أو

الدخول بواسطة حسابك بمواقع التواصل



عدلات

> مطبخ عدلات

> اكلات عدلات

> استشارات ونصائح مطبخية

11

إضافة رد  أضف للمفضلة
https://3dlat.com/showthread.php?t=42104
5549 11
#1

11

الفطور واهميته كوجبة صباحية في حياة الجميع وخصوصا الاشخاص دوي الاوزان الزائدة

بعد ما شفت هون بالمنتدى كتير من البنات الي بيختصروا وجبة الفطور
لعدة اسباب منها انه مو جاي على بالهم الاكل
او ما عندهم وقت للاكل
او بدهم وزنهم ينزل على حساب وجبة الفطور
فهون انا قلت لازم اجيب الدليل القاطع وادور بالنت على أي شي يدعم اقوالي باهمية وجبة الصباح
وطبعا كون المعلومات العربية دائا مختصرة وفيها نقص
اتجهت للانجليزي ولقيت مقالات ومعلومات حلوة جدا
فجمعتها وترجمتها ولخصتكم اياها
وان شالله اكون قدرت اوصللكم ولو معلومة بسيطة تستفيدوا منها

نبدا بموضوعنا:

لتخسر وزنك تناول فطورك

كلنا سمعنا مليون مرة انه الفطور هو الوجبة الاهم باليوم
لماذا؟؟؟
لانه كلنا بنكون امضينا 7 او 8 ساعات او اكتر بدون ماء و طعام
اذا الجسم بكون بعاني من جفاف بسيط
سكر الدم كتير قليل
الطاقة قليلة
وهلا صحينا من النوم وصار وقت الاهتمام بالاولاد والبيت يعني شغل شي 3 او 4 ساعات
او الذهاب الى الشغل والبقاء فيه بحدود 6 او 7 ساعات

اذا هاد اهم وقت لنحصل على الطاقة لنقوم بهذه المهام بكل نشاط وبدون كسل


لماذا الفطور هو اهم وجبة باليوم؟؟؟؟؟؟

الخطوة الاولى لنبدا بخسارة وزننا هي تناول طعام الافطار باكرا

و اول واسهل خطوة يجب ان تخطوها لتصبح شخصا اكثر صحة هي خطوة سهلة جدا
انها بكل بساطة تناول فطورك

الاشخاص الذين يتناولون فطورهم دائما يحصلون على فوائد عديدة اهمها:

-رفع الايض (الميتابوليزم) باكرا جدا وهذا يؤدي الى حرق عالي للسعرات لتكون كوقود للقيام بجميع اعمالنا اليومية

- تقليل عدد السعرات التي سوف نتناولها خلال اليوم

-الزيادةفي افراز هرمون ليبتين

وهرمون الليبتبن بشكل بسيط هو هرمون بيتحكم بالشهية
اذا تناولنا وجبة متكاملة باكرا فاننا سوف نضمن افراز هذا الهرمون بشكل كافي وبالتالي التحكم بالشهية طوال اليوم
بعض الاطباء بالغرب بيتناولوا بدراساتهم اثر هرمون الليبتين على الانسان مستقبلا وخصوصا النساء
والنتيجة الي اجمع عليها اغلب الاطباء

انه عندما نتناول الفطور الصباحي فاننا نزيد من الحرق
نقلل استهلاك السعرات
نتحكم بالشهية
وهذه النتائج نحصل عليها يوميا
اما مستقبلا النساء اللواتي كن يفطرن دائما لا يعانين من السمنة بعد الــ 40
كغيرهم من النساء اللواتي كن يهملن وجبة الافطار
واغلب النساء لما يكبروا بيسمنوا حتى لو ما تغير اكلهم او عاداتهم اليومية
اذا الخلاصة
بما ان هرمون الليبتين بيكبح الشهية
اذا الاشخاص الي بيتناولوا فطورهم بياكلوا كالوريات اقل على مدار اليوم




وبالتالي بيخسروا وزن او بحافظوا على وزنهم دون زيادة

وكان هنالك دراسة اجرتها جامعة تكساس
ودرست فيها العادات الغذائية لــ 586 رجلا وامراة قاموا بتسجيل جميع ما تناولوه خلال فترة زمنية محددة
وكانت النتيجة
انه كلما اكل الشخص كمية اكبر من الطعام خلال الفطور فانه يستهلك سعرات اقل خلال باقي اليوم

اذا يجب علينا جميعا ان نتناول فطورنا باكرا لان ما سناكله على الفطور سوف يحدد ما سنتاوله باقي اليوم



ماذا ناكل على الفطور؟؟؟؟؟؟


دائما هاد السؤال هو شغل الناس الشاغل شو ناكل وشو الكمية
الامر بسيط جدا ما في داعي يكون الاكل بكمية كبيرة لازم يكون اكل معتدل بس مفيد
قليل ومفيد مقبولة اما قليل وسيء هذا الي رح نحاول نبعد عنه

لو اكلنا الكاربوهيدرات المكررة او التوست الابيض او الخبز الابيض او الكعك او الوافل او البيغل المصنوع بالقمح المقشور
او اكلنا الحبوب المكسوة بالسكر او الي فيها نسبة سكر(الكورن فليكس)
حتى لو كانوا بكميات قليلة
سيصبح الامر مجرد عادة سيئة وسنكسب وزنا بدل ان نخسر
لانه رح يصير الواحد مع المدة يزيد اكله وما يستفيد شي

بدلا من هذا سنحاول ان ننوع
سنحاول ان ناكل نفس الاكل الستبق بخيارات صحية اكثر


سنستعين بالكاربوهيدرات المركبة
كالخبز الكامل
او الحبوب الكاملة
او الشوفان المفيد جدا
سنضيف لوجبتنا البروتين والدهون


كيف نحقق الشروط اعلاه بوجبة صغيرة ومغذية وكافية؟؟؟؟؟؟؟؟؟؟

ممكن ان ناكل ساندويشة من الخبز الكامل مع زبدة الفستق بالاضافة الى حبة موز<<<هذا فطور صحي او قطعتين توست اسمر مع زبدة الفستق والموز

حبوب كاملة مع حليب قليل الدسم<<<مش خالي الدسم
واحسن انواع الحبوب هيWheaties او Cheerios
هدول اكتر نوعين صحيين
واذا ما لقينا منهم لازم نراعي باي نوع حبوب انه يكون السكر فيه قليل
نقرا كل المعلومات الغذائية ونشوف بالحصة الوحدةمن هذه الحبوب
لازم يكون في الياف مش اقل من 5 غرام
والسكر لازم يكون اقل من 5 غرام
لازم الحبوب يكون مكتوب انها مصنوعة من قمح كامل whole wheat
مش يكون مكتوب عليها بس قمح wheat

وبس نختار نوع الحبوب المناسب بنخلطه مع حليب قليل الدسم ونضيف فوقه مجموعة من التوت البري او الفراولة

خبز كامل او توست مع ملعقة زبدة الفستق بننثر فوق هم بعض حبات الزبيب لتغيير الطعم(هون بنستغني عن حبة الفواكه)

ممكن أي ست بيت تخبز ببيتها بسكوت نخالة وتاكل منه كل صباح
او تشتريه من المخبز او من الماركت وتخليه دائما موجود بالبيت هاد احد خيارات الفطور الصحية وبناكل معه فواكه اي نوع

البيض وجبة كتير متكاملة واهم شي موجود فيه هو البروتين
الي عندها كوليسترول ممكن تستعين ببياض 3 بيضات او بيضتين بدون الصفار
والي ما عدنها أي مشكلة بيضة وحدة
وخيارت اكل البيض كتير متعددة
ممكن تاكليه مسلوق
او مقلي بزيت قليل
مخفوق ومقلي
ممكن تعملي اومليت وتضيفيله خضار <<بصل.. بازيلاء..كوسا.. بندورة


خليط فواكه مختلفة ممكن نعمله على الخلاط مع الحليب والعسل<<يفضل الاستغناء عن السكر

الخيارات متل ما ملاحظين سهلين جدا وبيضمنوا النا بداية صحية وقوية لاي يوم من ايامنا

ولما نفطر فطور صحي بيحتوي على الكاربوهيدرات المركبة والبروتين والدهون هاد رح يضمن انه نحنا ما رح نلجا لاي اكل غير صحي وعالي بالسعرات قبل ما نوصل لفترة الغداء
ومع الوقت رح نلاحظ التغيير بالصحة والوزن بس بمجرد تغيير عادة بسيطة من عاداتنا السيئة الكتيرة

هلا رح اعطيكم وصفة صحية وسهلة للحصول على فطور مفيد وسعراته مناسبة بنفس الوقت


خليط الموز وزبدة الفستق

المقادير:
1/2 كوب لبن قليل الدسم او لبن الفانيلا
حبة موز متوسطة مقسمة الى 4 اقسام
ملعقتين كبيرتين زبدة الفستق (peanut butter)
1.5 ملعقة كبيرة عسل
1/4 كوب مكعبات ثلج
1/2 كوب حليب خالي الدسم

نضيف جميع المكونات في خلاط ونخلطها الى ان تصبح ناعمة جدا
وتقدم كما هي
طبعا هذه الكمية تصنع وجبتين
سعرات كل وجبة كالآتي

الدهون 9.4 غرام
الكاربوهيدرات 30.3 غرام
الكالوري 229.9 كالوري
البروتين 9.7 غرام

اذا متل ما ملاحظين احتوت الوجبة على البروتين والدهون والكاربوهيدرات
وفيكم تعملوها سناك وتاكلوها بين الوجبات اذا جعتم
سعراتها مو كتيرة ومفيدة وسهلة

بعد ما سبق المفروض الكل الآن يلجا لوجبة الفطور لبداية يومه على اكمل واتم وجه وهيك بيكسب صحته الآن ومستقبلا وبيخسر وزنه اذا كان هدفه الخسارة
او بحافظ على وزنه اذا كان هدفه الحفاظ على وزنه

ان شالله تكونوا استفدتم من الموضوع والمعلومات
والله يديم علينا جميعا الصحة


إظهار التوقيع
توقيع : نسيم البحر
#2

افتراضي رد: فوائد الفطور الصباحي لجسمك

موضوع جميل
مشكوووورة وأحلى تقييم
إظهار التوقيع
توقيع : لؤلؤة الايمان
#3

افتراضي رد: فوائد الفطور الصباحي لجسمك

تسلمي يا نسيم
#4

افتراضي رد: فوائد الفطور الصباحي لجسمك

اشكررررك حبيبتى موضوعك رائع
إظهار التوقيع
توقيع : ام نيرة
#5

افتراضي رد: فوائد الفطور الصباحي لجسمك

رد: فوائد الفطور الصباحي لجسمك
إظهار التوقيع
توقيع : زهرة الاميرة
#6

افتراضي رد: فوائد الفطور الصباحي لجسمك

فعلا الموضوع جميل ومفيد
إظهار التوقيع
توقيع : عاشقة اولادى
#7

افتراضي رد: فوائد الفطور الصباحي لجسمك

شكرا لك غاليتى للطرح

بارك الله فيكى
إظهار التوقيع
توقيع : ريموووو
#8

افتراضي رد: فوائد الفطور الصباحي لجسمك

كلام حلو قوي مشكوره
#9

افتراضي رد: فوائد الفطور الصباحي لجسمك

رد: فوائد الفطور الصباحي لجسمك
إظهار التوقيع
توقيع : قوت القلوب 2
#10

افتراضي رد: فوائد الفطور الصباحي لجسمك

رد: فوائد الفطور الصباحي لجسمك
إظهار التوقيع
توقيع : ام هنا
#11

افتراضي رد: 11

تسلمى نسومه
ع النصائح الغاليه
#12

افتراضي رد: 11

رد: 11



الساعة الآن 03:39 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل