أقوى طريقة لتطويل الشعر (انفرجن ميثود) تعالي شوفيها ^^

السلام عليكم ورحمة الله وبركاته

اخباركم ايه ي بنات ي رب تكونوا ف احسن حال

ندخل ف الموضوع ^

الي هو (INVERSION METHOD ** طريقة انفرجن ميثود) اسرع طريقة لتطويل الشعر

بصوا الطريقة دي جميلة جدا و في بيسموها (طريقة الانعكاس ) او وضعية الراس بالمقلوب


ليه بقى ؟؟


لأنها لما تيجي تعمليها لازم تعملي وحده من الحركات التالية : ( ك مثال )





>> معلش بقى تظليلي على قدي

المهم

الطريقة بتتلخص ف ايه ؟؟


مرحلتين أساسيتين :

1\ مرحلة دهن فروة الرأس والمساج
2\ مرحلة اتخاذ الوضعية الانشكاحية او ماتسمى حركة( INVERSION METHOD = انفرجن ميثود )



** المرحلة الاولى:: يعني انك تستخدمي أي نوع زيت بتفضليه وبيناسب شعرك ... وكتير بينصحوا ب زيت الزيتون و عن نفسي بستخدم مخلوط من زيت الخروع و زيت لوز حلو وزيت زيتون بكميات متساوية.


بعد ما تحددي الزيت الي هتستخدميه تسخنيه ف حمام مائي دافئ ليه (لأن لما بتسخنيه ع النار كتير قالوا انه بيفقد خواصه المفيدة) فالأحسن تحطيه ف طبق او (صحن) فيه ماء دافئ

تمام

بعد كده ؛ تعملي مساج لفروة الراس بشويش وبحركات دائرية لمدة 4 او 5 دقايق

ملحوظة: تدفئة الزيت بيساعد على سرعة امتصاص فروة الراس للزيت وبسهولة و سبب المساج لأنه بيحفز بصيلات الشعر وعشان تحصلي على نتيجة افضل.



بعد دهن فروة الراس بالزيت والمساج


نيجي للمرحلة التانية





الي هيا

(مرحلة الانعكاس = انفرجن ميثود)




تعملي وحده من الحركات دي وتفضلي كده ع الوضع ده مدة 4 دقايق .. بسس خلي بالك اهم حاجه : لما تيجي ترفعي راسك ماترفعيش بسرعة ومرة وحده لااااا


مينفعش عشان ماتحسيش بدوخة لازم ترفعي راسك وقتها ببطئ عشان ما تضريش لا سمح الله.



و أخيرا وأهم حاجة تقريبًا : تستمري ع الطريقة دي اسبوع واحد من كل شهر .. يعني لازم تعمليها 7 ايام متتالية كل شهر


و اكتر حاجه حمستني بقى .. ان البنات ف النت الي جربوها يعني .. بيشكروا فيها جدا وبيقولوا انها فعالة أوي وبتجيب نتايج سريعة


مثلا في الي قالت طولت شعرها 3 سم ف الشهر وفيه الي 2 وفيه اكتر من كده يعني حسب طبيعة كل وحدة ونوعية وطبيعة نمو شعرها


و يــــــارب تنــــجح الطريقة معايا ومع كل الي نفسو ف كده


ادعولي ي بنات


حبيت افيدكم بالطريقة و للي عايزة تجرب كمان

وأتمنى من كل وحده جربت الطريقة تيجي تقولنا نتايجها كانت ايه

وانا اولكم ... بعد شهر ان شاء الله بالكتير اوي اكون جربتها وهاجي بإذن الله اقولكم النتايج