أو

الدخول بواسطة حسابك بمواقع التواصل

#1

افتراضي ماما__ )*_: عاوزة أقولك حاجة بس!!!!!!!!!!! مش قادرة )*_؛


ماما__ )*_: عاوزة أقولك حاجة بس!!!!!!!!!!! مش قادرة )*_؛
ازيكم ي عدولات

مر عليكي موقف عملتيه من ورا ماما وخفتى تقولى لها؟؟
طب كان نفسك تعملى حاجة وخايفه ماما تعرف تقوم تزعأ لك؟؟
طب فى مرة حسيتى باحساس معين تجاه حد وماقدرتيش تقولى لماما؟؟

مرة مثلا لاقيتى ولد بيعاكسك او بيبص لك وحسيتى
انك مبسوطة لكن مش قادرة تقولى لماما لأنها هاتزعألك
بس مش قادرة تقاومى شعور السعادة اللى جواكى؟؟

كنتى على الفيس مرة وانجذبتى لواحد بكلامه وبفكره وبإعجابه بطريقة كلامك
ومش قادرة تقولى لماما إعجابك بيه لأنها هاتصدك؟؟

فكرتى مرة تكتشفى جسمك وبعدين فى اوضتك وقدام المرايه ***- ***- *؟؟؟؟؟

طب ممكن نفكر فى الصح والغلط فى المواقف دي ؟؟

يعنى موقف مثلا زي >>>>>>>>>>

مرة مثلا لاقيتى ولد بيعاكسك او بيبص لك وحسيتى
انك مبسوطة لكن مش قادرة تقولى لماما لأنها هاتزعألك
بس مش قادرة تقاومى شعور السعادة اللى جواكى؟؟





فكرى تانى كده ليه انتى مبسوطة ؟
لأن طبيعى جدا تلاقى حد يمدحك وتكونى مبسوطة
وطبيعى جدا لو الحد ده من الجنس التانى وقريب من سنك تكونى مبسوطة اكتر
ورغم تحذيرات ماما ليكي بالبعد عن الطرف التانى لكن لاقيتى التكنولوجيا بتقودك
لكده ،والفيس بتلاقيه مليان حاجات زى كده ،وصحباتك كلهم كده
وزمانا بأه متطور ولازم اكون متطورة او بتقولى
تطور ومافيهاش حاجة لو اتعرفت واتحبيت
وحبيت وبقيت سعيدة حتى لو مش هيتم حاجة ..

لاء كده ستوب شوية ..





انتى بتفكرى كده فى انك تمشي ورا سعادتك وورا كل شيء نفسك
تجذبك ليه..
انا عارفة ان الصداقات بأت عادى بين بنات كتير وولاد كتير ؛لكن افرضى ان الولد
اللى بيعاكسك بيعمل ده هو كمان لأنه بيبأه مبسوط إنه كبر وبيوقع بنات فى حبه
مش عشان يحميكى او يكمل معاكى ..
طب ليه معظم الصداقات اللى زي كده مليانة مشاكل ؟؟

لأنهم ببساطة ماخضوش التجارب الكافيه لإنهم يكونوا مرتبطين ببعض ..
لأنهم ببساطة عاشوا خدعة الحب اللى هى اصلا خدعه وهى اصلا جت من الشيطان
اللى زينها ..




مسكينة يا عدولتى >>>>>

لو سيبتى قلبك يجرب وينجرح عشان عاوز يبأه زى غيره من


بنات جيله..


مسكينة فعلا فعلا يا عدولتى >>>>



وبجد صعبانة عليا لو عرضتى مشاعرك للتجارب
والجرح والآهات ..طب على ايه تجربى وربنا موضح لك منهجك ..

الصح ايه والغلط ايه !!!
يعنى أنا مسلمة مأمورة بغض بصري عن الغير
مأمورة بعدم الميوعه فى كلامى ومنظرى
مأمورة إنى أكون خرساء وصماء فى الشارع لو حد
فكر يلعب بمشاعرى دى ..
ايه رأيك فى كلامى ..صح ولا انا غلطانة؟؟



كنتى على الفيس مرة وانجذبتى لواحد بكلامه وبفكره وبإعجابه بطريقة كلامك
ومش قادرة تقولى لماما إعجابك بيه لأنها هاتصدك؟؟

طب فكرى كده اللى على الفيس ده لو ماشفتهوش قبل كده ايه ضمنك يعجبك
شكله ؟؟
تفتكرى اللى جذبك ليه ايه؟
إنه قالك مبهور بطريقة كلامك ..
بيديكى كلام خلى مشاعرك تتحرك رغم انها كانت ساكنة
حسسك باحساس ماحسيتهوش قبل كده ..

غرقك
غرقك
أيوه غرقك ..
كلام ×كلام ...

لكن وقت الفعل هيعتذر ،ويقولك انتى مش شايفه الحياة غاليه ازاى؟؟
ولا يقولك اصلى متجوز وماقدرش افتح بيت تانى وماقدرش-كمان- استغنى عنك !!
ولا يقولك ماشي هاتقدملك

،ولو افترضنا ان كل ده تم فى النهاية السعادة بتهرب من
البيت ..

تعرفى ليه ؟؟

لأن كل ما بدأ بمعصية الله لا ينتهى أبدا الا بمشاكل مش بالسعادة ..




أأقولك على قصة حقيقية لواحده كانت عايشة قصة حب مع خطيبها مش حبيب
زى الايام دى،قعد معاها يحبها 3 سنين وفى لحظة اتهد كل ده ..

ايه اللى حصل ماعرفش لكن فى النهايه وافقت على أول واحد يتقدم لها
والواحد ده كانت عارفاه بقلة تدينه لكن الشيطان قالها:

انتى هاتقدرى تهديه خديه وجربى.
وفعلا ..
اتجوزت وسافرت معاه لدولة أوروبية ؛وحملت فى 3 توأم وربنا أراد لهم الوفاة رغم
اكتمال نموهم لكن لعله تكون عبرة للأب ،إلا ان الأب صار فى طريقه كعلمانى مسلم ..
رزقت بولدين ورا بعض .عمرهم حاليا 12 و14 سنة.
أبوهم ،مش مقتنع ان يوجه ولاده للإسلام ..
لاء عاوزهم يختاروا الدين اللى عاوزينه.
الأم دي دلوأتى ولادها فى سن المراهقه ..
شكواها من
قلة الصلاة
قلة التدين
تقليدهم للوالد اللى بيشرب خمر ..




تفتكرى ايه ضريبة الإختيار الخطأ المبنى على المشاعر بس مش العقل ؟؟
الضريبة هى التعاسة الدائمة الا ان يعفو الله عنها ويختار لها الخير..

فوقى يا زهرتى ،انتى ما بتعيشيش سعادة ، لاء ده طريق الشيطان ..
طريق الشيطان بيرمى لك فيه الزهور والورود وبيقولك دى السعادة وهى فى الحقيقة نار
جهنم ..لو هاتستخملى حرها ، روحى جربى فرن صهر الحديد اللى موجود باى مصنع
للحديد ..جربى تحطى صابع واحد من صوابعك فيه عشان تعرفى أد ايه نار جهنم أشد منه
بكتير ..صح ولا انا غلطانه ؟؟



لو عاوزينى اكمل
اقرأوا الرد الجاى
عشان ا بحبش الموضوع يطول ويزهأ الناس منه ..
ويا ريت تقيموه لو عجبكم ..


تابعونى لو حبيتم >>>>>


إظهار التوقيع
توقيع : كيوت متل التوت
#2

افتراضي رد: ماما__ )*_: عاوزة أقولك حاجة بس!!!!!!!!!!! مش قادرة )*_؛

فكرتى مرة تكتشفى جسمك وبعدين فى أوضتك وقدام المرايه ***- ***- *؟؟؟؟؟


طب انتى كده غلط ولا صح وعاوزة تعرفى ايه بالظبط ؟؟
طب جسمك وشوفتيه لكن ماتسيبيش نفسك قدام المراية ..
فيه مخلوقات ربنا خلقها موجودين حوالينا انتى مش بتشوفيهم لكن هما بيشوفوكى.
تفتكرى لو قلتى دعاء خلع هدومك ولبسها ايه اللى بيحصل؟؟
اللى بيحصل انك بتحمى نفسك من عيون الجن والإنس
إنوى لما تبدأى فى خلع هدومك ولبسها انك تسمى ..
ليه ؟؟؟؟؟؟؟؟؟


لأنى عرفت ان اللى بتبص لنفسها فى المرايه كتير بتثير الجن ،
وإن فى ستات بيعملوا كده ودخل فيهم جن عشقهم ..


طب هتقولى دى خرافات !!

هأقولك: ماهى لو كانت خرافات ماكنش الجن ذُكر
فى القرآن وكمان فيه سورة باسمه ، سورة الجن ..
التزمى بدعاء خلع ملابسك ولبسها ودعاء النظر للمرايه
وبلاش تعملى حاجات وتفتكرى ان ماحدش شايفك ..
عوالم ربنا كتيرة وموجودة معانا فى كل مكان
وربنا فوق بيشوفك ومطلع عليكي ..
ماتعمليش حاجه تزعله منك لأنه بيصورك وبيحفظ صورك دى فى صحيفة أعمالك.


عـَنْ أنـَس بن ِ مالك ٍ رضيَ الله عنه أنَّ رسولَ اللهِ صلى الله عليه وسلم قال

سـَتـْرُما بـَيْنَ أعـْيـُن ِ الجـِنِّ وعـَوْرات ِ بـَني آدمَ أن يـَقـُلُ الـرَّجـُـلُ المسلمُ إذا أرادَ أنْ يـَطـْرحَ ثـِـيابـَه بـِـسْم ِ الله ِ الـَّذي لا إلـَه إلاَّ هـُوَ





حسيتى بقهرك فى مرة ورحتى شاتمه ماما او بابا
او اتعصبتي عليهم وانتى متضايقه ؟؟
طب يا ترى ايه اللى جنتيه من شتيمتك ليهم ؟؟
غيرتى من وضعهم ؟وقفتى طريقتهم ؟ طبعا لاء يا زهرتى..
لأن الغلط ممكن اوى مايكونش فيهم لاء!!
ممكن اوى يكون فيكي انتى..
جربى تسمعى كلامهم وتقولى حاضر ،
هاتلاقى السعادة بدأت تقرب منك
و مشاكلك معاهم
بدأت تذوب ..



وحتى




حتى يا زهرتى


لو هما شداد عليكي ؛ هيجى وقت وتنفصلى عنهم؛
ليه بأه مش قادرة تطيعى ربنا فيهم وتصبري؟؟




اكتر حاجة بنفتقدها فى حياتنا هى لجوؤنا لربنا ..
ياترى فكرتى مرة تلجأى لربنا وتسيبى لجوؤك للناس او لقدراتك البشرية ؟؟
فكرتى تستغفرى بجد لأنك حاسه ان ذنوبك كتيرة وبعدتى او لسه ما قربتيش من
ربنا ؟؟
فكرتى تتوضى والدنيا برد عشان نفسك تقفى قدام ربنا؟
فكرتى تقومى من نومك والناس نايمة عشان وحشك اوى ربنا؟
لو فكرتى فى كده يبأه انتى فعلا ملكتى السعادة لأك قدرتى تكونى فى معية ربنا..
معيته دي يا عدولتى يعنى
معاه
فى
كل
وقت
وكل
حين
و

بيوحشك تكلميه
وتدعيه..


تحياتى يا عدولتى.
بحبكم فى الله

رد: ماما__ )*_: عاوزة أقولك حاجة بس!!!!!!!!!!! مش قادرة )*_؛




إظهار التوقيع
توقيع : كيوت متل التوت
#3

افتراضي رد: ماما__ )*_: عاوزة أقولك حاجة بس!!!!!!!!!!! مش قادرة )*_؛

كلامك كل صح يا منوش
كل اللي قلتيه هو الواقع
يعطيك العافية
إظهار التوقيع
توقيع : عاشقة كتاب ربي
#4

افتراضي رد: ماما__ )*_: عاوزة أقولك حاجة بس!!!!!!!!!!! مش قادرة )*_؛

رد: ماما__ )*_: عاوزة أقولك حاجة بس!!!!!!!!!!! مش قادرة )*_؛
إظهار التوقيع
توقيع : عہاشہقہة الہورد


قد تكوني مهتمة بالمواضيع التالية ايضاً
الموضوع كاتب الموضوع المنتدى
قصة واقعية جديدة ماتت مازن الضحية في مجتمع لا يرحم angl lina حواديت وقصص الاطفال
ღ°·.¸.•°قصتى انا وبقلمى اناღ°·.¸.•°ا نونو حسن قصص - حكايات - روايات
حلم ماما و والدى المتوفى وجدتى المتوفيه احلام مستغانمى طلبات تفسير الاحلام
ماما بتقارني ببنت عمى!! بنوتة عسولة 654 فضفضة وحل المشاكل
عشان انا ماما.... السفيرة عزيزة فرفشة عدلات


الساعة الآن 12:29 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل