أو

الدخول بواسطة حسابك بمواقع التواصل

#1

افتراضي "أنا اتعاكست" :d

يا ناس ،، يا هوووووه
"أنا اتعاكست"
آه و ربنا، اتعاكست كداهوه وِش، بكل جراءه وبراءه ووضوح -زى الاستاذ هشام عباس مبيقول- ومن غير لف ودوران.
ومكنتش خايفه،
بالعكس كنت ولازلت مبسوطه جداً ومؤشرات إندورفينى محققه أعلى معدلاتها.
ولا صرخت يا بولييييييس إلحقنى واحد بيــتــحرش بيا.
القمر ده يعاكس براحته d:
هو بيشاور عقله أصلاً من فتره وأخيراً اتجرأ وعملها،
مشوفتهوش غير كام مره كده، جارنا جديد،،،الجار ال30 كدا ولا حاجه ابتسامة...
كل يوم بخرج للشغل "جرى" فيادوب بلمحه بيبتسملى وأنا علشان مكسفهوش بردله الإبتسامه.
كــائن يفتح النِفس عالصبح، تبارك الله
شعره مهفهف على جبينه وخدوده رهييييبه وشفايفه علطول بتلمع كأنها مبلوله ،، عيبه الوحيد إنه أبيضانى حزينة

اليوم دا بقا مكنش عندى مزاج "أجرى"، آخر الاسبوع ومفرهده وبطاريتى بتشطب، ماشيه واحده واحده ألاقيه أؤودام بيتهم ،أول ما لمحنى من بعيد فضل يبصلى شويه ويبص فى الأرض شويه.
كنت عاوزه اجرى علشان أوصل عنده بسرعه بس قلت يا بت اتقلى، لو تشوفوا الفرحه اللى على وشه لما قربت منه مش هتصدقوا
والله وهــــــــــم،،،
لو كان المشهد ده فى فيلم عربى ولا هندى كنت هتلاقى "هوا" جالك متعرفش منين بيطير شعرى وهدومى وهو بيميل راسه شمال ويمين بسهتنه وسهوكه، ومنطبقه عليه اغنية الحجار :" فرحه كبيره وصوت مزيكا ف قلبى ".......
كلمة "مزأطط" من الفرحه شوفتها حيه أؤودامى ابتسامة
آه والله...... الواد شكله معجب بجد ولو تقلت عليه شويه هياخد خطوه رسمى.
المهم بقا،، أول ما قربت قالى "صباح الخير" ، فطبعاً قولتله "صباح النور" مينفعش اقوله فل ولا ورد خالص دلوأت.
فكرت افتح معاه كلام بس لقيت مامته نازله حزينة
هى كمان صبحت عليا وقالتلى أول مره متبقيش بتجرى.... أكيد بتقول عليا هبله وممكن دى تكون نقطه مش فى صالحى.
قولتلها اصلى مش متأخره، قالتلى طب تعالى معانا نوصلك، وأنا مصدقت الصراحه.




شويه بقا و "القمر" اتكلم تانى
قال ايه: أنا بحب التى شيرت ده أوى !!
قلت ف سرى وأنا مالى، بس مأحرجتهوش وقولتله :" آه، شكله شيك ولايق عليك"
بص فى الارض وبصوت واااطى قال : عارفه بحبه ليه؟
اضطريت أجاريه: ليه؟
قالى: علشان كل لما بلبسه بشوفك.
أنا لقيت ابتسامتى وسعت بهبل،
كنت هبوسه بس مسكت نفسى وقولتله: خلاص، كل لما تحب تشوفنى إلبسه.
قالى: يبآ هلبسه كل يوم يا سلام!
آاااااااااااااه، يا خبر يا خبر، قلبى الصغير لا يحتمل.
فيه كده يا ناس؟؟!!! مش دى تبآ معاكسه بردو ؟!
إذا كان بيحب التى شيرت متصور انه بيشوفنى بسببه يبآ أكيد بيحبنى صح؟؟
دا يتعمل فيه ايه؟؟ يتقرقش،، يتاكل أكل.
مامته طبعاً ابتسمت بخباثه كده وقالتلى يبآ هنشوفك كل يوم.
أنا كدا هعسكر عند بيتهم م الفجر...مش معقول اكسر بخاطره وكمان علشان يحب كل هدومه مش التى شيرت ده بس. ابتسامة

المشكله ان لو الموضوع دخل فى الجد هيخلينى اتخلى عن مبدئى فى انى مستحيل ارتبط بحد اصغر منى،، بعد ما كنت برفض إللى اقل منى بكام شهر او سنتين، تلاته ،خمسه،،،،،، كدا هنتكلم فى فرق بتاع 25 سنه ابتسامة
وعلى ميخلص كى جى وبقية المراحل اكون انا بقيت عضم فى قفه حزينة
وممكن يحارب اهله علشانى ويخسرهم،،،
ومامته تقول خطفت الواد.....
وباباه ييجى يساومنى بالفلوس علشان اسيبه يشوف مستقبله.
والناس تقول من همه أخدها أد أمه.
يا خساره،، مضطره أوقف قصة الحب الرهيبه دى فى أولها علشان النهايه المأساويه اللى منتظرانا.
صدق إللى قال ....الحب تضحيه حزينة(
بقا يا رب يوم ما ألاقى حد يحبنى بجد والفرحه بترقص فى عينيه لما يشوفنى أبقي مضطره أتخلى عنه ؟؟!!
مناديلى خلصت م العياط. :"(


إظهار التوقيع
توقيع : (♥♥ح̀́ج̀́آ̀́ب̀́ﮯ حياتي♥♥
#2

افتراضي رد: "أنا اتعاكست" :d

والله موضوع تحفه وأسلوب خطير ربنا يسعدك
#3

افتراضي رد: "أنا اتعاكست" :d


المشاركة الأصلية كتبت بواسطة الرميثاء
والله موضوع تحفه وأسلوب خطير ربنا يسعدك
شكرا لمرورك يا سكره
ده من زوقك♥..
إظهار التوقيع
توقيع : (♥♥ح̀́ج̀́آ̀́ب̀́ﮯ حياتي♥♥
#4

افتراضي رد: "أنا اتعاكست" :d

عارفه كنت في غايه الضيق ولما قريت الموضوع امبسطت قوي ربنا يفرحك ذي ما فرحتيني
#5

افتراضي رد: "أنا اتعاكست" :d


المشاركة الأصلية كتبت بواسطة نور تقي
عارفه كنت في غايه الضيق ولما قريت الموضوع امبسطت قوي ربنا يفرحك ذي ما فرحتيني
انا بفرح اوي لو عرفت اني فرحت حد مضايق وفعلا ربنا فرحني
بجد ربنا يخليكي
ويارب يبعد عنك كل ضيق♥
إظهار التوقيع
توقيع : (♥♥ح̀́ج̀́آ̀́ب̀́ﮯ حياتي♥♥
#6

افتراضي رد: "أنا اتعاكست" :d


المشاركة الأصلية كتبت بواسطة sukrah_ana
انا بفرح اوي لو عرفت اني فرحت حد مضايق وفعلا ربنا فرحني
بجد ربنا يخليكي
ويارب يبعد عنك كل ضيق♥
ربنا يبارك فيكي
ويسعدك
#7

افتراضي رد: "أنا اتعاكست" :d


المشاركة الأصلية كتبت بواسطة نور تقي
ربنا يبارك فيكي
ويسعدك
انا وانتي يااارب
إظهار التوقيع
توقيع : (♥♥ح̀́ج̀́آ̀́ب̀́ﮯ حياتي♥♥
#8

افتراضي رد: "أنا اتعاكست" :d

بجد انتى رهيبه ودمك زى العسل والله انا كنت زهقانه خالص ومليش نفس .لما قريت الحكايه.
موت على نفسي من الضحك .بجد كان بيطلع من قلبى
اسلوبك فى الكتابة رائع جدا
شكرا على الابتسامة
#9

افتراضي رد: "أنا اتعاكست" :d


المشاركة الأصلية كتبت بواسطة مغتربه مصريه
بجد انتى رهيبه ودمك زى العسل والله انا كنت زهقانه خالص ومليش نفس .لما قريت الحكايه.
موت على نفسي من الضحك .بجد كان بيطلع من قلبى
اسلوبك فى الكتابة رائع جدا
شكرا على الابتسامة
ده من زوقك يا سكره
بجد فرحتيني بردك
يارب تبقي فرحانه ديما من قلبك
ويبعد عنك كل ضيق
شكرا علي مرورك
إظهار التوقيع
توقيع : (♥♥ح̀́ج̀́آ̀́ب̀́ﮯ حياتي♥♥
#10

افتراضي رد: "أنا اتعاكست" :d

مبروك عقبال ماتتخطفي علي فرس ابيض^_^
طريقتك جميلة اوى تجنن
ربنا يباركلك
هو انتى ينفع تسجلي في منتدى تانى؟
إظهار التوقيع
توقيع : ريم الجميلة
#11

افتراضي رد: "أنا اتعاكست" :d


المشاركة الأصلية كتبت بواسطة ريم الجميلة
مبروك عقبال ماتتخطفي علي فرس ابيض^_^
طريقتك جميلة اوى تجنن
ربنا يباركلك
هو انتى ينفع تسجلي في منتدى تانى؟
شكرا ليكي يااااااارب ههههه
اكيد قوليلي اسمه
إظهار التوقيع
توقيع : (♥♥ح̀́ج̀́آ̀́ب̀́ﮯ حياتي♥♥
#12

افتراضي رد: "أنا اتعاكست" :d

احلي حياة في طاعة اللة
يارب توافقي
إظهار التوقيع
توقيع : ريم الجميلة
#13

افتراضي رد: "أنا اتعاكست" :d


المشاركة الأصلية كتبت بواسطة ريم الجميلة
احلي حياة في طاعة اللة
يارب توافقي
اكيد بس لو سمحتي ينفع تجيبيلي الينك
إظهار التوقيع
توقيع : (♥♥ح̀́ج̀́آ̀́ب̀́ﮯ حياتي♥♥
#14

افتراضي رد: "أنا اتعاكست" :d

جميل اوى يا لوليتا
وطرقتك حلوة فى سرد الموضوع
احلي تقيم ياجميل

إظهار التوقيع
توقيع : ربي رضاك والجنة
#15

افتراضي رد: "أنا اتعاكست" :d

ههههههههههه
انها لمسخرهـ :d
هههههههههه
ممتاز .♥
إظهار التوقيع
توقيع : Naksha
#16

افتراضي رد: "أنا اتعاكست" :d


المشاركة الأصلية كتبت بواسطة انا عسولة
جميل اوى يا لوليتا
وطرقتك حلوة فى سرد الموضوع
احلي تقيم ياجميل
كرا احببتي انتي ربنا يخليكي
كرا لمرورك

المشاركة الأصلية كتبت بواسطة naksha
ههههههههههه
انها لمسخرهـ :d
هههههههههه
ممتاز .♥
ههههههههههههه
ميزكي الله
شكرا لمرورك
إظهار التوقيع
توقيع : (♥♥ح̀́ج̀́آ̀́ب̀́ﮯ حياتي♥♥
#17

افتراضي رد: "أنا اتعاكست" :d

www.goodwayinlife.com › منتدى أحلى حياة في طاعة الله › استمتع بحياتك اللينك اهو سجلي بقي
إظهار التوقيع
توقيع : ريم الجميلة
#18

افتراضي رد: "أنا اتعاكست" :d

ههههههههههه يخرب بيتك ده انا قلت البت بتحب وهنزغرطلها طلعتى بتحبى عيل فى كجى

إظهار التوقيع
توقيع : عہاشہقہة الہورد


قد تكوني مهتمة بالمواضيع التالية ايضاً
الموضوع كاتب الموضوع المنتدى
"أنا مزة نفسى" جروب للبنات فقط على الفيس بوك ملآك ولكن.. منوعات x منوعات - مواضيع مختلفة
الرئيس خلال لقائه بعدد من رجال الأعمال: "أنا بخاف ربنا ومش ممكن آخد فلوس حد غصب سارة سرسور اهم الاخبار - اخبار يومية
متى تُعلنين ... "أنا حامل"؟ yasmen ali العناية بالطفل
الأب المكلوم فى 4 من أبنائه بحادث قطار أسيوط: "أنا مسامح المتسبب مهما دودي كول اهم الاخبار - اخبار يومية
أعلنت جماعة "أنا آسف يا ريس اسيرة دموعى اهم الاخبار - اخبار يومية


الساعة الآن 03:29 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل