من مطبخي طريقة تحضير البقلاوة الجزايرية, حلوى البقلاوة للمناسبات, طريقة سهلة و سريعة لتحضير البقلاوة الجزايرية حصريا على عدلات

مرحبا بيكم حباباتى اليوم جبتلكم طريقة تحضير البقلاوة هي حلوى على الطريقة الجزائرية و بنينة بزاف ان شاء الله تعجبكم و تجربوها طبعا كيما عودتكم نجيبلكم وصفات ساهلة و بمكونات بسيطة يعني في متناول الجميع و أي استفسار أنا موجودة



أولا نبداو بالمقادير وهي :





نحتاجو للعجينة :

3 كيلات فرينة

1 سمن

قرصة ملح

بيضة

كاس ماء زهر للخلط

الحشو:

كيلة كاكاو مطحون دقيق

0.5 كيلة سكر

2 سمن

قطرات من أي عطر حسب الذوق مثلا عطر روح اللوز

0.5 كوب ماء زهر للخلط



التزيين:

عسل

حبات كوكاو( الفول السوداني ) أو لوز



طريقة التحضير :

نعجنو العجينة ونقسموها على عدد طبقات البقلاوة مثلا 8 او اكثر ونخلوها ترتاح حتى تصبح سهلة للفرد
نخلطو كل مكونات الحشو
و تفرد كل طبقة رقيقة جدا في صينية البقلاوة
ندهنوها بالسمن المذاب بين كل طبقة واخرى وبعد 4 طبقات نحطو الحشو
نغطو الحشو باربع طبقات اخرى مع الدهن بالسمن بين طبقة واخرى
وندهنوها بالسمن وندخلوها للفرن حتى تنضج وتحمر شوية
نقطعو البقلاوة تاعنا بطريقة النجمة ونزينوها بحبات الكوكاو ولا اللوز كيما تحبي يعنى
ونخلوها ترتاح من بعد نسقوها مرة اخرى بالعسل ونخلوها ترتاح على الاقل يومين قبل التقديم وبالصحة والهنا حباباتي






الشكل النهائى لحلوى البقلاوة