أو

الدخول بواسطة حسابك بمواقع التواصل

#1

قصة شاب اشترى خط جديد

دى حكايه لشاب اشترى خط جديد

شوفو اللي حصل


يحكى الشاب






من يومين كده اشتريت خط موبايل جديد .. و بم...جرد ما حطيت الشريحة في التليفون لقيت كمية كبيرة من الرسائل القصيرة بتوصل ورا بعضها .. رسايل كتير قوي .. استغربت من مين تكون كل الرسايل دي إذا كانت الشريحة لسه جديدة و مدتش رقمي لحد !! .. لاحظت إن الرسايل جايه كلها من رقم معين وبتواريخ متقاربة و مضمونها واحد : و هو إن فيه واحده بتترجى (مصطفى ميكونش زعلان منها) و (إنه يرجع لها) و (إنه يرد عالموبيل ويبطل تطنيش) ..

استنتجت إن الخط ده كان بتاع واحد اسمه (مصطفى) و إن اللي بتبعت الرسايل دي ربما تكون خطيبته اللي سابها أو أمه اللي طفشان منها وإنها – الرسايل يعني – وصلت دفعة واحدة أول ما الخط اتفعّل من تاني .. و عموماً – صاحبنا لسه بيحكي - قلت أعمل ديليت للرسايل دي كلها لأنها شاغله مساحة عالفاضي وطبعاً ملهاش أي فايدة بالنسبة لي .. لكن و أنا بعمل ديليت لقيت نمرة بتتصل .. هي نفس النمرة اللي باعته الرسايل .. قلت أرد عشان أوضح حقيقة الالتباس وأنهي الموضوع .. رديت .. و بمجرد ما قلت (آلو) لقيت واحده ست بتصرخ صراخ هستيري كأنها ما صدقت إنه فيه حد رد : (يا مصصطفففى تعاااالى بقى) ... ( يا مصصصطططففي واحشني قوي) .. اتخضيت من الموقف وقلبي اتقبض .. حاولت أفهّم الست إني مش (مصطفى) اللي عايزاه وإني لسه شاري الرقم ده ولكن صوتي وكلامي ضاع وسط توسلاتها وإصرارها إني "مصطفى" .. قفلت السكة بعد ما عجزت إني أتفاهم معاها .. وبطلت أرد عالنمرة دي تماماً لأني في كل مرة برد كان نفس الموال بيتكرر .. و لما زادت الاتصالات والرسايل قررت أغير الشريحه .. و قبل ما أشيل الشريحة من التليفون بثواني – وكالمتوقع - لقيت نفس النمرة بتتصل بنفس الإصرار .. كان ممكن أشيل الشريحة واخلص و يبقى الموضوع اتقفل .. فضلت أبص على الرقم لفترة و قررت إني أرد .. قلت هرد على الست دي لآخر مرة ، آخر مرة بس ، و في المرة دي قلت هبذل مجهود أكبر عشان أحاول أفهمها إن الرقم ده خلاص مبقاش بتاع مصطفى اللي بتدور عليه .. كنت عايز أعمل كده عشان أريح أعصابها وعشان اللي هيشتري الرقم ده من بعدي ميقعش في نفس المشكله الغريبة دي .. رديت .. وكنت متوقع سيل من الصراخ والعويل كالعادة .. ولكن المرة دي سمعت صوت تاني .. صوت بنت عمرها في حدود 15 أو 16 سنه .. قالت لي الكلام ده بالحرف :

" انا بعتذر لحضرتك بالنيابة عن أمي .. الرقم اللي معاك ده كان بتاع اخويا (مصطفى فتحي محمود) .. استشهد في أحداث 28 يناير .. و ماما بقالها 10 شهور مش مستوعبة إنه مات وبتتصل على موبايله يمكن يرد .. وجت فيك انت .. احنا آسفين .." ..
وقفلت السكة ...


إظهار التوقيع
توقيع : nody86
#2

افتراضي رد: شاب اشترى خط جديد

ياحرام
الله يصبر قلب كل أم
مشكورة
إظهار التوقيع
توقيع : لؤلؤة الايمان
#3

افتراضي رد: شاب اشترى خط جديد

لا حول ولا قوة الا بالله ربنا يصبر كل ام فقدت ابنها
#4

افتراضي رد: شاب اشترى خط جديد

لا حول ولا قوة الا بالله
ربنا يلهمها الصبر والسلوان يارب
إظهار التوقيع
توقيع : حسناء
#5

افتراضي رد: شاب اشترى خط جديد

لا اله الا الله
ربنا يصبرهم جميعا
إظهار التوقيع
توقيع : همسه حالمه
#6

افتراضي رد: شاب اشترى خط جديد

اسعدنى تواجدكم
رد: شاب اشترى خط جديد
إظهار التوقيع
توقيع : nody86
#7

افتراضي رد: شاب اشترى خط جديد

والله ادمعت قلبى وعينى ربنا يصبر كل ام فقدت ابنها ويجعل مثواه الجنه وهو وكل الشهداء اللى ضحوا بنفسهم عشان البلد تعيش
إظهار التوقيع
توقيع : حسناء أحمد
#8

افتراضي رد: شاب اشترى خط جديد

رد: شاب اشترى خط جديد
إظهار التوقيع
توقيع : nesrinaaa
#9

افتراضي رد: شاب اشترى خط جديد

لا حول ولا قوة الا بالله
إظهار التوقيع
توقيع : دكتورة مها
#10

افتراضي رد: شاب اشترى خط جديد

رد: شاب اشترى خط جديد
إظهار التوقيع
توقيع : nody86
#11

افتراضي رد: شاب اشترى خط جديد

رد: شاب اشترى خط جديد

تسلم ايدك غاليتى

ما ننحرم من عطائك

ودى ووردى لك

رد: شاب اشترى خط جديد
إظهار التوقيع
توقيع : ريموووو
#12

افتراضي رد: شاب اشترى خط جديد

شكرا ريمووووووو
نورتينى ياقمر
إظهار التوقيع
توقيع : nody86
#13

افتراضي رد: شاب اشترى خط جديد

لا حول ولا قوة الا بالله
ربنا يصبرها!!
إظهار التوقيع
توقيع : الـمـتـألـقـة


قد تكوني مهتمة بالمواضيع التالية ايضاً
الموضوع كاتب الموضوع المنتدى
إعترافات شاب لـــــ ...شاب للبنات فقط A7sas منوعات x منوعات - مواضيع مختلفة
كوكى + اوريفليم = عيد حب ضرب نار من الاخر دمار جنةمحمد سوق عدلات النسائي العام
اجمل غرفة نوم شاب سعودي ملكة الروح غرف نوم 2022
رد فتاة على شاب استوقفها شمع الأمل قصص - حكايات - روايات
قصة رائعة عن شاب مسلم ايملى فتاةالرياح قصص - حكايات - روايات


الساعة الآن 04:59 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل