5 تمارين رياضيه إن لم تقومى بها بالطريقة الصحيحة ستصبحي ااتخن
تمارين ممكن تبينك اتخن:
التمارين اللي في الموضوع اللي معانا النهاردة, بتشتغل على العضلات المعزولة اللي بتحفز نمو العضلات, واكيد نمو العضلات هيخلي شكلها اكبر وده اللي ممكن يبنيك اتخن وهيخلي المنطقة اللي شغالة عليها التمارين تبان اكبر, بدل ما يبقى الجسم انحف مع التمارين.
1- تمرين Side bends:
لو انتي بتمارسي تمارين الوسط, لو مارستيها بشكل مش صح ممكن تديكي نتيجة عكسية وتخلي الوسط يبقى اعرض.
البديل: يعتبر تمرين ال Side plank هو افضل بديل وواحد من اكتر التمارين الفعالة عشان تعملي منحنيات قوية لجسمك وتتجنبي زيادة حجمها.
طريقة التمرين: نامي على جنبك, حافظي على الساقين بشكل مستقيم, وخلي الكوع تحت الكتف مباشرة, ادفعي جسمك لفوق وخلي الجسم بشكل مستقيم من الكتف للقدمين, واثبتي على الوضع ده لاطول فترة ممكنة, وبعدين انزلي ببطء, وكرري نفس الحركة للجنب التاني.
2- تمرين Rollouts:
التمرين ده ممكن يتعمل باستخدام الحديد, او الدمبلز, او عجلة التمرين, ويعتبر من التمارين القوية جدا لعضلات البطن العلوية والسلفية, ولكن ممكن التمرين يخلي معدتك اكبر بدل من انها تبقى مسطحة.
البديل: افضل بديل هو تمرين ال Plank, وهو تمرين بسيط ولكن فعال جدا.
طريقة التمرين: نامي على الارض على بطنك, واسندي بالكوعين على الارض وخلي الكوع تحت الكتفين مباشرة, حافظي على جسمك مستقيم, واثبتي على الوضع ده على قد ما تقدري.
3- تمرين Medicine ball jackknife:
تمرين الكورة كمان من التمارين اللي ممكن تخلي محيط الوسط يبان اكبر.
البديل: تمرين Stomach vacuum او شفط المعدة, التمرين ده فعال جدا وبيشتغل على عضلات البطن, ولو مارستيه بانتظام هتحصلي على عضلات اساسية قوية ومشدودة اكتر.
طريقة التمرين: خدي كام نفس عميق للتسخين, وبعدين خدي نفس كبير عميق, وشدي معدتك لجوه لاقصى درجة ممكنة, واثبتي على الوضع ده على قد ما تقدري.
4- تمرين Cable crunches:
التمرين ده بيشتغل على عضلة البطن المستقيمة, ولو بتمارسي التمرين ده كتير ممكن يجيب نتيجة عكسية ويخلي حجم المعدة اكبر ما انتي متوقعة.
البديل: The static V, التمرين ده كمان بيشتغل على عضلة البطن المستقيمة, ولكن عكس تمرين ال Cable crunches, بيشتغل على تقوية العضلة مش الحجم.
طريقة التمرين: اقعدي على الارض, ارفعي الساقين لفوق, وخلي الذراعين مفرودين جنب الساقين, واثبتي على الوضع ده على قد ما تقدري.
5- تمرين Weighted crunches:
التمرين ده من التمارين اللي بتساعد على تقسيمة ال 6-pack, ولكن مش هتكون الاختيار الافضل ليكي لو انتي عايزة تبقى منطقة الوسط عندك رفيعة.
البديل: تمرين القوس يعتبر من التمارين الفعالة اللي بتشتغل على ال 6-pack, وكمان تعتبر اختيار مناسب لو بتعاني من اي الم في الضهر.
طريقة التمرين: نامي على بطنك, ارفعي الجزء العلوي من جسمك لفوق, وشدي الساقين والذراعين, اثبتي على الوضع ده على قد ما تقدري.
لو عايزة تفقدي وزنك طبيعي انك هتحاولي تمارسي رياضة كتير وبشكل منتظم, لكن مع ذلك الخبراء والمتخصصين بيحذروا من التمرين بشكل مفرط لانه ممكن يوصلك لنتيجة عكسية, وكمان وقت الراحة وشفاء العضلات مهم جدا لبناء عضلات قوية ومنع الاصابات, وضروري جدا اتباع نظام غذائي صحي ومتوازن, لان حتى افضل العضلات في الجسم لو متغطية بطبقات من الدهون هتبان اكبر.
إظهار التوقيع
توقيع : حياه الروح 5
التوقيع لا يظهر للزوار ..
رد: 5 تمارين رياضيه إن لم تقومى بها بالطريقة الصحيحة ستصبحي ااتخن
إظهار التوقيع
توقيع : مريم 2
التوقيع لا يظهر للزوار ..
قد تكوني مهتمة بالمواضيع التالية ايضاً
|
||||
| الموضوع | كاتب الموضوع | المنتدى | ||
| تمارين رياضية بالصور المتحركة مع الشرح | اسيرة الحب | التمارين الرياضية | ||
| تمارين ونصائح | غرام18 | التمارين الرياضية | ||
| تدرّبي على طلب المزيد من زوجكِ .. ولكن بالطريقة الصحيحة ! | الاحساس الناعم | الثقافة والتوجيهات الزوجية | ||
| تمارين لشد الجسم,تمرينات بسيطة يمكن ان تقومين بها فى المنزل | حسناء | التمارين الرياضية | ||
| ( فيديوهات ) بها تمارين رياضية لجسم رشيق | sho_sho | التمارين الرياضية | ||
الساعة الآن 05:03 AM
جميع المشاركات تمثل وجهة نظر كاتبها وليس بالضرورة وجهة نظر الموقع