أو

الدخول بواسطة حسابك بمواقع التواصل

#1

افتراضي حياتى اصبحت بلا طعم

بسم الله الرحمن الرحيم
السلام عليكم ورحمه الله وبركاته
انا عندى مشكله كبيره بعانى منها
اولا انا عندى 25سنه ومتجوزه والحمدلله حامل
مشكلتى انى بعانى من الوسواس القهرى كان الاول الوسواس يجيلى عن طريق ازاله اى ازى عن الطريق كنت قبل ما اتجوز استنى كل واحد من اسرتى يخرج من الحمام واجرى امسح الحمام واتخيل انى لو ممسحتهوش حد هيقع واتخيل بالضبط الواقعه كأنى شيفاها واكون مثلا قاعده واشوف اى حاجه فى الارض اشيلها اخاف حد يتكعبل
طبعا معروف ان النبى عليه افضل الصلاه والسلام وصانا بازاله الاذى عن الطريق بس طبعا مش بالشكل ده
والحمد لله خفيت منه تماما عن طريق ان ماما قالتلى ان ده مرض الوسواس بصراحه انا بصراحه مكنتش اعرف انه مرض ونصحتنى انى لا التفت للوساوس دى وجت بالصدفه مساحه الحمام اتكسرت وماما مجبتش مساحه فواحده واحده كده ربنا اعطانى الشفاء
المهم بعد كام سنه جالى وسواس مقدرش استهين بيه وهو الوسواس القهرى الدينى
بمعنى افكار ووساوس دينيه تجيلى مقدرش اتهاون بيها زى مثلا فى الوضوء فى الصلاه فى الطهاره بكل انواعها واشكالها جالى سلل بول
جالى سلل ريح
جالى سلل مذى
كنت الاول بشك ان وضوئى اتنقض بقى يتنقض بجد والحمد لله الشيخ اعطانى فتوه انه طالما سلل يبقى لا التفت اليه واصلى بحالى كده لانى مريضه
جالى كل حاجه مش شك لأ ده بيقين
لما بدخل الحمام اعزكم الله (معلش انا حابه اوضح بالضبط) واعمل بول الاقى وراكى غرقت والبول مش بينزل فى مكان واحد لأ ده كأنى ماسكه خرطوم اسفه فى اللفظ وبيطرطش على كل حته وده بعد الجواز وسألت الدكتوره قولت يمكن له علاقه بالجواز قالتلى لأ طبعا ملهوش علاقه لان فتحه المهبل غير فتحه البول يعنى مفيش علاج

ولو بعمل براز اسفه بردو بطرطش جامد وطبعا بعانى من الطهاره جدااا ومن الصلاه لانى حامل وده مشقه جدااااااااا عليا بس بصلى بردو والحمد لله بس بحس بمشقه جامده جداااا جداااا انى اقوم وانزل ميا عليا لأن طبعا مياه الشطافه مش بتكفى
وكمان لما بتوضأ بكون عوزه التزم بالوضوء الصحيح وبطلع مغرقه نفسى وهدومى متبهدله ميا وطبعا جالى سلل بول بقيت على طول حاطه فوطه وكل ما ينزل عليها بول اجرى اغيرها ودى مشقه كبيره اوى
كنت الاول بصلى عادى وكنت بشتغل ويجى وقت الصلاه عادى جدا اقوم اصلى من غير ثقل او هم
بقيت بصراحه مكسوفه جدا من اهلى ومن الناس وبكده بعد فى الحمام فتره طويله اوى
وطبعا بقيت مشهوره بكده وسط الناس كلها والموقف بقى محرج جداااا بالنسبالى بقيت اتحجججججججججججج بأى سبب زى مثلا اقول انا حامل وعشان كده معدتى وعشان كده بقعد فى الحمام او اقول انا بستحمى او بتشطف او او او بجد تعبت وبقى شكلى مجنونه وكل الناس بتقولى انتى موسوسه ولو عندنا ضيوف بلاحظ انهم بيكونوا عينهم عليا واول ما ادخل الحمام تبدأ بقى طلبات دخول الحمام وتلقيح الكلام عليا
ومينفعش اسمع كلام ماما زى زمان لما كان ده مجرد وسواس لانى لو سمعت كلامها واتجاهلت كل ده هكون بصلى وانا على يقين انى بصلى بالنجاسه وده والله يقين مش شك





كرهت وقت دخولى للحمام وللاسف بقيت استنى وقت الدوره الشهريه ووقت النفاس عشان اخد راحه من اللى انا فيه
بصراحه كرهت كل حاجه وبقى وقت الصلاه تقيل بقيت مش عارفه اراعى زوجى ولا بيتى ولا البيبى اللى جاى ربنا يجيبه بالسلامه بس مش عارفه ههتم بيه ازاى

بحس ان النجاسه هى اللى بتجرى ورايا
لما عيال اختى بيجوا دول صغيرين واحيانا بيعملوا بول على هدومهم والهدوم بتكون على الارض فى الاول بحس وقتها ان الارض كلها بقت نجسه ومش بعرف امشى من غير شبشب
لما عرفت ان المنى طاهر فرحت اوى لانى كنت بعانى جدا جدا من استخدام الفوت الزوجيه اثناء العلاقه واغسل كل حاجه ايدى تيجى عليها حتى الموبيل والسجاد
لما جيبت واحده تنظف شقتى بقيت مكسوفه منها اوى كل ما المس حاجه معاها اجرى اغسل ايدى اخاف لتكون الحاجه دى جت عليها نجاسه وبقيت طبعا ادامها مجنونه
الجديد بقا ان بقا يجيلى افكار جنسيه رهيبه اثناء الوضوء والصلاه عشان وضوئى يتنقد بقيت بمسك راسى واصرخ
ارجوكوا ارجوكوا قولولى ايه الحل بجد حياتى مبقاش ليها اى طعم تصدقوا اى واحده بشوفها فى التليفزيون او اى حته تكون مهتمه بنفسها وببيتها اقول يا بختها اقول هى بتصلى ولأ لأ لان طبعا الصلاه بقى مشقه كبيره عليا
ملحوظه؛ انا الحمد لله ملتزمه بالصلاه بقالى 13سنه وعمرى ما هسيب الصلاه والكلام ده جالى لما حسنت صلاتى وبقيت اصلى بخشوع واتوضأ بضمير
وكمان لما انا بحب حد اوى سواء زوجى او حد من اهلى الاقى نفسى من جوايه بدعى عليه فى وشه يعنى فى سرى واعد اقول يارب لأ يارب متستجبش الدعاء ده ده غصب عنى وانا بحبه
فيدونى بالله عليكم


#2

افتراضي رد: حياتى اصبحت بلا طعم

ربنا معاكى يا عسل
إظهار التوقيع
توقيع : انا دلوعة اوووى
#3

افتراضي رد: حياتى اصبحت بلا طعم

اكثرى من الصلاة والاستغفار
وكل ما تحسى بالوسواس
استعيذى بالله


إظهار التوقيع
توقيع : كيوت متل التوت
#4

افتراضي رد: حياتى اصبحت بلا طعم


المشاركة الأصلية كتبت بواسطة انا دلوعة اوووى
ربنا معاكى يا عسل
يااااارب شكرااا حبيبتى
#5

افتراضي رد: حياتى اصبحت بلا طعم


المشاركة الأصلية كتبت بواسطة كيوت متل التوت
اكثرى من الصلاة والاستغفار
وكل ما تحسى بالوسواس
استعيذى بالله


والله يا حبيبتى هو ده اللى انا بعمله
#6

افتراضي رد: حياتى اصبحت بلا طعم

السلام عليكم ورحمة الله تعالى وبركاته
شفاك الله اختي طهور إن شاء الله
والله ما اعرف شو اقلك غير اصبري
وربما يكون ابتلاء من ربنا عشان يختبرك اذا تتمسكي بالصلاة
ولا تفرطي فيها وإن شاء الله فترة تمر على خير
أسال الله العظيم رب العرش العظيم ان يشفيك شفاء عاجلا غير اجلا
ويطلعك على خير وتفرحي بمولودك
إظهار التوقيع
توقيع : رحيق العفة


قد تكوني مهتمة بالمواضيع التالية ايضاً
الموضوع كاتب الموضوع المنتدى
لا لن نتظر علامات القيامة لولو حبيب روحي الحملات الدعوية
¤¤¤.. هكذا يتغير طعم الحياة .. ¤¤¤ اماني 2011 منوعات x منوعات - مواضيع مختلفة
حياتى بلا معاصى ... لوليتا المنتدي الاسلامي العام
لماذا الماء بلا لون ولا طعم ولا رائحة...!!! ام حنان الاعجاز العلمي
حملة حياتى بلا اغانى بلا اغانى بلا اغانى خديجة فى قلبى الحملات الدعوية


الساعة الآن 09:31 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل