تعالى اقولك ازاى تعاملى حماتك وتكسبيها ف صفك(من تجميع خبرات المتزوجين)
اكيد كل بنت مقبلة على الخطوبة أو الزواج أوّل حاجة بتفكّر فيها هي شكل العلاقة اللي هتكون بينها وبين حماتها..
وده لأنها إما تكون علاقة طيبة،
أو إنها تكون علاقة تشبه علاقة القط والفأر ههه
فالعروسة مثلاً حاسة إن حماتها قنبلة ذرية هتنفجر في وشها في أي وقت.
والحماة حاطة في دماغها إن العروسة دي جاية تاخد ابنها اللي تعبت في تربيته على الجاهز، وإنها هتكون السبب في إن ابنها يبعد عنها باقي عمرها،
طيب والحل إيه؟
علشان علاقتك بحماتك تكون علاقة طيبة قائمة على الحب والاحترام، يبقى لازم تحطي في دماغك إن حماتك في مقام والدتك بالضبط
هاقول لك إن فيه تفسير بسيط جداً لتصرّفاتها معاكِ بالشكل ده، ويا ريت التفسير ده تخلّيه قدامك على طول وإنتِ بتتعاملي مع حماتك، وهو إن حماتك مهما كانت فهي في النهاية سِت، والست عندها مرض اسمه الغيرة، والغيرة دي بتظهر أول لما بتسمع إن ابنها هيخطب أو خلاص هيتجوّز؛ وده لأنها بتحسّ إنه هيسيبها ويروح لواحدة تانية، وبتزداد حدة الغيرة دي خصوصاً لو كان ابنها هو وحيدها أو هو الحنين عليها، وأحياناً أخرى بتكون بدون مبرر.
ودي شوية نصائح هتساعدك على تحقيق غرضك النبيل..
سيبك من اللي بتسمعيه،
علشان كده عايزاكِ تعرفي حاجة؛ وهي إن زي ما فيه حموات بيتدخلوا في حياة أبنائهم بشكل يسبب المشاكل، فيه حموات تانية طيبة جداً وبتعامل زوجات أبنائهم بشكل كويس جداً،
افتحي مجال للكلام
حاولي دايماً إنك تفتحي مجال للكلام بينك وبين حماتك، وأثناء المكالمة دي افتحي معاها مجال للكلام في أي موضوع من الموضوعات، وليكن مثلاً عن المطبخ والأكل، وخليكِ مستمعة جيدة لكلامها، وأكّدي لها في نهاية المكالمة إنك سعيدة جداً بالحوار ده، وإنك بتاخدي الحكمة منها، وأكّدي لها إنك بترتاحي معاها في الكلام
ويا ريت تشجّعي جوزك على الاتصال بوالدته
افتكريها في كل مناسبة
اسألي خطيبك أو جوزك عن تاريخ ميلاد والدته، ونوعية الهدايا اللي بتحبها، واوعي تنسي كمان عيد الأم،
وأثناء الزيارة دي اقعدي اضحكي واتكلّمي معاها، وساعديها وهي بتقدّم لكم واجبات الضيافة، وامدحي في ذوقها الشديد ونظافة بيتها، واتمنّي قدامها إنك تكوني شاطرة زيها كده.
اهتمي بالتفاصيل حتى البسيطة
يعني مثلاً لو عارفة إن النهارده ميعادها مع الدكتور اعرفي الميعاد هيكون الساعة كام بالضبط، واتصلي فكريها بالميعاد، وبعد شوية اتصلي تاني واسأليها عملت إيه في زيارتها للدكتور؟
وده لإنها في الوقت ده بتكون مستنيّة تشوف مدى اهتمام اللي حواليها بيها
ساعديها في مرضها
يا ريت أثناء مرض حماتك -لا قدّر الله- تحرصي على إنك تعرضي مساعدتها في شئون المنزل أو في إعداد الطعام، ويا ريت لو وقتك يسمح إنك تروحي وتقعدي معاها وتخدميها خلال فترة مرضها
زوريها كل ما تكوني فاضية
بلاش تعوّدي حماتك على وقت أو يوم معين تزوروها فيه زي يوم الجمعة من كل أسبوع مثلاً؛ لأن بعد كده هيبقى شيء متوقع وروتيني، ويا ويلك لو جه اليوم ده وما رُحتيش لأي سبب؛ هتعتبرك كده إنك مقصّرة في حقها وعايزة تبعدي ابنها عنها؛ فحاولي تنوّعي في مواعيد زياراتك؛ يعني مرة الأحد ومرة الأربعاء، وهكذا
التزمي السكوت
في بعض الوقت ممكن حماتك تقول لك كلمة ما تعجبكيش أو يكون لها رأي مخالف لرأيك في بعض الأمور، في الوقت ده من الذكاء إنك تسكتي علشان ما يحصلش تصطادم بينك وبينها؛
واوعي تغلطي وتسألي جوزك في الموقف ده عن رأيه؛ لإنه في الوقت ده مش هيكون عارف يرضي مين فيكم؛ إنتِ ولا والدته.
اذكري مميزات زوجك
احرصي دايماً وإنتِ قاعدة قدام حماتك إنك تمدحي صفات زوجك وطباعه الجميلة، واوعي تطلّعي فيه أي عيب قدامها
أشركيها مع أسرتك
الأحفاد دايماً بيمثلوا حاجة كبيرة جداً عند أجدادهم؛ وزي ما قال المثل الشعبي "أعز الولد.. ولد الولد"، علشان كده لازم تخلّيها مُطّلعة دايماً على كل الأحداث المهمة في حياة أحفادها؛
الحاجات البسيطة دي ليها تأثير كبير على حب حماتك ليكِ، ولازم تحسّسي أولادك دايماً بأهمية جدتهم ودورها في حياتهم.
وحاولي كمان تعزمي حماتك عندك في البيت كل فترة،
بلاش تقلّديها
في حاجة بنات كتير بتقع فيها وهما مش عارفين، ممكن تعمل مشكلة كبيرة، وهي إن البنت بتفتكر لما تحاول تقلّد حماتها في أكلة معينة وتتفوّق عليها فده هيخليها تحبها أكتر.
لكن العكس هو اللي بيحصل؛ لأنك لما تحاولي تاخدي مكانها وتثبتي للكل إنك ممكن تتفوّقي عليها؛ ده هيحسسها إنك عايزة تاخدي كل حاجة منها وتلغي دورها.
حماتك امرأة مثلك
دايماً بتكون علاقة البنت مع حماها أفضل من علاقتها مع حماتها.. بس خلّي بالك إن العلاقة دي ممكن تكون من ضمن الأسباب اللي بتضايق حماتك؛ لأنها ممكن تكون شخصية غيورة،
وفي النهاية حاولي دايماً تفكّري نفسك بإن حماتك تعتبر أم تانية ليكِ، تعامليها زي ما بتعاملي مامتك وتخافي على زعلها، وبالطريقة دي هتعيشي مع حماتك شهر عسل طويل، وهترتاحي في حياتك؛ لأن تقرّبك وحبك لحماتك بيخلي جوزك يحبك أكتر وأكتر
ودى خبرات ناس متجوزة
تعالى اقولك ازاى تعاملى حماتك وتكسبيها ف صفك(من تجميع خبرات المتزوجين)
رد: تعالى اقولك ازاى تعاملى حماتك وتكسبيها ف صفك(من تجميع خبرات المتزو
قد تكوني مهتمة بالمواضيع التالية ايضاً