بنتي هتكتب عني زي ماكتبت عن ماما
اول امبارح و أنا بنفض تحت السرير وقعت فى أيدى أجندة قديمة كنت بكتب فيها مذكراتي و انا في ثانوي و كليه و كدا يعني و كانت غلطة عمرى إنى فتحتها .
. لقيت نفسي كاتبه عن ماما و بقول . (( ماما مبهدله في نفسها اوي و ده مش منظر صح خالص ١٣ بيجامه و ٣ جلاليب و شبشب بصباع و طرحه مقموطة طالع منها شويه شعر ابيض و ماشيه بالسكينه في البيت و ريحه البصل و الثوم مالية الشقه .. الله يكون في عونك يا بابا انا عمري ماحعمل كدا ابدااااا لما اتجوز . ))
أخدت بعضى و الكلمتين طازه فى دماغى رحت داخله على المرايه
خير اللهم أجعله خير أييييييه ده ؟؟؟؟؟؟
ركبني هسهس الضحك وقعدت اقول ماما اهيه ماما اهيه .
. لا لا لا لا لا لا لا مش انا مش انا . معقول بنتي حتكتب عني زي ما كتبت انا عن ماما. و أكيد برضه حتكرر نفس المأساه ده واضح إنه تراث تتناقله الأجيال لا لا لا .
طب و ايه ذنب الراجل الغلبان الي في الشغل ده لا دي مكنتش طموحاتي خالص . انا لازم اتغير لازم
. مسكت الموبايل و كلمت جوزي قلتله كلمتين حلوين و اني حنزل اجيب حاجة من تحت ووديت العيال للجيران .
و قالتلى يا مدام حضرتك شايفه المنظر أنا عايزة يوميه زياده ده انتي فيكي شغل كتير قوي
. قلتلها إتكلى على الله و أدى شيك على بياض أنا مقدره يا حبيبتى .
. طب نبتدي بالشعر و بعد ما حاولت ساعه و نص تسلكه و جالها تهتك فى الأربطه بتاعه دراعها قالتلى إنتى أخر مره سرحتيه إمتى ؟؟؟؟؟
..
مرضيتش أقولها أن من يوم ماولدت بنتى و فى عقل بالى استرى عليا ربنا يستر على ولاياكى .. قالت لى بما انه مش نافع احنا نقصه لاخر حته سالكه و بعدين ماسك و حدخل معايا واحده تانيه علشان نخلصك انهارده .
. خرجت من العمليات بعد ٣ ساعات مع الاستعجال و روحت جري علي البيت و اتشيكت ورنيت علي جارتي نزلت العيال و اول مادخلو البيت بصولي و خرجوا بصوا علي رقم الشقه تاني و بصوا لبعض و بصولي تاني
و لما إتأكدوا اني مش حد غريب دخلو جري يصوروني بالموبايل ..
المهم الحمد لله كان عندي اصلا اكل كويس و البيت نظيف كدة مش ناقص حاجة .. اعمل بقى لجوزى مفاجأة و ميشوفنيش اول ما يدخل . دخلت أوضه النوم و فهمت العيال
.. فتح باب الشقة ... سلم علي العيال. ... دخل على أوضه النوم.. سٱل العيال ماما فين يا ولاد .
قالوا له ماما في البلكونه بتنشر الغسيل ... ابتدي يغير هدومه ... فتح زراير القميص .... نطيت انا قدامه حمد الله علي السلامه
. قفل القميص في سرعه البرق و ايه ده ها. !!!!!ايه ده .!!!!!مين دى يا عيال ؟؟؟؟
و راح ماساكنى من قفايا
الشكل ده مش غريب عليا قولتله أنا مراتك بص صوره الفرح وراك أهيه ... الراجل بعد ما أخد بصماتى و عملى فيش و تقفيش و أتاكد إنى مراته بقى مذهووووول
كل اللى طالع عليه أنتى عملتى كده إزاى ؟؟؟.
... و مبقاش عارف يتكلم معايا خالص حتي و احنا بناكل .. ايه يا حبيبي مالك ؟؟...لا مفيش يا روحي بس لسه ماخدتش عليكي بالمنظر الجديد ..
طب لو مش عجبك اقوم اغير و البس طرحه
.. لا ابوس ايدك بلاش شكل امنا الغوله تاني
العيال بقي بابا بابا عايزين ننزل نتفسح هو .. نعم تتفسحوا ؟؟؟
بس يابني انت و هي مفيش فسح ولا انا حروح الشغل .
اجازة يومين نتفرج قبل ما تتحول تاني. انا عارف ان الموضع ده مش حيطول . اول ما تبتدي الدراسه حتمسك الشماعه او الحزام و تضرب العمه الصعيدي علي دماغها و تتقمص شخصية اندرتيكر و ارجع انا اعيش مع اخويا بكر تاني .
و طبعا انا عارفه نفسي انا مش حستني الأجازة تخلص علشان أتحول
إظهار التوقيع
توقيع : عمر ابانا وعائشه امنا
التوقيع لا يظهر للزوار ..
رد: بنتي هتكتب عني زي ماكتبت عن ماما
إظهار التوقيع
توقيع : zozoweza
التوقيع لا يظهر للزوار ..
رد: بنتي هتكتب عني زي ماكتبت عن ماما
إظهار التوقيع
توقيع : عمر ابانا وعائشه امنا
التوقيع لا يظهر للزوار ..
رد: بنتي هتكتب عني زي ماكتبت عن ماما
إظهار التوقيع
توقيع : اسوارة الذهب
التوقيع لا يظهر للزوار ..
رد: بنتي هتكتب عني زي ماكتبت عن ماما
رد: بنتي هتكتب عني زي ماكتبت عن ماما
إظهار التوقيع
توقيع : عمر ابانا وعائشه امنا
التوقيع لا يظهر للزوار ..
رد: بنتي هتكتب عني زي ماكتبت عن ماما
إظهار التوقيع
توقيع : حسناء
التوقيع لا يظهر للزوار ..
رد: بنتي هتكتب عني زي ماكتبت عن ماما
إظهار التوقيع
توقيع : دمعة سورية
التوقيع لا يظهر للزوار ..
رد: بنتي هتكتب عني زي ماكتبت عن ماما
إظهار التوقيع
توقيع : عمر ابانا وعائشه امنا
التوقيع لا يظهر للزوار ..
رد: بنتي هتكتب عني زي ماكتبت عن ماما
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| روايتي الثانيه ...( في خطوتك .. سكتي) | عندما تعشق الشوكولاته | أقلام عدلات الذهبية | ||
| لو جوزك مزعلك مخسريش ولادك لاتتعسى نفسك كأم بتعاستك الزوجيه | عمر ابانا وعائشه امنا | الثقافة والتوجيهات الزوجية | ||
| كلمات انشودة ماماوبابااحلى اثنين،قناة كنارى | منة الله احمد | منوعات x منوعات - مواضيع مختلفة | ||
| الى يشوف بلاوى الناس بتهون عليه بلوته | مدام نونا | فضفضة وحل المشاكل | ||
| عارفة يا ماما | امل عثمان | المنتدي الادبي | ||
الساعة الآن 05:07 AM
جميع المشاركات تمثل وجهة نظر كاتبها وليس بالضرورة وجهة نظر الموقع