لكل شعر بينشف بسرعه

بسم الله الرحمن الرحيم


ياجماعه نصيحه لكل واحده عماله تغرف من الشامبو كانها بتعمل ساندوتش جبنه
كفاااايه شامبو

تجربتي مع غسل الشعر بدون شامبو

اولا انا شعري كان من النوع الجاف والدهني كمان
لكن الحمد لله بعد ممشيت علي روتين معين بدون شامبو
شعري بدأ يرجع رطب
عشان مطولش عليكو

1- حاولي تستخدمي الزيوت اللي من عند العطار مش المصنعه انا بستعمل زيت جوز الهند

2-باليل قبل متنامي سرحي شعرك ياريت بالمشط مش الفرشاه

3- حطي من الزيت بتاعك كويس وادهني شعرك كويس من الجذور اهم حاجه





4-لفي شعرك كحكه ونامي بيه كده

5- متستغربوش من الخطوه دي
اغسلي شعرك بصابونه المواعين بتاعه زمان السودا لو مفيش تبقي البني لو مفيش يبقي اي صابونه
لو مفيش اعمل ايه هقطع نفسي يعني

6- بعد متغسلي شعرك نشفيه كويس جدا وسرحيه من غير زيت
سيبيه يتهوي شويه وينتعش
لو شعرك هاش اول مره عادي لانه لسه مطلعش منه الدهون اللي فيه

كرري الموضوع ده والله شعرك وحده وحده هيرجع لطبيعته حت لو مش حاطه زيت
(مجربه)
اما بخصوص اللي كانت بتستخدم شامبو ضد القشره فأنا هجيبلك وصفات للشعر للتخلص من القشره بصوره طبيعيه

مع السلامه