أو

الدخول بواسطة حسابك بمواقع التواصل

#1

افتراضي يعنى ايه معندكيش #اطفال

يعنى ايه معندكيش #اطفال
1-يعنى شقتك هس هس ولا حس ولا خبر
2-يعنى تروحى وتيجى لوحدك معكيش ونيس وح
سة بحاجة ناقصة بتموت فيكى ومحدش حاسس ولو بان عليك تبقى نكدية وكئيبة
3-يعنى حمااااااتك تقدر تستغنى عنك بسهوله ولا هتكونى فارقه معاها عشان ملهاش حفيد منك يوحشها وروحها فيه وجوزك برضه نفس الكلام ارضك مش صلبة وملكيش عين تعترضى ع وضع مش عاجبك ويقولو هو انتى عارفة تيجبى حتة عيل
4-يعنى تخافى تشوفى اي حد عشان الاسئله قال وقيل طول القعده وليه التاخير والاسباب ايه والحقى نفسك تشوفى ايه السبب كانه تقصير منى مثلا والله تعمل دكتورة وتبعد تقول يمكن عندك كذا او كذا وتخمن ولا هى حاسة انها بتموت فيكى بكلامها ولا اللى اقولك لازم تروح لدكتور فلان ده شاااااطر احب اقولك اللى انتى بتعملى عليها فاهمه هى مخلتش حاجة الا و جريت عليها مش مستنية اقتراحاتك فارحموا ارحمواااا




5-يعنى تتمنى اسم تسميه وتستنى تسميه يجى حد يجوز بعد منك بكتير ويسميه بتوجع اوى
6-يعنى المعاشره بقت بتركيز لازم تلتزمى بيه ف ايام محدده وكل شهر تجيبى ف تحاليل وتستنى النتيجة ووجعة قلب مع كل نقطة دم تنزل
7-يعنى تروحى لدكاترررره كتير وواحد يعقدك وواحد يحسسك بامل وواحد يبيع ويشترى فيكى ولا فاهم حاجة ولا حاسس باوجاعك ويجرب فيكى علاجااات
8-يعنى بيتك عباره عن صيدلايه كبيره بصاله اوض والعلاج موجود منه مره و2 و3
9-يعنى متعرفيش تقعدى كويس من كميه البرشام والعلاج اللى مخلى معدتك تعبانه من جوه طول الوقت
10-يعنى ساعت ماتلاقى جوزك تعبان متعرفيش تطبطى عليه ولا ع نفسك ولانك تعبانه ومش عارفه تواسيه من كتر الحمل اللى شايلاه غصب عنك طول الوقت من كتر احساسك بانعدام الامان فى حياتك
11-يعنى تعبتى من كتر ماشايفه امك قلبها تعبان عشانك وتسكتى ومتشتكيش وتتعبيها بزياده
12-يعنى مطلوب منك تفرحى وتشاركى ف تفاصيل تقيله عليكى وان معملتيش كده يبقا غيرانه وحسوده
13-يعنى تروحى تباركى لقرايبك للعيل التانى والتالت هما اتجوزو بعديكى او معاكى فى نفس الوقت اصلا ومطلوب الضحك والهزار ومينفعش متروحيش عشان هتتفهمى غلط
#مش حقد وربنا حرااام ارحمونا ده وجع وتعب وقلة حيلة عندى ثقة فربنا لكن انا بنى ادمة بضعف بتوجع على حلم بيموت منى مرة كل شهر ولو اتوجعت الرد الجاحد من اللى حواليكى ليه بتركزى ليه بتستنى ليه بتتعشمى سبيبيها كدة تيجى لوحدها ماحدش بيحس بوجع حد لكن انت وحدك يا رب العالمين حاسس بنزيف قلبى اللى بينزل اخر كل شهر
بس قلبى تعبااااان بصرررررراحة ومش حرام لما اقول اااااه من الوجه ياللى شايفين المى ووجعى وتعبى من اللف ع الدكاترة عدم رضا بقضاء الله ربنا ارحم من كل الناس ربنا ارحم من كل الناس
يارب ارزقنى واكون ام
انا بقول الحمد لله دايما والله بس بجد نفسي اووى أن ربنا يعوضنى خير وعمرى ما فقدت ثقتي فربما بس قلبى وجعنى اوى اوى


إظهار التوقيع
توقيع : فيرووزة
#2

افتراضي رد: يعنى ايه معندكيش #اطفال

[mention=132547]فيرووزة[/mention];

والله حبيبتي كلامي ممكن يزعل بس هيفوقك
طول منتي شايفه الدنيا سودا الحمل هيتأخر اكتر
بتقولي حماتك انتي مش بتكوني فارقه معاها
اسألي اي واحده مخلفه وقوليلها حماتك عامله معاكي ايه هتقولك زي الزفت ربنا يخلصني منها
الحموات عموما زفت مهما كانت حالتك
تاني حاجه بتقولي لو جوزك جاي تعبان مبتقدريش تهوني عليه
ليه ها عشان قال الهم اللي شايلاه لآ يحبيبتي
طب علي الاقل حسسيه بحنيتك مش يبقي صابر معاكي وكمان البيت كئيب
انتي حطي نفسك مكانو النفسيه زفت والمطلوب تشتغلي عشان تجيبي فلوس
العلاج اللي هو ساعات مش بيجيب نتيجه وكمان يروح لاقيكي ضاربه البوز قال ايه مخنوقه عشان الحمل اتأخر
لآ اوعي تفتكري انك لما تحطي الموضوع في رأسك وتزعلي هتصعبي علي حد لآ ولا بتفرقي مع حد
صدقيني اللهم اعلم بالنوايا محدش بيمسح دموعك الا ايدك
طول منتي شايفه انه موضوع صعب وشايفاه مستقبل اسود
هيفضل اسود والحمل بدل ميقرب هيبعد
متفكريش اني بتكلم كده عشان مش حاسه بيكي انتي يمكن عشان متعرفنيش زي باقي البنات هنا
انا حبيبتي مريت باللي مريتي بيه ويمكن اكتر كمان
انا متجوزه من 4 سنين واجهض 4 مرات وفلوس رايحه علي الارض
مكدبش عليكي واقولك نفسيتي كانت عادي لآ كتير كانت بتسود في عيني انا وجوزي
بس برجع واقول كل حاجه ليا نصيب فيها هشوفها مهما كانت المشاكل اللي عندي
لحد ما من كام شهر بس عرفت سبب السقوط تخيلي صرفت قد ايه علي الفاضي
تحاليل وحقن وبرشام وامل رايح علي الفاضي
في الاخر ملقيتش احسن مناحسان الظن بالله وكثره الاستغفار
ولقيت كل حاجه اتحلت لوحدها
صدقيني الانفسيه الوحشه عمرها ماهتفيدك الا انها هتأخر الحمل زياده وهتخلي بيتك عباره عن تربه
بس الناس اللي فيها صاحيه
متزعليش مني بس انا لما كنت زيك ملقيتش حد يفوقني الا نفسي
ربنا يسهلك حالك وحياتك ويحلي ايامك بأذن الله
#3

افتراضي رد: يعنى ايه معندكيش #اطفال

حبيبتي ربنا كريم وان شاء الله يرزقك الذرية الصالحة في القريب العاجل
والناس في كل المجتمعات العربية للأسف نفس الراي ومفيش حاجة ترضيهم

إظهار التوقيع
توقيع : ام الاء وبيان2
#4

افتراضي رد: يعنى ايه معندكيش #اطفال

[size=5 [mention=125936]العدوله ندي[/mention];ربنا يعوضك حبيبتي ويرزق كل مشتاقة في القريب العاجل وكلامك صح لانو النفسية بتاثر كثير وبتاخر الموضوع اكثر لازم مش تحطي الموضوع في بالك طول الوقت وتسيبيه ياثر عليك وعلى حياتك[/size]
إظهار التوقيع
توقيع : ام الاء وبيان2
#5

افتراضي رد: يعنى ايه معندكيش #اطفال


المشاركة الأصلية كتبت بواسطة ام الاء وبيان2
[size=5 [mention=125936]العدوله ندي[/mention];ربنا يعوضك حبيبتي ويرزق كل مشتاقة في القريب العاجل وكلامك صح لانو النفسية بتاثر كثير وبتاخر الموضوع اكثر لازم مش تحطي الموضوع في بالك طول الوقت وتسيبيه ياثر عليك وعلى حياتك[/size]
ربنا يعدي الايام كلها علي خير يارب
تسلمي حبيبتي
#6

افتراضي رد: يعنى ايه معندكيش #اطفال


المشاركة الأصلية كتبت بواسطة العدوله ندي
ربنا يعدي الايام كلها علي خير يارب
تسلمي حبيبتي
امين يارب يا حبيبتي ربنا كبير
إظهار التوقيع
توقيع : ام الاء وبيان2


قد تكوني مهتمة بالمواضيع التالية ايضاً
الموضوع كاتب الموضوع المنتدى
مدونتي ~إبتساامه~ تسنيم عادل مدونآت الاعضآء!
يعنى ايه معندكيش #اطفال فيرووزة الارشيف والمواضيع المكررة
حياتي بين يديك ...♥ ♥mnoon♥ قصص - حكايات - روايات
انتى يا عدولة عارفة يعنى ايه كل البنات تمشى تتعاكس.مش عارفة طيب تعالى:) كيوت متل التوت فتيات تحت العشرين
يعنى ايه تكونى بنت؟؟؟؟؟؟؟؟؟؟؟؟؟ Mariam Wahid فتيات تحت العشرين


الساعة الآن 04:30 AM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل