حنفياتك بورقرق
أزيكم ياعدولات
بعد تجربة العديد من المنظفات والخلاطات اللي في المنتديات واللي ماجبيتش اي نتيجات مرضيات لتلميع الحنفيات
أفتكرت برنامج أنا شفته في ال تي في من كام سنه وأسمه بيوت قذره
شفت أيه بقي ؟؟؟ مقدمة البرنامج جابت حنفيات كانت مجيره وعليها سواد وأذ فجأتن لمعتها بقماشه بقت أأأأأأأأأيه بروقرق
عارفين أستخدمت أيه ؟؟ كريم الحلاقه أيون كريم الحلاقه اللي بيحلق بيه الرجاله أنا مخدش في بالي ونسيت الموضوع بس زي ماقولتلكم في الاول بعد التجارب والنتيجه اللي ماكنتش بتعجبني أفتكرت البرنامج وقولت أجرب مش حخسر حاجه ورحت خدت حته كده صغيره من الكريم علي قماشه ناشفه ولمع يامعلم قوم لقيت أيه نتيجه سااااااااااااحره وكل دا وانا ناسيه الموضوع اااااه لو كنت خدت الوصل ...... قصدي بالي
وقولت لازمن ولابد أني أقولكم علي التجربه دي بجد بجد رائعه ومش حتخسري حاجه هو أنبوبة كريم حلاقه ب3 جنيه وحتخدي منه يادوب حته صغيره وتلمعي بيه يعني حيعقد عندك كتير لآني الحنفيه بتفضل تلمع مده طويله ومش بتجير خالص يادوب تنشفيها لو جت عليها الميه
أه وطبعا بعد ماتعملي الموضوع دا بتشطفي الحنفيه كويس وبعدين تنشفيها ودي طبعا لكل الحنفيات بتاعت الحمام والمطبخ
يلا جربوا كده وقولولي وماتنسوش تدعولي وتقيمولي
أحبكم في الله
[IMG][/IMG]