ازى نفرح وازى نزعل

كلام كتير حلو فعلا
الفرح باغلب الاوقات بيجي بلحظات نحنا مامنتوقعها لانو رب العالمين بحب يفرح عبادو
بس في لحظات فرح منحسن نحنا نخلقها بحياتنا لما كنت صغيرة وحب اني اتسلى وافرح كنت اطلع عالشارع والعب مع رفقاتي كتيير وحتى لماكنت روح عالمدرسة كنت انبسط وازعل بنفس الوقت لاني كنت فيق بكير هههههه بس انبسط لانو شوف رفقاتي وكان في كزا مدرسة كنت حبن كتير واستنى حصصن كل يوم وحاول قد مابقدر اعمل كل واجباتي الن مشان اسمع منن كلمة حلوة
لماكبرت بتتغير الفرحة شوي بتبعد عن الفرحة الطفولية صرت ازا بدي انبسط حاكي رفقاتي عالتلفون او اطلع انا وياهن مشوار ناكل بوظة وسندويش فلافل ومتل ماحب روح عالمدرسة لشوف رفقاتي كنت حب روح عالجامعة لشوف رفقاتي وبدون مااكرها لانو داوم على كيفي ههههه
وكنت انبسط كتير لماكنت روح عالمدرسة بايام الجامعة لاعمل كورسات بالمدارس كنت افرح لما فوت عالصف ووقف قدام الطلاب واعطيهن الدروس
لحظات الفرح كتيرة بدها كتير حكي
اما بالنسبة للحزن فهو كمان بيجي بلحظات مامنتوقعها ومابتوقع في انسان بيخلق جو الحزن لحالو او بيتمنىانو يحزن بس ازا حبيت انو احزن بحطلي شي غنية حزينة عن الام او عن الاب او عن الغربة او عن الحب او بشوف مقاطع الفيديو الي بايام الجامعة وبتذكر كيف راحت كل هالايام بلحظة وكيف كنا وكيف صرنا لما كنت بسوريا كان كلشي فيها بزعل لما اتمشى بالشوارع وشوف خراب لبيوت او شوف ناس ميتة عالارض ويمكن اكتر شي بزعل لما تشوفي جنازة شهيد طالعة من بيت وامو تركد ورا لجنازة وتبكي يمكن هالشغلات مارح انساها ابدا وحاج لانو مابدي ابكي هلا هههههه
الفرح والحزن نعمة من نعم الله وبالحالتين لازم دائما نشكر الله على كل احوالنا
ان شاءالله دائما حياتك حبيبتي وحياة كل العدولات بضل فرح
ومشكوووورة عالموضوع الحلو

معك حق رموشة انشاالله اكتر فرحة النا لما بيرجع الامان
لبلدنا الغالي وبيروح حزن الايام والغربة والحمدلله ع كل حال