طفولة عضوه ..//~

/ اتكلمي عن طفولتك بشكل عآم ؟
احمم كنت طفلة شقية جداً وعنيدة أووي بطريقة فظيعة
وبحب اللعب أووي ، بس كنت طفلة خويفة بخاف من أي حاجة
وعندي خيال واسع بقاا وبقعد اتخيل ف حاجات مش موجودة لأ دي محدش يفكر اذا كانت مش موجودة ولا لأ هههه
انا الطفلة الدلوعة عند بابا وماما بس مش بعترف بكدا ادامهم ههه
2/ كنت طفله......... ؟
شقية،عنيدة،ذكية،حلوة
3/ موقف حصلك وانتِ صغيره ولحد دلؤتى مآثر عليكِ ؟
اخواتي لفوني ف السجادة وخبوني جوا الدولاب وكنت هتخنق ومن ساعتها وانا بتخنق لما حد يقرب مني اووي او لما اي باب ينقفل علي ودا مأثر علي أووي -_-
4/ كنتِ بتحبي المقالب وإنتِ صغيره ! إذا نعم اذكرلنا موقف منها ؟
أه أووي ، اممم كنت بعمل نفسي ميتة وماما تقعد تعيط جنبي ولما اصحي تجري ورايا اقولها يعني اموت بجد ف متضربنيش هههه
5/ كنتِ تزعجي آهلك واللي حوليكِ ؟
شوية بس كنت برخم علي اختي
6/ مين آكثر شخص كان بيشتكي منك وإنتِ صغيره وليه ؟
اختي ولسه لحد دلوقتي ، هبل اخوات تقولي ايه هههه
بس كنت برخم عليهاا
7/ موقف حصلك وإنِت فـ المدرسه ومش قادره تنسيه ؟
ولد كان علطول يجي بشنطته يلزقها ف شعري ويشدها لحد ما روحت قولت لاخويا جه خلصني منه ههههه
8/ آكثر مكان كنتِ تحبي تروحيله ؟
بحب اقعد ف الشباك كتيير
9/ الآلعاب اللي كنتِ تلعبيها وإنتِ صغيره ؟
استغماية،س ص ع،صياد السمك،اسكتش،نط الحبل
وكنت بلعب كرة قدم هههه
10/ كنتِ تتعاقبي وإنتِ صغيرة وإذاي ؟
أهاا ساعات بنضرب وساعات من غير مصروف وساعات من غير تلفزيون
11/ آكثر موقف زعلتي بسببه ؟
لما خبيت حاجة ع ماما
12/ موقف عملتيه ومحدش يعرف عنه حاجه لدلؤتى؟
سسر بقاا
13 / آعز صديقه ليكِ وإنتِ صغيره .. وفي تواصل بينكم دلؤتى؟
ايمان صحبتي من الحضانة ، دي انتيمتي بقااا ولسه معايا لحد دلوقتي
تعرف كل حاجة عني وانا كمان وان شاء الله هنفضل مع بعض
14 / أكثر الأشياء اللي ما كنتِ تحبيها وكنتِ عايزة تغيريها ؟
لما ماما تقولي خدي اختك تلعب معاكي هههه
15/ آكثر البرامج اللي كنتِ تتابعيها وتحبيها ؟
كنت من متابعي سبيستون وبحب الانمي زي سالي واينيوشا وبحب توم اند جيري
وميكي ماوس وفتيات القوة والفتيات الخارقات والجاسوسات وعدي بقاا ههه
16 / كنتِ من الآطفال اللي بينطقو الحروف غلط؟
لأ بالعكس بس كلام كان بيمثلي مصيبة ههه
كلمة كهربا بقول كهبراا وبسس
17/ آمنية كنتِ تحلم بيها وإنتِ صغيره؟ وتحققت ؟
كنت بحلم أكون مشهورة أووي ويكون عندي العاب كتيير خالص
الالعاب اتحققت ان شاء الله الاول هيتحقق
18/ قولي لنا رآيك في نفسك وأنتِ صغيره؟
ايه العسل اللي كنت فيه دا ي بخت مامي بياا هههه


عرفتي بقا صحبتك الهبلةة

1/ اتكلمي عن طفولتك بشكل عآم ؟


[
COLOR="DeepSkyBlue"]

هههههه كانت طفوله حلوه كنا في بيت عيله كبير وكنت بلعب مع بنات واولاد عمي وعماتى كمان [/COLOR]

2/ كنت طفله......... ؟
شقيه جدا كنت ما يقعدش تقريبا ٢٤ ساعه لعب ههههه

3/ موقف حصلك وانتِ صغيره ولحد دلؤتى مآثر عليكِ ؟
كنت بلعب مره في الشارع قدام البيت وجم اولا كبار عملو مشكله مع ولاد عمى وضربوهم وجت طوبه في عيني واخدت ٣ غرز ساعتها

4/ كنتِ بتحبي المقالب وإنتِ صغيره ! إذا نعم اذكرلنا موقف منها ؟

اه جدا كنت يخلي ولاد عمى طالعين علي السلم وارش عليهم ميا هههههه


5/ كنتِ تزعجي آهلك واللي حوليكِ ؟
لا انا نفسي ماكنتش بعمل مشاكل

6/ مين آكثر شخص كان بيشتكي منك وإنتِ صغيره وليه ؟

والدتى كانت عاوزانى اقعد في البيت بحكم أنى بنت وانا كنت يخرج العب مع ولاد عمي
7/ موقف حصلك وإنِت فـ المدرسه ومش قادره تنسيه ؟
كان فيه مدرس عربي اسمه ربيع مش هنساه ابدا كان دايما يضربني عشان ماكنتش باخد عنده درس عربي لان والدتى مدرسه عربي اساسا

8/ آكثر مكان كنتِ تحبي تروحيله ؟
المزرعه بتاعتنا كان بابا زارع الأرض ورد بلدى لونه احمر واصغر وابيض

9/ الآلعاب اللي كنتِ تلعبيها وإنتِ صغيره ؟
امممممممم كتير استغمايه ، كهربا ، عروستى

10/ كنتِ تتعاقبي وإنتِ صغيرة وإذاي ؟
امممممممم ماما كانت تضربني واحيانا تحبسنى في البيت بس مش كتير يعني كنت بحاول ماعملش مشاكل كتير

11/ آكثر موقف زعلتي بسببه ؟
ايديا انكسرت مره وانا في المدرسة الديسك وقع عليها وفضلت لحد بالليل من غير ما تجبس وخليت ساعتها علي ماما

12/ موقف عملتيه ومحدش يعرف عنه حاجه لدلؤتى؟

لا مافيش

13 / آعز صديقه ليكِ وإنتِ صغيره .. وفي تواصل بينكم دلؤتى؟

اعز صديقه زينب ومش علي تواصل لانها توفت وانا في ٢ ثانوى

14 / أكثر الأشياء اللي ما كنتِ تحبيها وكنتِ عايزة تغيريها ؟
أنى بنت لان والدى كان نفسه في ولد وما كنتش عارفه اغير ده

15/ آكثر البرامج اللي كنتِ تتابعيها وتحبيها ؟
ياسر والوزن البيضاء ، مازنجر ، دولفي ، القناه التالته زمان

16 / كنتِ من الآطفال اللي بينطقو الحروف غلط؟

اه ههههه حرف الجيم كنت بقوله ديم دمل بدل جمل
وحرف الكاف تتوت بدل كتكوت لحد ما كملت سبع سنين يوم منطقتهم صح بابا جابلي تورتايه


17/ آمنية كنتِ تحلم بيها وإنتِ صغيره؟ وتحققت ؟

كنت بحلم دايما أن والدى بيموت وكنت دايما ادعي أن الحلم ده مايتحققش بس والدى توفي فعلا


18/ قولي لنا رآيك في نفسك وأنتِ صغيره؟



كنت عسوله شقيه مرحه محبوبه من الكل والحمد لله

السلام عليكم ورحمه الله وبركاته
[MENTION=115006]♥mnoon♥[/MENTION]; نوريني هنا يا قلبي .

ههههههه ، باينلك كنتِ أروبه وأنتِ صغيره ، معلش بقي سمحي الراجل في النص جنيه هههه ، وإن شاء الله تتجوزي واحد بنس طباع أخوكِ عشان تكونى حققتي حلمك بطريقه شرعيه ههه ، نورتيني يا قلبي .

السلام عليكم ورحمه الله وبركاته
[mention=113267]ام مالك وميرنا[/mention]; نوريني هنا يا طنط بعد اذنك .

حضرتك كنتِ هاديه والله يا طنط ومازلتِ لحد دلؤتى ،وربنا حققلك أمنيتك ورزقك بميرنا ربنا يحفظهالك ، وان شاء الله مالك يتعود ينطق الحروف صح ههه ، نورتيني يا طنط .

ماشاء الله يا طنط ، انا فعلا فخورة أنى أعرف شخصيه محترمه جدا زي حضرتك ، طفولتك بتعكس شخصيتك بشكل كبير جدا ، هادئه ملكيش في الكلام كتير وراكزة وعاقله ، ربنا يبارك في حضرتك ، وكنت متأكده ان حضرتك منتقبه!، حضرتك صحيح مقدرتيش تكوني زى البخاري بس ربنا يجعل كل ذرة صغيره اتعلمناها أو صفه اكتسبناها من حضرتك في ميزان حسناتك ، ربنا يرحم والدتك يا طنط ويجعل مثواها الجنه ، وانا فعلا أتشرفت بستضافت حضرتك في موضوع وأتشرفت أكتر أني أتعرفت علي طفولة حضرتك الجميله جدا ، ربنا يبارك في حضرتك ويجمعنا بيكِ في فردوسه ، نورتيني يا طنط .

يبدو أنها طفوله غامضه بلا معالم،طفولتك كانت هاديه جدا زيك يا أيوش ، نورتيني يا قلبي.

هههههههههه ، ده أنتِ كنتِ شقيه بشكل ، خلاص أنتِ ألبسي شراب وخلي اختك تبدلهولك وأنتِ نايمه وهتكونى زي فله وأمنيتك تحقق ،نورتيني يا سوسو ومبسوطه أنى قدرت أتعرف علي طفولتك،نورتى ياقلبي.

ماشاء الله يا بوتجاز كنتِ شقيه وكمان أم صالحه للعروسه والدباديب ، الحمدلله امنيتك اتحققت وبقيتي طالبه زي الفل وممتازة،عبال ماتكونى دكتورة يارب ، نورتيني يا قلبي.

السلام عليكم ورحمه الله وبركاته.
[mention=112570]عاشقة كتاب ربي[/mention]; نوريني هنا يا سمسم .

طفولتك كانت هاديه جدا يا سمسم زيك ، أتشرفت أنى اتعرفت علي طفولتك حبيبتى ، نورتيني يا قلبي.