نجمة جنا
كان يامكان نجمه فوق بعيده فى السما ،جميله ولكن حزينه ، تنظرحواليها وتبكى
وتقول: انا همشى من هنا انا ماليش مكان هنا .
وفجأه تسمع صوت بينادى ويقول : يانجمه ياجميله استنى رايحه فين ؟
تبص النجمه حواليها وتقول : مين بينادى عليا انا مش شايفه حد هنا !
تسمع الصوت ينادى ويقول : انا
جنا بصى تحت انا هنا على الأرض وافقه فى البلكونه .
تبص النجمه كويس وتقول : ايوا شوفتك
ياجنا ،
ايوا
ياجنا بتنادى ليه عايزه حاجه منى ؟
جنا قالت : ايوا ، مش عايزاكى تمشى ، هتمشى ليه ؟
ردت النجمه وقالت : علشان ماليش مكان هنا ماحدش محتاجنى ، وماحدش بئا محتاج النجوم خلاص .
استغربت
جنا وقالت : ازاى ؟ ليه بتقولى كدا ؟
قالت النجمه : بصى حواليكى
ياجنا شايفه البيوت كلها
مشغله الانوار ، شايفه البيت اللى جنبك مشغل كل انوار الشقه بالرغم ان انا شايفاهم
قاعدين فى اوضه واحده ،طيب شايفه المحل اللى تحت البيت شايفه كمية الأنوار اللى
مشغلها ، هيشوفونى ازاى كدا ، ولا هنور الارض ازاى كدا ، خلاص البشر مش محتاجين للنجوم خلاص .
حست
جنا اد ايه النجمه حزينه فقالت لها : ازاى بتقولى كدا
احنا محتاجين النجوم هقولك حكايه
فى مره كنا مسافرين بالليل وحوالينا الصحرا فى كل مكان ومافيش اى انوار عارفه مين
كان بينور الطربق علشان نشوف النجوم الكتير اللى فى السما ، عارفه اد ايه كان منظر
السما جميل ورائع لدرجة اننا نزلنا من العربيه وفضلنا واقفين نشوف جمال السما ، طيب تمشى ازاى بئا !
ولما النور بيقطع مين بينور الشوارع والبيوت مش انتى ! طيبب تمشى ازاى بئا !
وبعدين بصى عندى هنا انا مافيش نور شغال ، كل الانوار مقفوله ، وكل يوم بالليل بقف
فى البلكونه اشوفك واشوف جمالك وانتى مزينه السما ، انتى جميله اوى ، وضيك بينور
عندى شوفى ازاى بلكونتى منوره بضيك ، تمشى ازاى بئا ، انا بحبك يانجمه يامنوره فى السما .
ضحكت النجمه وقالت : انا مبسوطه
ياجنا ، مبسوطه ان فى
حد لسه بيشوف ضوئى وبيحب يشوفنى وحاسس بأهميتى .
قالت
جنا : طبعا يانجمه ، فى ناس كتيره عارفين اهميتك
وبيحبوكى زى تمام ، واوعدك ان انا كمان هقول لكل اصحابى يطفوا كل الانوار اللى
مش بيحتاجوها علشان ضيك يبان فى كل مكان .
ضحكت النجمه وقالت : شكرا
ياجنا فكره جميله .
قالت
جنا : ممكن نكون أصحاب وكل يوم بالليل نتكلم سوا
ونحكى سوا ، وماتمشيش من هنا .
قالت النجمه : خلاص
ياجنا مش همشى من هنا وهنكون
أصحاب ونحكى سوا حكايات كتيره ،
ضحكت
جنا وفرحت
جنا
وقالت النجمه : انا من النهارده اسمى نجمة
جنا .
منقول للامانه