ملخص شخصيتي العامة ...#مما راق لي

السلام عليكم يابنات
ازيكم وحشتونى جدا
النهاردة جاتلي فكرة الموضوع دا
واحب انكم تقولولي ايه الاخطاء اللي بعملها وكدة




اول حاجة هكلمكم عن شخصيتي بشكل عام
انا شخصيتي كلها كوكتيلات يعني طيبة جدا وبسامح بسرعة اوى وبنسي الاساءة من اي حد حتي لو جرحتني...جريئة وبعمل كل اللى انا عايزاه بدال مفيهوش حاجة عيب ولا حرام.... بحب الضحك جدا وانا بطبيعتي شخصية مرحة
ممكن اكون عصبية شوية بس قلبي ابيض وروحي حلوة
دي الصفات اللى انا فاكراها ف شخصيتي العامة دلوقتي
اما بقي الحاجات اللى بتضايقني من صحابي اللى هما قريبين مني اوى اوى اوى بيتكلموا ف حاجة او مابينهم حاجة انا مش فاهماها او مخبيين عليا الحاجة دي
احب ان صحباتى يحكولي علي كل حاجة زي ما انا بحكيلهم علي كل حاجة
مبحبش ابدا ان حد انا بحبه اوى يخبي عليا حاجة
ممكن عشان انا فضولية جدا وبحب اعرف كل شيء
ممكن يكون دا عيب فيا
قولولي فالكومنتات دي حاجة حلوة ولا وحشة



بس فالاخر بقي بقول لكل واحدة تعرفني هنا متنسيش انك تدعيلي فالايام الجميلة دي ان ربنا يحققلي اللى نفسي فيه
نفسي اوصل لدرجة كبيرة اوى فالعلم وانى افيد نفسي واهلي وكل الناس




حلم حياتى انى اخترع اختراع الناس كلها تستفيد منه
ونفسي احقق تفوق كبير ف 3 اعدادى السنة الجاية واطلع من الاوائل عالادارة
ادعولي ربنا يحققلي اللى ف نفسي



بصراحة الموضوع دا مش عارفة ليه دخلت اكتبه بس الكلمات اللى فيه مكنتش محضرالها وطلعت بجد من قلبي
بس متنسوش بقي تقولولي ايه العيوب اللى ف شخصيتي من خلاص وصفي البسيط اللى فوق دا
واشوفكم على خير
في امان الله