أو

الدخول بواسطة حسابك بمواقع التواصل

#1

افتراضي احترت فى ابنى ومش عارفه اعمل ايه

اخواتى العدولات يمكن دى اول مره اكتبلكو فيها وانا حزينه كده وليه لأ والموضوع بيخص ابنى حبيبى وروحى اللى ماشيه عالارض حمزه 3سنين ونص فى البدايه انا عايشه فى بيت عيله وفى اطفال غيره فى البيت وللاسف الشديد ابن عمته اكبر منه بسنه من صغره بيموتو من الضرب وده خلاه معندوش ثقه فى نفسه خالص وطبعا انا مقدرش اتكلم فاصبح من العادى ان حمزه يتضرب من الولد التانى وللاسف محدش بيتدخل بشكل قوى يمنع الولد ده من ضربه فكرت ولاقيت ان الحل هو انى ادخله حضانه وبالفعل لكن المشكله ان الولد ده معاه برضه فى الحضانه ومش هينفع انقله عشان معملش مشاكل ففكرت وقلت للمدرسين هناك عالوضع وبصراحه هما اتفهمو الموضوع وساعدونى كتير وفجأه اتحول حمزه من طفل هادى ومكسور لطفل شقى جدا جدا بيقلد الولاد الوحشين وبيمد ايده عليا بالضرب وعلى اخوه كمان اصبح عنيف جدا جدا مبيسمعش كلامى خالص وبيعند معايا فى كل حاجه وانا مقابل ده بضربو كتير جدا رغم ان ده بيعذبنى جدا بس مش قادره اتحمل اشوفو قليل الادب كل ده ممكن يكون عادى بس المفاحأه ان ابنى اتغير داخل البيت بس اما خارج البيت فضل زى ماهو بيتضرب ومعندوش ثقه فى نفسه برضه انا حاولت كتير جدا اعزززززززززززز ثقته بنفسه ده انا حتى كنت بقولو اضرب الولد ده مع انى عارفه ان ده اكبر غلط بس كل مره كنت بفشل فشل زريع انا اتخنقت ومش عارفه اعمل ايه او اتعامل معاه ازاى وهو مزدوج الشخصيه كده بره البيت حاجه وجوه البيت حاجه تانيه ارجوكم قولولى اعمل معاه ايه واستحلفكم بالله تدعولى ربنا يهديه هو واخوه وفى الختام اسفه انى طولت عليكم (اللهم اهدى اولادنا اجمعين واحفظهم من كل سوء)


#2

افتراضي رد: احترت فى ابنى ومش عارفه اعمل ايه

أولاً ابنك فيه شبه كبير بأبني
عندي وليد 4 سنين كان صغير هادئ جداً لكن هلأ شقي جداً وبالبيت بس برا البيت متل ماقلتي ما يتحرك من مكانه ولو حدا ضربه يقعد يبكي
شوفي أختي أنا لقيت طريقة الكلام الجاد معاه نافعة الحمدلله يعني لما يقول كلمة وحشة أو يضرب أخوه قوليله أنا ما بحب الولد قليل الأدب أنا زعلانة منك ولما يجي يكلمك اهمليه شوية دقايق بس وقوليلو لا تكلمني أنا زعلانة ومن غير ضحك أنا وليد بيركض يبكي ويقول خلص ماما أنا حباب أنا شطور ما بقى أحكي هالكلام جربيها يمكن تنفع معاه الله يحميه بس لا تقوليله اضرب الولد ال ضربك مشان ما يتعود عالقساوة لكن حاولي تكوني جنبه وتاخديله حقه بالكلام مع الاتنين مع بعض يعني انتو قرايب أنتو أخوة لازم تحبو بعض وهيك يعني
معليش أنا طولت عليكي واسمعي رأي باقي العضوات يمكن يفيدوكي أكتر مني
إظهار التوقيع
توقيع : لؤلؤة الايمان
#3

افتراضي رد: احترت فى ابنى ومش عارفه اعمل ايه

حبيبتى الغاليه ام وليد انا فعلا بعمل كده احيانا وبخاصمه بس للاسف ده بيخليه ساعات يستجيب وساعات يعند اكتر اما بالنسبه لموضوع اقارب واخوه فاحب ابشرك ان الكلام ده مش موجود خالص اكيد لو فى حساب للاخوه دى مكنش ده بقى الحال وعالعموم هجرب معاه تانى وشكرا ليكى جدا ياغاليه
#4

افتراضي رد: احترت فى ابنى ومش عارفه اعمل ايه

حبيبتي ابنك مع اول فرصة جات له حب يجرب اللي بيتعمل فيه فهمانى يعنى زى اهو بينضر من ابن عمه حب يجرب انه هو اللي يضرب وطبعا عمل ده في الحضانه وبره البيت اللي ثقته جواه مهزوزة واكيد من جواه بيكون مبسوط وهو بيضرب علشان يعوض قلة الثقه اللي جواه ليه متزعقيش للولد اللى بيضربوه ده وتعنفي امه جامد هو في اغلى من ابنك تعملى مشكله علشانه اصل لازم حل والا الولد هيطلع عنده عقده ماتقولي لأمه تلمه عن ولادك لازم يكون لك موقف في النقطه دي وكمان قولي لجوزك علشان يكون عنده خلفيه انك سكته على ضرب ابنك بقالك فتره انا مش بحردك والله بس سعات السكوت مابيبقاش حل لازم تتكلمى مع ام الولد ده او باباه يشوفوا حل مع ابنهم يضربوه يقولوله متعملش كده تانى اي تصرف غير تسيبي ابنك تحت ايديه وربنا يهديهولك يارب
#5

افتراضي رد: احترت فى ابنى ومش عارفه اعمل ايه

ربنا معاكى يا حبيبتى
كل الولاد كدة والله حتى ولاد خالتى كدة وبردوة الضرب مش جايب نافع
خدى باسياسة او خوىفى بحاجة مثلا الولعة قولى لة انا هلسعك بيها ابن خالتى عملنة لة كدة ولودفتى بسم الله ما شاء الله ادب وقمر
ناقص التانين هما جايين فى دور
ممكن دة يكون يحسن معاملتة معاكى ومع الاخرين
إظهار التوقيع
توقيع : نونو حسن
#6

افتراضي رد: احترت فى ابنى ومش عارفه اعمل ايه

[FONT="Arial Black"][SIZE="7"][COLOR="Blue"]ربنا يهديه ياام حمزه ابعديه عن ابن عمته اللى بيضربه وفهميه ان اللى بيعنل كده ربنا هيزعل منه وحاولى توديه حضانه يبقى فيها حفظ قران ولمايرجع البيت يبقى انت واخوه وبلاش تخليه يلعب مع قرايبه وربنا يهديه ويهدى اولادى ويبقو من حفظه القران يارب
#7

افتراضي رد: احترت فى ابنى ومش عارفه اعمل ايه

الضرب لا لالا

ماتضربهوووووش

الضرب مش حل ابدا

ده بيخليه يعاند اكتر والله
تصدقوا مره ابنى بيعاندنى اوى الصغير وكنت اتفرج على برنامج سوبر نانى الاجنبى وشفتها ازاى بتعلم الوالدين يتعاملوا مع اولادهم المشاكسين وازاى كانت بتاخد العقاب على محمل الجد مع الطفل
بتخصص له كرسى او كنبهتسميها كرسى المشاغبين
واى غلط من الطفل تحكم عليه انه يقعد على كرسى المشاغبين مده ساعه اول يوم
لو غلط تانى تزيد الوقت وكده
ومهما عمل الطفل او عاند او عيط او قام عن الكرسى ترجعيه للكرسى وبحزم وتمنعيه يقوم عنه لحد ما عقابه بيخلص
صدقونى الطريقه نفعت اوى مع ابنى وصار بيخاف من العقاب ده

اما عن ابن سلفتك انتى غلطانه اوى . ليه تتركيه يضربه؟؟ انا معاكى انهم اطفال والواحد مش لازم يتدخل مابينهم بس مش يسيبهم كمان يقتلوابعض.. ابنك له حق عليكى تحميه وتدافعى عنه عشان هو كمان يستمد من قوتك ويصير قوى بس لمايشوفك تسكتى بيحسك جبانه وبيصير جبان زيك ولما يزيد جواه الالم والقهر بيجى لك انتى واخوه الضعاف وبيطلع عليكم القهر اللى جواه لانك حسستيه انك ضعيفه وماساعدتيه فهمتى ليه هو بيضربك انتى ومش بيضرب الاولاد بره؟؟؟
إظهار التوقيع
توقيع : ريموووو
#8

افتراضي رد: احترت فى ابنى ومش عارفه اعمل ايه

يعنى ياجماعه فى رأيكو انى مسكتش حتى لو ده هيتسببلى فى مشكله كبيره انتو اصلكو متعرفوش نوعية البشر اللى انا عايشه معاهم ربنا يكفيكو الشر جاوبونى ياعالم
#9

افتراضي رد: احترت فى ابنى ومش عارفه اعمل ايه

حبيبتي هيسببلك مشكله كبيره زاى علشان برضوا مش عايزين نتسبب في ازاكي منهم انا عايزه اعرف جوزك فين ليه متقوليلوش وتعرفيه ان كده انتى فاض بيكي علشان لو اتكلمتى ولو حصلت مشكله يكون عارف انك اشتكيتي اكتر من مره بس لازم يكون ليكي موقف ده ابنك ومعندكيش اعز من اولادك تدفعي عنهم بس في الأول اتكلمي بهدوء والفتي نظر ام الولد ده وياريت بالله عليكي تنقلي ابنك من الحضانه اللي هو معاه فيها يمكن حمزة يحس براحة نفسيه لو بعد عن ابن عمه ده يعني حولي من كذا ناحية ترجعي لحمزة ثقته في نفسه وتعملي حدود لموضوع ضربه ده ويهمنى اعرف رأي جوزك وخايفه اوى تردي عليا وتقوليلي اصلي مابحكيش لجوزى حاجه سعتها تبقي عملتي حساب لكل الناس الا ابنك
#10

افتراضي رد: احترت فى ابنى ومش عارفه اعمل ايه

حبيبتي خلي بالك على نفسك علشان برضوا انتى حامل ربنا يقومك بالسلامه يارب ويصلح لك الأحوال يارب
#11

افتراضي رد: احترت فى ابنى ومش عارفه اعمل ايه

حبيبتى مرموره/انا بجد مبسوطه جدا من كلامك ده انتى مش بس هتخلينى ارجع لحمزه ثقته بنفسه انتى كمان خليتينى افتكر حاجه كنت نسيتها او تناسيتها من زمان وهى ثقتى بنفسى انا كمان تصدقينى لو قلتلك ان انا فعلا مستغربه انا باقيه على الناس دى ليه وهما مع اول فرصه لابيبقو عليا ولا بيعملولى خاطر اصلا اما عن جوزى فأكيد هتستغربى انه اصلا عارف كل حاجه وكل اللى بيقدر يقولو ان دى مواضيع اطفال وستات هو ميقدرش يتدخل فيها بس خلاص من هنا وجاى ان شاء الله انا مش هسكت على حق ابنى تانى وهعمل اى حاجه اللى بيها انه مشوفهوش مكسور تانى حتى لو ولعت الدنيا كلها فى بعضها باللى فيها لانى اتكلمت كتير جدا بالحسنى وبرضو مفيش فايده بس بقى كده عايزه اطلب منك طلب نفسى انا وانتى نبقى اصدقاء لو موافقه ضيفينى عندك لو مش حابه والله مش هزعل وشكرا كتير ليكى ولكل اللى شاركونى فى موضوعى

#12

افتراضي رد: احترت فى ابنى ومش عارفه اعمل ايه

حبيبتى لام تحطرد: احترت فى ابنى ومش عارفه اعمل ايهى جوزك فى الصورة وتعرفية بالراحة انك لما تتكلم معاهم مش هيزعلو منك لكن كلمى انا معاهم ممكن يخلق مشاكل اقترحى علية حكاية (قوليلو متيجى ناخد اختك وابنها معانا وتخرجو فى اى مكان تلعب الاولاد فية مع بعض ونحاول نقربهم ونحببهم من بعض يعنى نصالحهم دة بعد طبعا مهو يكلم مع اختة لوحدهم ويفهمها وتبقى بداية جديدة بين ابنك وابن عمتة ان شاء اللة تجيب نتيجة لانها حصلت معايا قبل كدة لما كان اولادى صغيرين وربنا معاكى حبيبتى
إظهار التوقيع
توقيع : كيمة محمد احمد
#13

افتراضي رد: احترت فى ابنى ومش عارفه اعمل ايه

حبيبتى كيمه /اللى انتى بتقوليه ده كلام جميل جدا بس ده يحصل مع ناس عندها استعداد للتفاهم او ناس كويسه من الاخر اما الناس دول بجد معندهمش اى استعداد انهم يتقبلو منى اى حاجه وكل اللى انا بقولو بالنسبه لهم بيعتبروه عداوه دول بيضحو بيا مع اول اشاره وبعدين لو كانو كويسين مكنوش نصرو ابن بنتهم على ابن ابنهم طب اقولك على حاجه تستغربيلها جدا حماتى لما كانت بنتها تزعق للابنها فى الاول كانت تقولها متزعقيش لعيل عشان عيل فهميه بالراحه منتظره من دول ايه تانى
#14

افتراضي رد: احترت فى ابنى ومش عارفه اعمل ايه

علشان كدة بقولك تحطى جوك فى الموضوع وانتى تفهمية بينك وبينة وتخوفية على ابنة وانة ممكن تبقة عندة عقدة نفسية وانة ممكن يبقة شخص غير سوى فى انفعالاتة لما يكبر يعنى تكبرى الكلام فى مخة وهو الى يتفاهم مع اختة او امة وتقوليلة انت الىبتحمينا وانت راجلنا ودة ابك الكبير يعنى راجل البيت وانت غايب ترضالة يبقى معندوش ثقة فى نفسة ويبقى متردد فى قرارات حياتة وهو شاب لان دة هياثر علية وربنا معاكى
إظهار التوقيع
توقيع : كيمة محمد احمد
#15

افتراضي رد: احترت فى ابنى ومش عارفه اعمل ايه


المشاركة الأصلية كتبت بواسطة ام حمزه وعمر
حبيبتى مرموره/انا بجد مبسوطه جدا من كلامك ده انتى مش بس هتخلينى ارجع لحمزه ثقته بنفسه انتى كمان خليتينى افتكر حاجه كنت نسيتها او تناسيتها من زمان وهى ثقتى بنفسى انا كمان تصدقينى لو قلتلك ان انا فعلا مستغربه انا باقيه على الناس دى ليه وهما مع اول فرصه لابيبقو عليا ولا بيعملولى خاطر اصلا اما عن جوزى فأكيد هتستغربى انه اصلا عارف كل حاجه وكل اللى بيقدر يقولو ان دى مواضيع اطفال وستات هو ميقدرش يتدخل فيها بس خلاص من هنا وجاى ان شاء الله انا مش هسكت على حق ابنى تانى وهعمل اى حاجه اللى بيها انه مشوفهوش مكسور تانى حتى لو ولعت الدنيا كلها فى بعضها باللى فيها لانى اتكلمت كتير جدا بالحسنى وبرضو مفيش فايده بس بقى كده عايزه اطلب منك طلب نفسى انا وانتى نبقى اصدقاء لو موافقه ضيفينى عندك لو مش حابه والله مش هزعل وشكرا كتير ليكى ولكل اللى شاركونى فى موضوعى
طبعا يشرفنى نكون اصدقاء وبرضوا نتكلم احسن على الخاص علشان نكون برحتنا لو في تفاصيل انا بعتلك طلب الصداقه ياقمر مستنايكي اعملى موافقه علشان اضاف عندك علشان لسه عايزين نتكلم في انتظارك
#16

افتراضي رد: احترت فى ابنى ومش عارفه اعمل ايه

القسوه ليست حل لانه حاسس بالظ-لم و مش لاقي نفسه ولذلك يجب عليك ان تميزييه بان تبحثي له عن هوايه مثل الرسم الرياضه الخ وابدئئ بالعلاج عن طريق القصص وتنميه شخصيته عن طريق ابطال القصص وكيفيه حلهم لمشاكلهم بنفسهم بالحكمه والصبر بمعني انك تشغلي وقته وتفكيره
#17

افتراضي رد: احترت فى ابنى ومش عارفه اعمل ايه

الاطفال كلهم كدة
#18

افتراضي رد: احترت فى ابنى ومش عارفه اعمل ايه

حلوة فكرة قرأة القصص دي لحمزه برضوا ولعمر اعطيهم مثل اعلى من خلال ابطال القصص نمي فيهم الرجوله والحب بالطريقه دي وربي يخليهملك يارب ويهديهم ويحفظهم
#19

افتراضي رد: احترت فى ابنى ومش عارفه اعمل ايه

هرجع واقولكو هحاول تانى وربنا ييسر الحال
#20

افتراضي رد: احترت فى ابنى ومش عارفه اعمل ايه

اختى اتمنى من الله ان يهدهولك بس الكيد انك ما تضربش الولد وياريت تنمى موهبتة فى اى حاجة هو بيحبها وتحاولى تكونى انتى ايجابية فى انك تعرفية باسلوب هادى ان زى ما هو بيضيق ان هذا الشخص بيضربه انه هو كمان لم بيضرب الناس بتضايق منه ومن اسلوبه المش كويس ويارب يهدهولك ويهدى اولادنا جميعا
#21

افتراضي رد: احترت فى ابنى ومش عارفه اعمل ايه

يارب يحفظهولك وتشوفيه احسن ولد يا رووح قلبي
ابني لسه ست شهور معنديش خبره
يارب حد يفيدك
إظهار التوقيع
توقيع : دلوعة هوبا حبيبي
#22

2131 1168499165 رد: احترت فى ابنى ومش عارفه اعمل ايه

بصى انتى اتكلمى مع والده وقوليله وبرده قولى لعمته وكلمى الولد التانى وقوليله ان ابنك حمزة اخوه واصغر منه ومتضربهوش وربنا يهديهم وميحصلش مشاكل بينك وبينهم


قد تكوني مهتمة بالمواضيع التالية ايضاً
الموضوع كاتب الموضوع المنتدى
والآن قصة>>مين قال اللي فات مات؟؟<< للكاتبة رفيف الخميسي yasmen ali قصص - حكايات - روايات
بجد مش عارفه اعمل ايه وعمالة اعيط gamila ali فضفضة وحل المشاكل
محـــــتاجه مساعدتكم اعمل ايه مع ماما؟؟؟ بسكوته بالشوكولا فضفضة وحل المشاكل
مش عارفه اعمل ايه والله تعبت عبير مصطفى فضفضة وحل المشاكل
خلااااااااااص هتجنن والله ومش عارفه اعمل ايه؟ دودي كول استشارات عدلات الطبيه


الساعة الآن 11:57 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل