أو

الدخول بواسطة حسابك بمواقع التواصل

#1

وصفة سؤال

انا وزنى ثمانون كيلو وطولى 168 وعاوزة ر




وصفة او دايت مناسب للحمل فى الشهور الاولى


#2

افتراضي رد: سؤال

لا أعرف
أكيد تلاقي اجابة من العضوات الشطورات
#3

افتراضي رد: سؤال

حبيبتى حنه اولا الف مبروك ياقمرعلى الحمل وثانيا خلى بالك من نفسك كويس وخصوصا فالاشهلر الاولى يعنى ترتاحى كويس جدا ومتطلعيش وتنزلى السلم كتيرودى اجابه على سؤالك ويارب اكون فدتك وتقوملنا بالسلامه ان شاء الله
  • إيه هي الزيادة الطبيعية في وزن الحامل أثناء شهور الحمل؟
الحامل بتزيد كيلو كل شهر طوال فترة الحمل، أما اللي وزنها بيزيد أكتر من كيلو في الشهر؛ فده يعني إن وزنها هيزيد بمعدل 10 : 12 كيلو في التسعة أشهر؛ وده معناه إنها هتكون مريضة بالسمنة، وطفلها هيكون عنده بالتالي مشاكل في المستقبل.
  • هل الحامل ممكن تعمل ريجيم؟
مفيش حاجة اسمها الحامل تعمل ريجيم يخسسها؛ لكن لازم تاكل صح، والمقصود هنا بالريجيم إنها تنظّم أكلها..

يعني السيدة الحامل بتلجأ لطبيب الريجيم مش علشان تخس؛ لكن علشان تزيد فقط بالمقدار المسموح به من الكيلووات في فترة الحمل، من خلال تناول وجبات مكتملة العناصر الغذائية؛ لأن السمنة تؤذي الأم والجنين وتعرّضهم لمشاكل كتيرة ومخاطر هي في غنى عنها.

  • إيه هو النظام الغذائي المثالي أثناء فترة الحمل أو الرضاعة؟
ممكن الأم تتناول خمس وجبات؛ لكن طبعاً حجم الوجبة يكون أقل من الوجبة العادية، بشرط أن تحتوي الوجبة على كل العناصر الغذائية اللي ممكن نستبعدها في الريجيم العادي؛ يعني تكون بتحتوي على نشويات وسكريات وزيوت؛ لكن مع تقليل الدهون، وتزوّد من شرب اللبن ويُفضّل لو كان منزوع الدسم، وتهتم جداً بالفاكهة والخضراوات والورقيات، وخاصة أثناء فترة الرضاعة.ومع اتباع نظام غذائي صحي متوازن وممارسة تمارين رياضية خفيفة زي المشي خلال فترة الحمل، هتقدر الأم تستعيد وزنها السابق بعد الولادة مباشرة.

  • امتى الأم تبدأ ريجيم بعد الولادة؟
قبل ما تخرج من المستشفى ممكن دكتور التغذية اللي متابعها يحدد لها طبيعة الأكل اللي ممكن تمشي عليه في الأشهر الثلاثة الأولى اللي بعد الولادة..

وزي ما قلنا، لازم تاكل كل حاجة لكن بكمّيّات قليلة، وتعتمد على العصائر الفريش والسوائل بكثرة، وتهتم بأكل الجرجير والخس والبقدونس علشان تحصل على الكالسيوم، ولا تُفْرِط في السكريات بحجة الرضاعة، وتتجنب الدهون؛ لأن الأم طبيعي في هذه المرحلة بتفقد وزنها الزائد بعد الولادة، ومهم إنها تستغل هذه الفترة في العودة لوزنها السابق، مع عدم الإضرار بالعناصر الغذائية التي تصل إلى طفلها من خلال اللبن.. وممكن الأم تخسّ 4 كيلو في الشهر لو نظّمت أكلها صح ورجعت تمارس التمارين الرياضية.
#4

افتراضي رد: سؤال

انا عرفت من النت ان الرجيم فى شهور الحمل الاولى بتضعف مناعه الجسم والجسم فى المرحله دى بيحتاج للمعادن والفتامينات والبروتينات ....انت ممكن تمنعى نفسك عن اكل الكيك والبيتزا والشكولاته والحلويات الكتير بس تهتمى باكل السمك واللحوم والفاكهه والخضروات وشرب اللبن وربنا يتملك حملك على خير
#5

افتراضي رد: سؤال

ياريت حبيبتى لو عايزه تستفسرى عن اى حاجه ابعتيلى رساله على الخاص وانا تحت امرك وربنا يطمنا عليكى



الساعة الآن 06:13 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل