته حتى كاران وميرا راحو للفيلا الي عطاها لهم راجنات كهدية وطبعا هي مجهزة واغراض كاران وميرا نقلوهم لها
بتمنى انو البارت يكون عجبكم والا اللقاء بالبارت الثامن


#2

افتراضي رد: رواية فجأة ينتشر الحب البارت السابع


رد: رواية فجأة ينتشر الحب البارت السابع
إظهار التوقيع
توقيع : نَقاء الرُّوح
#3

افتراضي رد: رواية فجأة ينتشر الحب البارت السابع

الله يعافيك


قد تكوني مهتمة بالمواضيع التالية ايضاً
الموضوع كاتب الموضوع المنتدى
اجمل كلمات الحب للرومانسين نونو حسن رسائل وتوبيكات
حكم و اقوال عن الحب لصمتي ّحكاية حكم واقـوال
اجمل كلام فى الحب انا دلوعة اوووى دردشة عدلات
اجمل ما قيل في الحب الورده المخمليه المنتدي الادبي
الحب بكل الحروف قوت القلوب 2 منوعات x منوعات - مواضيع مختلفة


الساعة الآن 06:37 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل