سلسله تنظيم وتنظيف البيت بالصور الحلقه الاولي (المطبخ)

بالتوفيق

ملحوظه مهمه جدا جدا كل الصور دي من علي النت الا القليل لان لو صورت المطبخ بتاعي هايكون افكار قليله لكن انا حبه ان الي مش تفدر تنفذ حتجه تعمل غيرها



افكار للمطابخ الضيقه
ممكن تعملوا ارفف هاتساعكم جداوممكن تشتروا تربوا وتنظموا فيه كل الخزين بتاعكوا بيبقي مفيييييييد جدا بس البرطمانات الي فيه هاتكتبوا اسم الحاجه الي فيها من فوق علشان تشوفوها
وكمان ممكن تستغلي الضرفه والباب بتعها وده بيوفر مساحه فظيعه يعني ممكن مثلا ضرفه الحلل تعلقوا ف الباب بتاع الرفايع اوادوات التوزيع وهكذا واسيبكوا مع شويه صور للمطابخ الضيقه
وبكده نكون خلصنا المطبخ الحمد لله ويااارب تكونوا بقيتوا مبسوطين منه
الموضوع يابنات تعبت فيه جدا ارجو التقيم علشان الكل يستفاد
اي واحده حابه تدخل معانا في الجروب اهلا وسهلا تقر بالسي في بتعها وتنورنا يتقريرتها اليوميه
وكمان هانحط مواعيد علشان نتشجع اكتر واكتر وطبعا لو واحده ف معاد مش ناسبها مافيش مشكله تدخل وان شاء الله تلاقي بنات كتير ردوا عليها
المواعيد 8ص او 9 بالكتير حتي ولو ندخل نصبح علي بعض
الساعه 10 ص نقول ورانا ايه وعملنا ايه
الساعه 4 م مثلا
الساعه 10 م نقول التقرير بتعنا وزي ماقلتلكم كل يوم هانغمل جزء من المطبخ
الجمعه اجااااازه
ولما المطبخ يخلص وندخل علي الحلقه الثانيه (غرفه النوم )ان شاء الله












اسيبكوا في رعااااايه الله

صباح الفل يا ريمي
أنا آسفة على التأخير بس امبارح قضيت اليوم عند بابا فمعرفتش أدخل
والنهاردة بإذن الله هعمل الشغل بتاع امبارح
وحاضر إن شاء الله هاخد نسخة من التقرير بس تكون بالليل علشان نكون خلصنا الشغل كله بإذن الله
أنا لغاية دلوقتي فتحت الشقة هويتها ولميت الغسيل
وغسلت شوية مواعين قليلة وهرجع أكمل
بس حبيت أدخل أسلم عليكي اﻷول

صباح الفل يا أحلى صحبة
امبارح رتبت التلاجة بس وملحقتش أغسلها عشان خرجت بعد العصر
النهاردة إن شاء الله أكملها
وعندي سؤال صغير
الفكرة دي عجبتني أوي

علشان نستغل اﻷرفف العالية
بس مش عارفة اسمه ايه المنظم ده
علشان يعني لما أحب اشتريه

جميل اوى تسلم ايدك

هي فكره تحفه فعلا بصي انتي وري الراجل الصوره او ممكن تعملي زي ماانا بعمل بدخل اقول عايزه منظمات للارفف بتاعه المطبخ وتشوفي كل جديد وكمان نفس الفكره اسمه منظم طاسات بس منظم الطاسات بيبقي اضيق وفي بتع الحلل زي الصوره الي بتقولي عليها والحمد لله دلوقتي ناس كتير بتبيع الحاجات دي وكمان اونلاين

صباح الفل يا بنات
اخباركم ايه
انا الحمد لله صليت الفجر وفتحت الشقة تتهوى
وفطرت وبشرب الشاي
وهلم الغسيل واحط الجديد وابدأ شغل
وهحاول إن شاء الله أنزل التقرير بدري النهاردة
علشان ميعاد الساعة عشرة ده غالبا بكون نمت
فكرة حلوة يا ريمي اني اخد الصورة
تصدقي مجتش في بالي خالص

صباح الفل يا بنات
اخباركم ايه
انا الحمد لله صليت الفجر وفتحت الشقة تتهوى
وفطرت وبشرب الشاي
وهلم الغسيل واحط الجديد وابدأ شغل
وهحاول إن شاء الله أنزل التقرير بدري النهاردة
علشان ميعاد الساعة عشرة ده غالبا بكون نمت
فكرة حلوة يا ريمي اني اخد الصورة
تصدقي مجتش في بالي خالص