أو

الدخول بواسطة حسابك بمواقع التواصل

#1

افتراضي ادونى رايكم فى المسرحيه دى

ازيكم يا جماعه انا عيزين نعمل مسرحيه فى عيد الام بس تكون مختلف مش على الام عشان فى مصرحيات كتير هتتعمل عن الام فا لقيت دى ممكن تدونى رايكم فيا

مسرحيه مدرسه الابلسه
الشخصيات ** ثلاث شياطين (ولدين+بنت) ؟مدرس ؟ ولد (البطل) ؟ معلق
[تبدأ المسرحيه مع مراعاه ان المسرحيه مقسوم الي نصفين ان امكن]
المعلق – [يتمشي بين الحضور ويجري الحوار الاتي معهم]....اهلا ياجماعه ...
النهارده هانشوف مسرحيه جميله جدا....لكن انا عايز اسال سؤال في الاول....
مين بيروح مدرسه؟! ....هايل ....قوم انت ....اسمك ايه؟....بتروح مدرسه ايه؟!...وانت اسمك ايه بتروح مدرسه ايه؟!...انا كمان لما كنت صغير كنت باروح المدرسه علشان اتعلم...النهارده هانتفرج علي مدرسه غريبه خالص ...[يتلفت حوله]...غريبه علشان اللي بيحضروا ناس مش زينا ...[يتلفت حوله في رعب ]...دول...دول...شياطين[بصوت منخفض] تعالوا بينا نشوف الشياطين بيتعلموا ايه في مدرسه الابالسه الابتدائيه الاعداديه الثانويه المشتركه ....هشش...[يخرج]
[[يضاء نصف المسرح الذي يمثل فصل ث بمدرسه الابالسه]]
[يدخل الشيطان الاول ذكاوه]
ذكاوه:يااه هانرجع للصحيان بدرى والقرف تانى.دى باين عليها سنة نيلة.ابونا ابليس يحفظنا ....على العموم اعرفكم بنفسي .... انا اسمي ذكاوه....وده لاني اذكي شيطان في مدرسه الابالسه

ودايما اطلع الاول علي الفصل ....احنا هنا في الفصل 3اصحاب ...انا...وبنت دلع و اسمها دلع ....وولد شيطان ابن شيطان ....عفريت اسمه مشاكل [يسمع صوت فرقعه ]يااه كنا افتكرنا شلن [يدخل مشاكل
مشاكل:ازيك يا ذكاوه
كاوه :ايه يابنى صوت الفرقعة دي.انت مش هاتبطل.
مشاكل:ابدا مافيش حاجه—شوفت القلم الجديد اللي اشتريته [قلم من اقلام المقالب اللي بيفرقع ]
ذكاوه:[يسحب القلم فيفرقع ويضحك عليه مشاكل ]احنا هانبدا علي الصبح ...
مشاكل:معلش...معلش.اوعى اوعى وسع للصاروخ اللى جاى دة.....
ذكاوة:يصفر....
[تدخل دلع ممسكه شنطه ولابسه آخر روشنه وتمشي بدلع ورقه وتتعامل معاهم بقرف وتعالي

  • دلع:هااي ياابالسه
    مشاكل:ياصباح الورد...ياصباح الجمال ... يادلوعه الاباليس كلهم .
    دلع:مرسي [تجلس وتخرج المرآه وتعدل من تسريحه شعرها ]
    [يدخل الاستاذ شر مندفعا متسرعا مستعجلا ]
    الاستاذ:ياللا يا ابليس منك ليه...كل واحد يقعد مكانه ...مافيش وقت...التيرم قرب يخلص ...واحنا لسه ماخلصناش المنهج...حد يديني قلم علشان ناخد الغياب ....[مشاكل يعمل فيه المقلب ويصفق الجميع ويضحكون علي الاستاذ]...
    بقي كده طيب ابقوا قابلوني لو نجحتوا [ينادي علي الغياب مع مراعاه ان دلع ترد بyes ....]
    الاستاذ:الحصه دي حصه تاريخ ....ودي حصه مهمه لان فيها هانعرف تاريخ اجدادنا واجداد اجدادنا ....
    مشاكل:يااستاذ شر-يااستاذ شر – عندي سؤال.
    الاستاذ:اتفضل..

  • مشاكل:هو صحيح الابالسه كان اصلهم قرود [دلع وذكاوه يضحكون علي جهله ويتريقوا عليه ]
     الاستاذ:اقعد يامشاكل وبلاش الاسئله الغيبيه دي...لو صبرت كنت عرفت ان الشياطين اساسا ملايكه ....لكن لما جدنا ابليس العظيم...
     [يقف الفصل كله ويحييوا ابليس العظيم قائلين "يعيش ابونا ابليس العظيم 3]
     خلاص ....خلاص....اقعدوا....برافوا يا ابالسة هو دة الولاء بصحيح... لما جدنا ابليس العظيم
    [يقف مشاكل لوحده ويقول "يعيش ابونا ابليس...."فيقاطعه الاستاذ]
    الاستاذ:خلاص ياخويا....انت ماتصدق....لما جدنا فكر انه يبقي زي الله....الله طرده من السماء...ومن ساعتها
  • .ومن ساعتها واحنا عايشين لوحدنا(الشياطين بيقولون "ووووه" ) ماحدش بيحبنا (ووووه) ولاحد بيسأل فينا (مشاكل ينفجر في البكاء)...ايه يابني فيه ايه؟!
     مشاكل:موسيقي تصويريه يااستاذ
    الاستاذ:امتي السنه تخلص عشان اخلص منك....المهم....ان عدونا الله كان بيحب الانسان اكتر من أي حاجه تانيه....علشان كده....جدنا ابليس العظيم قعد يفكر ويخطط...لغايه لما قدر يوقع آدم وحواء في الخطيه....
     دلع:يامستر....يامستر....

  • الاستاذ:[يقلدها] ايوه ياانسه دلع ....
     دلع:الحكايه دي قديمه ...دادي جابها لي فيديو...ممكن تحكيلنا قصه جديده...
     الاستاذ:[بغيظ]آنسه دلع....ممكن تقعدي مكانك وما اسمعش صوتك لاخر الحصه.
     دلعادونى رايكم فى المسرحيه دىk , as you lik
     الاستاذ:[يقسم السبوره نصفين ويكتب وهو يشرح ]...ومن ساعتها العالم انتقسم نصفين....ناس بتتبع عدونا الله وتسمع كلامه...اسمهم المؤمنين [الشياطين تصفر وتقول ىىىىى]....وناس تانيه بتتبع جدنا ابليس العظيم ونسمع كلامه[الشياطين تصفق وتقول هييييييه....]

  • ذكاوه:يبقي لازم نحاول نجيب الناس اللي بيتعبوا عدونا الله ونخليهم يتعبوا جدنا ابليس العظيم .
    الاستاذ:برافو ياذكاوه...انت بتفكر صح ...لكن حد يقولي....ازاي؟!
    مشاكل:استاذ...استاذ
    الاستاذ:[بشير له ليجاوب فيكرر الكلام]
    مشاكل :ازاي؟!
    الاستاذ:[بنرفزه]مش تقول ازاي...قول...ازاي؟!
    مشاكل:[يقلد الاستاذ] ازاي؟!

  • لاستاذ:يابني حرام عليك ....جبيت لي الضغط والسكر والملح والفلفل اقعد [يزعق فيه]
    بصوا يابالسه....علشان نتعلم ازاي نخللي الناس تتبع جدنا ابليس العظيم هانطلع النهارده رحله.

    [يهللوا –هيه...هيه...رحله....رحله].
    مشاكل:أيه الحلاوة دى.من اول يوم فى الدراسة نطلع رحلة...استاذ...ممكن اروح اجيب الكوره بتاعتي علشان الرحلة وكدة يعنى.
    دلع:وانا كمان يامستر ...لازم اغير فورمه شعري علشان الرحله....
    ذكاوه:وانا مش معايا سندوتشات تكفيني.
    الاستاذ:بس كفايه كلام....احنا رايحيين نلعب ولا ايه؟!....احنا رايحيين نتعلم.
    ذكاوة ومشاكلادونى رايكم فى المسرحيه دىبكاء شديد)حرام عليك يا استاذ....

  • الاستاذ:ايه يابنى فى ايه...
    احنا هانروح رحله للارض....لان فيه ولد هناك اسمه عادل....الولد ده بيكدب ويحلف ويشتم وكمان روشي بتاع بنات....يعني واد مخلص بيلعب بالخطيه لعب ....لكن من كام اسبوع ابتدي يروح مدارس الاحد....ولو استمر علي كده....يبقي في يوم من الايام هايبقي تبع عدونا الله....واحنا لايمكن نسكت علي كده [يرد الشياطين "ايوه"]
    علشان كده كل واحد فيكم....هايفكر في طريقه علشان نبعده عن عدونا الله....واللى هاينجح....هاياخد10 من 10 ....موافقين [موافقين ]....
    مسعدين [مستعدين]....الي الارض....
    الاستاذ:- طب ياللا بينا نقول الشعار بتاعنا
    يصرخ الجميع بطريقه هيستريه (يعيش ابليس العظيم )
    ((اغنيــــه)).........


  • القرار:
    (شياطين)3 في كل مكان وكل زمان
    (شياطين) 3 ومش هانسيبك يا انسان
    1-انا هالغبط عقله ومخه وانا هاملي قلبه نجاسه
    وانا اللي هاقضي عليه بمشاكل تملي عنيه
    مش ممكن يهرب من ايدينا الانسان
    شياطين
    2-مهما حاول يهرب مني هاجيبه ده اللي عاوزه عندي
    ونحط ايدينا عليه ولا قوه تأثر فيه
    مش ممكن يهرب من ايدينا الانسان
    شياطين
    [تخفت الاضاءه الي ان تنطفيء ]
  • [يضاء النصف الثاني من المسرح وفيه يقف عادل منتظرا صديقه ميشو (الشيطان مشاكل) ليذهب معه الي مدارس
    عادل:انا مش عارف ميشو اتاخر ليه؟!....كده هانتأخر علي مدارس الاحد....ده عيل غلس غلاسه....وعليه غباء....ماحصلش....ويقولولنا في مدارس الاحد....حبوا بعضكم بعض.....طيب انا مش قادر احبه....مش باطيقه....[يدخل مشاكل]
    ميشو:اهلا ياعادل....اتاخرت عليك؟!
    عادل:ايه يابني....انا لي ساعه واقف مستنيك....وستين مره اقولك.....انا باحب اروح مدارس الاحد بدري
    ميشو:ايه يا عم اللون الغامق دة.مش لما استحميت....وكويت....وحطيت جل....ولا انت عايز تبقي روش لوحدك....
    عادل:يووووه...طيب ياللا علشان مانتاخرش على مدارس
    ميشو:استنى...استنى.خد تعالى ما تسيبك من مدارس الأحد انهاردة وتعالى نحكى شوية.انا عايذك فى موضوع مهم.
    عادل:لا..لا بعد مدارس الأحد نحكى ذى ماحنا عايذيين.
    ميشو:ايه دة هو انا ماقلتلكش
    عادل:ايه فى ايه؟


  • ميشو:مش انهاردة ماتش الأهلى والزمالك
    عادل:يا راجل
    ميشو:يااااه...دة زمانه ابتدى..بص تعالى معايا نتفرج عليه فى البيت
    عادل:رأيك كدة.....طب و مدارس
    ميشو:يا عم مدارس الأحد كل اسبوع..لكن الماتش مايتعوضش.
    عادل:بس انا وعدت المدرسين انى مش هاغيب.
    ميشو:ايوة صحيح..مش انت عندك امتحان بكرة
    عادل:ايوة بس دة امتحان اى كلام.
    ميشو:فى حاجة اسمها اى كلام.بصراحة انت لازم تروح تذاكر.
    عادل:هو انت مش عايذنى اروح مدارس ليه.
    ميشو:انا..لا..لا ابدا انا بس باقول ان فى حاجات اهم.وعلى العموم انت حر.
    عادل:انا رايح مدارس هاتيجى معايا ولا

  • ميشو:لا يا عم روح انت انا بصراحة ورايا حاجات مهمة اوى انهاردة.....سلام
    الاستاذ:هاتاخد صفر يامشاكل....لانك ماقدرتش تقنعه انه مايروحش مدارس[مشاكل يتراجع في خوف من العصايا]
    مشاكل:[وهو يبكي]طيب انا اعمل ايه يااستاذ....مش ذنبي....اناباضحك علي اولاد وبنات كتير بنفس الطريقه...
    الاستاذ—لكن طريقتك دي فشلت مع عادل....علشان كده لازم نجرب معاه حاجه تانيه....جاهزه يادلع
    Ready
    الاستاذ—طيب go ياختي....ورينا هاتعملي ايه؟!
    [يخرج الاستاذ ومشاكل وذكاوه وتجلس دلع علي كرسي ثم يدخل عادل ويجلس علي الكرسي المجاور ]
    عادل:باين على جيت بدرى مدارس ا..ايه دة ومين اللى قاعدة هناك دى.
    مساء الخير
    ديدي:هاي

  • عادل:[يكلم نفسه]البنت دي اول مره اشوفها في مدارس
    [دلع تخرج المرآء وتنظر فيها]
    انا اسمي عادل.....
    ديدي:عادي [مع مراعاه نطق د-تش ]....وانا اسمي ديدي
    عادل:انا اول مره اشوفك في مدارس
    ديدي:عادل.....انا جديده....وجايلك محصوص
    عادل:[باستغراب]نعم
    ديدي:قصدي جايه مدارس مخصوص علشان اتعلم
    عادل:آآه.....وانا كمان.....
    ديدي:انا باحب مدارس قوي
    عادل:وانا كمان....
    ديدي:انا معايا موبايل
    عادل:وانا كمان
    ديدي:عندي كلنغمات الاغاني الجديده النار....نار طحن
    عادل :وانا كمان
    ديدي:وعندي ماسيجات....اوف تجنن
    عادل:انا كمان
    ديدي:ايه دة انت علقت كل حاجة وانا كمان..وانا كمان
    عادل:اصل بصراحه ....انت روشه طحن
    ديدي:مرسي....عادي[د-تش].....دي مجامله ولااعجاب
    عادل:ممكن اخد رقم الموبايل [يتلفت حوله لانه شاعر انه بيعمل حاجه غلط]
    ديدي:آآه ....عادي....ولو عايز عنوان البيت كمان ....برضه عادي...
    عادل:ولو حبيت اكلمك فى التليفون....اتكلم امتي
    ديدي:فى اى وقت...عادى.....هاتلاقي موجوده دايما


  • عادل:نا رايح الفصل بتاعي .....تيجي اوريلك فصلك فين.....
    ديدي:آآه....عادي.....ياريت.....ا� �فضل
    عادل:فرصه سعيده اني اتعرفت عليكي.....
    ديدي:لا....ما انا اللي سعيده [د-تشي].....سعيده قوي.....[يخرجون وتخفت الاضاءه قليلا مع موسيقي مؤثره ثم يدخل عادل مره اخري عائدا من مدارس وهو يفكر في الدرس الخلاصي الذى سمعه في الفصل ]

    عادل:يكلم نفسه في نفس اللحظ التي يدخل فيها ذكاوه من خلفه)اآآه..
    الكلام اللي سمعته في الفصل النهارده خلاني اكتشفت.....اني ولد وحش قوي...باشتم واكدب واحلف وافكاري وحشه.....لكن.....لكن الاخ قال اني ممكن اتغير ....ايوه ممكن اتغير ....لو صليت لربنا وقلت له يسامحني....
    ذكاوه—[يقترب من من الحلف ويحدثه بصوت منخفض ]وانت تصدق انه يسامحك....
    عادل:ايوه....ومااصدقش ليه؟!


  • ذكاوه:بقي معقوله بعد كل الخطايا اللي عملتها...يسامحك بالبساطه دي....
    انت نسيت انت عملت ايه....فاكر لما اتخانقت مع اخوك.....وضربته وشتمته....مش دي خطيه؟.....فاكر لما سرقت الفلوس من بيتكم....مش دي برضه خطيه؟...فاكر لما شهدت شهاده زور علي زميلك في الفصل واترفد بسببك....مش دي خطيه؟...والبنت ديدي اللي اخدت رقم تليفونها النهارده....تحب اقولك انت كنت بتفكر في ايه وفاكر اني ماحدش يعرف....
    عادل:بس....كفايه....اسكت.....انت معاك حق.....واحد عمل الحاجات دي كلها مش ممكن ربنا يسامحه [ذكاوه يتمشي بفخر وباقي الشياطين تصفق له ويشجعوه من طرف المسرح ]
    يجلس عادل علي كرسي منتصف المسرح ثم يدخل الاستاذ شر ]

  • الاستاذ:برافو ياذكاوه.....برافو يادلع....هو ده اللي المفروض يعملوه كل الشياطين.....مع أي ولد او بنت يفكروا....انهم يبقوا تبع عدونا الله....لازم يفكروه بكل حاجه عملها في حياته
    عادل:مش معقوله هافضل طول عمري وحش....انا عايز ابقي ولد كويس
    مشاكل:الحق يااستاذ شر....عادل لسه بيفكر....
    الاستاذ—يبقي لازم اتدخل بنفسي.....[يبتعد ذكاوه ويقف بجوار زملائه]
    عادل:[يكلم نفسه]انا عايز ابقي مختلف
    الاستاذ:وماله...ماهي دي الموضه....لازم تبقي مختلف....يعني....هاتبطل تسمع الاغاني؟!
    الاستاذ:وهاتسيب الشله اللي انت بتمشي معاها....
    عادل:واصحابي كمان!

  • الاستاذ:وكل شويه تلاقي الاخوه بيقولولك ده خلط.....وده صح....اعمل ده....وماتعملش ده....بذمتك ده.....بذمتك هي دي العيشه اللي انت عايزها ؟!
    عادل:لا....انا عايز....اعمل اللي انا عايزه.....وفي أي وقت.....انا عايز ابقي حر.....
    الاستاذ:عايز تبقي حر يبقي لازم تستمرذي ماانت .انت مايشي ذي الفل وبتحضر مدارس .وبتعمل اللي انت عايزه برضه
    عال:ايوه صح....صح...../بس الكلام اللي بأسمعه في مدارس عن الابديه والدينونه واذاي ربنا بيحبي وعمل كل حاجه علشاني.....لامش ممكن اسيبه واعيش لنفسي
    الاستاذ:مين قال انك هاتسميه انت هاتفضل تروح مدارس علشان ربنا ما يزعلش منك .لكن تفضل برضه مع اصحابك اللي بيحبوك ومع الاغاني اللي مش ممكن تستغني عنها دي حاجه ودي حاجه
    عادل :ايوه صحيح كده انا باعمل اللي يرضي ربنا بأروح مدارس. وباحفظ ايات كثيره والاساتذه مبسوطين مني هااعمل اييه تاني
    انا لازم اعيش لنفسي بقي شويه .لازم
    ويسقط عادل في منتصف المسرح والثلاثه ابالسه يلفوا حواليه ةالاستاذ شر يكلم الناس






  • ةالاستاذ شر يكلم الناس
    ماهو انا مش ممكن اسيبه يفلت من ايدي ولا واحد منكم انتوا كمان هايفلت من ايدي لانكم بتوعي انا . ملكي انا . كل الحاجات اللي بتحبوها انا اللي باجيها لكم....هاهاها....وانتوا دايما اللي علطول ب
    بتحتاجولي..هاهاها....سلام ياحبايبي....واكيد هاجيلكم تاني....هاهاها

  • ويقوم عادل ويقول لا انا هتحثن ومش هخلى شيطان ولا ابلسه تاثر عليه
    ويجتمعو طلاب المسرحيه ويقلو واحنا كمان مش هنخلى اى شيطان بعد كده يضحك علينه
    ويظلم المسرح).....
    انتهت المسرحيه
  • بليس ادونى رايكم



إظهار التوقيع
توقيع : ميمى دودو
#2

افتراضي رد: ادونى رايكم فى المسرحيه دى

حسب رأيي يااقمر انو مسرحية طويله كتير اكتر من لازم شوفي مسرحيه قصيره وفيهاا فاائده اكتر

إظهار التوقيع
توقيع : نٌےـجَےـوِى ٱلجَےـزٱئريّےـة31
#3

افتراضي رد: ادونى رايكم فى المسرحيه دى

جيدة
اظن لازم تغيري جملة (يعيش ابليس العظيم) لانه دنيء و ليس عظيم حتى في المسرحيات
إظهار التوقيع
توقيع : إشرآقـــة أمل
#4

افتراضي رد: ادونى رايكم فى المسرحيه دى


المشاركة الأصلية كتبت بواسطة هذه أنا
جيدة
اظن لازم تغيري جملة (يعيش ابليس العظيم) لانه دنيء و ليس عظيم حتى في المسرحيات
خلاص قرارنه انا واصحابى نعمل مسرحيه عن الام وخلاص ايه رايك فيها

تبدأالمسرحيه علي محمد وامه يدخلان الي الصاله " المسرح "

محمد : يلا عاوزة حاجه انا ماشي بقي
الام : رايح فين يا محمد في الوقت المتأخر ده الساعه عدت 1بالليل
محمد : نعم هو انا عيل صغير هتقوليلي رايح فين انا حر يا ستي الام : هو انا علشان خايفه عليك ابقي بقولك انتا عيل
محمد : عاوزة ايه حالا انا هخرج ومش كل شويه تفضلي تقوليلي الكلام ده
الام : يبني اسمعني انا خايفه علي مصلحتك

محمد : يعني هو انا مش عارف مصلحتي يعني انا اهبل ولا ايه افضلي انتي كل شويه ضايقيني بكلامك ده خنقتيني يا شيخه
انا ماشي
الام : يبني بس استني محمد.. محمد " يخرج محمد مسرعا وهو في قمه الغضب "وتبكي الامعلي ابنها ثم تقول :-
الام : يارب احفظهولي وخلي بالك منه يارب متحاسبهوش علي اللي هو بيعملوا معايا . يارب السكينه سرقاه يارب انا
نفسي بس اشوفه منتبه في حياته ودروسه علشان يكبر ويبقي حد كويس ويتجوز واشوف ولاده نفسي يارب يروح
الجامع يارب خليك معاه يارب واحفظه ليا من كل شر" ثم تبدأ في الصلاه
نقرتين لعرض الصورة في صفحة مستقلة



المشهد التاني يبدأ علي مجموعه اصدقاءيجلسون مع بعض يتبادلون اطراف الحوار يلقون علي بعض الدعابات ثم يرن هاتف احدهم وهومحمد


محمد : ألو
الام : ايوة يا محمد انتا فين يا حبيبي ؟
محمد : طب ثواني كده " ثواني يا جماعه وجاي" ثم يعاود الحديث في التليفون
محمد : إيه عاوزة ايه ؟
الام : انتا فين يا محمد إتاخرت ليه يابني بقالك اسبوع برا البيت ومش عارفه انتا فين ؟
محمد : هو أنا عيل صغير علشان كل شويه تتصلي بيا كده
الام : هو انا علشان بطمن عليك تبقي عيل صغير
محمد : بس لما تفضلي كل شويه تفضلي تزني علي دماغي كده وانتا فين بتعمل ايه اتاخرت ليه كده مبقاش عيل صغير علي
فكره بجد انا اتخنقت من تصرفاتك دي وبردو قبل ما انزل عملتي نفس الحكايه بقولك ايه اقفلي انا مش جاي وهرجع
بمزاجي
ويغلق الهاتف فجاهثم يعود الي اصحابه

محمد : ايه يا جماعه كنا بنقول ايه ؟
سيد : ايه يبني صوتك كان عالي ليه كده ومين ده اللي انتا مخنوق منه كده
محمد : امي يا عم كل شويه انتا رايح فين وخارج ليه والمزاكره لحد ما زهقت بجد يا جماعه انا عاوز اسيبلها البيت وامشي
هاني : يعني لو مشيت من البيت هتروح فين ؟
محمد : علي رايك .. يا سلام لو هي اصلا مكنتش موجوده يا اااااااااسلام ؟ لو تختفي من حياتي هبقي في قمه السعاده

ثم يبدأ صديقه إبراهيم في البكاء
يتكلم محمد ويساله
محمد : ايه يبني فيه ايه بتعيط ليه هى نقصه ؟
إبراهيم : في الوقت اللي انتا فيه بتعمل في امك الكلام ده ونفسك امك متبقاش موجوده اصلا .... انا بس بتمني اشوفها ولو مرة
واحده نفسي بس اشوفها واقولها اسف علي اي حاجه انا عملتها زعلتك مني فيها
محمد : يا إبراهيم أنتا حاجه وأنا حاجه
ابراهيم : انا امي ماتت وانا صغير ماتت في الوقت اللي كنت نفسي فيه تحضني وتضمني بايديها زي بقيت الاطفال
وانا صغير كنت بشوف اصحابي معاهم امهم ماسكين في ايديهم والحنيه في عنيهم لو اي حد فيهم حصلوا حاجه امه
كانت بتقوم تجري عليه وانا اتحرمت من كل ده مكنش عندي ام تحضني وتخاف عليا حتي لما كبرت وكبرت مشاكلي
معايا كنت دايما ببقي نفسي ام تبقي موجوده جنبي أحكيلها مشاكلي وهي تسمعني ولما اكون تعبان من مشاكل الدنيا
علي الاخر اترمي في حضنها وافضل ابكي وهي تطبطب عليا بحنيه وتواسيني وتحاول تنصحني اعمل ايه
هاني : خلاص يا إبراهيم هو انتا يعني كنت عملت حاجه تزعلها منك
ابراهيم : لا ده انا حتي ملحقتش اشوفها وانا كبير علشان اشوف حنانها زي كل الامهات عارفين كان نفسي في ايه ؟
سيد : ايه يا ابراهيم ؟ا
ابراهيم : عيد الام اهه كمان كام يوم كان نفسي اجيب ليها هديه واقولها كل سنه وانتي طيبه وابوس ايديها واقولها شكرا يا
ماما علي حنانك ليا وشكرا علي كل حياتك اللي كنتي عايشاها علشاني .. ياااه ياحبيتي يا امي نفسي اشوفك ولو
لحظه بس... وحشاني اوي ياامي " يترمي في حضن سيد"
سيد : خلاص يا ابراهيم ما تعملش يبني كده انتا اي نعم عشت من غير ام لكن كان أبوك هو امك معوضك وحافظاك من كل
شر وحاضنك دايما بحنانه
محمد : ياااه قد يا سيد حسستني اني اعمي قد ايه يا سيد انا كنت غلطان في كل حاجه بعملها يعني انتا حاس بده كله وطول

عمرك كان نفسك يبقي ليك ام تخاف عليك وتحضنك وانا عملت ده في امي في الوقت اللي فيه انتا كان نفسك تحضن
امك انا كنت بزعق معاها وفي الوقت اللي كان نفسك تبوس ايديها كنت انا بخليها تبكي عليا وبسيبها بالايام لوحدها
كانت دايما بتنصحني وانا كنت ببعد عنها لما كنت ببقي تعبان ومريض كانت بتسهر جنبي تبكي وتدعي علشاني ان
ربنا يشفيني كنت بستغرب اوي وانا صغير علي عياطها علشاني لكن حالا بس عرفت قد ايه هي كانت بتحبني يا
حبيبتي يا امي يا حبيبتي قد ايه كنت تايه ومش شايف كل الحنان ده منك انا فعلا ناكر للجميل
هاني : ازاي بس احنا مش بنحس بكل الحنان ده من الام الا بعد فوات الاوان وبعد ما بنكون جرحناهم كتير اوي
سيد : وليه فات الاوان ليه لسا الوقت قدامك قوم يا محمد وروح ليها في البيت واعتذر ليها علي اللي انتا عملته ده
ابراهيم : قوم محمد صدقني كل حاجه في الدنيا دي ممكن تكون مزيفه الا حنان الام بجد مش بيكون علشان مصلحه وعلشان
هما عاوزين حاجه بس بجد بيكون حنان بدون مقابل يلابينا
المشهد التالت في البيت عند محمد"
يدخل محمد وامه مش في البيت

محمد : يا ماما انتي فين ماما ... اكيد زعلت مني وسابت البيت
ابراهيم : يعني كان لازم تزعق معاها
محمد : انا غلطان يا امي ( و يبكى محمد ) يا تري رحتي فين بس.. يارب علي قد دعاها ليك علشان ابقي انا حد كويس وعلي قد حنيتها عليا رجعها ليا يارب صدقني انا هبقي انسان كويس وهصلي وهروح الجامع ومش هزعلها مني تاني ابدا بس ترجع تاني




"" وفجه تدخلالاممن الباب
الام : محمد انتا جيت يا امى ؟ " مقبلا يد امه ويقول "
محمد : ماما انتي كنتي فين انا افتكرتك زعلتي مني وسبت البيت
الام : لا يا حبيبي انا عمري ما ازعل منك ابدا ده انتا ضنايا
محمد : ياااه حنينه اوي يا امي قلبك حنين اوي عليا وانا مكنتش شايف ولا واخد بالي من كل الحنيه دي
الام : يبني انا بس عايشه لمين الا علشانك انتا .. انتا ابن بطني ومليش حد غيرك
محمد : سامحيني يا امي علي كل حاجه عملتها في حقك غلط النهارده او امبارح او اي يوم اي غلطه انا غلطتها فيكي
سامحيني انا عارف ان انا مستهلش انك تسامحيني لكن بردو عارف ان قلبك كبير حنانك يكفي العالم كله بلاش
تزعلي من وارضي عليا في الوقت اللي انتي كنت خايفه عليا انا كنت بقابل ده بكل قسوه مني
الام : مسامحاك يبني راضيه عليك طول عمري بس لازم ربنا كمان يرضي عليك صليله علشان يقبل توبتك
محمد : حاضر يا ماما هصلي وهروح الجامع ياريت تقبلي مني الهديه البسيطه دي بمناسبه عيد الأم
الام : شكراً يا حبيبي تعيش وتجيبلي بس يبني انا كل اللي كنت بترجاه من الدنيا اني اشوفك ماشي في طريق ربنا وعارف
طريق الخير فين وتكون سعيد في حياتك . انا دعيت ربنا انه يحفظك ويرجعك ليا واديه اهه نفذ وعده معايا شكرا ليك


يارب انك رجعتلي ابني وعرفته طريقك
محمد : يا امي دول اصحابي وهما اللي رجعوني ليكي وعرفوني قد ايه انا كنت غلطان
الام : تعالوا يا ولاد كلنا نصلي وندعي ربنا
شكرا ليك يارب انك رجعت محمد ابنيليا وكنت معاه لحظه بلحظه حاميه من كل شر. يارب خليه معاك علي طول
وخليك جنبه وكمان اصحابه خليهم جنبك ونورلهم طريق الخير ابعد عنهم طريق الشر وأهديهم
إظهار التوقيع
توقيع : ميمى دودو
#5

افتراضي رد: ادونى رايكم فى المسرحيه دى


المشاركة الأصلية كتبت بواسطة ميمى دودو
خلاص قرارنه انا واصحابى نعمل مسرحيه عن الام وخلاص ايه رايك فيها

تبدأالمسرحيه علي محمد وامه يدخلان الي الصاله " المسرح "

محمد : يلا عاوزة حاجه انا ماشي بقي
الام : رايح فين يا محمد في الوقت المتأخر ده الساعه عدت 1بالليل
محمد : نعم هو انا عيل صغير هتقوليلي رايح فين انا حر يا ستي الام : هو انا علشان خايفه عليك ابقي بقولك انتا عيل
محمد : عاوزة ايه حالا انا هخرج ومش كل شويه تفضلي تقوليلي الكلام ده
الام : يبني اسمعني انا خايفه علي مصلحتك

محمد : يعني هو انا مش عارف مصلحتي يعني انا اهبل ولا ايه افضلي انتي كل شويه ضايقيني بكلامك ده خنقتيني يا شيخه
انا ماشي
الام : يبني بس استني محمد.. محمد " يخرج محمد مسرعا وهو في قمه الغضب "وتبكي الامعلي ابنها ثم تقول :-
الام : يارب احفظهولي وخلي بالك منه يارب متحاسبهوش علي اللي هو بيعملوا معايا . يارب السكينه سرقاه يارب انا
نفسي بس اشوفه منتبه في حياته ودروسه علشان يكبر ويبقي حد كويس ويتجوز واشوف ولاده نفسي يارب يروح
الجامع يارب خليك معاه يارب واحفظه ليا من كل شر" ثم تبدأ في الصلاه
نقرتين لعرض الصورة في صفحة مستقلة



المشهد التاني يبدأ علي مجموعه اصدقاءيجلسون مع بعض يتبادلون اطراف الحوار يلقون علي بعض الدعابات ثم يرن هاتف احدهم وهومحمد


محمد : ألو
الام : ايوة يا محمد انتا فين يا حبيبي ؟
محمد : طب ثواني كده " ثواني يا جماعه وجاي" ثم يعاود الحديث في التليفون
محمد : إيه عاوزة ايه ؟
الام : انتا فين يا محمد إتاخرت ليه يابني بقالك اسبوع برا البيت ومش عارفه انتا فين ؟
محمد : هو أنا عيل صغير علشان كل شويه تتصلي بيا كده
الام : هو انا علشان بطمن عليك تبقي عيل صغير
محمد : بس لما تفضلي كل شويه تفضلي تزني علي دماغي كده وانتا فين بتعمل ايه اتاخرت ليه كده مبقاش عيل صغير علي
فكره بجد انا اتخنقت من تصرفاتك دي وبردو قبل ما انزل عملتي نفس الحكايه بقولك ايه اقفلي انا مش جاي وهرجع
بمزاجي
ويغلق الهاتف فجاهثم يعود الي اصحابه

محمد : ايه يا جماعه كنا بنقول ايه ؟
سيد : ايه يبني صوتك كان عالي ليه كده ومين ده اللي انتا مخنوق منه كده
محمد : امي يا عم كل شويه انتا رايح فين وخارج ليه والمزاكره لحد ما زهقت بجد يا جماعه انا عاوز اسيبلها البيت وامشي
هاني : يعني لو مشيت من البيت هتروح فين ؟
محمد : علي رايك .. يا سلام لو هي اصلا مكنتش موجوده يا اااااااااسلام ؟ لو تختفي من حياتي هبقي في قمه السعاده

ثم يبدأ صديقه إبراهيم في البكاء
يتكلم محمد ويساله
محمد : ايه يبني فيه ايه بتعيط ليه هى نقصه ؟
إبراهيم : في الوقت اللي انتا فيه بتعمل في امك الكلام ده ونفسك امك متبقاش موجوده اصلا .... انا بس بتمني اشوفها ولو مرة
واحده نفسي بس اشوفها واقولها اسف علي اي حاجه انا عملتها زعلتك مني فيها
محمد : يا إبراهيم أنتا حاجه وأنا حاجه
ابراهيم : انا امي ماتت وانا صغير ماتت في الوقت اللي كنت نفسي فيه تحضني وتضمني بايديها زي بقيت الاطفال
وانا صغير كنت بشوف اصحابي معاهم امهم ماسكين في ايديهم والحنيه في عنيهم لو اي حد فيهم حصلوا حاجه امه
كانت بتقوم تجري عليه وانا اتحرمت من كل ده مكنش عندي ام تحضني وتخاف عليا حتي لما كبرت وكبرت مشاكلي
معايا كنت دايما ببقي نفسي ام تبقي موجوده جنبي أحكيلها مشاكلي وهي تسمعني ولما اكون تعبان من مشاكل الدنيا
علي الاخر اترمي في حضنها وافضل ابكي وهي تطبطب عليا بحنيه وتواسيني وتحاول تنصحني اعمل ايه
هاني : خلاص يا إبراهيم هو انتا يعني كنت عملت حاجه تزعلها منك
ابراهيم : لا ده انا حتي ملحقتش اشوفها وانا كبير علشان اشوف حنانها زي كل الامهات عارفين كان نفسي في ايه ؟
سيد : ايه يا ابراهيم ؟ا
ابراهيم : عيد الام اهه كمان كام يوم كان نفسي اجيب ليها هديه واقولها كل سنه وانتي طيبه وابوس ايديها واقولها شكرا يا
ماما علي حنانك ليا وشكرا علي كل حياتك اللي كنتي عايشاها علشاني .. ياااه ياحبيتي يا امي نفسي اشوفك ولو
لحظه بس... وحشاني اوي ياامي " يترمي في حضن سيد"
سيد : خلاص يا ابراهيم ما تعملش يبني كده انتا اي نعم عشت من غير ام لكن كان أبوك هو امك معوضك وحافظاك من كل
شر وحاضنك دايما بحنانه
محمد : ياااه قد يا سيد حسستني اني اعمي قد ايه يا سيد انا كنت غلطان في كل حاجه بعملها يعني انتا حاس بده كله وطول

عمرك كان نفسك يبقي ليك ام تخاف عليك وتحضنك وانا عملت ده في امي في الوقت اللي فيه انتا كان نفسك تحضن
امك انا كنت بزعق معاها وفي الوقت اللي كان نفسك تبوس ايديها كنت انا بخليها تبكي عليا وبسيبها بالايام لوحدها
كانت دايما بتنصحني وانا كنت ببعد عنها لما كنت ببقي تعبان ومريض كانت بتسهر جنبي تبكي وتدعي علشاني ان
ربنا يشفيني كنت بستغرب اوي وانا صغير علي عياطها علشاني لكن حالا بس عرفت قد ايه هي كانت بتحبني يا
حبيبتي يا امي يا حبيبتي قد ايه كنت تايه ومش شايف كل الحنان ده منك انا فعلا ناكر للجميل
هاني : ازاي بس احنا مش بنحس بكل الحنان ده من الام الا بعد فوات الاوان وبعد ما بنكون جرحناهم كتير اوي
سيد : وليه فات الاوان ليه لسا الوقت قدامك قوم يا محمد وروح ليها في البيت واعتذر ليها علي اللي انتا عملته ده
ابراهيم : قوم محمد صدقني كل حاجه في الدنيا دي ممكن تكون مزيفه الا حنان الام بجد مش بيكون علشان مصلحه وعلشان
هما عاوزين حاجه بس بجد بيكون حنان بدون مقابل يلابينا
المشهد التالت في البيت عند محمد"
يدخل محمد وامه مش في البيت

محمد : يا ماما انتي فين ماما ... اكيد زعلت مني وسابت البيت
ابراهيم : يعني كان لازم تزعق معاها
محمد : انا غلطان يا امي ( و يبكى محمد ) يا تري رحتي فين بس.. يارب علي قد دعاها ليك علشان ابقي انا حد كويس وعلي قد حنيتها عليا رجعها ليا يارب صدقني انا هبقي انسان كويس وهصلي وهروح الجامع ومش هزعلها مني تاني ابدا بس ترجع تاني




"" وفجه تدخلالاممن الباب
الام : محمد انتا جيت يا امى ؟ " مقبلا يد امه ويقول "
محمد : ماما انتي كنتي فين انا افتكرتك زعلتي مني وسبت البيت
الام : لا يا حبيبي انا عمري ما ازعل منك ابدا ده انتا ضنايا
محمد : ياااه حنينه اوي يا امي قلبك حنين اوي عليا وانا مكنتش شايف ولا واخد بالي من كل الحنيه دي
الام : يبني انا بس عايشه لمين الا علشانك انتا .. انتا ابن بطني ومليش حد غيرك
محمد : سامحيني يا امي علي كل حاجه عملتها في حقك غلط النهارده او امبارح او اي يوم اي غلطه انا غلطتها فيكي
سامحيني انا عارف ان انا مستهلش انك تسامحيني لكن بردو عارف ان قلبك كبير حنانك يكفي العالم كله بلاش
تزعلي من وارضي عليا في الوقت اللي انتي كنت خايفه عليا انا كنت بقابل ده بكل قسوه مني
الام : مسامحاك يبني راضيه عليك طول عمري بس لازم ربنا كمان يرضي عليك صليله علشان يقبل توبتك
محمد : حاضر يا ماما هصلي وهروح الجامع ياريت تقبلي مني الهديه البسيطه دي بمناسبه عيد الأم
الام : شكراً يا حبيبي تعيش وتجيبلي بس يبني انا كل اللي كنت بترجاه من الدنيا اني اشوفك ماشي في طريق ربنا وعارف
طريق الخير فين وتكون سعيد في حياتك . انا دعيت ربنا انه يحفظك ويرجعك ليا واديه اهه نفذ وعده معايا شكرا ليك


يارب انك رجعتلي ابني وعرفته طريقك
محمد : يا امي دول اصحابي وهما اللي رجعوني ليكي وعرفوني قد ايه انا كنت غلطان
الام : تعالوا يا ولاد كلنا نصلي وندعي ربنا
شكرا ليك يارب انك رجعت محمد ابنيليا وكنت معاه لحظه بلحظه حاميه من كل شر. يارب خليه معاك علي طول
وخليك جنبه وكمان اصحابه خليهم جنبك ونورلهم طريق الخير ابعد عنهم طريق الشر وأهديهم


مسرحية في قمة الروعــــةة و فيهآ عبرة جميلــــةة جدآ
و الأسلـوب معبر كمان
و مناسبة جدا لعيد الأم

إظهار التوقيع
توقيع : إشرآقـــة أمل
#6

افتراضي رد: ادونى رايكم فى المسرحيه دى

حلووووو كتيييير
موفقة


قد تكوني مهتمة بالمواضيع التالية ايضاً
الموضوع كاتب الموضوع المنتدى
كولكشن ادوات مطبخ مختلفة ادوات مطبخ جديدة رايكم ايه يا عدولات ندى ام ادوات واجهزة منزلية
ايه رايكم في الفرش للجديد لشقتي أعطوني رايكم رودينة الارشيف والمواضيع المكررة
يلا يا عدولات تعالوا شوفوا فستان فرحي وقولو رايكم زقزقية مزقزقة فساتين زفاف وخطوبة 2022
اعطونى رايكم يا جماعة ام رؤى منوعات x منوعات - مواضيع مختلفة
ابي رايكم لو يبي يرجعني 'طيبها فضفضة وحل المشاكل


الساعة الآن 08:37 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل