مهم للبنات تفتيح المناطق الحساسة (under arms and bikini areas)

إضافة رد أضف للمفضلة حذف من المفضلة

https://3dlat.com/showthread.php?t=374860

بياناتي

النجمة الذهبية

~{::. عضوة برونزية .::}~

بيانات العضوة

رقم العضوية : 128859
تاريخ التسجيل: 123May 2017
الدولة : مصر
المدينة : القاهره
الحالة الاجتماعية : ..
الوظيفة : طالبه في الازهر
المشاركات: 2,397 [+]
الأصدقاء : 18
نقاط التقييم : 694

مهم للبنات تفتيح المناطق الحساسة (under arms and bikini areas)

مهم للبنات تفتيح المناطق الحساسة (under arms and bikini areas)

الموضوع ده هتلاقي فيه خلاصة بحث و تدوير و تجارب و أن شاء الله يغطي الموضوع من كل الجوانب
- قبل ماابدء في مبادئ نعرف هنفتح المناطق دي ازاي محتاجين نعرف الاول ايه الأسباب التي أدت للغمقان ده علشان نتجنبها و نبتدي نعتني بالمناطق دي بطريقة صح

- أول حاجه نعرفها أن المنطقة دي الجلد بتاعها بيبقي ارق من باقي الجسم و بيحتاج عناية خاصه و زي ما اتفقنا قبل كده أن الالتهابات = جفاف = غمقان و اسمرار ، طب ايه بقي الحاجات الغلط اللي احنا بنعملها و بتسبب الغمقان ده ؟

* استخدام كريمات إزالة الشعر زي one و غيره و كمان استخدام الشفرات للناس اللي جلدها حساس لانها ممكن تعمل التهابات = اسمرار

* استخدام العطور مباشرة ع المناطق دي اوي اي كريم عطري أو فيه كحول

* استخدام مزيلات العرق اللي فيها كحول و بارابين و الومنيوم و غيره

*الاحتكاك المستمر و خصوصا الناس اللي جسمها مليان شويه بيحصل احتكاك ف منطقة بين الفخذين فتحاول نقلل وزننا شويه و نلبس شورت قطن يقلل الاحتكاك بتاع الجلد شويه

* اهمال النظافه الشخصيه و عدم غسل المنطقه خصوصاً في فترة الدوره الشهريه

* حدوث عدوي فطريه و اهمالها و عدم علاجها » التهابات و اسمرار

* ارتداء ملابس داخليه غير قطنية

* البلل الدائم للمنطقه و عدم تجفيفها بعد الحمام

علشان بقينا نهتم بالمناطق دي و نرجعها بلونها الطبيعي اول حاجه محتاجين نعملها اننا نصحح العادات الخاطئه دي و نعمل الآتي :
*ارتداء ملابس قطنية و تغيرها مره يومياً علي الاقل

*تجفيف المنطقة جيدا بعد الحمام و التجفيف يكون بمناديل ورق و من الامام للخلف مش العكس و ده علشان مننقلش بكتريا اكتر للمنطقه الحساسه

*نشطف المنطقه دايما بماء دافي و نبتعد عن استخدام الصابون العطري فالمنطقه دي و انا بصراحه برضه من مناصرين عدم استخدام الغسول المهبلي الا عند الضرورة أو حدوث عدوي أو مره فالاسبوع بالكتير اوي

*نبتعد عن استخدام العطور في المناطق دي و لو عايزين ريحه حلوه يبقي حجر المسك من العطار نطحنه و نستخدمه

*نبتعد تماما عن مزيلات العرق اللي فيها كحول و بارابين و الومنيوم.
**اي تغير أو إفرازات أو حدوث عدوي فالمنطقة دي نرجع للطبيب أو الصيدلي و نشوف العلاج المناسب و منهملش الموضوع
ترطيب دائم للمنطقه باستخدام مرطبات فيها زنك بالذات زي baby cream ب خمسه جنيه و نص او zinc olive baby ب ٢٤ جنيه او citropanten ب ٢٠ جنيه

العلاج بقي هيتم ع خطوتين

١) تقشير أو اسكراب للمناطق الحساسة مرتين في الاسبوع و لو الغمقان شديد ممكن نعمل يوم اه و يوم لأ .. التقشير ممكن نعمله بكذا طريقة :
- زيت زيتون + سكر
- سكراب القهوه
- ملح الحليب
- اي سكراب للجسم طبيعي او جاهز بتحبيه

٢) تاني خطوه و هي التفتيح و برضه عندنا فيها طريقتين يأما ماسكات طبيعيه او كريمات تفتيح و قبل ما اقولكم عليهم لازم تفهموا ان الموضوع ده محتاج صبر سواء باستخدام الماسكات أو الكريمات علشان تلاقي نتيجة ملحوظة مش اقل من شهرين تلاته و لو التصبغات شديده ممكن توصل ل ٥ و ٦ شهور و ده طبيعي لان كل الأخطاء اللي بنرتكبها طول عمرنا و الغمقان اللي اتسببت فيه مش معقول هيروح من يوم و ليله بس ده مينفعش برضه أن فيه ناس بتلاقي نتيجه ملحوظه في وقت اقصر من كده بكتير

اولا الماسكات الطبيعيه :

١) الليمون و ده البريمو في الموضوع ده (خصوصا تحت الابط) .. هو بيطهر المناطق دي من البكتريا المسببه للاتهابات اصلا و كمان فيه فيتامين سي المكون الرئيسي فأغلب كريمات التفتيح .. لو دعكتي بيه المنطقه دي يومياً هتلاقي نتيجه حلوه جدا ده غير أنه ممكن يبقي بديل كويس لمزيلات العرق و يمنع الريحه الوحشه اللي بتسببها البكتريا ( تحذير لاصحاب البشره الحساسه و أي حد يجرب يستخدمه لاول مره يجريه ع حته صغيره الاول )
٢) البنات اللي بشرتها حساسه و عايزه برضه تستفاد من فوائد الليمون ممكن ندخله في وصفه مع مكونات تانيه بحيث نخففه شويه . الوصفه هتكون عباره عن ( معلقة زيت زيتون + ٢ م مياه ورد + عصير ليمونه + ٢ م نشا ) و اخلطيهم كويس مع بعض لحد ما توصلي لقوام مناسب و نحطها لمدة ساعه بعد كده نفركها لمدة ٥ دقائق قبل ما نشطفها
٣) زيت الورد و ده حلو جدا بالذات ف منطقة البكيني و لازم نخففه باي زيت تاني زي اللوز الحلو أو زيت جونسون
٤ ) النشا و الفازلين نخلطهم بكميات متساوية و نحطهم يوميا لمدة نص ساعه بعدين نفركهم
٥ ) نص علبة زبادي + معلقة ترمس مر مطحون و نخلطهم و نسيبهم نص ساعه و نفركهم
٦) ترمس مر مطحون + عسل و نفردهم نص ساعه بعدين نفركهم
٧ ) معلقة فازلين + معلقة جلسرين + نص معلقة لوز حلو و نسيحهم مع بعض ع حمام بخار دافي و نحطهم لمدة ساعه يومياً
اي وصفة من الوصفات دي نقدر نستخدمها يومياً مع الالتزام بالاسكراب مرتين فالاسبوع و الاسكراب بيكون قبل الماسك

**الناس اللي ملهاش خلق للوصفات تركز معايا بقي في الكريمات دي و متوفره فالصيدليه و سعرها لطيف و برضه هنلتزم بيها يوميا و ممكن مرتين كمان لان كلها مكونات طبيعيه و برضه هنلتزم بالاسكراب

-foldex أشهرهم و ب ٧٥ جنيه

- romix ٦٥ جنيه

- dermo white ٤٩ جنيه

- clearty ٤٩ جنيه

- harvy ٤٤ جنيه

- ventamor ٥٥ جنيه

- Britalo ٩٠ جنيه

انا قايلالكم بدايل كتيره اهو علشان لو ملاقيتوش حاجه تلاقوا التانيه و كلهم تركيبتهم قريبة من بعض و كويسه محتاجين شوية وقت بس
⁦
*الناس اللي معاهم فلوس شويه و بتحب البراندات المحترمه بقي اللي ليها اسمها هقولكم بقي اشهر الكريمات اللي بتستخدم لتفتيح المناطق الحساسه واللي عليها ريفيوهات كتير كويسه .. بس بصراحه انا مقدرتش اوصل لاسعارها الصحيحه
- ACM depiwhite milk

- isis unitone reveal

- rexol ultra whitening

- Beesline whitening sensitive zone (عليه كلام جميل اوي من كل اللي استخدموه )

- topicream corrective day cream

- soskin whitening lotion

علشان بقي أبقي غطيت الموضوع من كل الجوانب بالنسبه ل كريمات التقشير فيه ناس كتير بتستخدم الطريقه دي للتفتيح بالذات لو التصبغات شديده بس انا بصراحه بخاف من الكريمات دي فالمناطق دي بالذات لان فيه ناس جلد وشهم ما بيستحملهاش و ممكن تعملهم التهابات فما بالك بقي بالمناطق دي ... بس عامة لو انتي جربتيها و معملتلكيش التهابات او عارفه انك هتتحمليها ياريت متستخدميهاش اكتر من اسبوعين بحيث الجلد الميت اللي عالسطح يتقشر و بعد كده كملي الطرق اللي قولتلك عليها و كمان بلاش كريمات التقشير اللي فيها هيدروكينون خليكوا مثلا ف حاجات اخف زي الاكرتين و الادابالين و الاكني فري و بلاش التريتسبوت و الميلانوفري واهم حاجه كمان لازم خطوة الترطيب معاهم ..
المراجع
من تنسيقي

كلام D_MennaSabry