% يــــوم فى حــــياه عضــــــــوه %

السلام عليكم ورحمة الله وبركاتة
الموضوع جدا رائع ومشوق

البرنامجي اليومي

الصبح انهض اتجهز للدوام طبعا اولا اصلي بعدين ادوش
واروح اداوم من الساعة 7:30 الى 2:30 الظهر
اتغدى وانيم ابني
واذا ما نام اجلس معه
العصر اعمل تمارين رياضية لحد المغرب مع شرب كوب شاي اخضر
المغرب اعمل العشاء لحد الساعة 8:30 وبعدين اخذ ابني والعب معه شوية وانيمه ع الساعة 9:30
والساعة عشرة الى الساعة 11 اتفرغ لنفسي أعمل حمام زيت و استحم واناااااااام

طبعا انا فرحت انى اول واحدة هتكلم بصى بقى يا ستى انا بقوم الساعة عشرة مامتى بتيجى تصحينى وتجبلى حاجات الاكل تفطر جنى وتمشى وابتدى انا بقى يومى مع الاستاذة جنى اغيرلها واقعدها فى الارض والململها العب علشان تسكت وبعدين اقوم ارتب الشقة واجيب المكنسة واكنس بيها ومقلوكومش بقى على جنى تشد الفيشةواحطها وهكذا بنبقى عاملين ذى القط والفارواشغلها الاغانى ونقعد نهيص علشان تسكت وبعد ما اخلص بالمكنسة ادخل على المطبخ اغسل المواعين وامسح المطبخ بالطرقة وطبعا جنى تحبى وتبل هدومها وغير وهكذا وبعد ما اخلص مسيح اروح جايبة حاجة الاكل واحطها على صنية واوضبها واقوم اسلق اللحمة واو الفراخ على حسب يعنى اجهز كل الاكل واسيبة اسوية الساعة اربعة تكون ماما جات علشان تغدى جنى وتقوم جنى تعيط على تيتها تقوم ماما وخداها شوية اكون انا جهزت كل الاكل واقوم اجرى على الحمام واتشطف مش معقول يعنى لما زوجى يجى يلقينى زبالة كدة وكدة خلاص وبعد ما اخلص كل دة اتفاجئ ان فية غسيل اقوم اغسل يعنى بتاع ساعة ونصف تكون جنى لسا جاية واقعد انا وهى على السرير ذى ناقر ونقير اتصل بزوجى اشوفة هياخر ولا هيجى فى معادة واروح متصلى باصحابى نرغى ساعة ولا اتنين يكون برنامج المطبخ جى اقوم اجرى على الدولاب اجيب الكراسة والقلم واكتب وراة يخلص عالساعة اربعة اقوم بقى اجهز الاكل جوزى يجى الساعة خمسة يتشطف ويتغدى ونشرب الشاى ونقعد شوية ونلبس علشان نخرج اروح عندنا او عندهم نقعد شوية وبعدين اعدى عندنا علشان دة لازم افتح الكمبيوتركالعادة ونقعد لحد ما بابا يجى يشوف جنى ونمشى نشترى العشا ونروح وابدا بقى وقت الليل مع جنى على اللى بتعملة فيا نحضر العشا وتقوم هبشة الاكل يقع من على السفرة وانا اصوط وهاتك بقى لحد ما تنام الساعة واحدة خلاص فصلت والله نقعد شوية نتكلم وبعدين ابو جنى ينام وانا اقعد اكمل سهرتى مع التليفزيون اتفرج على برامج زى صبايا الخير اقعد اتفرج وعيط واخر ما ازهق اطفى واقوم ادور على حاجة حلوة اكلها واطفى النور واركب السرير واقعد ابوس جنى كالعادة وتبقى وحشانى قوى لما تنام وانام انا كمان وهكذا بقى كل يوم لكن فيى يوم مثلا كل شهر مثلا اروح عندهم عند حماتى ومبقاش عايزة كمان ويوم الجمعة اجازة بروح عند تيتة بتعتى انا من الصبح انا وماما كلنا اصل انا وجوزى ولاد عم وبيت باباة جنب بيت تيتة وخلاص وتوتة توتة فرغت الحدوتة حلوة ولا ملتوتة

اولا -شكرا عالموضوع الجميل دة
ثانيا -يمكن اخبى حاجات عشان تيجى لى باحلامى ودة ها يكون شرف كبير ليا
ثالثا -احس ايامى كلها ى بعض يعن اللى ابات فيى اصحى فية
لاننا فى المدارس فيبدأ يومى الساعة 7 صباحا اعمل لاولادى السندويتشات واسرح بنوتى الكبيرة روعة
والبس عشان اوصلهم المدرسة مدرستهم قريبة بس بخاف عليهم يروحوا اويجو لوحدهم
ساعات باباهم بيحن عليا ويوديهم هو
وبعد ما افطرة بينزل لشغلة عالساعة 9ونص كل يوم اقول هاادخل انام شوية قبل التوأم احمد وشهد مايصحو لكن افضل قاعدة معاكم عالكمبيوتر لغاية مالاقيهم صحيو عالضهر
وبعدين يبدأ الجدول اليومى عمل الاكل والترويق وضع الغسيل فى الغسالة وساعات احطة قبل مانام ولما اقوم انشرة وفى معظم الاوقات بحرص على ترويق الشقة وكنسها قبل ماانام
وطبعا لما بيصحو الصغار بيقلبوا كل شىء وكل لما اعمل حاجة كأنى ما عملتش اى حاجة
وطبعا موال افطارهم دا موال بيعذبونى ويطلعوا عينى لغاية ما ياكلو
وعلى الساعة 2 بتروح ماما الله يبارك لها تجيب روعة وخالد من المدرسة ويبدأ موال اخر هوالمذاكرة طبعا
وطبعا بظل اصرخ فى الجميع طول اليوم وصوتى يسمع الحيران مع انى زمان كان صوتى محدش بيسمعوة زى ما ماما بتقولى
بس اعمل اية هما مجننى وما حدش بيسمع الكلام من اول مرة
وبعدين لما والدهم بيجى نتغدى وارجع للعذاب تانى مع التوأم لغاية ما ياكلو وبعدين اكل انا
وعلى الساعة 10 ينام خالد وروعة واظل مع احمد وشهد على فكرة عمرهم 3 سنيين نفضل نناكف فى بعض لغاية الساعة واحدة وبعدين ندخل ننام بعد ما بكون نمت على روحى خالص
وعلى كدة كل يوم لكن فى الاجازة بيختلف الوضع لانى بسهر كتير لانى مدمنة سهر من ما كنت صغيرة بس دة اثر كتير على صحتى ونفسى ابطل سهر لكن موش بقدر..
ها اية رايك رغيت كتير موش كدة بس انا بحبكم كتير وبحب اتكلم معاكم

حلو كتير الموضوع يا نونا دائما اختياراتك مميزه

شوفى النشاط اليومى مش بيختلف كتير لانى بحب الروتين حتى برتب حعمل ايه ونظام اليوم قبل بيوم

الاول بصحى 7 مع جوزى افطره
وبعدين انام ساعه يا اما اواصل لاخر الليل
نبدا الشغل اصلى الصبح الاول فى الفتره دى اكون فتحت الكومبيوتر على عدلات طبعا
الف شويه فيه وبعدين اكلم ماما التليفون ده يومى طبعا
وانا بكلمها اروق الشقه
بعدين ادخل المطبخ اروق واطبخ
ولو فى غسيل اشغل الغساله وانشر
اطلع اصلى الضهر وبعده العصر وارجع تانى للكومبيوتر
شويه جوزى بييجى على 4 ونص نتغدى وعلى ما اروق واشيل الاكل تكون بقت 6 اصلى المغرب وارجع تانى
الروتين بقى بيختلف يوم الجمعه والسبت لانهم اجازه بنخرج بعد صلاه الضهر نتفسح ونتغدى بره
وباقى اليوم عادى بس هذا لا يمنع من وصلة الصريخ والصوت العالى اللى بيسمعها الجيران مع ابنى

بصي يا قمرررر انا حياتي بتختلف بين مصر والسعودية بالنسبة للسعودية اولا بستيقظ قبل الفجر بنصف سا عة اصلي قيام وبعدها الفجر وبعد كده ابدأ اصحي عمر وجاسمين ولادي هما في ابتدائى ووالدهم عشان يروحوا المدارس وبعدين اول ما ينزلوا اجررررررررري علي السرير انام وبعدين استيقظ الساعة 1 لان زوجي لازم يتغدا الساعة 2 وبعد الغداء ابدأ اغسل الاطباق والبوتوجاز بحبه دايما يكون نضيف لازم كل يوم انضفه اول بأول وبعد كده اكنس الشقة والمع وممكن لو في غسيل لاني هنافي السعودية عندي غسالة عادية وبعد كده لازم وضروري اشرب فنجان قهوة تركي واحيانا بيبقي عندي درس لبنات في ابتدائى كده ادرسهم وبعد كده ابدا ادرس ولادى وبعدين افتح النت علي طول علي عدلات وده بيبقي من تقريبا الساعة 5 لغاية الساعة مش عارفة علي حسب المهم اول ماتيجي الساعة 9 لازم ادخل المطبخ واطبخ علشان احضره لتاني يوم لأني مش بحب اطبخ الصبح خاااالص لانهم بيتغدوا بدرى وعلي فكرة انا طباخة شاطرة جدا وبعدين اجلس مع زوجي شوية نتكلم وبعدين نتعشي وبعدين كلهم يناموا ماعدا انا لازم اسهر اعمل ماسك لبشرتي واضع زيت جنين القمح بعده واضع لرموشي زيت خروع كل يوم كده وبعدين افتح النت وابدأ اقرأ في المواضيع عن علم النفس وتفسير الاحلام وماسكات البشرة لاني بحب القراءة جدا جدا لان دي هوايتي وبعد كدة انام او اواصل للفجر اما حياتي في مصر بتبقي شبيهة لكدة ايضا بس موضوع التنظيف بيبقي جامد جدا جدا جدالان دى شقتي بقي غير ال في الغربة وطبعا كل الايام تقريبا بقضيها عند والدتي لاني بشوفها شهر 7 و8 فقط بس تقريبا مانسيتش حاجةهههههه وطبعا انا لم احكي شيء علي ولادي لانهم اكتر حاجة مجننني وعايزة 10 ساعات احكي هما بيعملوا ايه لانهم اشقية جدا اه ونسيت اقولك ان زوجي بيضااايق جدا لما اجلس علي النت بس بحاول اجلس وهو نائم او مش موجود وبس كده يا قمرررررر وعارفة اني طولت معلش

عسل يا نونا كسرالنا الملل والله وعاملنل جو فى المنتدىاهاهاها نخش فى الجد حاضر

بصى بقى ياستى انا ام لتلاتة بنات ولكى ان تتخيلى بقى


اصحى الفجر نصلى ونفطر وخلافه اما ينزلوا نورا وجنى المدرسه
والاب السكين لس نايم جمب الحاجه بنتى الصغيره الانسه جودى



نصحى سى السيد بقى يتزل بالسلامه وكالعاده ادخل المنتدى اصبح بس

وبعدين ادخل انام شويه جمب الانسه اماتصحى على الضهر صلى وبجرى بقى ورا نفسى عشان


اخلص كل اللى ورايا انا معنديش مشكله فى البيت لانى ماشيه على جدول كل يوم بعمل اوضه وبيتى اصلاُ صغير مش كبير



بخلص تقريباُ العصر كل اللى ورايا واغديهم وانيمهم وافضلكوا شويه والله هى دى هوايتى


اعمل الشاى واقعد بعد صلاة العصر

بعدين بظروفها امايجى الافندى بتاعى اقوم غصب عنى واسيبكوا



ولو الظروف سمحت اقعد تانى مفيش بقى ومذاكرة البنات خدت منكو الوقت

افضل امحو اثار العدوان على الشقه بعد ما ينامو

واتقتل وانام

تصبحو على خير

أولاً أشكرك موضوع تححححفة
أنا بصحى الساعة 5 الفجر بصلي وأقول الأذكار مو دائماً على حسب الهداية
بعدها أعمل فنجان قهوة واقعد على عدلات

الصبح بصحي البنات مشان المدرسة وأبوهم يروحو

أعمل فنجان تاني مشان أجدد النشاط مع عدلات كيف لكان

للساعة 10 أو 11 بتنقطع الكهربا بقوم على شغل البيت من ترتيب وتنظيف وطبخ واصلي الظهر بتكون اجت ارجع على عدلات شي ساعة بجو البنات بقوم بغديهم واصلي العصر وارجع تاني للمسا بكون اجا زوجي بخلص وقتي عالكمبيوتر اذا قام عنه شوية بدخل بكسب الوقت والساعة 11 المسا بقوم عالنووووووووووم تصبحي على خير يا مدام نونا كتير نعست ومو قادة اكمل حكي ههههه

شكرا على موضوعك الجميل بس للاسف مش كل الايام شكل بعضها بالنسبه ليه فيه يوم فاضى وفيه يوم مشغولهمن 7 صباحا الى 7 مساء لمنا زهقت من الايام كلها مش عارفه الصراحه عن اى يوم احكى بس فى سوابت فى الايام كلها منها بنزل لحماتى كل يوم تقربيا من الساعه8.30الى12 واطبخ ليه واروق وانشر واغلسل المواعين عندى بعد مأطلع من عند حماتى وباليل اتفرج مع جوزى على التليفزيون وقبل منام اقرأ قران وانا الحمد لله بحفظ قران وبصلى وطبعا منساش اقولكم على عيالى والى عملنه فيه طول النهار ضرب فى بعض وانا ازعق واصدع مش طيقه حاجه واتوتر ده اليوم الفاضى الى مش بعمل فيه حاجه مع المذكره لبنتى بس هيه لسه فى الحضانه مذكره بسيطه جدا مش عارفه اما تروح المدرسه هعمل ايه ومش بيسمعوا الكلام خالص على فكره انا عندى بنتين بس 3 و6سنين حد يقولى ايه رايه فى اليوم ده

موضوعك مميز وجميل جداااا
شكراااا لكى
انا فى ايام الدراسة دى بصحى الساعة7 تقريبا افطر والبس وانزل الكلية وبعد المحاضرات اطلع ع الكورسات وبخلص على اذان المغرب كدا
واروح البيت اتغدى تكون العشاء اذنت اصل انا اكلى بطيئ هههههههه
واعد قدام الكمبيوتر حبه واقوم اذاكر واناااااااااام ولو معنديش كلية زى النهارده كدا بقوم افطر براحتى واساعد مع ماما فى البيت وكدا واعد ع الكمبيوتر واتفرج ع تى فى حبه وساعات بسهر للصبح طالما مفيش كلية

ههه

ليه الفضايح دى يامدام منونا؟؟

اصحى الساعه 5 اصحى بنتى ساره وحسين ابنى عشان يجهزوا ساره للمدرسه وحسين لشغله واصلى الفجر الساعه 6 اصحى ابراهيم وحسن وبعد مايجهزوا اوديهم المدرسه
لو رجعت وجوزى صاحى نفطر مع بعض ولو كان شغال طول الليل برجع يا ام اكون رايقه فبعمل لى كوبايت شاى واجى اعد معاكم فى عدلات واما اروح انام لى ساعتين تلاته ههههههه
طبعا لو جوزى صاحى مابقعد كتير على النت
الساعه 11 وقت العمل
انظف اكنس واغسل الحمامات وانتوا بكرامه
لو عندى شغل بالمطبخ اعمله من تنظيف وغسيل
انا بغسل الملابس وقت مايكون زوجى بره واغلب الاحيان بالليل
احضر الاكل على الساعه 12بعد ما اصلى الظهر
الساعه 2 نتغدى
اقعد مع الاولاد ومزاكره وتحضير
اقعد مع ابوهم لو كان صاحى
لان زوجى مالوش موعد معين للنوم
بحكم عمله
العصر لو زوجى هنا اقعد معاه لو نايم اجى اقعد معاكم فى عدلات
المغرب اصلى وارجع تانى

لحد الساعه 8
اعمل العشاء واعشى الاولاد اروق البيت تانى لو فى حاجه هنا ولا هنا

واقعد معاكم الى ماشاء الله
بنام متاخر
يعنى تقريبا وحده او وحده ونص

بس

موضوع حلو ولي عوده عشان اركزلكم بالي حكتبوه الى اللقاء

والله يا مدام نونا انا كنت بنقرأ ردودك ده انتي دمك زي العسسسسسل وبارك الله فيكي يا قمرررر

حبيبتى مدام نونا احنا كلنا اتكلمن وقلنا بنقضى يومنا ازاى
عايزين نعرف كمان حضرتك بتقضى يومك ازاى

يسلمووووووو على الموضوع الجامد دة وتم التثبيت ياقمررر
واسفة عشان اتاخرت عليكي ياقمربس يلة لسة فيها مش كدة
وانا بئة ياستي يومي احيانا من8 الصبح حسب سمسة امتى تصحى الي هية بنت اختي عمرها عشرة اشهر اختي تنزل للجامعة و ووالدتي تروح توصل اختي التانية وكمان اختي اتروح للمدرسة والدي يخرج للشغل وافضل انا وهية في البيت فالما تصحى اصحى معاها وافضل لحد ماتنام يجي على العشرة ونام معاها طبعا ههههههههههه ونفضل كدة لحد ال12 تقريبا اقوم كدة ارتي البيت وبعدها لوفي مجال افتح كدة عدلات وتجي الوحدة يبدواو تيجي مامتي واخواتي احيانا اكون نايمة واحيانا بكون قاعدة على العدلات وكدة وبعدها اقوم اصلي الظهر وبعدها اقوم احضراللغدا عشان ياكلوا وبعدها اصلي العصر ولو مافيش حد قاعد على نت اقعد انا واكييد على عدلات وبعدها يكون اذن المغرب اصلي وبعدها يكون جي والدي من الشغل فابدا اعمل العشاء يعني كدة من ال8 للتسعة وبعد ميتعشوا اقعد معاهم شوية والعب مع بنت اختي وتجي ال10 او ال11 بقوم على طووول لقعد معاكو وافضل مش مستمرة يعني حسب الطلبات ههههه ولما تيجي 12 ونص بيتصل خطيبي اتكلم معاه شوية يعني لحد1 وبعدها ارجع معاكوتاني وكدة بئة يومي وافضل اقعدة على عدلات للميذن الفجر اصلي وانام بئة

موضوع حلو وجميل واهنئكى عليه
بصى يا ستى انا بصحى من النوم الساعة 5 صاباحا اصلى
وبعدين احضر الفطار لبناتى واصحيهم الساعة الساعة 6
وبعدين جوزى يخدهم وينزلوا على المدرسة ولما ينزلوا
اشوف لو عندى غسيل اغسل او اجهز الطعام للغداء
اروق البيت ساعات انقل العفش من مكانة واغير فيه
وساعات لما ميكونش ورايا حاجة اخدها نوم لحد
الساعة 10 او 11 وبعدين البنات يجوا من المدرسة
يتغدو وبعدين نعض نعمل الواجبات المدرسية
والمذاكرة لحد الساعة 6 وبعدين راحة ولعب شوية
والعشا والنوم الساعة 8 وانا اسهر على النت
لحد لما ادوخ وانام ودة يومى

ايه دة يامدام نونا ربي يجعل ايامك سعيدة ديما ويخليك ولادك وجوزك وربي يعطيك العافية ياجمييييييييييل وبصرحة ضحكتيني اوي ههههههههههه بجملة دي خطيبك مظلوم معاكى يا بطه ساعه وحده بس يا مفتريه بكره يطلعو عليكى هههههههه
والله هوة الي يكون عاوز يروح ينام عشان الشغل بتاعو هههههههههههه ربي يخليكي ياعثل انتة ياجميييييل

واللة انا فرحانة جدا يا مدام نونة انك بتتواصلى مع الاعضاء واللة العظيم انا كان نفسى يكون لية اصحاب اتكلم معاهم وافضفض بس مكنتش عارفة اعمل اية

السلام عليكم ورحمة الله وبركاتة
انا سعيدة جدا لانى هيبقى عندى اصدقاء زيكم
انا بقى يومى روتينى جدا الساعة خمسة ونص اصحى بنتى للمدرسة وبعدين الساعة 6.10انزلها للباص على اول الشارع وبعدين ارجع اصحى زوجى علشان شغلة وبعد كدة انزل ابنى على الحضانة الساعة التاسعة وبعد كدة ارجع اوضب الشقة واعمل الغدا وبعد كدة انزل اجيب الولد من الحضانة الساعة 2 ونعد نعمل الواجبات وننتظر زوجى حتى يرجع من الشغل ونتغدا مع بعض وبعد كدة نتفرج على التليفزيون والاولاد يلعبوا وبعدين اعشيهم ونام

يعطيك العافية طرح مميز