أو

الدخول بواسطة حسابك بمواقع التواصل

#1

منقول تعالى اتأسسى واتعلمى الانجليزى من الصفر معايا وحصرى / تعملي الانجليزي


صباح الخير يا بنات يارب تكونوا بخير

نبدأ علطول بسم الله
الدرس الثانى
اتكلمنا الدرس اللى فات عن ادات التعريف وفاكرين اما قلتلكم ان الكلمة اللى مش هينفع نحط قبلها اداة تعريف هنحط قبلها ايه ؟؟؟
ايوة صح كده اداتين اسمهم ادوات التنكير اسمهم ايه ( a - an )
طيب دول نحطهم امتى ومع ايه ؟؟؟ اقولك
( a - an )
ايه الفرق بينهم
توضع ( a ) عندما يكون الحرف الاول من الاسم ساكن
ازاى ؟؟ فاكرين اما قلتلكم ان فيه حروف ساكنه وحروف صوتيه متحركه
الحروف الساكنه هى ايه ؟؟ كل حروف الانجليزيه ماعدا ( a - e - o - i - u )
دول حروف متحركه
بس هخلى الكلام عن الاداة ( a ) بعدين خلينا دلوقتى نتكلم عن :
الاداة ( an )
مش بنحطها الا قبل الحروف الصوتيه المتحركة
اللى هما ايه ( a - e - o - i - u )
مثال
تفاحه / apple.... ينفع اقول ( a apple ) وتنطق آبل؟؟
خطأ .... ليه ؟
بصى كده اول حرف من كلمة تفاحه apple هتلاقيه حرف من الحروف الصوتيه
اذن مينفعش نحط اداة التعريف ( a )
لازم تكون ( an )
مثال تانى
بيضه ( egg ) وتنطق إييج
ها هنحط ايه قبلها ؟؟؟؟
برافو عليكم صح كه ( an )
ونكتبها ازاى بقى ؟؟ ( an egg )
طيب الشاطره اللى هتقوللى .... فيل ( elephant ) وتنطق إليفانت هنحط قبلها ايه اختارى يلا بسرعه .... ها .. عرفتيها
سامعه حد قاللى هنحط ( a )
لألألألأ غلط بصى كده اول حرف من الكلمه ايه وقوليلى
ايوه حرف صوتى طيب ايه ؟ ايوه صح
هنحط ( an ) عشان نكتب صح وتصبح الكلمه




( an elephant )
طيب نيجى بقى للكلمات الشاذه اللى تخص الاداه ( an )
فيه كلمات شاذه مرتبطه بوضع الاداة دى
هى ايه ؟
( hour ) وتنطق آور اللى هى ساعه
ملاحظه ايه ؟؟؟ بصى صحيح الكلمه مش اولها حرف صوتى متحرك ايوة بس هنا بقى الشواذ فى الموضوع ... الفكرة ان آه صحيح مش اولها حرف صوتى بس احنا نطقنا اولها كحرف صوتى انا كتبالك نطقها فوق جنبها
يعنى لو كتبناها زى ما نطقناها هتكتب ازاى ( our ) بصى اتكتبت ازاى
كأن اولها حرف ( o ) يعنى حرف صوتى
اذن فى النهايه تكتب ( an hour )
الاسم الشاذ التانى ( honest ) وينطق أونست اللى هو صادق صفه مش اسم
نفس الحكايه نطقها كأنه ( onest ) يبقى نحطلها برضه ( an )
لتكتب ( an honest)
طيب الكلمه الشاذه العكسيه يعنى ايه يعنى ممكن يكون اولها حرف متحرك بس مينفعش نحطلها الاداة ( an )
زى كلمة ( university ) وتنطق يونيفرستى اللى هى جامعه
بصى صحيح اولها حرف متحرك بس مش هينفع نحطلها ( an ) طيب لييه ؟؟؟؟!!!
عشان هنا نطقنا حرف ال ( u ) عادى كأنه حرف ساكن
اصبح مينفعش نحطله الا الاداة ( a )
ليكتب هكذا ( a university )
طيب لحد كده اخدنا الاداه ( an ) لوحدها منفصله عن الاداة ( a )
ليه ؟؟ عشان منتوهش من بعض
بس لازم ناخد فى نفس الدرس الكلمات اللى مينفعش نحط معاها ادوات تنكير اصلا
زى ايه ؟؟ والكلمات دول حفظ ع فكره
* قاعد مهمه *
لا توضع اداتى التنكير ( a - an ) للأسماء الغير قابله للعد
زى ايه ؟؟
(water وتنطق ووتر اللى هى الماء وهو غير قابل للعد )
( sugar وتنطق شوجر اللى هو السكر وهو برضه غير قابل للعد )
( salt وينطق سولت اللى هو الملح وهو غير قابل للعد )
تمام كده الكلمات دى ؟؟؟ طيب فيه كلمات تانيه كتير غيرهم طبعا بس انا بديكم امثله عشان تفهموا قصدى
والشطوره اللى هتقوللى اسم برضه عندنا فى مطبخنا على فكره بس هسيبكم تحلوها
وتقولولى عليها المره الجايه
طيب برضه لازم ناخد الكلمات دى معانا النهارده
* قاعده 2 *
يجب اضافة اداة التنكير عند التعبير عن الكميات .. ايه الكلمات اللى بتعبر عن الكميات ؟؟؟؟
afew وتنطق آفيو ... قليل او بعض من وتقال احيانا مع الوقت
alittle وتنطق آليتل ... قليل
alot وتنطق آلوت ... كثير
apair of وتنطق آبير أوف ... زوج من
anumber of وتنطق آنمبر أوف .... اعداد من
ahundreds of وتنطق آهندريد أوف ... مئات من
aquarter وتنطق آكورتر ... ربع
ahalf of وتنطق آهاف أوف ... نصف من
acouple of وتنطق آكابل أوف ... زوج من
بصوا كده مع الكلمات دى كلها حطينلها الاداه ( a ) لييه ؟؟
عشان لو لاحظتوا اول حرف من كل كلمه فيهم حرف ساكن مش متحرك
معلش الدرس طويل شويه بس عشان خاطركم مش هناخد كلمات للحفظ النهارده
احنا هنعتبر ان الكلمات اللى فى الدرس كلماتنا للحفظ عشان مكترش عليكم
وانشاء الله الدرس الجاى هناخد الاداة اللى فاضله
انا طبعا ماشيه معاكم واحده واحده عشان البنات اللى طلبوا منى امشى على مهلى
فالبنات اللى فاهمه الدروس تستنى معانا بقى شويه على ما الكل يفهم
ومعلش يا بنات انا فعلا مش عارفه اوصل للأداره فلو واحده تعرف تاخد لينك الموضوع وتراسلم تبقى مشكوره
وبالتوفيق للجميع


إظهار التوقيع
توقيع : زهرة الوادى 2
#2

افتراضي رد: تعالى اتأسسى واتعلمى الانجليزى من الصفر معايا وحصرى

تسلم ايدك يا ميس

إظهار التوقيع
توقيع : وغارت الحوراء
#3

افتراضي رد: تعالى اتأسسى واتعلمى الانجليزى من الصفر معايا وحصرى

[تسلمى على المجهود يا قمر
إظهار التوقيع
توقيع : سوريا الحرة
#4

افتراضي رد: تعالى اتأسسى واتعلمى الانجليزى من الصفر معايا وحصرى

يسلمووووو حبيبتي على الموضوع الحلو
#5

افتراضي رد: تعالى اتأسسى واتعلمى الانجليزى من الصفر معايا وحصرى

ههههههههههههه واتعلمتي دة انتي ياختي ؟
حلووووو
إظهار التوقيع
توقيع : LOLO_LOLY
#6

افتراضي رد: تعالى اتأسسى واتعلمى الانجليزى من الصفر معايا وحصرى


المشاركة الأصلية كتبت بواسطة الساجده الي الله
تسلم ايدك يا ميس
الله يسلمك اعسل


المشاركة الأصلية كتبت بواسطة سوريا الحرة
[تسلمى على المجهود يا قمر
الله يسلمك


المشاركة الأصلية كتبت بواسطة ملكةالحلوى
يسلمووووو حبيبتي على الموضوع الحلو
الله يسلمك


المشاركة الأصلية كتبت بواسطة lolo_loly
ههههههههههههه واتعلمتي دة انتي ياختي ؟
حلووووو
اشكااااا
إظهار التوقيع
توقيع : زهرة الوادى 2
#7

افتراضي رد: تعالى اتأسسى واتعلمى الانجليزى من الصفر معايا وحصرى

يسلمووووووووو حبيبتي
موضوع مميز
إظهار التوقيع
توقيع : حڸآۉة آڸرۉح
#8

Hala رد: تعالى اتأسسى واتعلمى الانجليزى من الصفر معايا وحصرى


المشاركة الأصلية كتبت بواسطة زهرة الوادى 2
الله يسلمك اعسل
الله يسلمك
الله يسلمك
اشكااااا
مرحبا صدقتي الحبوبة ارجو ان تضعي الايام بالانجليزية و الاشهر مشكو رة ارجو الجواب ووداعا
#9

افتراضي رد: تعالى اتأسسى واتعلمى الانجليزى من الصفر معايا وحصرى / تعملي الانجليزي

تسلمي يا رب و جزاكي الله كل خير
فين الاقي الدرس الاول


قد تكوني مهتمة بالمواضيع التالية ايضاً
الموضوع كاتب الموضوع المنتدى
كورسات ممارسة الانجليزى اونلاين للبنات + تجربة بعض المشتركات مع هبه عوض أمــانــدا مشاريع وافكار تجاريه
تعالى اتأسسى واتعلمى الانجليزى من الصفر معايا وحصرى زهرة الوادى 2 منتدى عدلات التعليمي
( الدرس الخامس) تعالى اتأسسى واتعلمى الانجليزى من الصفر معايا مـــجـــانا ميس نودى ميس نودى اللغة الانجليزية English


الساعة الآن 06:59 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل