نصائح للسيدات فى صلاة التراويح
سيدة فاضلة تقدم نصائح لمن يصلوا التراويح في المسجد
دمها خفيف وفيها نصائح صادقة وصحيحة وكل عام وانتم بخير٠٠٠
اسمعوا ياحبايبي
ﺍﻟﺴﺘﺎﺕ ﻭﺍﻟﺒﻨﺎﺕ
ﺍﻟﻠﻲ ﺭﺍﻳﺤﻴﻦ ﻳﺼﻠﻮﺍ ﺍﻟﺘﺮﺍﻭﻳﺢ
ﻓﻲ ﺭﻣﻀﺎﻥ ﺍﻟﻘﺎﺩﻡ
ﺇﻥ ﺷﺎﺀ ﺍﻟﻠﻪ
بلاش ﻋﻠﺒﺔ ﺍﻟﻜﻴﻚ ﻭﺻينية ﺍﻟﻜﻨﺎﻓﺔ
ﻭﺗﺮﻣﺲ ﺍﻟﺸﺎﻱ ﻣﺶ ﻻﺯﻡ ﺗﺎﻛﻠﻮﺍ ﺑﻴﻦ ﺍﻟﺼﻠﻮﺍﺕ ﻛﻠﻮﺍ ﻟﻤﺎ ﺗﺮﻭﺣﻮﺍ .
(ﻋﺎﺭﻓﻴﻦ ﺇﻧﻚ ست بيت )
ﺑﻨﺘﻚ ﺍﻟﺼﻐﻴﺮﺓ ﻓﺮﺣﺎﻧﻪ ﺑﺼﻮﺗﻬﺎ
ﺯﻱ ﺃﺻﺎﻟﺔ ﻭﻣﺎﺟﺪﺓ ﺍﻟﺮﻭﻣﻲ
ﻭﺑﺘﻐﻨﻲ ﻓﻲ ﺍﻟﻤﺴﺠﺪ ﻭﺗﻨﻂ ﻋﻠﻰ ﺭﺍﺱ ﺍﻟﺒﻨﺎﺕ ﻭﺍﻧﺖ ﺑﺘﺼﻠﻲ
ﻭ ﺇﺑﻨﻚ ﺍﻟﻠﻲ ﺑﻴﺴﻨﻦ ﺳﺨﻦ ﻭ ﺑﻴﺼﺮﺥ ﺍﻟﻈﺎﻫﺮ ﺳﻨﺎﻧﻪ ﺑﺘﺎﻛﻠﻪ ﻭﺍﻟﻨﺎﺱ ﻣﺶ ﺑﻴﺴﻤﻌﻮﺍ ﺍﻹﻣﺎﻡ .
(ﺍﺗﻔﻘﻲ ﻣﻊ ﺟﺎﺭﺗﻚ ﺍﻧﺖ ﺗﺼﻠﻲ ﻓﻲ ﺍﻟﻤﺴﺠﺪ ﻳﻮﻡ ﻭﻫﻲ ﻳﻮﻡ ﻭﺍﻗﻌﺪﻭﺍ ﺑﺎﻟﻮﻻﺩ ﻭﺍﺭﺣﻤﻮنا)
ﻣﺎﻓﻴﺶ ﺣﺎﺟﻪ ﺇﺳﻤﻬﺎ ﻣﺤﺠﻮﺯ ﻣﺎ ﺗﺤﻄﻴﺶ ﺍﻟﺸﻨﻄﺔ ﺟﻨﺒﻚ ﻭﺗﺒﺮﻗﻲ ﻟﻠﺒﻨﺎﺕ ﻭﺗﻘﻮﻟﻲ ﻣﺤﺠﻮﺯ ﻭ تستني ﺟﺎﺭﺗﻚ ﻋﻠﻰ ﺑﺎﻝ ﻣﺎ ﺗﺨﻠﺺ ﺍﻟﻤﻮﺍﻋﻴﻦ ﻭﺗﻴﺠﻲ
( ﺍﻟﻤﺴﺠﺪ ﻣﺶ ﺃﻭﺗﻮﺑﻴﺲ . )
ﺑﺎﻟﻨﺴﺒﺔ ﻟﻠﻐﻠﺒﺎﻧﻪ ﺍﻟﻠﻲ ﺟﻨﺒﻚ
ﻣﺶ ﻻﺯﻡ ﺻﺒﺎﻋﻚ رجلك ﺍﻟﺼﻐﻴﺮ ﻳﻠﺰﻕ ﻓﻲ ﺻﺒﺎﻋﻬﺎ ﻟﻮ ﺑﻌﻴﺪﻩ ﻭﺑﻄﻠﻲ ﺗﺰﻏﺰﻏﻴﻬﺎ .
( ﻣﺶ ﺣﺎ ﺗﺴﺘﺤﻤﻠﻲ ﻭﺣﺎ ﺗﻘﻌﻲ ﻓﻲ ﺍﻵﺧﺮ)
ﻣﺎ ﺗﻄﻠﻌﻴﺶ ﺗﺠﺮﻱ ﺑﻌﺪ ﺍﻟصلاة ﻋﻠﺸﺎﻥ ﺗﻠﺤﻘﻲ ﺍﻟﻤﺴﻠﺴﻞ ﻣﻦ ﺃﻭﻝ ﺍﻟﻤﻘﺪﻣﺔ ﻭﺗﺘﻔﺮﺟﻲ ﻋﻠﻰ ﺍﻟﺮﻗﺎﺻﺔ .
( ﻓﺎﻳﺪﺗﻪ ﺇﻳﻪ ﻣﺮﻭاحك ﺍﻟﻤﺴﺠﺪ)
بلاﺵ ﺗﻠﺒﺴﻲ ﺍﻟﻌﺒﺎﻳﺔ ﺍﻟﻠﻲ ﺑﺘﻠﻤﻊ
ﻭﺗﺒﺮﻕ ﺑﺎﻟﺘﺮﺗﺮ ﻭﺍﻟﺨﺮﺯ..ﻷﻧﻬﺎ ﺑﺘﻨﻮﺭ ﻓﻲ ﺍﻟﻀﻠﻤﺔ ﻭﺍﻟﻨﺎﺱ ﺑﺘﺘﺨﺾ .
( ﺩﻩ ﻣﺶ ﻟﻮﻟﻮﻟﻮﻟﻴﻴﻴﻴﻲ ﻓﺮﺡ )
ﺑﻼﺵ ﺗﻨﺰﻟﻲ ﺗﺼﻠﻲ ﺑﺎﻹﺳﺪﺍﻝ ﺑﺘﺎﻉ ﺍﻟﺒﻴﺖ.. ﻗﻤﺎﺷﻪ ﺧﻔﻴﻒ ﻭﺑﻴﺒﻴﻦ ﺍﻟﺠﺴﻢ
إﻟﺒﺴﻲ ﺃﺣﺴﻦ ﻋﺒﺎﻳﺔ ﻋﻨﺪﻙ
(ﺍﻧﺖ ﻣﺶ ﻃﺎﻟﻌﺔ ﺗﻨﺸﺮﻱ ﻓﻲ ﺍﻟﺒﻠﻜﻮﻧﺔ ﻳﺎ ﺷﻠﺒﻴﺔ )
ﺑﻄﻠﻲ ﺗﺒﺤﻠﻘﻲ ﻓﻲ ﺍﻟﺒﻨﺎﺕ ﻭﺗﺪﻭﺭﻱ ﻹﺑﻨﻚ ﻋﻠﻰ ﻋﺮﻭﺳﺔ ﻭﺗﻨﺎﺩﻱ ﻋﻠﻴﻬﻢ ﺑﺼﻮﺕ ﻋﺎﻟﻲ .
( ﺑﺼﻲ ﻣﻦ ﺗﺤﺖ ل تحت ﻭﺃﻭﺻﻴﻚ ﺑﺎﻟﺒﻨﺎﺕ ﺍﻟﻬﺎﺩﻳﺔ ﺍﻟﻠﻲ ﻣﺶ ﺣﺎﻃﻴﻦ ﻣﻜﻴﺎﺝ ﻭﺑﻴﻘﻌﺪﻭﺍ ﻭﺭﺍ)
ﺟﺎﺭﻛﻢ ﺃﺑﻮ ﺃﻳﻤﻦ ﻋﺮﻑ ﻛﻞ ﺣﺎﺟﻪ ﻷﻧﻪ ﺳﻤﻌﻚ ﻓﻲ ﺍﻟﻤﺴﺠﺪ ﻣﻦ ﻭﺭﺍ ﺍﻟﺴﺘﺎﺭﺓ ﻭﺍﻧﺖ ﺑﺘﺤﻜﻲ ﻟﺼﺎﺣﺒﺘﻚ ﻋﻠﻰ ﻣﻘﺎﺩﻳﺮ ﺍﻟﻜﻨﺎﻓﺔ ﺑﺎﻟﻘﺸﻄﺔ ﻭﺍﻟﻤﻜﺴﺮﺍﺕ
( ﺣﺎ ﻳﻘﻮﻝ ﻟﻤﺮﺍﺗﻪ ﻭﺣﺎﺗﻌﺮﻑ ﺳﺮ ﺍﻟﻤﻬﻨﺔ ﻭﻃﻲ ﺻﻮﺗﻚ)
بلاﺵ ﻳﺎ ﺑﻨﺎﺕ ﺍﻟﻜﻌﺐ ﺍﻟﻌﺎﻟﻲ
ﻷﻧﻪ ﻣﻠﻔﺖ ﻭﺑﻴﻌﻤﻞ ﺣﺎﺟﺎﺕ ﻭﺣﺸﺔ .
( ﺗﺮﻳﻚ ﺗﺮﺍﻙ ﺗﺮﻳﻚ ﺗﺮﺍﻙ ﻗﺪﺍﻡ ﺍﻟﻤﺴﺠﺪ ﻭﺍﻹﺧﻮﺓ ﻭﺍﻗﻔﻴﻦ ﺣﺎ ﻳﺒﺼﻮﺍ ﻏﺼﺐ ﻋﻨﻬﻢ ﻭﻳﺘﻔﺮﺟﻮﺍ )
ﺭﻭﺝ ﻭﻛﺤﻞ ﻭﺃﺣﻤﺮ ﺧﺪﻭﺩ ﻭﺍﻧﺖ ﺭﺍﻳﺤﻪ ﺗﺼﻠﻲ ..ﻟﻴﻪ !
(ﻳﺎ ﺭﺏ ﺍﻹﻣﺎﻡ ﻳﺨﺸﻊ ﻓﻲ ﺍﻟﺪﻋﺎﺀ ﻭﺗﻌﻴﻄﻲ ﻭﺍﻟﻜﺤﻞ ﻳﺴﻴﺢ )
ﺍﻟﺒﺎﺭﻓﺎﻥ بلاﺵ ﻣﻨﻪ
ﻭﻋﻠﻰ ﻓﻜﺮﺓ ﻣﺎ ﻓﻴﺶ ﻭﺍﺣﺪ ﺣﺎ ﻳﺸﻤﻪ ﻳﻘﻮﻡ ﻳﺤﺒﻚ ﻓﺠﺄﺓ ﻭﻳﺠﺮﻱ ﻭﺭﺍﻙ ﻭﺍﻧﺖ ﻃﺎﻟﻌﺔ ﻣﻦ ﺍﻟﻤﺴﺠﺪ ﻋﻠﺸﺎﻥ ﻳﺨﻄﺒﻚ ﻣﻦ ﺑﺎﺑﺎ
( ﺍﻟﻠﻲ ﺑﻴﻴﺠﻲ ﻓﻲ ﺍﻹعلاﻧﺎﺕ ﻛﻠﻪ ﻛﺪﺏ)ودا حرام حيشم ريحتك الرجال وتعملي فتنة .
ﺁﻣﻴﻴﻴﻴﻦ
ﺍﻟﺮﺟﺎﻝ ﺍﻟﻠﻲ ﻳﻌﻠﻮﺍ ﺻﻮﺗﻬﻢ ﻓﻴﻬﺎ
ﻭﺩﻩ ﻣﺴﺠﺪ ﻭبلاﺵ ﺃﻭﺑﺮﺍ ﻋﺎﻳﺪﺓ
ﻗﻮﻟﻴﻬﺎ ﺑﺼﻮﺕ ﻭﺍﻃﻲ ﻋﻠﺸﺎﻥ ﺭﺑﻨﺎ ﻳﻜﺮﻣﻚ
ﻓﻲ ﺍﻟﺴﺠﻮﺩ ﺇﺩﻋﻲ ﻓﻲ ﺳﺮﻙ
ﺍﻟﻤﺴﺠﺪ ﻛﻠﻪ ﻋﺮﻑ ﺇﻥ ﺭﻛﺒﻚ ﺑﺘﻮﺟﻌﻚ ﻭ ﺟﻮﺯ ﺃﺧﺘﻚ ﺿﺮﺑﻬﺎ ﺑﺎﻟﻘﻠﻢ ﻭﺇﻧﻚ ﺑﺘﺪﻋﻲ ﻋﻠﻴﻪ
ﺑﻄﻠﻮﺍ ﺗﺘﻌﺎﺭﻛﻮﺍ ﻋﻠﻰ ﺍﻟﻨﻮﺭ ﻭﺷﻮﻳﺔ ﺗﻄﻔﻮﻩ ﻋﻠﺸﺎﻥ ﺍﻟﺨﺸﻮﻉ ﻭﺷﻮﻳﺔ ﺗﻨﻮﺭﻭﻩ ﻭﺗﺪﻭﺭﻭﺍ ﻋﻠﻰ
ﺍﻟﻌﻴﺎﻝ
ﻭﻣﺎ ﺗﻨﺴﻮﺵ ﺗﻨﻀﻔﻮﺍ ﺍﻟﻤﺴﺠﺪ ﻭبلاش ﺗﺮﻣﻮﺍ ﻣﻨﺎﺩﻳﻞ ﻭﺭﻕ ﻓﻲ ﺍﻷﺭﺽ ﻋﻠﺸﺎﻥ ﺩﻩ ﺑﻴﺖ ﺭﺑﻨﺎ .
ﻭﺣﺸﻨﻲ ﺭﻣﻀﺎﻥ .
ﺍﻟﻠﻬﻢ ﺑﻠﻐﻨﺎ ﺭﻣﻀﺎﻥ
كل سنه وانتو طيبين
بيننا وبين رمضان ايام قليله ..
اسأل الله ان يغفر لنا ولكم الزﻻت
ۈيبلغنا شهر الخير والعتق والحسنات ويوفقنا وإياكم لصيامه وقيامه
امين يارب
إظهار التوقيع
توقيع : ميمى دودو
التوقيع لا يظهر للزوار ..
رد: نصائح للسيدات فى صلاة التراويح
رد: نصائح للسيدات فى صلاة التراويح
إظهار التوقيع
توقيع : ميمى دودو
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| بحث عن الصلاة | ريموووو | منتدى عدلات التعليمي | ||
| فضل الصلاوات السنن والرواتب | الموجودة | المنتدي الاسلامي العام | ||
| صلاة التراويح للرجال والنساء...هام لا يفوتك | أم أمة الله | فتاوي وفقه المرأة المسلمة | ||
| صلاة التراويح ماهى صلاة التراويح كل مايخص صلاة التروايح حكم صلاة التراويح | عمر ابانا وعائشه امنا | عدلات في رمضان | ||
| صلاة التراويح :ـ | قوت القلوب 2 | المنتدي الاسلامي العام | ||
الساعة الآن 09:43 AM
جميع المشاركات تمثل وجهة نظر كاتبها وليس بالضرورة وجهة نظر الموقع