باترون شال تريكو مستطيل بغرزة لاسية وضفيرة,بالصور باترون شال تريكو مستطيل للشتاء
الشال مستطيل ومستخدم فيه مجموعة من الغرز وشغل اللاسيه والضفائر مرتبه وممزوجه معا لتعطى فى النهاية هذا الشال الرائع الفخم
مقاس الشال
العرض= 65 سم
الطول= 165 سم
الخيوط المستخدمة
400 جرام من الخيط القطنى (او اى نوع من الخيوط تفضليه)
الإبر والأدوات المستخدمة
_إبر تريكو مدببة الطرف مقاس 3 مللى (ويستحسن استخدام الابر الدائرية فى الجزء اللى فى المنتصف من الباترون نظرا لكبر عدد غرزه)
_ابر تريكو مدببة الطرفين او زوج من كابل الضفيرة
_6 من علامات الغرز
قياس الوحدة
كتير ممكن مايكنش يعرف النقطة دى او اهميتها ايه
قياس الوحده بيحددلنا سمك الخيط اللى نشتغل بيه وعادة بيبقا مكتوب على بكرة الخيط قياس الوحدة بتاعتها
وهنا قياس الوحده المطلوب هو 27 غرزة×30 سطر اذا اشتغلنا 10 سم باستخدام ابر مقاس 3 مللى باترون لاسيه
هبدأ إن شاء الله الأول بشرح الباترونات المرسومة المستخدمة فى الشال وبعد كدا هشرح ازاى نرتب الباترونات او الغرز دى مع بعضها
باترونات الغرز عبارة عن 5 باترونات
زى ما موضحة فى الصورة التالية
1- باترون الشبكة
وفى الصورة التالية شرح بالسطور لباترون الشبكة
2- باترون البرواز اليمين
3- باترون البرواز الشمال
4_باترون البرواز الداخلى(اليمين زى الشمال)
وفى الصورة التالية شرح بالسطور لباترون البرواز الداخلى
5_باترون الجزء اللى فى المنتصف
خطوات عمل الشال
أولا هنبدأ بعمل حافة الكسر المربعة اللى واضحة فى الصورة التالية
هنبدا بعمل 547 غرزة ثم هنشتغلهم كالتالى
السطر الاول= عدل كله
السطر الثانى= 1ع,2م معا فى اللفة الخلفية,لفة,270ع,2ع معا,هنشتغل عدل حتى اخر 3 غرز هنشتغلهم كالتالى لفة خلفية,2م معا,1ع (سيصبح عدد الغرز= 546 غرزة)
السطر الثالث= 3ع,15م,30ع,(30م,30ع)هنكرر مابين الاقواس حتى اخر 18 غرزة هنشتغلهم كالتالى 15م,3ع
السطر الرابع= 1ع,2م معا فى اللفة الخلفية,لفة,15ع,30م,(30ع,30م) هنكرر مابين الاقواس حتى اخر 18 غرزة هنشتغلهم كالتالى 15ع,لفة خلفية,2م معا,1ع
هنكرر السطرين الثالث والرابع حتى يصبح عندك 22 سطر
السطر 23= 3ع,(هنسلت 10 غرز على كابل1 ,هنسلت العشر غرز التاليين على كابل2 ثم هنضع الكابل 2 خلف السنارة الشمال وموازية لها وايضا هنضع الكابل 1 خلف الكابل 2 ويكون موازيا لهم ايضا ثم هنشتغل 3ع معا عن طريق إدخال الابرة اليمين فى اول غرزة موجودة على الابرة الشمال والكابل1 والكابل2 وشغلهم عدل معا وهنكرر هذه الخطوة فى العشر غرز ,هنسلت العشر غرز التاليين على كابل1 ثم هنسلت العشر غرز التاليين على كابل2 ثم هنضع الكابل2 امام الابرة الشمال وموازي لها والكابل1 امام الكابل2 وموازى لهم ثم هنشتغل 3ع معا عن طريق إدخال الابرة اليمين فى اول غرزة موجودة على الكابل1 ثم الكابل2 ثم الابرة الشمال وشغلهم عدل معا وهنكرر هذه الخطوة فى العشر غرز)هنكرر مابين الاقواس 9 مرات ثم ننهى السطر بعمل 3ع
سيصبح عدد الغرز= 186 غرزة
السطر24= 1ع,2م معا فى اللفة الخلفية,لفة,17ع,(2ع معا,16ع)هنكرر مابين الاقواس 8 مرات ,2ع معا,17ع,لفة خلفية,2م معا,1ع(سيصبح عدد الغرز =177 غرزة)
السطر 25= عدل كله
السطر26= 1ع,2م معا فى اللفة الخلفية,لفة,14ع,هنضع علامة,33ع,هنضع علامة,8ع,هنضع علامة,61ع,هنضع علامة,8ع,هنضع علامة,33ع,هنضع علامة,14ع,لفة خلفية,2م معا,1ع
المرحلة التالية
هنشتغل الباترونات المشروحة وهنرتبها كما يلى
هنشتغل اول سطر من كل باترون كما يلى
السطر 27= البرواز اليمين(17غرزة) هنشيل العلامة,البرواز الداخلى(33 غرزة)هنشيل العلامة,الشبكة(8غرز)هنشيل العلامة,الجزء فى المنتصف(61غرزة)هنشيل العلامة,الشبكة(8غرز)هنشيل العلامة,البرواز الداخلى(33 غرزة)هنشيل العلامة,البرواز الشمال(17غرزة)
هنستمر فى شغل جميع الباترونات بالترتيب السابق حتى نصل الى 438 سطر(21 تكرار و18 سطر من الجزء فى المنتصف والبرواز الداخلى و 43 تكرار و8سطور من البرواز اليمين والشمال)
السطر 439= هنشتغل السطر التاسع من البرواز اليمين ثم هنشيل العلامة ثم 1م,12ع,(هنسلت 4 غرز على كابل امام العمل ,3ع,هنشتغل الغرز المسلوته 1م و3ع )12ع,1م,هنشيل العلامة,هنشتغل الشبكة,هنشيل العلامة,هنشتغل السطر 19 من الجزء فى المنتصف,هنشيل العلامة,هنشتغل الشبكة,هنشيل العلامة,1م,12ع,(هنسلت 4 غرز على كابل امام العمل ,3ع,هنشتغل الغرز المسلوته 1م و3ع )12ع,1م,هنشيل العلامة,هنشتغلالسطر التاسع من البرواز الشمال
هنترك الغرز على الابرة حتى نشتغل حافة الكسر المربعة التانية
هنشتغل حافة الكسر المربعة التانية زى الاولى حتى السطر 24 ثم نشبك الحافة بالشال
هنغسل الشال حسب تعليمات الغسيل او ننقعه فى ماء فاتر لبضع دقائق ثم هنلفه فى فوطة ناشفه لازالة الماء الزائد ثم هنفرد الشال كويس على سطح طاولة ونتركة يجف تماما
رد: باترون شال تريكو مستطيل بغرزة لاسية وضفيرة,بالصور باترون شال تريكو مستطيل للشتاء
إظهار التوقيع
توقيع : حياه الروح 5
التوقيع لا يظهر للزوار ..
رد: باترون شال تريكو مستطيل بغرزة لاسية وضفيرة,بالصور باترون شال تريكو مستطيل للشتاء
إظهار التوقيع
توقيع : ام سيف 22
التوقيع لا يظهر للزوار ..
رد: باترون شال تريكو مستطيل بغرزة لاسية وضفيرة,بالصور باترون شال تريكو مستطيل للشتاء
إظهار التوقيع
توقيع : العدولة هدير
التوقيع لا يظهر للزوار ..
رد: باترون شال تريكو مستطيل بغرزة لاسية وضفيرة,بالصور باترون شال تريكو مستط
إظهار التوقيع
توقيع : ام الاء وبيان2
التوقيع لا يظهر للزوار ..
رد: باترون شال تريكو مستطيل بغرزة لاسية وضفيرة,بالصور باترون شال تريكو مستط
الساعة الآن 02:56 PM
جميع المشاركات تمثل وجهة نظر كاتبها وليس بالضرورة وجهة نظر الموقع