ريفيو عن تجربتى فى منتاجات الشعر

السلام عليكم يا عدولات
وحشتنى اوى وعملين ايه يارب تكونو بخير
عملتلكم ريفيو بمنتجات للشعر اللى استخدمتها وتقيمى ليها ولو عجبتكم انشالله هعمل ريفيو لمنتجاو البشره وممكن للمكياج حسب التشجيع بقه
يلا نبدا بسم الله
اولا الشامبوهات
* شامبو بانتين (20 )ج
وحش جدا معجبنيش خالص وبينشف الشعر جدا مش هجيبه تانى
تقيمى ليه [10/1 ]

*شامبو غارنيه فركتوز (15 )ج
جميل جدا جدا بينعم الشعر اوى وبينظف من غير مينشف الشعر خالص وبحس انو بيحسن الشعر بصوره عامه اكيد هجيبه تانى
تقيمى [10/9 ]

*شامبو تريسيميه بالكرياتين س (50 )ج
زباله بمعنى الكلمه وحش جدا وبينشف الشعر اوى وبيقصفه وبيخفى لمعته مكنتش مسدقه امته هيخلص اكيد مش هجيبه ابدا
تقيمى [10/0 ]

*شامبو سانسيلك (15 )ج
وحش بينشف الشعر ورخم مش هجيبه تانى
تقيمى [10/1 ]

*شامبو دوف (20 )ج
ده حبيبى وعشقى كده تحفه بحبه اوى بس مش اكتر من مرتين فى الاسبوع ممكن اجيبه تانى
تقيمى [10/9 ]

*شامبو سباركل الاخضر (15 )ج
افضل شامبو لحد دلوقتى بينعم الشعر ويطريه اوى من غير بلسم حتى وبيخليه ملمع اوى اكيد هجيبه تانى لو لقيته يعنى
تقيمى [10/10 ]

*شامبو كلير ضد القشره (9 ) الصغير
عجبنى اوى وفاجانى كمان عشان استعملتو بالصدفه مبينشفش اوى مقارنه بغيره بس معرفش بالنسبه للقشره مكنش عندى ممكن اجيبه تانى
تقيمى [10/9 ]

*شامبو هيد اند شولدرز (15 )ج
حلو للقشره بس بينشف شويه مش للاستعمال الكتير يعنى ممكن اجيبه للقشره لو بيقيت عندى يعنى هههه
تقيمى [10/8 ]

*شامبو جونسون للاطفال
بينشف الشعر اوى حتى للاطفال برضو وبيمنعش التشابك بالعكس لا يمكن استعمله ليا تانى
تقيمى [10/4 ]

ثانيا البلسم

*بلسم سانسيلك (15)ج
يعنى حلو بس مبيعالجش اضرار الشامبو بتاعو
تقيمى [10/4 ]
بلسم بانتين
حلو لو بيستعمل لوحده
تقيمى [10/5 ]

*بلسم دوف (20 )ج
جميل اوى بينعم الشعر اوى وحبيتو اكيد هجيبه تانى
تقيمى ][10/10

ثالثا بديل الزيت

*بديل زيت دوف (20 )ج
طبعا عائله دوف الكريمه دى انا بعشقها فاكيد حبيتو بيطرى الشعر وى وبيسهل التسريح خالص وقوامه خفيف اوى اكيد هجيبه تانى
تقيمى [10/10 ]

*بديل زيت بانتين (20 )ج
ده فاشل بكرهو موت تقيل اوى قوامه وبينشف زى الجيل بتاع الرجال اكيد مش هجيبه تانى
تقيمى [10/0 ]





رابعا الزيوت
*زيت الحشيش الاخضر (15 )ج
عجبنى اوى وبيتقل الشعر وبينعمه بس مشكلته بيطبع على المخدات ممكن افكر اجيبه تانى لو هبطل انام ههههه او احطه الصبح
تقيمى [10/8 ]

*زيت الحيه الاصلى (32 )ج
عجبنى برضو بس المشكله بيخلص بسرعه وسعره يعتبر غالى لو هجيبه مرتين فى الشهر فلا مش هجيبه تانى
تقيمى [10/6.5 ]

*زيت فاتيكا (6 )ج الصغير
حلو بس مبحبش ريحته وبتحسس منه بيجيلى هرش وحبوب فى فروه الراس طبعا مش هجيبه تانى
تقيمى [10/2 ]

*زيت دابر املا (7.5 )ج الصغير
نفس المشكله الريحه بشعه بالنسبالى وتحسس فروه الراس منه مش هجيبه تانى برغم ان اللى بيستعملوه مت قرايبو شعرهم مشاء الله عليه خطير طول وتقل بس مش كله زى بعض
تقيمى [10/5 ]

*زيت كازنوفا بالجرجير (26 )ج
جميل جميل جدا ومفعوله سريع برغم ان مليش كتير بستعمله انما اخواتى بيستعملوه من فتره وكلهم شعرهم اتظبط عليه وده مبيحلص بس بيقولو ان اللى بالتوم واللوز الحلو احلى فانشالله اجربه المره التانيه اجيبه هجيبه تانى
تقيمى [10/10 ]

*زيت الو ايفا بالصبار
بكره الروايح بتاعت الصبار دى فمبكملش بسبب كده
[10/4 ]

*زيت الخروع وزيت الزيتون وزيت اللوز (5 )ج للواحد من ماركه الكابتن
الثلاثى ده عجيب لو تحو اعمل موضوع مفصل عنهم قولولى بس انا بعشقهم بجد الشعر و بيختلف خالص خالص وتجربتى فيه جميله جدا
تقيمى [10/10 ]

خامسا الكريمات

* كريم بارشوت جولد (9 )ج
جميل اوى وناعم على الشعر وخفيف اكيد هجيبه تانى بس فى منه المضروب فخلو بالكم
تقيمى [10/7 ]

*كريم مينك بالبلسم (8 )ج
حلو بس بعد فتره شعرى نشف اوى مش هجيبه تانى
تقيمى [10/5 ]

* كريم مينك بالمرز (10 )ج
جميل بس تقيل شويه لو اتجبرت عليه ممكن استعمله
تقيمى [10/7 ]

كريم مينك الابيض (5 )ج
بشع وبينشف الشهر من اول استعمال لا يمكن اجربه تانى احط فى شعرى زيت اكل ولا احطه
تقيمى [10/0 ]

*كريم بالمرز الاصفر (27 )ج
كويس بس تقيل ورخم فى الشتاء وارخم فى الصيف محبتوش برغم انو بيغزى الشعر اوى
تقيمى [10/4.5 ]

* كريم فاتيكا (6 )ج
مبحبش ريحتو يا ناس فمبديلوش فرصه اتعرف عليه حتى
تقيمى [10/3.5 ]

*كريم بانسيه (5 )ج
جميل ككريم تصفيف وتلميع بس
تقيمى [10/5 ]

*كريم ماجيك (5 )ج
حلو تصفيف بس برضو فايده لا
تقيمى [10/3 ]

سادسا حمام الكريم
* فاتيكا (22 )ج
ابن حلال هنا يعنى كويس بيطرى للشعر ممكن استعملو تانى
تقيمى [10/8 ]

*حمام كريم دوف بالنخاع
خطير تحفه بس مش لقياه تانى حد يشوفهولى بطلو ينزلوه ولاايه

* دولفين
محترم مفيش منو مشاكل
تقيمى [10/7]


*هير دو
ممكن استعملو عادى
تقيمى [10/7 ]

وبس كده مش فاكره حاجه تانى عصرت دماغى على قد مقدر
وطبعا الاسعار من زمان فاكيد اختلفت وفيه مش فاكراه
واي استفسار انا فى الخدمه ولو عنكم منتجات ترشحوهالى استخدمها ياريت
ومتنسوش تجاوبونى على اختيارات الريفيوهات التانيه
ياه والله تعبت يا بناويت وصحابي عملين كده