مسجات من موبایلی!

سلام علیکم عدولاتی .


فکرت اکتبلکم کم رساله احوازیه من الی اصحابی یبعتوها لی ،اذا حبیتو وشرفتونی اقرئوها


گلبت اوراق عمری ،لگیت ایام ماضینا
بچت عینی وبچت روحی علی ماکان یجمعنا
ترجیت الزمن یرجع عشان امسح مدامعنا
لگیت ان العمر یمشیوموسامع مواجعنا
عرفت ان الزمن رحال ولاراضی یرجعنا



ای والیحاسبنی باچر بلگبر منکره
مایوم طیبک نسیته وللابد منکره
یابو الوفه اشها الجفه اشهاذ الزعل منکره
یاسید ارجوک باب الواصلک حله
طبعک حله ویاهله ابطبع الالک حله
یا لابس امنلفهم وامنلحلم حله
منبعدک العین ماشبعت تره منکره



احبکم چلمه حلوه ابکل وجه تنگال
وحرام الچلمه های الغیرک احچیهه
تدری الشوفتک ناذر نذر لوجیت
اسوی الروح دمعه ویمک ابچیهه


ابظهاری الصیف من غبتو بردنه
ومثل طفل البره ادموعه بردنه
مبرد لیل وحشتکم بردنه
اضلوعی والگلب حزهن سویه


نسیم الشوق الک فرات فرقد
عدل واضوه ابجبینک نجم فرقد
إلک حبیبی فرشت الجفن فرقد
دنام ابناظری نوما هنیه




خلینی اعله بالک من یجی الیل
واذکرنی ابحلم من تغمض اعیونک
افراگ الناس سهله وفرگتک یاویل
وعمت عین النهار الیمر من دونک




نامت اعیونی ابحلمها وجیت ازورک یا جمیل
تدری انه اهوای احبک ولجلک اعمل مستحیل
انته یا مالک شعوری وناظری وحتی الدلیل
صرت دم شریان گلبی وماکومن عندک مثیل
تدری حبک سودنانی والگلب عندک علیل
جای یترجاک بلحب لوتقبله ایضل دخیل
ماشفت مثلک حبیبی ولو شفت کلش قلیل....




تمنیت الوکت علدوم یسراک
وعله درب المحبه دوم یسراک
عسه یمناک ماتحتاج یسراک
وماتحتاج غیر الله تچیه



اشگد اکسر الخاطر وانته مو موجود
وحزینه الروح صدگ وانته مو یمی
مثل طفله یتیمه وتایهه ابسوگ
اشما تمرگ عبایه اتگول های امی



اذا دمعک جره وماکفته العین
ابچی اعیونی حتی تکفی احزانک
واذا انته اتعبت فد یوم ویای
امد عمری جسر وما انکر احسانک
واذا وکتک لواک وگلت ارید اخوان
اصطرلک اضلوعی اتصیر خوانک
واذا انته صرت سالوفه للطیبین
اصیرن هیل وگهوه ابوصط دیوانک




ماعوفک ابد ماخذ عهد علروح
وقابل لو حطب بلنار ترمینی
اتنفس هواک ابزحمت الدخان
واگولن هم یحن گلبه ویطفینی؟
موثوب وینزعک جسمی حتی ارتاح
ولا کل یوم طبعی ابثوب تلگینی
ما ادور گمت عزت نفس ویاک
بس ینجاب طاری اسمک یبچینی







فعلا یکفی اذا حبیتو قیمونی