ماذا تفعل في شعبان , خطة شهر شعبان , جدول للعبادة في شهر شعبان
الإنسان بطبيعته لا يستطيع تغيير عاداته أو نظام يومه إلا في 30:21 يوم .
ومعظمنا يجئ رمضان وهو عاوز يؤدي كل العبادات فيه فيمشي أول أسبوع تمام بعدها يكسل أو ينتكس ومش بيعمل أي حاجة
فهنبدأ من دلوقتي عشان رمضان ييجي نكون مستعدين له
شعبان شهر السقى وقد قيل "فمَن زرع الحبوب وما سقاها ..تأوه نادماً يوم الحصاد"
وعن أسامة بن زيد رضي الله عنهما قال: قلت: يا رسولَ الله، لم أرَك تصوم شهراً مِن الشهور ما تصومُ مِن شعبان؟! قال: «ذلك شهرٌ يغفُل الناس عنه بين رجَب ورمضان، وهو شهرٌ تُرفَع فيه الأعمالُ إلى ربِّ العالمين، فأحبُّ أن يُرفَع عمِلي وأنا صائِم» (مسند أحمد وسُنن النسائي، وحسنه الألباني)
خد بالك أعمال السنة الهجرية كلها فانهيها حلو وابدأ السنة الجديدة بما يرضى ربك
اعمل جدول محاسبة بالأعمال دي مش هتلاقيها كتير خالص وحطه قدام سريرك أو مكتبك بحيث تشوفه دايماً فنبدأ باسم الله :
1- النية ، أصلح نيتك في أي عمل وابدأ الشهر بنية سليمة لله
2- الصلوات المكتوبة -الفروض- لازم تكون على وقتها خصوصاً الفجر -مفيش فجر مفيش أجر-
3- سنن الصلوات تقرب إلى الله بالنوافل - اثنين قبل الفجر وأربعة قبل الظهر واثنين بعده واثنين بعد المغرب واثنين بعد العشاء -
ومش تكسل في سنن الظهر
4- صلاة الضحى صلاة الأوابين صدقة عن مفاصل جسمك كله
5- قيام الليل شرف المؤمن ركعتين فما أكثر ومننساش نختم اليوم بالوتر
6- جلسة الشروق وما أدراك ما فضلها . من بعد الفجر أقعد اقرأ قرآن وقول الأذكار لحد شروق الشمس وليك أجر حجة وعمرة تامة ولو مرة واحدة في الأسبوع
7- ورد القرآن اليومي نحاول نخليه جزئين عشان نختم مرتين ومش هتقدر على قد استطاعتك وده ورد للحسنات مع لزوم الترتيل
8- ورد قرآن تدبر ولو آية وفهم معناها مع العمل بيها
9- الصيام : تقدر تصومه كله يبقى عظيم مش هتقدر يبقى يوم ويوم مش هتقدر يبقى اثنين وخميس و 3 أيام القمرية .. لا تحمل نفسك فوق طاقتها
10- أذكار الصباح والمساء والذكر المطلق طوال اليوم .. وقت ماتفتكر قول
11- الصدقة ولو جنية في اليوم -وأعطى منفقاً خلفاً -
12- بر الوالدين والإحسان إليهما اتمنالهم الرضا يرضوا
13- إدخال السرور على قلب مسلم من أحب الأعمال إلى الله
مهم جداً :
14- أصلح قلبك وداوي نفسك من أمراض القلوب
15- أعد لقلبك روحه الإيمانية وده بكتاب بسيط جداً "رد إلى روحي "
16- حدد سقيا قلبك يا قرآن يا أغاني يا أفلام يا دروس دينية الاتنين مع بعض دونت ميكس
17- اقفل التليفزيون خالص وابعد عنه وامسح الأغاني من موبايلك لله
18- أمسك عليك لسانك من شتيمه وغيبة ونميمة وكذب اعمل نفسك صامت
19- خد فرصة تتوب من ذنب بتعمله باستمرار واقطعه -بنطلون أغاني أفلام غيبة ونميمة ..إلخ-
20- اعرف ربك بأسمائه الحسنى والأحاديث القدسية وبالقرآن
21- الدعاء والتماس أوقات الإجابة والدعاء للمسلمين
22- سلسلة رمضان قرب يلا نقرب هتفيدك جداً
23- اللينكات في الكومنتات
24- والدال على الخير كفاعله وإن لم تنشره مش هتأخذ أجر
وهذا ودي مهام لازم تكون يومية في حياة المسلم وأنت حابب تزود زود
وزي ما قولت مش هيأثروا على دراستك ومَن جعل رضا الله أول شيء ترتبت له باقي الأشياء
إظهار التوقيع
توقيع : سارة سرسور
التوقيع لا يظهر للزوار ..
رد: ماذا تفعل في شعبان , خطة شهر شعبان , جدول للعبادة في شهر شعبان
إظهار التوقيع
توقيع : فريحه1234
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| جدول امتحانات الصف الرابع الابتدائى 2025 محافظة | ريموووو | منتدى عدلات التعليمي | ||
| أحكام مختصرة فى شهر شعبان | عمر ابانا وعائشه امنا | المنتدي الاسلامي العام | ||
| شهر شعبان , ملف عن شهر شعبان وفضائله | محبه لله | المنتدي الاسلامي العام | ||
| فضائل شعبان وبعض أحكامه | نسيم آڸدکَريآت | المنتدي الاسلامي العام | ||
| شعبان | هبة الرحمان2 | المنتدي الاسلامي العام | ||
الساعة الآن 02:03 PM
جميع المشاركات تمثل وجهة نظر كاتبها وليس بالضرورة وجهة نظر الموقع