بسم الله الرحمن الرحيم
اختى الحبيبة ... أشهد الله انى ما كتبت هذه الكلمات الا حبا لك
وخوفا عليكِ ورغبة فى أن نشرب جميعا من يدي رسول الله على الحوض
فى ظل عرش الله
أختى الحبيبة ... بالله عليكِ قفى مع نفسِك واسأليها :
هناك ملك يمين وملك شمال يكتبوا كل شئ ...
وقفتك معاه
، نظراتك اليه
كل "missed"أو"message"ارسلتيها ليه ..
هيكتبها ملك اليمين ولا ملك الشمال؟؟!!
الأرض اللى انت واقفة عليها معاه هتشهد ليكِ ام عليكِ؟؟
لو رسول الله صلى الله عليه وسلم جاء الآن وانت بتكلميه هتقولى له ايه؟؟
صاحبى؟؟
لو ملك الموت جالك الآن وانت بتكلميه هتقولى لربنا ايه؟؟
حبيبى؟؟!!!!
انت كدا رخصتى نفسك .. مقامك ان الشاب يتقدّم لكِ فى بيت أهلك..
مقامك ملكة على الحور العين فى الجنة ..وليس فتاة رخيصة يا ايتها الغالية
ونهاية علاقتك معاه ان لم تتوبى الى النار ربنا ينجينا منها..
ألم تسمعى عن الحادثة المروّعة عندما انحرفت سيارة نقل
الى جانب الطريق فسحقت عدة سيارات ..
وثناء انتشال الجثث من احدى السيارات..
وجدوا جثة شاب وفتاة كانوا فى حالة زنا معافى هذه اللحظة
فنزل عليهم انتقام الله
امام الدنيا كلها..
هل انت مستعدة ان تموتى معه الان وتلقى الله على خاتمة سوء؟؟؟
اختى الحبيبة .. تذكرى قبل ان تخطى خطوة واحدة معه
اانك ماشية فى طريق آخره جهنم
هل تعرفى اختاه ما معنى جهنم؟؟
جهنم يعنى شعرة شعرة من جسدك ستحترق
جهنم يعنى عضو عضو فيكِ سيلتهب
ايه اللى يستاهل؟؟؟
هل تعلمى ان بسبب العلاقة دى ربنا ممكن يقول للملائكة يوم القيامة
خذوها الى النار؟
فتجدى 70 الف ملك ينقضّوا عليكِ لينفذوا حكم الملك
فتصرخى ... ياخدونى فين يارب؟؟!!!
انا لم أكن احتمل عود كبريت مشتعل فى الدنيا
انا لك اكن أحتمل ماء ساخن يشوى جلدى فى الدنيا
اصبح وانام اشرب من الحميم والمهل ازاى يارب؟؟؟
هتقولى ايه؟
كنت بحبه؟
حب حرام قائم على اساس حرام هى دى عاقبته يوم القيامة
تخيلى يوم العرض على الله
عاوزة تمشى معاه ؟؟ امشى معاه
لكن لو هينجيكِ يومها من العذاب الرهيب
احذرى ان ينظر الله لكِ وانت تقولى له كلام الحب الحرام
فينظر الله لك نظرة غضب
ولو نظر الله لك نظرة غضب فقد ضعتى وضاع كل شئ فى دنيتك وآخرتك
وستظلى غارقة فى غضب الله ان لم تتوبى
حبيبة الله اليكِ هذه الصفقة:
حبيبة الله ... تسيبيه وتنجى من عذاب القبر؟؟
حبيبة الله ... تسيبيه .. ولا تقعى من الصراط الى جهنم؟؟
حبيبة الله ... تسيبيه وربنا يعوضك احسن منه بالحلال ؟؟
حبيبة الله ... تسيبيه .. ولا يشتعل عليكِ قبرك نارا؟؟
حبيبة الله ... تسيبيه وتفوزى بحبِّ الله؟؟
من ترك شيئا لله عوّضه الله خيرا منه
لو تركتيه لأجل الله ، لو هو الخير لكِ سيأتى الله به اليكِ فى الحلال
ولو ليس الخير لك سيعطيكى الله من هو خير منه
ده اختيارك لنفسك .. طيب ما تتركى ربنا هو اللى يختار لك
لسة بتقولى بتحبيه؟؟
لو بتحبيه سيبيه لله لأنك كدا سبب فتنة فى دينه
والله يقول
"ان الذين فتنوا المؤمنين والمؤمنات ثم لم يتوبوا فلهم عذاب جهنم ولهم عذاب الحريق"
بتحبيه؟؟
لو بتخافى عليه انتى كدا هتوديه جهنم
ولو هو بيحبك بجد هيسيبك او يخبط على بيت اهلك
والا يكون بيتسلى بكِ مش بيحبك
لو بيحبك بجد مش هيرضى لك عذاب ربنا
ومش هيرضى لك كلام الناس
ومش هيرضى لك انك تعرفيه بدون علم اهلك
وخلى بالك هو يعلم انك وانت بتكلميه ولو فى التليفون انك كدا
بتخونى ابوكِ
وعمره لو فكّر يتجوز انه يتزوج من خانت ابوها
لأنه يعتقد انها بسهوله ممكن تخونه
انت مش بس خنتى ابوكِ وامك .. انت خنتى ربِّك ودينك
وعقوبة كدا انك حتى لو تزوجتيه هلاقيه هو نفسه يخونك بعد الزواج
هل ترضيها لنفسك؟
انت كمان لو كنتى لواحد تانى تبقى بتخونيه .
.
بتخونى زوج المستقبل
تعرفى انك ممكن تحرمى من الزواج طول حياتك بسبب هذه المعصية؟
وحتى لو تزوجتيه سيحاسبك الله على كل دقيقة قضيتيها معاه وعصيتى ربنا معاه قبل الزواج
وأخيرا
هذه الورقة كانت لكِ رسالة من الله
والله يقول
"وما كنا معذِّبين حتى نبعث رسولا"
وممكن تكون دى آخر رسالة توصلك قبل الموت
الآن .. حالا.. خذى قرار ان تتركيه
اختارى هو ام الله؟
قولى له لو ألحّ عليكِ ترجعيله..
انا مستعدّة أضحى علشان بأى شئ الا ربنا
الا ربنا
انا مستعدّة اخسر علشانك اى شئ الا ربنا
مش عايزة اخسر ربنا
وتأكدى لو تركتيه لله ربنا هينسيهولك
الموضوع مش صعب زى ما انت فاكرة
بس المهم انك متبقّيهوش على ربنا
استعينى بالدعاء
غيرى رقم هاتفك وتخلصى من كل هداياه
ابتعدى عن اى مكان ممكن تقابليه فيه
اسمعى شرايط دينية كل يوم تذكرك بالله
نصيحة مجربين
اول اسبوع بعد ما تسيبيه هتحسة انك معذّبة
ثانى اسبوع هتحسى انك ندمانه انك تركتيه
ثالث اسبوع مع الدعاء والصحبة الصالحة ودروس دينية ستحزنى فقط عندما تتذكريه
وبالتدريج ستندمى على كل يوم جعلتيه جدارا بينك وبين الله
ابدئى صفحة جديدة مع الله
(بتحبيه )*الى كل محتاره *
رد: (بتحبيه )*الى كل محتاره *
قد تكوني مهتمة بالمواضيع التالية ايضاً