أو

الدخول بواسطة حسابك بمواقع التواصل

#1

بالخل والليمون.. نظافة ولمعان مضمون!!

بالخل والليمون.. نظافة ولمعان مضمون!!



بالخل والليمون.. نظافة ولمعان مضمون!!تخلصي من البقع الصعبة بالخل والليمون



إذا كانت بتواجهك أي مشكلة مع البقع والأوساخ، وبتقفي ساعات كثيرة عاجزة عن إنك تتخلّصي منها...

دلوقتي مع الخل هتلاقي إن إزالتها هتكون في منتهى السهولة زي ما هنشوف مع بعض:

نظّفي بالخل
من زمان وإحنا بنستخدم الخل في الأكل، وساعات لتنظيف أنواع معينة من الطعام زي الفراخ، والأسماك، لكن النهارده حبيت إني أجيب لك أكثر من طريقة علشان تستخدمي فيها الخل للتنظيف...


  • للتخلص من الروائح الكريهة في الحوض
ذوّبي قطعة خميرة في كوب ماء، وبعد كده اخلطيها مع كوب خل ساخن، واسكبي الخليط ده في الحوض، وسيبيه لمدة لا تقل عن 5 دقائق، ثم اشطفيه بماء ساخن.


  • للتخلّص من رائحة القمامة
بعد ما تتخلّصي من أكياس القمامة اللي بتسيب في صندوقك رائحة كريهة، هاتي الخل واعملي منه مكعبات ثلجية عن طريق وضعه في الفريزر، وبعد كده سيبي بعض من المكعبات دي في صندوق القمامة الخاص بك، مع بعض الماء البارد لمدة ساعتين، واشطفيهم بالماء الفاتر.


  • لتنظيف الثلاجة
استخدمي خليط مكوّن من 50% من الماء الفاتر و50% من الخل، وبقماشة نظيفة بلليها بالخليط، وامسحي بيها أرفف الثلاجة والجوانب الداخلية والخارجية.


  • لتنظيف غسالة الأطباق من الروائح الكريهة وبواقي الصابون
صبّي كوب من الخل داخل المكان المخصص في وضع الصابون أو مادة التنظيف في الغسالة، وهي خالية من الأطباق، وشغّليها في دورة كاملة، وتقدري تعملي الطريقة دي مرة واحدة في الشهر.


  • لإزالة الشحوم من على الفرن
لو كانت عندك بقع وزيوت وشحوم على سطح البوتاجاز أو الفرن، تقدري تشيليها عن طريق إنك ترشي بعض الخل على البقع دي مباشرة، وتسيبيها لمدة 5 دقائق، وبعد كده تمسحيها بقطعة قماش نظيفة.


  • لإعادة البريق للأواني الزجاجية
لو كان عندك بعض الزجاجات أو الأواني الزجاجية القديمة، واللي راح منها بريقها ولمعانها تقدري ترجعي لها بريقها ولمعانها مرة ثانية عن طريق إنك تجيبي قطعة قماش، وتبلليها بالخل الممزوج بالماء، وبعد كده تشطفيها بالماء الساخن.


  • لتنظيف براد الشاي
ساعات بتلاقي إن براد الشاي بيبقى شكله قديم من كتر الاستخدام، وبيكون عليه ترسبات جيرية، وعلشان تضيّعي الترسبات دي وتجددي شكله، تقدري تحطّي في البراد كوب من الخل، وتسيبيه يغلي جوه البراد، وبعد كده سيبيه يبرد، وامسحيه بأسفنجة نظيفة واشطفيه بالماء الفاتر.






  • لإزالة بواقي الأكل الملتصق في أواني الألومنيوم
تقدري تضيّعي البقع المزعجة الناتجة عن لزق أو احتراق الطعام في الأواني الألومنيوم، عن طريق إنك تغلي فيها كوب من الخل المخلوط بكوب ماء.


  • للتقليل من إزعاج النمل
رشّي بعض قطرات الخل على أماكن دخول النمل؛ زي فتحات الأبواب، والشبابيك، والشقوق الصغيرة في الحوائط، وأي مكان لاحظتي إنه بيدخل منه النمل.


  • لتنظيف فتاحات الزجاجات والعلب
بواسطة فرشاة أسنان قديمة عندك تقدري إنك تستخدمي الخل لتنظيف فتاحات الزجاجات والعلب، وده عن طريق إنك تغمسي الفرشاة في الخل، وتفركي بيها الفتاحة.


  • لتنظيف الدش
هتقدري دلوقتي تنظّفي الدهون والأوساخ الموجودة على الدش؛ عن طريق إنك تملئي نصف كوب بالخميرة ونصف كوب من الخل، وامزجيهم مع بعض، وبعد كده حطيه على الدش وسيبيه لمدة ساعة، وافركيها بفرشاة أسنان قديمة واشطفيها بالماء.


  • لتنظيف قاعدة الحمام
صبّي فنجالين من الخل داخل الحمام في الليل قبل أن تذهبي للنوم، واتركيه طوال الليل، وفي النهار افركيه بفرشاة التنظيف الخاصة، واسكبي عليه الماء لتحصلي على قاعدة حمام لامعة.


  • لتنظيف الميكرويف
ضعي وعاء فيه خليط مكوّن من 2 كوب ماء، و1/ 2 كوب خل، داخل جهاز الميكرويف واشعليه، وسيبيه يغلي لمدة 5 دقائق، وبعد كده هتلاحظي إن بخار الماء هيترسّب على جدران الميكرويف من الداخل، علشان كده اغلقي باب الميكرويف لمدة 5 دقائق أخرى، ثم امسحي الميكرويف بأسفنجة جافة.


نظّفي بالليمون
المعروف عن الليمون أنه بيساعد في التنظيف، وبتستخدمه شركات منظفات كثيرة أوي في حملاتها الإعلانية، والنهارده حبيت إني أقول لك على أكثر من طريقة تقدري تستخدمي فيها الليمون وتنظّفي بيها:


  • لتنظيف المفارش والجوارب المتسخة
هاتي وعاء كبير، واملئيه بالماء و3 ليمونات مقطعة شرائح وسيبيه يغلي، واطفي النار عليه، وانقعي فيه هدومك المتسخة لمدة ساعة، وبعد كده اغسليه بالطريقة العادية.


  • لتنظيف ولمعان أدوات المائدة
ادعكيها بالليمون جيداً، وبعد كده اغسليها بالماء والصابون.


  • لتنظيف السيراميك
اخلطي نص كوب من عصير الليمون مع معلقتين خل، وامزجيهم بالميه، وهاتي أسفنجة أو ليفة، وامسحي السيراميك بالخليط ده.


  • للمعان أواني الألومنيوم
هاتي قشر الليمون، وافركي بيه أواني الألومنيوم اللي لونها اتغيّر وراح منها البريق، وبعد كده اغسليها بالماء والصابون، وهتلاقي لمعانها رجع تاني.


  • للحصول على لمعان ورائحة منعشة للأطباق
ضيفي نصف كوب من عصير الليمون لغسالة الأطباق في درج الصابون خلال دورة الشطف.


  • لتلميع الزجاج وتطهير الأرضيات من الجراثيم
تقدري تعملي الخليط ده، وتمسحي بيه الزجاج، وتطهري بيه الأسطح والأرضيات من الجراثيم والميكروبات، وهو بيتكوّن من مقدار متساوي من الماء والليمون، وحطيه في زجاجة مزوّدة ببخاخة، ورجّيهم كويس، وابتدي رشّي من الخليط ده على المكان اللي عايزة تنظفيه، وبعد كده امسحي بفوطة نظيفة.


  • للتخلّص من العفن وأوساخ البلاط
دلوقتي هتقدري تتخلّصي من العفن اللي بينمو بين شقوق البلاط والسيراميك؛ سواء في الحمام أو المطبخ عن طريق إنك تجيبي عصير ليمونتين مع ملعقة ملح كبيرة، وتخلطيهم مع بعض، وتفركي بيه المناطق دي، وبعد كده تشطفيها بماء فاتر.

منقول


إظهار التوقيع
توقيع : ام نونا
#2

افتراضي رد: بالخل والليمون.. نظافة ولمعان مضمون!!

معلومات قيمه انا كمان بحطه مع مسحوق عساله الطباق يطهر الطباق
#3

افتراضي رد: بالخل والليمون.. نظافة ولمعان مضمون!!

تسلم ايديك.ربنا مايحرمنا منك
إظهار التوقيع
توقيع : لؤلؤة حوران
#4

افتراضي رد: بالخل والليمون.. نظافة ولمعان مضمون!!

الف شكر
إظهار التوقيع
توقيع : هبه شلبي
#5

افتراضي رد: بالخل والليمون.. نظافة ولمعان مضمون!!

شكرا لك غاليتى

بارك الله فيكى

رد: بالخل والليمون.. نظافة ولمعان مضمون!!
إظهار التوقيع
توقيع : ريموووو
#6

افتراضي رد: بالخل والليمون.. نظافة ولمعان مضمون!!

الف شكر


توقيع » هبه شلبى
رد: بالخل والليمون.. نظافة ولمعان مضمون!!
إظهار التوقيع
توقيع : قوت القلوب 2
#7

افتراضي رد: بالخل والليمون.. نظافة ولمعان مضمون!!

تسلمى انا كمان بستعملهم فى حاجات كتير
إظهار التوقيع
توقيع : حبى لربى
#8

افتراضي رد: بالخل والليمون.. نظافة ولمعان مضمون!!

تسلمي يا جميلة

منتظرين جديدك دايماً
إظهار التوقيع
توقيع : sweet flower


قد تكوني مهتمة بالمواضيع التالية ايضاً
الموضوع كاتب الموضوع المنتدى
أجمل ألوان طلاء الأظافر 2025 ، اختاآري لونكـ المفضل ~ نَقاء الرُّوح ميك اب ومكياج
رجيم الماء والليمون لتخسيس 10 كيلو, رجيم الماء والليمون لتخسيس 10 كيلو في شهر العدولة هدير طرق التخسيس وانقاص الوزن
مشروب الموز والليمون لخساره الوزن , عصير الموز والليمون للرجيم ريموووو اكلات للرجيم واطباق صحية
موضوع تعبير عن النظافة والنظام ANA HEND موضوعات تعبير
شركة تنظيف فلل بالرياض المتحـــــــــــدة شركة نظافة عامة للمنازل mmali سوق عدلات النسائي العام


الساعة الآن 05:51 PM

الاتصال بنا - عدلات - أعلي الصفحة

جميع المشاركات تمثل وجهة نظر كاتبها وليس بالضرورة وجهة نظر الموقع


التسجيل بواسطة حسابك بمواقع التواصل