أو

الدخول بواسطة حسابك بمواقع التواصل

#1

افتراضي اتعلمى ياناصحه انتى وهية ......تستحق القرأة بجد

☺السلام عليكم ورحمة الله وبركاتة☺
اتعلمى ياناصحة انتى وهى
تستحق القراءة
لكل واحده بخيله على نفسها عشان تحوش القرش عالقرش اقرى واتعلمى
كنت قاعدة أنا وحماتي في قاعدة روقان قامت حكت لي حكاية جنان
وقالت لي على رأي المثل اللي قال
(كُدِّي يا ام عباس واعمل لك القبر نحاس)





قلت يا سلام باين عليها حكاية عاوزة فنجان قهوة☕
بصى بقى يا بنت الحلال كان فيه واحدة اسمها عنايات عندها 5 أولاد وكبيرهم اسمه عباس
عايشة في فقر سنين وسنين علشان تحوش في القرشين
تقدح وتكدح وتوفر علشان راجلها يقدر
وفى يوم من الأيام دخلت عليها جارتها انعام
قالت لها يخيبك يا ام عباس مال وشك كله تراب وجلابيتك مليانه هباب ؟!
قالت لها وايه يعني يا اختي يا إنعام ده الراجل ما يهمهوش الهندام
ده حتى وعدني وقال ( كُدِّي يا ام عباس واعمل لك القبر نحاس)
قالت لها وانتي صدقتيه !! قالت أومال ده جوزي وأبو العيال
قالت لها يا عبيطة ده الراجل ما يحبش غير الست الأليطة
الحلوة والطعمة وعاملة في البيت زيطة
قالت لها أم عباس فشر ....ده جوزي غير باقي البشر
قالت لها إنعام واللي يثبت لك صدق الكلام
أم عباس قالت لها ازاي؟
قالت لها الأول جوزك فين ؟
قالت لها مسافر وهيرجع كمان يومين
قالت لها يبقى تمام نبدأ الخطة أوام في الحال
تعالي معايا ع الكوافير تصلحلك شعرك ووشك
وبعدها نطلع نشتريلك فستانين مهشتكين
ونتفق مع دكتور الحتة على باقي الخطة
عدى يومين ورجع أبو عباس لقى بيته مليان ع الآخر ناس
كله لابس سواد وستات بيسكتوا في الولاد
اتخض وقال ايه اللي حصل
قالوا أم عباس تعيش انت يا بطل
قال ازاي؟ دي كانت صحتها عال !
قالوا له اسأل دكتور الحتة يقولك جات لها سكتة ماتت فى الحال
فبكى وقال خسارتك يا أم العيال
ودخل لقى عليها الكفن وقبل ما يخرج بيها للمدفن
لقى وراه قمره منورة
بتعيط وتقول مُتي بدري يا صغيرة
قال لها إنتي مين؟ قالت له صاحبتها من سنين
قال لها يادي الهنا يادي المُنى تتجوزيني يا سكرة؟
قالت له يا راجل مراتك لسه ما طلعتش بدفنتها
قال لها مالكيش دعوة هدفنها وارجع أكمل الفرحة
فسألته سؤال : ألا قولي يا سيد الرجال؟
إنت قلت لأم عباس هعملك القبر نحاس
عملتهولها ؟؟؟؟
قال لها : اعمل لمين نحاس ده انا كنت نسيت اتجوزت ليه من الأساس
ودي ولية ما كانتش من صنف الستات كشرية وعكرة ولسانها لتات
قالت له يا لهوى بقى ده كل فيا يا اللي ما يتمرش فيك العشرة
وانا صابرة وأقول هيهنيني بكرة
قال لها ميييييين ؟!!
قالت له أنا ام عباس اللي قلت لها هعملك القبر نحاس والله لانا ضرباك بالمداس ومخلياك عبرة لكل الناس الخُساس
هنا خلصت الحكاية
قلت لحماتي تعرفي إن الراجل مهما حب الست اللي تدبر وتوفر بس
عمره ما يحبها زى مايحبها تاخد بالها من نفسها وشياكتها في كلامها ولبسها
دي طبيعة الراجل وفطرته اللي ربنا فطره عليها وده مش عيب فيه
أما فكرة الست الأصيلة مش معناه تكون على نفسها بخيلة
وتحوش القرش ع القرش على حساب اهتمامها بجمالها وصحتها
لغاية ما شعرها يبيض ويتكرمش الوش 
☺فى امان الله .اوعى تنسي التقيم☺


#2

5 98 رد: اتعلمى ياناصحه انتى وهية ......تيتحق القرأة بجد


#3

افتراضي رد: اتعلمى ياناصحه انتى وهية ......تستحق القرأة بجد

رد: اتعلمى ياناصحه انتى وهية ......تستحق القرأة بجد
إظهار التوقيع
توقيع : zozoweza
#4

افتراضي رد: اتعلمى ياناصحه انتى وهية ......تستحق القرأة بجد

مش عاجبهم حااجه عايزين كل حاجه ف نفس الوقـت ..

تسـلمـى ♥
إظهار التوقيع
توقيع : NoUr♥
#5

افتراضي رد: اتعلمى ياناصحه انتى وهية ......تستحق القرأة بجد

موضوع ررروعه بجد
عجبني جدا
تسلمي يا قمر
جاري التقيم


قد تكوني مهتمة بالمواضيع التالية ايضاً
الموضوع كاتب الموضوع المنتدى
انتى ......ايوه انتى الكلام ليكى انتى لافالانتينا منوعات x منوعات - مواضيع مختلفة
كورس انجليزى أونلاين وانتى فى بيتك مرتاحه أمــانــدا وظائف نسائية شاغرة
حملة هنغير بجد الحلقة الخامسة محبة صديقاتها الحملات الدعوية
حملة (هنغير بجد) محبة صديقاتها الحملات الدعوية
عايزة تعرفى انتى مسلمة بجد ولا لا ... تعالى دفء الجنوب المنتدي الاسلامي العام


الساعة الآن 01:45 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل