اتعلمي ازاي توفري
-ممنوع رمى اى اكل متبقى هنشيله فى الفريزر ليوم زنقه.
2-السمك نشتريه بالواحده عشان ميفضش منه ويترمى.
3-هنشيل حتتين من البانيه او البوفتيك .. هنشيل معلقتين من اللحمه المفرومه..ليوم تانى نعمل بيهم بيتزا .
4-اللحمه تتقطع وتتكيس بالعدد يعنى لو 3 هنشيل 3 حتت وسط ده لو اكله ليوم واحد.
-الفراخ بالعدد يعنى لو 3 هتحطى 3 ارباع فقط فى الكيس لو الاكله ليوم واحد.
6-الفراخ هتيجى بالشهر وهتجمعى القوانص والكبد ليوم غدوه تانى والجوانح ليوم غدوه غيره.
7-الخضار هنشترى وقت الرخص ونخزن فى الفريزر.
8-الجبن نشتريها ساعه العروض ومش بكميات.
9-الخزين من مكرونه وسكر وشاى وزيت وارز برضه ساعه العروض ونجيب كميه ونخزنها لانها بتبقى فرص.
10-شهر نخليه خزين مكرونه وارز وسكر وشار وزيت والشهر ايلى بعده نخليه لخزين المنظفات عشان منتزنقش.
11-الصابون السائل نجيبه سايب ارخص ونخلطه بمايه عشان يكفى شهرين.
12-اللحمه المفرومه والشاورما مش لازم بلحمه بلدى ممكن مستورد مش هتقول لا طالما مش هتتسلق وهتتبهر حلو.
13-المشتركين فى التموين ملهومش علاقه بالعروض ايلى بتكلم عليها وايلى معندهومش هايبر يشوفوا محلات البقاله بالجمله.
14-اللبن ييجى بمقدار يوميا لو خلص منجبش غيره .
16-الحلويات تتعمل مره واحده فى الاسبوع.
17-الفاكهه مره واحده فى الاسبوع.
19-الشوربه تحوشيها ليوم كشك او ملوخيه قرديحى.
20-ليكى نص كيلو من كل حاجه كل شهر نص مفروم ونص بانيه ونص كبده ونص سجق ونص بوفتيك .
21-لو جبتى جبن خزين للشهر تحطيها فى الفريزر مش هيجرالها حاجه عشان متبوظش.
22-هتشيلى فلوس الكهرباء والغاز والمايه على جمب مع بدايه الشهر.
23-هتشيلى فلوس مدارس الولاد او الدروس على جمب مع بدايه الشهر.
24-هتشوفى جمعيه تحوشى فيها فلوسك لو مش هتعرفى يبقى مع نفسك وخلى عندك اراده.
25-نقلل شويه من العزومات والبهرجه ايلى بتحصل فى العزومات لو لزم الامر همه صنفين فقط.
26-نقلل شويه من الخروج الفاخر ونكتفى بخروجه حلوه والباقى تمشيه وايس كريم مش هتقول لا.
27-نقلل شويه من شراء اللبس على الفاضى والمليان هنجيب الضرورى فقط.
28-نقلل شويه من شراء الاكل الجاهز ونركز على اكل البيت اضمن وانضف.
29-نقلل شويه من المظاهر ازازه البرفان ام 200 هترش وام 100 هترش وام 50 هترش برضه على فكره.
30-نقلل شويه من حضور المناسبات ايلى عاوزه هديه عيد ميلاد وايلى عاوزه هديه جواز الا لو رد دين عليكى روحى.
31-نقلل شويه من الشيبسى والشيكولاته والحلويات بتاعه الاطفال دى بتسحب جامد غير انها مضره.
32-اللمبات الموفره بتوفر جدا فى الكهرباء .. ومش لازم نور الشقه كله يبقى مفتوح يكفى الغرفه ايلى قاعدين فيها.
33-هتجردى البيت كل شهر وتكتبى الناقص فى ورقه كده هتبقى عارفه نازله عاوزه ايه.
34-هتحطى قدام كل حاجه فى الورقه سعرها بالرينج ايلى عندك عشان متنزليش بفلوس زياده تتفرتك ولا بفلوس قليله وتتحرجى.
35-البيبسى والعصاير الجاهزه مفيهاش فايده قللى منهم على اد ما تقدرى.
36-كيلو اللبن يعملك 7 كوبايات زبادى شوفى لو جبتيهم من برا يتكلفوا كام.
37-خلطه المحشى متترميش لو اتبقت بتتشال فى الفريزر لمره تانيه.
38-اعملى لنفسك ولجوزك حدود لشحن الرصيد كل شهر حددى مبلغ متزيديش عنه.
39-خلى دايما هدفك اولوياتك غير كده استغنى عن ايلى ملوش فايده.
40-متنسيش بدائل الكالسيوم وبدائل البروتين لان جسمنا لازم تدخله فايده حتى لو بنوفر او الراتب على الاد.
إظهار التوقيع
توقيع : حنين الروح123
التوقيع لا يظهر للزوار ..
رد: اتعلمي ازاي توفري
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| اتعلمي اتيكيت نشر الغسيل ,لنشر الغسيل اتكيت,تعرفى على اتيكيت نشر الغسيل | فتاة بالحياء تجملت | فن الاتيكيت والتعامل مع الآخرين | ||
| حقيبة رائعه من الكروشيه بالخطوات, تعالي اتعلمي تعملي شنطه من النايلون والكروشيه | جنا حبيبة ماما | الخياطة والكروشية والتريكو | ||
| لو عايزه توفري وتتخلصي من البامبرز نهائيا | بشرى ساره | سوق عدلات النسائي العام | ||
| اتيكيت التليفون .. اتعلمي اتيكيت التيلفون يا عدوله | فتاة بالحياء تجملت | فن الاتيكيت والتعامل مع الآخرين | ||
الساعة الآن 08:37 PM
جميع المشاركات تمثل وجهة نظر كاتبها وليس بالضرورة وجهة نظر الموقع